א לאטע אויף א לאטע: ר' אושעיא בשם רבי

רייכע ידיעות און כללי התורה

די אחראים: אחראי,גבאי ביהמד

סדר הדורות
שר חמישים
תגובות: 85
זיך איינגעשריבן אום: זונטאג דעצעמבער 01, 2019 11:21 am

א לאטע אויף א לאטע: ר' אושעיא בשם רבי

  • ציטיר
  • צו לייגן א דאנק דארפט איר זיין אריינגעלאגט

תגובה דורך סדר הדורות »

אינעם ספר סדר הדורות זענען דא מערערע חידות סתומות, צוליב פארשידנארטיגע סארט גרייזן וואס זענען דא אינעם ספר. דא וויל איך זיך באציען צו א טעות על גבי טעות וואס האט צוגעברענגט צו השערות און צו נאך גרייזן.

אינעם ערשטן דרוק סדר הדורות, קארלסרוא תקכ"ט, וואו ער רעדט פונעם נאמען אושעיא-הושעיא, ברענגט ער א רשימה, לויטן סדר א' ב', פון אלע חכמים וואס האט געהאט א שייכות מיט ר' אושעיא. צווישן אנדערע ברענגט ער: ר' חנניה בר אחויה דר' הושעיא. בשם רבי, פרק ערבי פסחים קי"ג.

סדר הדורות קארלסרוא.JPG
סדר הדורות קארלסרוא.JPG (38.67 KiB) געזען 1386 מאל


ר' נפתלי משכיל לאיתן, וועלכער האט איבערגעארבעט דעם סדר הדורות און עס ארויסגעגעבן אין ווארשא אין די יארן תרל"ח-תרמ"ב, האט זיך נישט באנוצט מיטן דפוס ראשון, נאר מיט סדר הדורות דפוס קאפוסט תק"ע. דארט שטייט די זעלבע זאך, אבער עס איז נישט אזוי מערקבאר די פינטל וואס טיילט אפ די ווערטער "בשם רבי" פון די פריערדיגע ווערטער. עס זעט ענדערש אויס ווי א אויבער-שטרעכל.

סדר הדורות קאפוסט.JPG
סדר הדורות קאפוסט.JPG (109.16 KiB) געזען 1386 מאל


צוליב דעם האט זיך ר' נפתלי משכיל לאיתן פארפלאנטערט, און נישט געקענט טרעפן "ר' חנניה בר אחויה דר' הושעיא בשם רבי" אינעם אנגעגעבענעם מראה מקום: "פרק ערבי פסחים קי"ג".
מנין למחליף דברי ר' אליעזר בדברי ר' יהושע, ודברי ר' יהושע בדברי ר' אליעזר, שהוא עובר בלא תעשה? תלמוד לומר: לא תסיג גבול רעך (ספרי שופטים קפח)
סדר הדורות
שר חמישים
תגובות: 85
זיך איינגעשריבן אום: זונטאג דעצעמבער 01, 2019 11:21 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך סדר הדורות »

ר' נפתלי משכיל לאיתן האט מפרסם געווען זיין שאלה: וואו געפינט זיך דאס וואס דער סדר הדורות צייכנט צו? דאס האט ער אריינגעשטעלט אינעם ביילאגע 'מגיד משנה' פונעם צייטונג 'המגיד'.

מגיד משנה1.JPG
מגיד משנה1.JPG (242.45 KiB) געזען 1383 מאל


אין א שפעטערע ביילאגע, האט איינער אנאנים אים אויפגעקלערט אין זיין מאמר 'לקוטי שושנים', אז מען רעדט דא פון צוויי באזונדערע נעמען: "ר' חנניה בר אחויה דר' הושעיא". און אפגעטיילט פון דעם: "בשם רבי, פרק ערבי פסחים קי"ג". דאס מיינט אז ר' הושעיא האט נאכגעזאגט אין נאמען פון רבי. ער פירט אבער אויס אז אין פרק ערבי פסחים טרעפט מען נישט אז ר' הושעיא זאל נאכזאגן פון רבי. [עס איז געווען א סוד פאר גאנץ בראד אז דער אנאנימער שרייבער איז געווען ר' מתתיהו שטראשון].

