טויזנט דאלער קנס פארלאנגט פאר "מרכז המוסדות"

[אךשמח]

איך האב באקומען דעם צעטל אונטערצושרייבן אז איך פארמאג נישט קיין אינטערנעט, און אויב יא בלויז מיט א פילטער, און קלערנדיג אויב איך זאל אונטערשרייבן א זאך וואס איך ווייס נישט אויב איך גיי זיך פולשטענדיג צושטעלן אדער נאר געצווינגענערהייט איז מיר די אלע ספיקות צורינען ליינענדיג די לעצטע שורה:

בנוסף לזה וועלן די עלטערן מוזן באצאלן פארן אפיס פון מרכז המוסדות די סכום פון $1000 (דאס געלט וועט גענוצט ווערן אויף צו האלטן די אפיס פון מרכז המוסדות, איבריגע געלט וועט גיין פאר צדקה).

הייסט עס אז מ’האט געטראפן נאך א מקום צו רייטן אויפן עולם און ארויספרעסן געלט.

[אךשמח]

דער א.ג. מרכז המוסדות האט שוין צוטריט צו מיין סעלפאן?

עטליכע פאראגראפן איז מיר ארויסגעשניטן געווארן.

[אךשמח]

ווייסט איינער מער פרטים איבער די פרישע גניבה?

ווער גייט קאלעקטן דאס געלט?

די מוסדות מוטשען זיך צו קאלעקטן די שכר לימוד, זענען זיי אינטערעסירט אין פרישע קאפ וויי?

בכלל, די וואס האבן נישט קיין אינטערנעט דארפן דען צאלן, און די וואס האבן יא, זענען אינטערעסירט צו צאלן??

[leiby]

קוקט אויס ווי א סקעם

[בעל תוקע]

קען איינער ביטע ארויף לייגען דאס צעטעל דא, טענקס

[אךשמח]

1#

[אךשמח]

איינער האט מיר געשיקט איבערליינען דעם צעטל, און כ'האב באמערקט אז אין ערב יו"ט איילעניש האב איך פארזען אז דאס איז בלויז פאר די וואס "מ'כאפט ביי די מעשה" און זיי האבן יא אינטערנעט, וואס דאן וועלן זיי דארפן באצאלן קנס.

[אויפריכטיג]

איך האב דאס פארשטאנען אן דעם וואס דו האסט דאס געשריבן.

[בעל תוקע]

מיין מיינונג איז אז די גאנצע זאך איז א פאריקטע ציגאנג, כאילו מען האנדעלט דא מיט בחורים אין א דארמיטארי, זיי ווילען נאך גיין צים טלפון קאמפאני,
כ'ווייס נישט פינקטליך ווער ס'האט זיי געגעבען די רעכט צי אריינשטעקען די נאז אין יענעם'ס פריוואטקייט אויף אזא אופן,
ציפעליג ווייס איך ווער עס שטייט אינטער די גאנצע זאך, אין ווען מען ווייסט דאס פארשטייט מען אז לויט יענע קהלה'ס געדאנקען גאנג שטימט עס שוין בעסער,
די ווינדער איז נאר אז די אנדערע קהלות לאזען זיך פיהרען פין זיי אויף אזא נישט שכל'דיגע וועג

[דער תהילים איד]

בעל תוקע, ליינענדיג דיין ערשטער פאראגראף האב איך געקלרט צו גיבן מיין אנטווארט מיט שטיצע פאר דעם פלאן.

אבער ליינענדיג די צווייטע, האב איך געזעהן אז דיין מיינונג קומט נישט מכח פארשטאנד אדער מיינונג אין 'די' נושא, נאר מכח א געוויסע שיטה, ושתיקה בתרין.

[אךשמח]

וואס אן אמת, קיינער ווייסט נישט ווי עס וועט זיך אויסקאכן מיט דעם נייעם מהלך. יש אומרים אז דאס איז א נייער סארט טעראר, און אנדערע זאגן אז ס'איז בבחינת כופין עד שיאמר רוצה אני. ווידער זענען דא וואס זענען ביי דער מיינונג אז ס'נישטא קיין ברירה און נוצן די קינדער אלס שטעקן צו פארבעסערן די עלטערן איז דער בעסטער מיטל.

ס'קלאר אז נישט אלץ וואס ארבעט ביי איין קרייז וועט ארבעטן פארן כלל.

בכלל זעט מיר אויס אז די מערכה איז בעיקר געצילט קעגן די סעלפאנס, און אינטערנעט אינדערהיים איז בלויז אריינגעשטעלט אגב אורחה, און ס'ניטא קיין וועג דאס אויסצוגעפונען, אנדערש ווי ביים סעלפאן וואס מען קען אנפרעגן די סעלפאן קאמפאני און וואס זיי פלאנען טאקע צו טאן.

חברה, ס'קומט אינטערעסאנטע צייטן.

[מי חכם]

מען קען אנפרעגן ביי ווערייזאן, צי דו האסט נישט קיין אינטערנעט דורך זיי. איה"נ, אויב האסטו אינטערנעט דורך א אינדערע סערוויס פראוויידער, איז עס אביסעלע שווערער, אבער אויך נישט געפערליך. מען וועט איינשפאנען טוצן מיט עסקנים (ווי געשמועסט איז דאך שוין דא א מקור הכנסה...) און מען וועט דורך גיין יעדנס אקאונט באזונדער, ביי אלע סערוויס פראוויידערס אין די געגנט.

