אידישע וועלט פארומס

געשריבן: **זונטאג יאנואר 10, 2010 12:43 pm**

מיט א צייט צוריק האב איך מיר איינגעהאנדלט א 'ברודער' לעיזער פרינטער פאר גאנץ א גוטן פרייז, אבער די קאסטן פון די טאנאר דערפון זענען געווען עפעס מער פון וויפיל איך האב מיר פארגעשטעלט. נאכן אביסל זוכן און גוגל'ען האב איך געפונען דריי אפציעס.

1) קויפן די ארגינעלע טאנאר פאר בערך $65
2) קויפן א 'קאמפעטיבל' טאנאר פאר בערך $45
3) קויפן א באטל טאנאר און דאס אריינגיסן אינעם געענדיגטן קארטעדש. דאס דארף אויסקומען בערך $10

איך האב באשלאסן צו ריזיקירן און אויסגעוועהלט אפציע 3. אנפילן דעם אלטן קארטעזש האט גענומען בערך א 10 מינוט און ביזדערווייל פרינט זיך אלעס געהעריג. עס איז מיר אבער אינטערסאנט צו הערן פון אנדערע איבער זייערע עקספיריענס מיט טאנאר'ס און צו דאס לוינט אזוי אנצוהאלטן

געשריבן: **זונטאג יאנואר 10, 2010 12:53 pm**

איך האב אזוי געטון כמה פעמים, ולבסוף איז דער פרינטער קאליע געגאנגען..... ברוך המקום שהרגו
אנהויב ווען כ'האב געמיינט אז כ'האב אנדעקט עפעס געוואלדיג זיך צי איינצישפארן, האב איך דאס רעקאמענדירט פאר א צווייטן, און יענער האט למייסע געדארפט באצאלן פאר א טעקנישאן ארום 250 רייניש, צי אויפקלינען די חאזעריי וואס די שטויב האב אים אנגעמאכט.....

געשריבן: **זונטאג יאנואר 10, 2010 1:14 pm**

זייט'שע ביטע בעסער מסביר וויאזוי און פון וואס דיין פרינטער איז קאליע געגאנגען. (מיט א פיצקעלע זהירות גיסט זיך נישט קיין שטויב. די באטלעך קומען מיט א גוטן טראכטער צו קענען גיסן גרינג, און לויט ווי איך פארשטיי האסטו טאקע נישט געהאט דעם פראבלעם)

געשריבן: **זונטאג יאנואר 10, 2010 1:17 pm**

איך האב געוואטשט עס זאל זיך נישט גיסן, אבער ציביסלעך, קודם האט עס אנגעהויבן צי מאכן אזעלכע ליינס אויפן פאפיר און נאכדעם איז עס סתם אזוי נישט געווען גענוג קלאר, ביז עס איז אינגאנצן מער נישט אינטרעסאנט געווען, בקיצור, סי'ז א ריסק.

געשריבן: **זונטאג יאנואר 10, 2010 1:27 pm**

בקיצור, זעה איך אז בלויז די קארטעדזש איז קאליע געגאנגען. קאררעקט?
די קאמפאני רעקאמענדירט טאקע נישט צו ריפיללען א קארטעזש מער ווי צוויי מאהל

געשריבן: **מאנטאג יאנואר 11, 2010 9:28 am**

איך וויל רעקאמאנדירן פאר יעדן נישט צו קויפן קיין בראדער פרינטער, טאקע דערפאר וואס די טאנערס זענען זייער טייער, זיי געבן ארויס זייערע פרינטערס פאר ביליג אבער נאכדעם בעטן זיי טבין ותקילין פאר די טאנארס

געשריבן: **מאנטאג יאנואר 11, 2010 9:40 am**

העיזש. פי. טאנארס לויפן בערך פארן זעלבן פרייז

געשריבן: **מאנטאג יאנואר 11, 2010 9:52 am**

גערעכט. HP איז אויך טייער.
בכלל זענען טאונערס פאר לעיזער פרינטערס זייער טייער.

