די נבילה וטריפה פרשה אין מאנסי לאור ההלכה והשקפה

[קרעמער]

עס קאכט זיך יעצט א קעסל ווי שוין לאנג נישט געווען אין דער אידישער געשיכטע, ווען עס איז באקאנט געווארן אז א געשעפט אין מאנסי, האט ליידער פארקויפט בשר נבילה וטריפה בשאט נפש אין לויף פון עטליכע אדער מערערע וואכן.

די שערוריא האט זיך קוים אנגעהויבן, און עס איז שווער פאראויסצוזאגן וואס עס וועט זיך דארט אויסקאכן, רבנים, דיינים, ביזנעסלייט, סתם עמך אידן, יעדער האט א דעה, א ווארט, א קלער, א דערהער, און מפי השמועה הערן מיר אז מאנסי פארט יעצט אויף אזעלכע רעדער וואס קענען איר אויפהייבן און אוועקטראגן פון ארט...

מיט רשות פון רוב פון די מנהלים עפן איך דא אן אשכול וואו דער חשוב'ער עולם זאל מיטטיילן זייערע דעות און השקפות אין די נושא, אזוי ווי שטענדיג פארלאזן מיר זיך אויף אייער שכל הישר נישט ארויסצוגיין פון די גבולי תקנות הקרעטשמע.

--------

פרייטאג צונאכטס אין שוהל האט א אינגערמאן אויפגעמערקט אן אינטערסאנטע נקודה, וואס מענטשן רעדן נישט דערפון: ער זאגט אז דער שייגעץ (אויב עס וועט נתברר ווערן אז ער האט טאקע במזיד מכשיל געווען אידן רח"ל) האט דא עובר געווען אויף די איסור פון גניבה וגזילה, מיטן אפפאפן אידן און נעמען פון זיי טייער געלט אויף טריפה פלייש וואס קאסט גאר ביליג, וואס דער איסור איז נאך אזוי הארב ווי מאכיל זיין אידן נבילות וטריפות.

וואס איז די איסור פון מאכיל זיין אנדערע אידן מיט נבילות וטריפות? "לפני עור לא תתן מכשול"! עס איז א לאו דאורייתא, אבער גארנישט הארבער ווי גניבה וגזילה!

איך קלער נאר יעצט, אז ביי גזילה איז נישט דא קיין מלקות, ווייל עס איז א לאו הניתק לעשה, ער קען מקיים זיין דעם והשיב את הגזילה.

[cano]

איך ווייס גאר ווייניג פרטים פון די מעשה אבער וואו איך האב געהערט האט דאס א גוי פארטוישט בזדון וואס דעיס אליין ווייזט אז דארט פלעגט אפט פאסירען בשר שנתעלם מן העין קערעקט מי איף איי העוו די סטארי ראונג

[התאחדות]

קרעמער דאס איז נישט גערעכט, קודם דא רעדט מען דאך נישט פון די איסור וואס דער בעה"ב האט געטוהן, דער עיקר פראבלעם איז דא, אז אידן זענען נתפטם געווארן מיט נבילה, אלזא קען טאקע זיין אז די עבירה איז כמעט די זעלבע דא ווי דארט, אבער די ווייטאג ביים ציבור איז אז זיי זענען נתפטם געווארן יארן לאנג פון נבילה וטריפה רח"ל.

[צום זאך]

וואספארא גוט יאר האט מען אויפגעוועקט דעם אשכול איצטערט?..
ווער עסט דען טריפה פלייש אין די ניין טעג?...

[Zeltzer]

-2022-09-05-at-7.17.33-PM.jpeg (110.6 KiB) געזען 865 מאל

[שירו לו]

ביידע מעשיות פאסירט אין חודש אלול
מ'דארף תשובה טון