אידישע וועלט פארומס

מיללער האט געשריבן:וחשבתי קצת בדרך צחות ואולי יש צד אמת בזה עפ"י דברי המשנה, אם הראשונים כמלאכים אנו כבנ"א, ואם הראשונים כבני אדם אנו כחמורים ולא כחמורו של רפב"י' קומט אויס אז אפי' 'לשון בני אדם' קען אויך נישט סיי ווער מחליט זיין, מיר חמורים רעדן אפשר נישט ווי די לשון המשנה, אבער 'בנדרים הלך אחר לשון בני אדם' ולא אחר לשון חמורים, ודו"ק.

די וואס יעצט, אין תקופת תמוז, איז פאר זיי נישט קאלט (נאר פארקערט - טאקע גאר הייס) זיכער קענען נישט ווערן אנגערופן חמורים (לויט די גמרא אין שבת דף נ"ג ע"א וואו שטייט: "חמרא אפי' בתקופת תמוז קרירא לה").

הרב ערנסטער איך פארשטיי אז איר מיינט ציניש אבער דאך וועל איך בדרך צחות ורמז מסביר זיין אזוי, חמרא: די בני-אדם הדומים לחמורים, אפי' בתקופת תמוז: שידוע הר"ת של תמוז הוא נוטריקון ז'מני ת'שובה מ'ממשמשין ו'באין, אפי' אז, קרירא ליה: איז ער קאלט, ואינו מתחמם לשוב לקונו, ודו"ק.

אילו לא בא ערנסטער אלא להוציא דבר אמיתי זה ממיללער דיינו.

אגב, טייטשט שוין דער קאזניצער מגיד זי"ע באחד באלול ר"ה למעשר בהמה אז די וואס כאפן זיך אלול אז מען דארף תשובה טאן זענען בגדר בהמה.

מיללער, א ציפעדיג און טייער ווארט.

אפשר געהערט עס אין מדי שבת.

farshlufen האט געשריבן:מיללער, א ציפעדיג און טייער ווארט.

אפשר געהערט עס אין מדי שבת.

אדער זאל מען עפענען אן אשכול 'א ציפעדיג ווארט....'

יישר-כח פאר די חיזוק, קרעמער און פארשלאפן.

מיללער האט געשריבן:הרב ערנסטער איך פארשטיי אז איר מיינט ציניש אבער דאך וועל איך בדרך צחות ורמז מסביר זיין אזוי, חמרא: די בני-אדם הדומים לחמורים, אפי' בתקופת תמוז: שידוע הר"ת של תמוז הוא נוטריקון ז'מני ת'שובה מ'ממשמשין ו'באין, אפי' אז, קרירא ליה: איז ער קאלט, ואינו מתחמם לשוב לקונו, ודו"ק.

ס'א גלייכע ווארט, הרב מיללער. א שיינעם יישר כח!

איך האב געזען א שיין ווארט,איינער געדענקט ווי דאס איז???


דוד המלך זינגט,
נשכחתי כמת מלב,וואס דאס איז 12 חדשים, ממילא הייתי ככלי אובד וואס די הכרזה איז אויך 12 חדשים.




נא איר געדענקט נישט?? די גמרא אין ברכות נח

נעכטן געהערט פון עמעצן אז וועגן דעם וואס איז שטייט
כי יהיה לאיש בן סורר ומורה איננו שומע בקול אביו ובקול אמו ויסרו אותו ולא ישמע אליהם
זאגט מען בשם דעם 'מנחת אלעזר' אז אויב א זון הערט נישט זיין טאטענ'ס קול - לערנענדיג גמרא שפעט ביי נאכט, און זיין מאמע'ס קול - זאגנדיג תחינה מיט טרערן ביים בענטשן ליכט, אט דעמולט ח"ו וואקסט ער א 'בן סורר ומורה', דעמולט העלפט נישט די 'ויסרו אותו'.

א טייער ווארט

געזעהן א טיפער געדאנק און ספר "חמדה גנוזה" עס קען זיין א חיזוק פאר אידן
איידער דער ארי' דבי עילאה איז געווארן א איידעם ביים ישמח משה איז ער געווען א גרוש, האט דער רעבעצין פונעם ישמח משה געפרעגט איר מאן פארוואס ער נעמט איינער וואס די פריערדיגע האט אים אוועקגעשיקט עפעס מוז דא זיין, האט דער ישמח משה געענפערט מיט א מעשה: א פויער האט שפאצירט אונעם וואלד אונטערן דארף, פלוצלונג שטויס ער זיך אן אן א שווערע זאק דיימאנטן, דער פויער נישט וויסענדיג וואס זיי זענען האט ער געמיינט אז דאס איז א געוויסע מין בונדלעך, איז ער אהיים געלאפן מיט א שמחה עס אפקאכן, אזוי איז אדורך עטליכע שעה אבער די בונדליך ווערן נישט ווייעך, פלוצלינג קלאפט אריין מאשקע און ער זעהט דעם פויער צוטראגן, פארציילט אים דער פויער די פראבלעים אז די בונדליך קאכן זיך נישט, מאשקע גייט צו צום טאפ ער זעהט וואס דא גייט פאר שלאגט ער אן פארן פויער פיינע ווייעכע בונדליך פון זיין קאך, און דער פויער וועט אים געבן די "הארטע"... וכך הוה.
דאס זעלבע - פירט דער ישמח משה אויס - אויב דער פריערדיגע האט געמיינט אז עס איז בונדליך זעה איך אבער אז דאס איז דימאנטן.