געשריבן: **מאנטאג יאנואר 11, 2010 9:57 am**

מיין עקספיריענס איז HP נאך געווען די בעסטע

די סיבה דערפאר
ווייל אויסער די מכה פון טאנערס, איז דא א באזונדערע מכה וואס הייסט דראם (נישט פון היכל הנגינה) וואס מען דארף טוישן נאך יעדע (איך ווייס אויך נישט ווען, איך פלעג עס טוישן ווען ס'איז שוין געווען כלו כל הקיצין, ס'האט אבער א לימיט ווען מען דארף)
און ביי מיינע פרינטערס ווען איך האב געדארפט קויפן א דראם האב איך שוין ענדערש געקויפט א נייע פרינטער ס'איז אויסגעקומען ממש די זעלבע (א חילוק פון 30 דאלאר בערך)
די מעלה פון HP אז יעדער טאנער קומט צוזאמען מיט א דראם, ממילא ווען דו קויפט א טאנער קאסט עס טאקע טייער, דו האסט אבער נישט די עקסטערע הוצאה פון א דראם.

למעשה בין איך יעצט אביסל ברוגז אויף זיי
ווייל איך פלעג האבן א HP1020 וואס דער טאנער פלעגט געבן בערך 3000 בלעטער
שפעטער ווען דאס איז אראפ פון מארקעט און זיי האבן עס געאפגרעיד פאר P1006 און איך האב געדארפט האבן צוויי פרינטערס, האב איך געקויפט יענע, דארט קאסט די טאנער די זעלבע און ס'פרינט נאר 1500 בלעטער

ממילא, פאר מען קויפט א פרינטער איז גוט צו קוקן וויפיל דער טאנער קאסט, וויפיל בלעטער ס'פרינט, און אויב קומט צו א דראם, וויפיל דאס קאסט

געשריבן: **מאנטאג יאנואר 11, 2010 10:13 am**

איך נוץ נאר HP, סאו איך האב נישט עקספיריענס מיט אנדערע.
אבער מיין HP פריטער האטצעך אויך צובראכן די דראם, און איך האב טאקע געקויפט א נייע פרינטער.

געשריבן: **מאנטאג יאנואר 11, 2010 11:10 am**

די מעשה איז אזוי. א חבר מיינער וואס איז אין די טאנער ליין האט מיר אזוי רעקעמנדירט. ער טענה'ט אז קויפן קאמפעטיבל טאונער איז די בעסטע אפציע. מען קען עס האבן פאר 60-70 % ביליגער ווי די OEM וואס ווערט פראדעצירט דורך די ברענד אליין, די פראבלעם איז נאר אויסצווועלן א גיטע נאכגעמאכטע טאונער, אסאך פון די קאמפעטיבל איז פעלערהאפטיגע סחורה. אבער אויב טרעפט מען א גיטע קאמפעני מיט א שטארקע קוואלטי קאנטראל אויף זייערע פראדוקטן, לוינט דאס צו קויפן ווייל גווענדליך וועלן די קאמפעטיבל טאונערס האבן א 20-30 % מער אנגעפילטקייט ווי די OEM.

וועגן קויפן ריפיל'ס איז א שטיקל איינשטעלעניש, קודם מיט די חאזריי וואס דאס מאכט אן ביים ריפילן, דערנאך ווי שוין ערווענט קען מען דאס נאר ריפילן 2-3 מאל, און אויב איז נישט גוט אויסגעקלינט געווארן די אינהאלט פון די אלטע שטויב קען דאס מאכן ערענסטע פראבלעמען.

וועלכע מאשינען זענען די בעסטע איז א גרויסע מחלוקה, אבער ער זאגט אז HP איז טאקע זייער גוט אבער היפש טייערער ווי BROTHER, די קאמפעטיבל בראדער טאונערס TN-360 / TN-350 איז פון די בעסטע וואס איז פארהאן, ווייל HP איז דא מער REMANUFACTURED ווייל דאס קומט מיט טשיפס דערפאר איז עס טייערער משא"כ די בראדער וואס פארמאגט נישט קיין טשיפ.

א שטאקע נקודה האט ער מיר אנפלעקט, אז ניצן קאמפעטיבל טאונערס "וואיוד" נישט די גערענטי פון די פרינטער, דאס איז א געזעץ וואס איז דורכגעפירט געווארן אז אנדערע זאלן אויך קענען מאכן ביזנעסת נישט נאר די ברענד קאמפעני אליין.

דאס איז אויפן שפיץ גאפל...

געשריבן: **מאנטאג יאנואר 11, 2010 11:11 am**

שיעור נישט פארגעסן אז דראמ'ס קען מען אויך קויפן קאמפעטיבל, און אסאך ביליגער.