מגיד משנה2.JPG
מגיד משנה2.JPG (114.86 KiB) געזען 1383 מאל


נישט האבנדיג א אויסוועג, האט ר' נפתלי משכיל לאיתן אריינגעדרוקט אין זיין נייעם דרוק סדר הדורות, אויפן מראה מקום פון פסחים: "לא מצאתי שם".

מהדורת משכיל לאיתן.JPG
מהדורת משכיל לאיתן.JPG (208.45 KiB) געזען 1383 מאל
מנין למחליף דברי ר' אליעזר בדברי ר' יהושע, ודברי ר' יהושע בדברי ר' אליעזר, שהוא עובר בלא תעשה? תלמוד לומר: לא תסיג גבול רעך (ספרי שופטים קפח)
סדר הדורות
שר חמישים
תגובות: 85
זיך איינגעשריבן אום: זונטאג דעצעמבער 01, 2019 11:21 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך סדר הדורות »

די שאלה בלייבט אבער: וואו טרעפט מען יא אז ר' אושעיא האט נאכגעזאגט פון רבי? אויב נישט אין פסחים, וואו יא?

אין יאר תרמ"ח, האט ר' יצחק רחלין מפרסם געווען אין מאסף 'הכרם', איבער 500 הערות אויפן סדר הדורות. ער רופט אן זיינע הערות 'תקון הסדר'. צווישן זיי האט ער געטראפן א מציאה: "צדק הרב המסדר שלא נמצא שם. אולם, דברי תורה, אף שעניים המה במקום זה, עשירים המה במקום אחר, ומצאתי כן בירושלמי יומא פ"ה ה"ז".

הכרם.JPG
הכרם.JPG (133.16 KiB) געזען 1380 מאל


ר' יצחק רחלין'ס 'בר פלוגתא', דער יונגער ידען משה ריינעס, האט קורצליך דערויף (י"ז סיון תרמ"ח) מפרסם געווען אין צייטונג 'המליץ' הערות אויפן 'תקון הסדר', און ער רייסט אים שארף אראפ. אבער דא, ביי די מציאה פונעם ירושלמי אין יומא, טוט ער זיך אויס זיין היטל פאר אים און שרייבט: "יפה תקן".

המליץ.JPG
המליץ.JPG (124.84 KiB) געזען 1380 מאל


אבער איידער מיר פרייען זיך מיטן געפינס, לאמיר א בליק טון אין ירושלמי יומא וואס ער צייכנט צו. דארט שטייט: "רבי הושעיה בשם רבי פס במתנות הבדים אבל במתנות הפרכות שעיר מעכב את הפר". דא שטייט קלאר: "רבי הושעיה בשם רבי".

ר' יצחק רחלין האט זיך אבער נישט געכאפט, אז מען דארף זעצן די ווערטער אין ירושלמי: "רבי הושעיה בשם רבי פס"! "ר' פס" איז א ירושלמי'דיגער קיצור פון "ר' אפס" – א תלמיד פון רבינו הקדוש. ווי אויך האט ער פארזען דעם קרבן העדה וועלכער מאכט קלאר, דארט על הדף: "ר' פס. היינו ר' אפס".

ווען משה ריינעס וואלט אויפגעקומען דערויף, אוי וואלט ער געמאכט צימעס פון ר' יצחק רחלין...
מנין למחליף דברי ר' אליעזר בדברי ר' יהושע, ודברי ר' יהושע בדברי ר' אליעזר, שהוא עובר בלא תעשה? תלמוד לומר: לא תסיג גבול רעך (ספרי שופטים קפח)
סדר הדורות
שר חמישים
תגובות: 85
זיך איינגעשריבן אום: זונטאג דעצעמבער 01, 2019 11:21 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך סדר הדורות »

נאך אלע מעשיות, בלייבן מיר ביים ערשטן ספק: וואס איז פשט פון דאס וואס דער סדר הדורות צייכנט צו: "בשם רבי, פרק ערבי פסחים קי"ג"?

