איז דא א ענין פון מאכען א סיום?

[יום זה מכובד]

https://www.otzar.org/wotzar/Book.aspx?159367&

[אומאפיציעל]

איין זאך וואס קיינער האט נאכנישט דערמאנט, אז עס ווענדט זיך אסאך ווי א גרויסע שמחה עס איז, איינער וואס איז מסיים מסכתות יעדן צווייטן טאג מאכט נישט אזא גרויסע עסק דערפון, אבער עס איז קלאר אז א זאך וואס איז נישט אפט מאכט מען א גרעסערע עסק, כי הוה מסיים מסכתא אין גמרא מיינט אודאי נישט אז ער אהיימשפאצירט פון ביהמ"ד און ער האט איבערגע'חזר'ט אויפן וועג ח"י פרקים משניות (פארגעס נישט אז בזמן הש"ס איז נישט געווען קיין גמרא נאר משניות, און סיום מסכת האט געמיינט א מסכתא משניות). עס מיינט אז אין ביהמ"ד האט מען אדורכגעלערנט א מסכתא בכל פרטיה ודקדוקיה און דורכגעקנעטן דעם ענין ווי דער שטייגער איז געווען, דאן אז מען האט געענדיגט די מסכתא איז עס געווען א גרויסע שמחה. והוא הדין היינט, יעדער איינער א זאך וואס איז ביי אים א יחוס - א אויפטוה - ער איז אנגעקומען צו עפעס, ער האט מסיים געווען א מסכתא וכדו' וואס איז פאר אים געווען אן "עסק" - אן ערנסטע לימוד, דארף מען מאכן א סיום, עס איז א גרויסע מצוה, און ווען די "גדולי ישראל" וואלטן זיך נישט אזוי געפירט, וואלט עס אויך נישט געווען איינגעפירט אין אלע חדרים צו מאכן מיט די קינדער פון פיצלווייז אן א סיום אויף יעדע זאך וואס מען ענדיגט. פאר א סיבה איז מען מחנך די קינדער פון קליינווייז אן אז ווען מען ענדיגט א מסכתא משניות די ערשטע מאל אין חדר און דערנאך א פרק גמרא און שפעטער א מסכתא מאכט מען א גרויסע סיום, אויך אין אלע ישיבות איז דאכט זיך מיר איינגעפירט צו מאכן אן עסק ווען מען איז מסיים א מסכתא - אפשר נישט איבעראל מאכט מען א גרויסע סעודה, אבער עפעס מאכט מען.

בכל אופן איז נישט קיין ספק אז דאס איז בכלל סעודת מצוה, און אז מען קען מאכן א סעודת מצוה פארוואס זאל מען עס נישט טון? בפרט אז דאס קען געבן א שטארקע חיזוק פאר זיך אליינס און פאר די משפחה אזוי ווי אנדערע האבן שוין דערמאנט.

[חלב ישראל]

"ויבא ירושלים ויעמוד לפני ארון ברית ה' ויעל עולות ויעש שלמים ויעש משתה לכל עבדיו". אמר רבי אלעזר מכאן שעושין סעודה, לגמרה של תורה. (שיר השירים רבה א,ט קהלת רבה א,א)

לויט דעם קען זיין, אז דאס וואס מ'מאכט א סעודה ווען מ'ענדיגט א מסכתא איז געווען א פשוטע זאך, נאר אביי האט זיך אויפגעטון אז אפילו ווען ער האט געזען א צווייטער ענדיגן א מסכתא האט ער אויך געמאכט א סעודה.

[מטעמים]

פאר די וואס זאגען אז אייוועלט איז נישט ווי אמאל, ווייזט אים צו די אשכול, א דאנק יעדן איינעם.

[דריידל]

סקעזשועל פון סיומים פאר די ניין טעג