- די אלטע נאמען און לאגא
- ING.png (22.01 KiB) געזען 2976 מאל
ING Canada - געגרינדעט אום 1997 דורך די האלאנדישע מולטינאציאנאלע טאטע פירמע
ING Group - איז א ריטעיל באנק אין קאנאדא מיט איבער 1.8 מיליאן קאסטומערס, בערך 900 אנגעשטעלטע און איבער $38 ביליאן אין פארמעגנס. אום אוגוסט 2012 איז געמאלדען געווארן אז די קאנאדא באזירטע
סקאושיעבאנק (scotiabank) קויפט אפ ׳איי ען דשי דיירעקט קאנאדא׳ און א טייל פון די געשעפט איז געווען אויפצולעזען די ׳איי ען דשי דירעקט׳ נאמען ביז 18 חדשים.
לעצטע וואך האט ׳איי ען דשי דירעקט - קאנאדא׳ באקאנט געמאכט זייער נייע נאמען,
׳טענדשערין׳, וועלכע וועט אריינגיין אין קראפט קומענדיגע פרילינג (2014). די נייע נאמען איז געגעבען געווארן דורך די קאנאדא באזירטע
לעקסיקאן ברענדינג פירמע, די לאגא איז דעזיינט דורך די טאראנטא, קאנאדא באזירטע קריעטיוו אגענטור
קאנקריט, און די אדווערטייזינג וועט ווערן באהאנדעלט דורך א צווייטע אדווערטייזינג פירמע אין טראראנטא, קאנאדא
דזאהן סט..
- Tangerine
- TAN.png (17.94 KiB) געזען 2976 מאל
די נאמען די נאמען ׳איי ען דשי׳ האט גענוג שלאגקראפט ארום די וועלט און מיטן זיך שטעלן דערויף אז די קאנאדישע באנק זאל נישט קענען האלטען די נאמען האט דאס באדייט אז זיי וועלן אדער מוזן אויפקומען מיט עפעס ניי און גרויס, אדער דזשענעריק און אומבא׳חנ׳ט אזוי ווי רוב בענק טוען (באזירט אויף די איינרעדעניש אז בענק דארף אויסזען ערענסט און לאנגווייליג ווייל זיי האנדלען מיט ׳וויכטיגע׳ זאכן, ווי למשל... געלט).
למעשה זענען זיי געגאנגען גרויס. מיט אויסוועלן די נאמען ׳טענדשערין׳ האבן זיי געטוען א גרויסע, געוואגטע שריט ווייל די נאמען רופט ארויס אסאך קריטיק, גוטע און שלעכטע. עס איז נישט נאך א באדייטלאזע אקראנים אדער די לעצטע נאמען פון אן אלטען רייכען שייסער, אדער א פרישגעבאקענע נאמען ווי קלינעקס. ניין, עס איז א פרוכט. א קליינע, זיסע פרוכט.
יעדער ווייסט וואס א טענדשערין איז, און א טענדשערין שטעלט טאקע נישט אויס קיין קרעדיט קארדס... אבער ווי לענגער מען געוואוינט זיך צו צום נאמען איז עס גאר אן איינדרוקספולע ציענדע נאמען. מען געדענק עס גוט. עס שטארט ארויס אין די באנק סעקטאר. ס׳איז ׳אינטערעסאנט׳. מ׳קען זיך אפשר ווואונדערן צו די קונדען וועלן עס גלייכן און עס רעספעקטירען, אדער וועלן זיי זיך שעמען מיטן נוצען א באנק וועלכע האט א נאמען נאך א פרוכט. אבער ווי מ׳האט שוין נאכגעהערט פון פארשידענע קליענטן זאגן זיי אז זיי גלייכן די פרישקייט פון די נאמען (נאר עפעל בענק מעג?!).
די לאגא און אז די נאמען איז אזוי באָלד און דרייסט האט די לאגא גענומען מער א געלאסענעם און זיכערן שטימונג, פילייכט צו בארואיגען די פאקט אז די נאמען איז גענוג ארויסגעשטארצט. די פאנט איז א רואיגע סאנס סעריף, די ווארדמארק אותיות זענען ענג צושפרייט און ענדיגט זיך מיט אן אומבאמערקענסווערדע פייל וואס גייט שיעף ארויף.
פארשטייט זיך אז איר ווארט דא צו הערן הסברים אז די עראו צו רעכטס מיינט ׳פאראויס׳ אז עס איז געבויגען אויף ארויף באדייט ׳הויכקלאסיש׳... בלא בלא בלא. עס איז נישט אינטעראסאנט. איך פארשטיי נישט פארוואס זיי האבן אויסגעוועלט צו בלייבן מיטן עראו פון די אלטע לאגא, אויב האט מען אפגעמאכט אז מען האלט נישט די אלטע ברענד פארוואס פונקט אזא שוואכע עלעמענט האבן זיי יא געהאלטן, איז די אראנדזשע קאליר אליין נישט גענוג?
די לאגא מוז טאקע נישט זיין ווילדע אנגעבלאזענע לאגא און עס דארף נישט האבן קיין געמאלענעם טענדזשערין, אבער עס וואלט געמעגט האבן מער אן ענליכע געוואגטקייט צו די נאמען. מעגליך אז ווען די אדווערטייזימענט און נייע אפליקעישאנס וועלן ארויסגעלאזט ווערן וועלן זיך זאכן שטעלן און פלאץ.
ביים דורכפאלן דריי מאל דערלייגט מען ווייניגער ווי ביים פרובירן קיין מאל.