דא קומט דער חידוש:

אין פסחים קיב ע"ב ווערט געברענגט: "תני רב אושעיא: מרחיקין משור תם חמשים אמה, משור מועד כמלא עיניו. תנא משמיה דר' מאיר: ריש תורא בדיקולא, סק לאיגרא, ושדי דרגא מתותך".

אינעם ערשטן דרוק עין יעקב, שאלוניקי רע"ו, שטייען איבערגע'חזר'ט די ווערטער "תני ר' הושעיא" אויך ביי די צווייטע מימרא. עס שטייט דארט: "תני רב הושעיא תנא משום ר' מאיר". די ווערטער "תני רב הושעיא" ביים צווייטן מאמר, זענען א זיכערע טעות, וויבאלד קיינער האט דארט נישט אזא גירסא. נישט די כתבי יד און נישט די קדמונים.

עין יעקב דפור.JPG
עין יעקב דפור.JPG (105.4 KiB) געזען 1369 מאל


אין א שפעטערע דרוק עין יעקב, אמשטרדם תמ"ד (עס ווערט אנגערופן 'כתנות אור'), איז די גירסא נאך מער פארגרייזט, און אנשטאט "מאיר" שטייט "אומר". אזוי איז געשאפן געווארן א גירסא: "תני רב הושעיא משום רבי אומר".

כתנות אור.JPG
כתנות אור.JPG (24.27 KiB) געזען 1369 מאל


דער סדר הדורות האט זיך, צו מזל, באנוצט מיט דעם דרוק עין יעקב, און דא האט ער געזען אז ר' הושעיא האט נאכגעזאגט פון "רבי"!

אה, נישט צו פארגעסן: אין דעם דרוק עין יעקב, שטייט פריער אנגעצייכנט אין דער זייט: דף "קיג", אנשטאט דף "קיב"! האט מען א פיקס-פארטיגע טעות: "בשם רבי, פרק ערבי פסחים קי"ג".

כתנות אור1.JPG
כתנות אור1.JPG (40.4 KiB) געזען 1369 מאל


דאס איז נישט די איינציגסטע טעות וואס איז אריינגעפאלן אין סדר הדורות, דורכדעם וואס דער מחבר האט זיך באנוצט מיט דעם גרייזיגן דרוק עין יעקב.

עס איז דא נאך באווייז אז דער סדר הדורות האט מעתיק געווען די שורה פון עין יעקב, און נישט גראד פון גמרא, אבער דאס וועט דערווייל בלייבן דיו שנשתייר בקולמוס.
מנין למחליף דברי ר' אליעזר בדברי ר' יהושע, ודברי ר' יהושע בדברי ר' אליעזר, שהוא עובר בלא תעשה? תלמוד לומר: לא תסיג גבול רעך (ספרי שופטים קפח)
פארשטייסט?
שר חמישים
תגובות: 93
זיך איינגעשריבן אום: דאנערשטאג מאי 28, 2015 2:15 am
לאקאציע: אין מח

  • ציטיר
  • צו לייגן א דאנק דארפט איר זיין אריינגעלאגט

תגובה דורך פארשטייסט? »

Wow!! שפראכלאז

פון וואנעט ווייסט מען אז דער שרייבער פונעם מאמר 'לקוטי שושנים' קומט פון ר' מתתיהו שטראשון?
סדר הדורות
שר חמישים
תגובות: 85
זיך איינגעשריבן אום: זונטאג דעצעמבער 01, 2019 11:21 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך סדר הדורות »

פארשטייסט? האט געשריבן:Wow!! שפראכלאז

פון וואנעט ווייסט מען אז דער שרייבער פונעם מאמר 'לקוטי שושנים' קומט פון ר' מתתיהו שטראשון?

