דער ספר הייסט "אין לו להקב"ה בעולמו אלא ד' אמות של הלכה בלבד", דער ספר איז רשימות מנהגים וואס א אייניקל האט אפגעשריבן פאר זיך, זייער פונקטליכע און דעטאלירטע מנהגים, מנהגים וואס מ'כאפט נישט אויבן אויף אז ס'איז א מנהג עפ"י דקדוק הלכה.
די רשימות זענען איבערגעקוקט געווארען דורך הגר"ח זעלבסט בשנת תשס"ז, און ער האט עס מגיה געווען בכת"י, אזוי ווי מ'קען זען אינעם ספר. און זינט דאן האט דער אייניקל שוין מוסיף געווען פילע מנהגים, און ס'איז איבערגעקוט געווארן דורך זיין זון הגאון ר' יצחק שאול שליט"א, און דורך זיין איידעם ר' מנשה שטיינמאן (בנו של הגראי"ל).
און דער עיקר חידוש, אז זיי האבן צוגעלייגט ביי זייער אסאך מנהגים בילדער וויאזוי ער איז מקיים די הלכה אדער מנהג, לדוגמא, אז ער זאגט תיקון חצות, ער גרייט זיך אן נעגל וואסער און פארמאכטע כלים כדי ס'זאל נישט זיין "גילוי", און אפילו א בילד וויאזוי ער דעקט זיך צו דעם פנים ווען מ'כאפט א בילד פון עם (אריין אין נישט כאפן בילדער אשכול...)..., וכו' וכו'
דער ספר באשטייט פון קפ"ז פרקים, און ס'איז מנהגים אויף ד' חלקי שלחן ערוך.
דער מו"ל האט אויך ארויסגעגעבן דעם געלונגעם ספר "ויאמר הנני" - די תולדות פון הגאון ר' אברהם גנחובסקי ז"ל. און ער דערמאנט דאס מעבר לשער של הספר.
שטעלט'ס ענק פאר מחזור דברי יואל איבערגעקוקט דורך רבי'ן זי"ע מיט זיינע הגהות, און מיט בילדער אויף אלע מנהגים...
רבותי! ס'קומט א נייע עפאכע, עט'ס האט'ס געמיינט א די חסידים וועלען זיין ערשט מיט אזא ספר, ביזדערווייל האב'ן די ליטאים אונז אויסגעכאפט, יעצט קען מען זיך רישען אז ס'גייען אנהייבן ארויסצוקומען פיל מיט אזעלכע חיבורים.
למעשה, ברענגט עס א שטארקע התעוררות פון איין זייט, ווען מ'זעט ווי א איד בדורינו איז א שטיק תורה, יעדער ריר איז תורה.
ווי אויך קוקט מיר אויס אז דאס געבן רשות ארויסצוגעבן אזא ספר איז א חלק פון אן אנגייענדע פארזוך פון זיינע קינדער, בעיקר פון ר' יצחק שאול, אוועק צונעמען פון ר' חיים שליט"א דעם אימעדזש אז ער איז סתם א באבאא וואס געט ברכות א גאנצען טאג, און איז פארנומען מיט קופת העיר..., אזוי ווי ער האט זיך שטארק אויסגערעדט אין משפחה מאגזין אויף סוכות, ממילא האפן זיי אז דורך באשרייבן זיינע סדר ומנהגי יום יום עפ"י דקדוק הלכה און ווייזן פילע אינטערסאנטע בילדער וואס צייגט אויף דעם ענין, דאס וועט ארייקריצן אין די מוחות די ריכטיגע אימעדזש וואס זיי ווילן.
- אחורי הספר