געשריבן: **מאנטאג יאנואר 11, 2010 12:00 pm**

ביזנעס קאפ
וואס איז דאס טשיפס?

געשריבן: **מאנטאג יאנואר 11, 2010 1:00 pm**

א טשיפ איז א קליינטשיג אייזנדל וואס דער מעניופעקטורער (ווי HP LEXMARK) לייגן אריין אין די טאונער אז דאס זאל ארבייטן נאר מיט זייער מאשין, אין כדי א נאכגעמאכטע טאנער זאל נישט ארבייטן דערמיט, אבער די קאמפעניס וואס מאכן קאמפעטיבל האבן דאס שוין איבערגעקליגט מיטן נאכמאכן אויך די טשיפס.

בעצם איז די טשיפס געמאכט אז דער פרינטער זאל וויסן וויפיל טינט איז נאך פארהאן אינעם טאנער. אבער די באנדיטן ווילן דאך פארדינען געלט (וואס אגב מאכן די מעניפעקטשורערס מער געלט פון די טאנערס ווי פון די פרינטער אליין) מאכן זיי אז ווען די טאנער איז שוין דרייפערטל ליידיג זאל זיך אויפשרייבן כאילו דאס איז שוין גענצליך ליידיג, אזוי גייט דער קאסטומער קויפן א נייע, אבער אין פאקט איז דאס נאך היפש פיל...

געשריבן: **מאנטאג יאנואר 11, 2010 1:20 pm**

איך האב יעצט א טאונער וואס שרייט שוין עטליכע וואכן אז ער איז נידריג (TONER LOW) אבער אז מען געט א מאך אויף דעם דעקל און א מאך צו, אדער א גוטן שאקל אויף דעם טאונער און א לייג צוריק, ארבעט ער פיין.

געשריבן: **מאנטאג יאנואר 11, 2010 1:34 pm**

עס איז דא אויף יעדע לעיזער טאונער א טשיפ, וואס ווען מען ברעכט אפ יענע טשיפ הערט עס אויף צו האקן אין קאפ אז עס איז ליידיג ווילאנג עס איז באמת ליידיג...

געשריבן: **מאנטאג יאנואר 11, 2010 5:14 pm**

סאדע_באטל האט געשריבן:עס איז דא אויף יעדע לעיזער טאונער א טשיפ, וואס ווען מען ברעכט אפ יענע טשיפ הערט עס אויף צו האקן אין קאפ אז עס איז ליידיג ווילאנג

גערעכט. אבער גיב אבאכט וואס דו טוסט ווייל רוב טאנערס ארבייטן נישט אן די טשיפ, די טשיפ מאכט ער זאל זיך פארשטיין מיטן פרינטער.

געשריבן: **פרייטאג מארטש 19, 2010 12:42 pm**

אפדעיט: איך האלט שוין דערווייל ביים פערדן מאהל אנפילן דעם קאמפעטיבל טאנאר קארטעדזש און עס ארבייט ב''ה פיין.
ממש א שאד אויסצוגעבן געלט אויף א נייע קארטעדזש.

געשריבן: **פרייטאג מארטש 19, 2010 1:31 pm**

איך האב א בראדער פרינטער. (hl 2040) ארבעט א מחיה.

מקען קויפן טאנער פאר נישטיגע צוואנציג טאלער (פאר ארום 2500 פאפירן). פארשטייט זיך קאמפעטעבל.
איך ניץ אמעזאן איינצוקויפן.

געשריבן: **פרייטאג מארטש 19, 2010 1:42 pm**

כ'האב איבער געפילט מיין טאונער אין ער ארבעט פיין, אין אזוי וועט ער אי"ה ארבעטען ביז די דראם וועט גיין שלאפען אין דאן וועט מען ווארטען פאר א גוטע סעיל אין קויפען א נייע פרינטער, ווייל קויפען א דראם איז כמעט טייערער ווי א נייע פרינטער,

כ'האב א בראדער פרינטער,

געשריבן: **פרייטאג יוני 11, 2010 12:30 pm**

א דראם קען מען אויך באקומען ביליג
מיין טאנאר קארטשעזש האב איך שוין אנגעפולט 12 מאהל אהן קיין פראבלעמען

געשריבן: **פרייטאג יוני 11, 2010 1:18 pm**

איה"נ אז א דראם קען מען באקומען ביליג, אבער עס לוינט זיך נישט.