עס האט אסאך מקורות, דער ערשטער מקור איז פון א שפעטערע 'מגיד משנה':

מגיד משנה3.JPG
מגיד משנה3.JPG (115.96 KiB) געזען 1310 מאל


ער פלעגט אפט שרייבן אויך אונטערן נאמען "והוא והוא", על שם די משנה: "מתתיה בן שמואל אומר האיר פני כל המזרח עד שבחברון והוא אומר הן".
מנין למחליף דברי ר' אליעזר בדברי ר' יהושע, ודברי ר' יהושע בדברי ר' אליעזר, שהוא עובר בלא תעשה? תלמוד לומר: לא תסיג גבול רעך (ספרי שופטים קפח)
Programming
שר שלשת אלפים
תגובות: 3152
זיך איינגעשריבן אום: מאנטאג יאנואר 16, 2017 8:53 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך Programming »

דאס איז דאך געהעריג (תוכחת מ)גילוי!!!
צו לייקן אדער דיסלייקן די תגובה, מאכט א רייט קליק אויף די ווייסע קעסטל נעקסט צו די טיים סטעמפ העכער די תגובה און קאפי'ט די לינק אדרעס. אלע 5'ס (5, 15, 25, 105, 1005 א.א.וו.) זענען לייקס, 10'ס (10, 100, 1000 א.א.וו.) זענען דיסלייקס.
חלהדעקל
שר האלף
תגובות: 1247
זיך איינגעשריבן אום: דינסטאג יוני 09, 2015 4:44 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חלהדעקל »

געוואלדיג!
דעס האסטו אליינס צוגעטראפן אז ס'איז די מימרא פון דף קי"ב?
1 + 1 = חלה דעקל...
סדר הדורות
שר חמישים
תגובות: 85
זיך איינגעשריבן אום: זונטאג דעצעמבער 01, 2019 11:21 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך סדר הדורות »

חלהדעקל האט געשריבן:געוואלדיג!
דעס האסטו אליינס צוגעטראפן אז ס'איז די מימרא פון דף קי"ב?

מיט סיעתא דשמיא.
מנין למחליף דברי ר' אליעזר בדברי ר' יהושע, ודברי ר' יהושע בדברי ר' אליעזר, שהוא עובר בלא תעשה? תלמוד לומר: לא תסיג גבול רעך (ספרי שופטים קפח)
חלהדעקל
שר האלף
תגובות: 1247
זיך איינגעשריבן אום: דינסטאג יוני 09, 2015 4:44 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חלהדעקל »

סדר הדורות האט געשריבן:
חלהדעקל האט געשריבן:געוואלדיג!
דעס האסטו אליינס צוגעטראפן אז ס'איז די מימרא פון דף קי"ב?

מיט סיעתא דשמיא.

איך פארשטיי אז דו זאגסט אז דער ספר הדורות האט געמיינט צו שרייבן " ר' חנני' בר אחוי-ה, ר' הושיעא בשם רבי "
ווערט ערגעץ דערמאנט א תנא אדער אמורא ר' חנני' בן אחוי'?
בכלל, ר' אושיעא מיט ר' הושעיא איז איין מענטש אדער 2?
1 + 1 = חלה דעקל...
סדר הדורות
שר חמישים
תגובות: 85
זיך איינגעשריבן אום: זונטאג דעצעמבער 01, 2019 11:21 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך סדר הדורות »

חלהדעקל האט געשריבן:איך פארשטיי אז דו זאגסט אז דער ספר הדורות האט געמיינט צו שרייבן " ר' חנני' בר אחוי-ה, ר' הושיעא בשם רבי "
ווערט ערגעץ דערמאנט א תנא אדער אמורא ר' חנני' בן אחוי'?