צים פינטעל, יישר כח!
אז מ'איז א מבין אין אזעלכע זאכן - א ודאי.
אבער אז מ'איז נישט - איז ס'איז כדאי צו זיין פארזיכטיק און, אפשר, בעסער נישט נעמען קיין ריזיק...

ערנסטער האט געשריבן:אבער אז מ'איז נישט - איז ס'איז כדאי צו זיין פארזיכטיק

אמת 100 פראצענט, אבער די קומענדיגע ווערטער איז כדאי צו מעקן, אלס לא תעמוד על דם רעיך, וכל ערום יעשה בדעת

היינט אינדערפרי האב איך געהערט ווי א יונגערמאן גייט צו צו ר' וועלוול גאלדשטיין נ"י און ער בעט אים ער זאל אים זאגן א "גוט ווארט".
זאגט ער אים "טשאקלאד".
סאיז "גוט" און סאיז א "ווארט"

אין בני יששכר ברענגט ער פון הרה"ק רבי אלעזר מליזענסק א טייער ווארט. אָז תִּשְׂמַח בְּתוּלָה בְּמָחוֹל, וּבַחֻרִים וּזְקֵנִים יַחְדָּו; וְהָפַכְתִּי אֶבְלָם לְשָׂשׂוֹן וְנִחַמְתִּים, וְשִׂמַּחְתִּים מִיגוֹנָם(ירמי' ל"א פסוק ב'). אז תשמח בתולה במחול. אלול איז דאך מזל בתולה, תשמח, ס'איז א שמחה אז במחול, מ'איז מוחל די עבירות. לייגט ער צו ובחרים וזקנים יחדו, בחרים זענען בעלי תשובה, וואו פריש געבוירן, וזקנים זענען צדיקים וואס האבן קיינמאל נישט געזינדיגט, יחדו וועלן זיין אינאיינעם, אז די עבירות וועלן אינגאנצן נמחק ווערן.

שוין. כאב עפעס געלערנט היינט

באזני שמעתי איינער מאכען אן אפיל פאר א מוסד,
צום סוף האט ער געזאגט אז אויב עס זענען דא יודען וואס ווילען נישט געבען ווייל זיי ווילען האלטען דאס געלט פאר נדבת המקדש פאר בית שלישי, זאלען זיי וויסען אז רש"י און מסכת סוכה ברענגט אז בית שלישי וועט אראפקומען געבויט גאנצערהייט פון הימעל און מען וועט נישט דארפען צושטייער געבען נדבת המקדש.
איז אויב אזוי קען מען רואיג געבען פאר דער וויכטיגער צוועק

מיין אייניקעל זאגט מיר היינט נאכען דאווענען, אז ער האט געטראכט א טעם פארוואס מען גיט א קידוש ווען א בחור איז עולה מפטיר דער שבת פאר זיין בר מצוה.
ווייל כדי צו ערפילען מאה ברכות דארף מען אויך רעכענען די ברכות הפטורה, און וויא באלד דער עולה איז א קטן, גיבט מען א קידוש כדי משלים זיין מיט די ברכות וואס מען וועט מאכען ביים קידוש. סע איז אוהם דאס בייגעפאלען ווייל היינט איז געווען דער בר מצוה קידוש פון זיין יונגערען ברידער.

אם חכם בני...
השי"ת זאל העלפן אסאך נחת פונעם אייניקל, און אלע אייניקלעך

scy4851 האט געשריבן:מיין אייניקעל זאגט מיר היינט נאכען דאווענען, אז ער האט געטראכט א טעם פארוואס מען גיט א קידוש ווען א בחור איז עולה מפטיר דער שבת פאר זיין בר מצוה.
ווייל כדי צו ערפילען מאה ברכות דארף מען אויך רעכענען די ברכות הפטורה, און וויא באלד דער עולה איז א קטן, גיבט מען א קידוש כדי משלים זיין מיט די ברכות וואס מען וועט מאכען ביים קידוש. סע איז אוהם דאס בייגעפאלען ווייל היינט איז געווען דער בר מצוה קידוש פון זיין יונגערען ברידער.

א הערליך געדאנק, עדיו לחכם!

מזל טוב און אסאך אידיש נחת פון אלע קינדער און אייניקלעך און אור וכו'.

מזל טוב ר' שמחה, כשם שנכנס לתורה כן יכנס לחופה ולמע"ט

דער בוכ"ע זאל ענק אלע געבען נאר שמחות במעונכם

ר' הערש לייב דער באוואוסטער סיגוט'ער בדחן האט אמאל געזאגט: אז מען זעהט א שקרן זאגט מען "שהכל נהיה בדברו", אז מען זעהט א גנב זאגט מען "בחכמה פותח שערים"...