געשריבן: **מאנטאג יוני 14, 2010 5:00 pm**

אנטשולדיגט פאר מיין אמעראצעס... אבער גם אני בחלומי. דעם גאנצן שמועס האב איך פארשטאנען. כ'האב אויך א טי-ען-טרי-פיפטי בראטער פרינטער, און כ'האב שוין פרובירט ביידע סארט טאנערס. די ארגינעלע פון די קאמפאני איז מיר אלץ אויסגעקומען בעסער, דעריבער קויף איך שוין נאר דאס, געווענליך פאר בערך זעכציג-זיבעציג טאלער (לעצטענס האט מיר א אפיס-סופלייס ביזנעס מיר דאס פארקויפט פאר 35$ - דאכט זיך מיר).
פון דעם אז מען געט א שאקל דעם טאנער הייבט עס פריש אן צו ארבעטן, האב איך אויך געוואוסט. פונעם ערשטן מאל וואס עס שרייבט זיך אויף "טאנער איז לאו" ביז ווען ער טרוקענט טאקע אפ, קען געדויערן א גוטע פיר-פינף וואכן, און פרינטן פרינט איך נישט ווייניג. (אלע גליונות יעדע וואך...... ועוד ועוד).
עניוועי. אבער וואס מיינט "דראם"? אסאך מאל קומט עס אויך ביי מיר ארויף אז עס איז דא פראבלעמען מיטן "דראם" אבער וואס דאס איז האבעך קיין אנונג, און במשך די פיר-פינף יאר וואס כ'האב שוין דעם פרינטער, האב איך עס נאך קיינמאל נישט געטוישט. עס ארבעט נאך דערווייל אזוי.
האב איך א פראבלעם? צו די קאמפאני?

געשריבן: **מיטוואך דעצעמבער 15, 2010 8:04 pm**

וואס טוט מען, אוי א בראך...

איך האב לעצטענס איינגעקויפט א בראדער פרינטער 2270, ב"ה ס'פארט א מחיה, אבער היינט, מ'האלט אינמיטן פרינטען האט דער פרינטער מחליט געווען אז עס איז מער נישט דא קיין טאנער Toner, איי די אלע בלעטער ביז יעצט זענען זייער קלאר, און ס'זעט נישט אויס אז ס'איז עפעס דא א מאנגל אין טאנער.

איך האב געשאקלט אהער און אהין, ארויסגענומען... צוגעמאכט די דעקל... אבער גארנישט האט געהאלפן.

אפשר זאל ער אזוי גוט זיין און לאזן פרינטען מיינע צעטלעך. איך בין נישט אזוי מקפיד אויב ס'איז נישט 100 פראצענט קלאר.
דאס איז ממש גניבה, אזוי ווי מ'האט דא אויבן געשריבן, אז די עיקר געלט מאכן זיי פון די טאונערס.

זיך נישט געבענדיג קיין עצה, בין איך געגאנגען צו גוגל, און געזוכט אויף אן עצה. שרייבן אלע, אז מ'זאל נעמען שווארצע עלעקטריק טעיפ און צודעקן די סענסערס, און אזוי אויסנער'ן די פרינטער אז ס'זאל מיינען אז עס איז שווארץ פון די טאנער. איך האב צוגעדעקט יעדע לאך וואס ס'קען זיך דאכטן אז ס'איז א סענסער, אבער ס'האט גארנישט געהאלפן.
כ'האב טאקע געזעהן אז די אלע עצות זענען פון א שטיק צייט צוריק, און אפשר האט בראדער שוין אויסגעפינען א וועג ווי אזוי איבערצוקליגן די עצות.

אבער למעשה דארף איך יעצט אן עצה... קען מיר איינער העלפן...

איך האב שוין באשטעלט נייע טאנער וואס דארף אנקומען מארגן אי"ה. אבער ביז'ן קרעטשמע דארף מען אויך א טרינק...

.

געשריבן: **מיטוואך אפריל 06, 2011 7:31 pm**

איך זיך צו קויפן א נייע לעיזער פרינטער מיט די פאלגענדע מעלות:

וועלכע מאשינקע וואלט איר מיר רעקאמאנדירט צו קויפן?

אידישע וועלט פארומס

לעיזער פרינטער טאנאר

לעיזער פרינטער טאנאר