אביסל אנדערש. די רשימות אין סדר הדורות זענען אייגנארטיג, און מען דארף פארשטיין זיין שפראך. ער ברענגט א ליסטע מיט נעמען וואס האבן געהאט שייכות מיט ר' הושעיא, אבער ער חזר'ט נישט כסדר איבער ר' הושעיא'ס נאמען. לאמיר אנכאפן לדוגמא אפאר נעמען פונעם רשימה, עס זעצן ריכטיג און ערקלערן:

חנינא קרטיגנאה. דאס מיינט אז חנינא קרטיגנאה האט געלערנט מיט ר' הושעיא, ירושלמי שבת פט"ז ה"ב.
ר' חנניה בר אחויה דר' הושעיא. דא זאגט ער אז "ר' חנניה בר אחוי/אחוה דר' אושעיא" איז געווען זיין פלומעניק ('בר אחוי' איז זיין ברודער'ס זון כמובן). ווערט דערמאנט אין ירושלמי מגילה פ"ג ה"ז.
בשם רבי (פרק ערבי פסחים קי"ג). דאס מיינט כפשוטו אז ר' הושעיא זאגט נאך א מימרא בשם רבי, און ער צייכנט אליין צו דעם מראה מקום.
שאל לר' יהודה הגזר. ווידער, ר' הושעיא האט געפרעגט פון ר' יהודה הגזר, אין שבת קל ע"ב.

חלהדעקל האט געשריבן:בכלל, ר' אושיעא [צ"ל: אושעיא] מיט ר' הושעיא איז איין מענטש אדער 2?

100% אז יא. אזוי שטעלן שוין קלאר אלע קדמונים, ווי דער ספר יוחסין ועוד.
מנין למחליף דברי ר' אליעזר בדברי ר' יהושע, ודברי ר' יהושע בדברי ר' אליעזר, שהוא עובר בלא תעשה? תלמוד לומר: לא תסיג גבול רעך (ספרי שופטים קפח)
חלהדעקל
שר האלף
תגובות: 1247
זיך איינגעשריבן אום: דינסטאג יוני 09, 2015 4:44 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חלהדעקל »

סדר הדורות האט געשריבן:
חלהדעקל האט געשריבן:איך פארשטיי אז דו זאגסט אז דער ספר הדורות האט געמיינט צו שרייבן " ר' חנני' בר אחוי-ה, ר' הושיעא בשם רבי "
ווערט ערגעץ דערמאנט א תנא אדער אמורא ר' חנני' בן אחוי'?

אביסל אנדערש. די רשימות אין סדר הדורות זענען אייגנארטיג, און מען דארף פארשטיין זיין שפראך. ער ברענגט א ליסטע מיט נעמען וואס האבן געהאט שייכות מיט ר' הושעיא, אבער ער חזר'ט נישט כסדר איבער ר' הושעיא'ס נאמען. לאמיר אנכאפן לדוגמא אפאר נעמען פונעם רשימה, עס זעצן ריכטיג און ערקלערן:

חנינא קרטיגנאה. דאס מיינט אז חנינא קרטיגנאה האט געלערנט מיט ר' הושעיא, ירושלמי שבת פט"ז ה"ב.
ר' חנניה בר אחויה דר' הושעיא. דא זאגט ער אז "ר' חנניה בר אחוי/אחוה דר' אושעיא" איז געווען זיין פלומעניק ('בר אחוי' איז זיין ברודער'ס זון כמובן). ווערט דערמאנט אין ירושלמי מגילה פ"ג ה"ז.
בשם רבי (פרק ערבי פסחים קי"ג). דאס מיינט כפשוטו אז ר' הושעיא זאגט נאך א מימרא בשם רבי, און ער צייכנט אליין צו דעם מראה מקום.
שאל לר' יהודה הגזר. ווידער, ר' הושעיא האט געפרעגט פון ר' יהודה הגזר, אין שבת קל ע"ב.