די שאלה איז מער, צי לעגאל האבן די חתימות א תוקף, און די קאמפאניס וועלן טאקע ארויסגעבן פאר זיי אינפא. (ווי אויך קען זיין אז מען קען אריין רופן די סערוויס פראוויידער און מאכן א מסירת מודעה... אדער הייסן זיי זאלן ענטפערן פאר אלע וואס פרעגן אז ניין, דו האסט נישט.)

איך זע נישט קיין טעראר אין דעם מהלך. ס'איז כו"ע מודי אז אומגעפילטערטער אינטערנעט טויג נישט. די שאלה איז צי זיי גייען מיטן קאפ אין די וואנט אריין, (ווי איך האב אנגעמערקט אין אן אנדערן אשכול איבער די פראגע פון "געפילטערטע" אינטערנעט אינדערהיים). ווא דאן וועט עס קראכן. אדער זיי ארבעטן מיט פארשטענדעניש, לאסור את האסור און אין די זעלבע צייט להתיר את המותר והנצרך.

איינער קען אריין סקענען די גאנצע פראגע בויגן?

[משנה מקום]

יש אומרים אז דאס איז א נייער סארט טעראר, און אנדערע זאגן אז ס'איז בבחינת כופין עד שיאמר רוצה אני. ווידער זענען דא וואס זענען ביי דער מיינונג אז ס'נישטא קיין ברירה און נוצן די קינדער אלס שטעקן צו פארבעסערן די עלטערן איז דער בעסטער מיטל.

איך האלט אז סדארף סתם אזוי גיין דורך די מוסדות וייל זיי זענען אחראי אז א טאטע וואס וויל היטען אויף זיינע קינדער זאל האבען די מעגליכקייט. נישט אז א קינד וואס האט געזעהן כל דבר אסור אינדערהיים זאל קאליע לייגען זיינע קינדער

[משנה מקום]

דאפעלט איך האב געמיינט אז עס געשענט נאר ביי די בלעקבעריס

[שנאפס]

א גוטע עצה וואלט געווען מען זאל מוזן ווייזן די סטעיטמענט פון דזשעי נעט אדער אנדערע פילטערס

[derech eretz]

ווייסט איינער אויב די פראגע בויגן איז שוין אנגעקומען צו אלע געגענטער וויליאמסבורג מאנרא מאנסי וכו'?

[אךשמח]

פארוואס טאקע זענען די בני חוץ לארץ אזוי שווער צו ארבעטן אויף?

[שטארק זיך]

ווידעראמאל ארויסברענגן:
מוסדות התורה אין א״י פארלאנגן אז די עלטערן מוזן פארמאגן א כשר פאון, און דאס איז אזאך וואס אין א״י קען מען נאכגיין, וויבאלד די מאושר פלאפלאונס האבן אן עקסקלוסיווע נומער וועלעכע מען קען נאר האבן אויף מאושר פאונס. און דעם נומער דארף מען אריינשרייבן אין די אפליקאציע פון די מוסדות.

טראץ דעם וואס עס איז א טיילווייזע רעטטונג, וויבאלד עס איז א בושה ארויסצונעמען אן איי-פאון בלעקבעררי וכו׳ אין בית מדרש; דאך האט א גרויסער עולם טריפה-פאונס (טייל פאר פרנסה און טייל פאר שוואוילטאג, פונקט וואו איבעראל). אין כמובן, דארף דער נומער נישר פארצייכענט ווערען אין די אפליקאציע... 

[גרויזאמער]

עס איז מורא'דיג גרינג אויסצוגעפונען פון א קינד אויב מען האט א קאמפיוטער און אינטערנעט אינדערהיים, און נאכמער גרינגער איז עס ווען די עלטערן ווארענען אן דאס קינד נישט אויסצוזאגן.

[אךשמח]

עס איז מורא'דיג גרינג אויסצוגעפונען פון א קינד אויב מען האט א קאמפיוטער און אינטערנעט אינדערהיים, און נאכמער גרינגער איז עס ווען די עלטערן ווארענען אן דאס קינד נישט אויסצוזאגן.

ריכטיג. די שאלה איז אויב די דורכגעפאלענע קאמוניסטישע מהלך קען ארבעטן דא אין אמעריקע.

למעשה, האב איך געהערט אז אין די הויפטקווארטיר פון דעם ״מרכז המוסדות” הערשט א געפערליכע צומישעניש און פארלוירנקייט, וויסנדיג אז זיי האבן דערווייל נישט געטראפן דעם מהלך ווי אזוי אפצושטעלן דעם געפערליכן מהרס וואס האט שוין פאראומגליקליכט אומצאליגע שטובער השם ירחם.

[בלעקבערי פען]

אויף למעשה איז שטיל געווארען די גאצע פלאן?
סאיז דא פרישע פלערנער?

[געלעגער]

שוין גארנישט שטיל. זיי ארבעטן אויף קעסל כלים. די פלאן איז נענטער וואו ווייטער. פרטים יבואו

[בלעקבערי פען]

נא גיב איבער וואס די פלאן איז
און בכלל וואס גייען זיי טאן מיט די אלע וואס האבען א קאנטראקט מיט א קאמפאני
איז דאס די זעלבע מערכה איבער די כשרה טעלעפאנ'ס?

[געלעגער]

איך האב אזויפיל געהערט אז ס'איז יעצט דא א קליינע אפהאלט מיט איין גרויסע מוסד וואס זיי ווילן אז מ'זאל אסרן טעסקט מעסעדזשעס אויך און די אנדערע האלטן אז דאס איז צו עקסטרעם. אבער איינמאל מ'גלייכט זיך אויס גייען זיי ארויסקומען. וואס פונקטליך? ווייס איך נישט.

[בלעקבערי פען]

לשטתי אויב זיי אסר'ען טעקס דאן קענען זיי אסר'ען בכלל א סעלל