חלהדעקל האט געשריבן:בכלל, ר' אושיעא [צ"ל: אושעיא] מיט ר' הושעיא איז איין מענטש אדער 2?

100% אז יא. אזוי שטעלן שוין קלאר אלע קדמונים, ווי דער ספר יוחסין ועוד.

גאט איט.
ביסט פיינע נייעס!
1 + 1 = חלה דעקל...
אין כל חדש
שר האלף
תגובות: 1225
זיך איינגעשריבן אום: דינסטאג נאוועמבער 22, 2016 6:46 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אין כל חדש »

הרב סדר, מוראדיג מוראדיג, הפלא פלאות
להערה, כפי המוטל בזכרוני, שרייבן די ראשונים אז עס איז געווען 2 ר אושעיא'ס
רבי אושעיא, און רב אושעיא
סדר הדורות
שר חמישים
תגובות: 85
זיך איינגעשריבן אום: זונטאג דעצעמבער 01, 2019 11:21 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך סדר הדורות »

אין כל חדש האט געשריבן:הרב סדר, מוראדיג מוראדיג, הפלא פלאות
להערה, כפי המוטל בזכרוני, שרייבן די ראשונים אז עס איז געווען 2 ר אושעיא'ס
רבי אושעיא, און רב אושעיא

דאס יא! עס זענען געווען כאטש צוויי. ביידע קען מען רופן/שרייבן סיי אושעיא, סיי הושעיא, אדער הושעיה.
מנין למחליף דברי ר' אליעזר בדברי ר' יהושע, ודברי ר' יהושע בדברי ר' אליעזר, שהוא עובר בלא תעשה? תלמוד לומר: לא תסיג גבול רעך (ספרי שופטים קפח)
סקאראמוטשי
שר חמש מאות
תגובות: 595
זיך איינגעשריבן אום: מוצ"ש אוגוסט 24, 2019 10:52 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סקאראמוטשי »

איר זענט הפלא ופלא, נישט נאר די געפינסן. די קלארקייט, די הסברה און די סדר, יישר כחכם! זכות רבינו הנפלא המחבר יגן בעדיכם בתוך שאר כל ישראל

בלייבט מיר נאר אינטערעסאנט, ווייל מיין הבנה איז אלעמאל געווען אז רבינו המחבר האט דאס ארויסגעווארפן פון ארבל, מיר נישט בייגעפאלן אין וויסטן חלום אז ער זאל האבן גענומען די ספרים און דורכגעגאנגען יעדע שורה און נאטירט די נעמען... נו ווי קומט דאס אז ער זאל שרייבן אזוי ווייל אין איין עין יעקב שטייט אזוי? ער האט דאך בלי שום ספק אודאי געלערנט די גמרא זעלבסט אויך.
(און פארוואס האט ער נישט געשריבן בשם "רבי אומר", און פארוואס נישט אן ערך "רבי אומר"? אלא מאי דאס האט ער געוויסט איז א טעות, אבער נישט איבער(געקוקט)[געטראכט] וואס יא?)


זייט ממשיך מיט אייער עבודת הקודש, אונז צו מהנה זיין בבירור דבריו של רבינו הנפלא זיעועכי"א.
ת'יפסק ש'יחות פּ'אליטיק א'ינסופיים
סדר הדורות
שר חמישים
תגובות: 85
זיך איינגעשריבן אום: זונטאג דעצעמבער 01, 2019 11:21 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך סדר הדורות »

סקאראמוטשי האט געשריבן:איר זענט הפלא ופלא, נישט נאר די געפינסן. די קלארקייט, די הסברה און די סדר, יישר כחכם! זכות רבינו הנפלא המחבר יגן בעדיכם בתוך שאר כל ישראל

בלייבט מיר נאר אינטערעסאנט, ווייל מיין הבנה איז אלעמאל געווען אז רבינו המחבר האט דאס ארויסגעווארפן פון ארבל, מיר נישט בייגעפאלן אין וויסטן חלום אז ער זאל האבן גענומען די ספרים און דורכגעגאנגען יעדע שורה און נאטירט די נעמען... נו ווי קומט דאס אז ער זאל שרייבן אזוי ווייל אין איין עין יעקב שטייט אזוי? ער האט דאך בלי שום ספק אודאי געלערנט די גמרא זעלבסט אויך.
(און פארוואס האט ער נישט געשריבן בשם "רבי אומר", און פארוואס נישט אן ערך "רבי אומר"? אלא מאי דאס האט ער געוויסט איז א טעות, אבער נישט איבער(געקוקט)[געטראכט] וואס יא?)


זייט ממשיך מיט אייער עבודת הקודש, אונז צו מהנה זיין בבירור דבריו של רבינו הנפלא זיעועכי"א.

עס איז א ברייט-פארשפרייטע לעגענדע אז זאכן האבן זיך געשאטן ביי רבינו הגדול ר' יחיאל היילפרין פון ארבל ארויס. אבער עס איז נישט פונקט אזוי. טראץ זיין אויסטערלישע בקיאות און גאונות בכל מכמני התורה, האט ער יא געארבעט מיט רשימות וואס ער האט מעתיק געווען פון ספרים שונים, און איז נאכגעגאנגען גרייזן פון אנדערע. נישט יעדע גמרא האט ער מעתיק געווען פונעם גמרא זעלבסט, נאר האט זיך אסאך פארלאזט אויף אנדערע ספרים און מעתיק געווען פון דארט.
מנין למחליף דברי ר' אליעזר בדברי ר' יהושע, ודברי ר' יהושע בדברי ר' אליעזר, שהוא עובר בלא תעשה? תלמוד לומר: לא תסיג גבול רעך (ספרי שופטים קפח)
זארג נישט
שר חמשת אלפים
תגובות: 5000
זיך איינגעשריבן אום: פרייטאג נאוועמבער 01, 2013 10:53 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארג נישט »

פארשטייסט? האט געשריבן:Wow!! שפראכלאז

הפלא ופלא!

איך טוה אויס מיין היט פאר אייך. א יישר כח פאר מיט טיילן מיט אונז אייער הפלא'דיגע ידיעות.

דער חידא שרייבט אויפ'ן סדר הדורות (וואס אגב בין איך א פערצענטער דור פון אים) אז:
ובחלק התנאים ואמוראים הן הראנו את כחו בתלמוד ועוצם בקיאותו דכל רז לא אנס ליה כאשר יסתכל המעיין

דף ס"ד ע"ב, אות ס', מספר ל"ט (דער לינק קומט עפעס נישט אויס פינקט דארט)
https://www.hebrewbooks.org/pdfpager.as ... 2017933533

ארויס נעמען יעדן גמרא באזינדער יעדן טאג אומצאליגע מאל האט געקאסט פיזיש אויסטערלישע כוחות, ווייל די אמאליגע גמרות זענען געווען זייער שווער און טייל מאל געהאט האלצערנע דעקלעך, איז פארשטיי איך אז לכאורה ווי מעגליך האט ער גענומען א שארט קאט און נאכגעשריבן פון וואס אנדערע האבן שוין געשריבן אדער זיך פארלאזט אויפן זכרון.
זארג נישט, האב בטחון אין באשעפער
אוועטאר
Dim
שר האלף
תגובות: 1242
זיך איינגעשריבן אום: מאנטאג יולי 28, 2014 3:57 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך Dim »

Wow מורא'דיג דאס!

און אלעס פארגעשטעלט אזוי מסודר און מיט א קלארקייט

יישר כח
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

הערליך, הערליך! יעדעס ווארט מתוק מדבש

חידושים נפלאים מאירים כספירים, כה לחי!
שרייב תגובה

צוריק צו “אוצר הידיעות”