מילך קעסטל, מעג מען זיך באנוצן דערמיט?

[שוועמל]

אלע קעלערן, ווערהאוזעס, געשעפטן און אפילו שולן זענען פול מיט די גרינע מילך קעסטלעך האלטנדיג אלערליי חפצים וואס מען פלאנט שוין נישט צו נוצן ביז נאך די הונדערט און צוואנציג.

אז איר וועט קוקן אויפן מילך קעסטל (לאמיר רעדן פון די היימישע פירמע גאלדען פלאו) שטייט דארט קלאר "אומאויטאריזירטע באנוצונג איז אויסגעשטעלט צו קנסים לויטן געזעץ".

מיר וואונדערט וואס איז די היתר מיט וואס אזויפול אידן באנוצן זיך מיט די קעסטלעך וואס איז אויסדרוקליך נכסי גאלדען פלאו, און דעזיגנירט צו ליפערן מילך??
דאס איז חוץ דעם וואס זיי זענען געצווינגן צו באשטעלן נאך קעסטלעך און דאדורך הייבן די פרייזן פון די מילך.


פאר עטליכע יאר איז געווען עפעס א מעשה א פאליציי מאן האט געגעבן א טיקעט פאר א היימלאזער פארן חטא פון זיצן אויף א מילך קעסטל, די מידיא האט דאן געקאכט צי די שופט וועט טאקע באשטראפן דעם פאלעצער.
ואנן מה נענה אבתריה...

[טראכט גוט וועט זיין גוט]

כהאב הנאה צו זעהן ווי די האסט הנאה פון דיין זונטאג וועקעישן....

[scy4851]

שוועמעל,
יעצט אויפגעהאנגען דער טעלעפאן רעדענדיג צו מיין זוהן.
ער האט א סופרמארקעט און פלעטבוש און איך האב אוהם געפרעגט דיין שאלה.

ער זאגט מיר אזוי.
ער האט א געמישטע קאסטעמערס בעיס און ער פארקויפט גולדן פלוי מילך און אויכעט חלב סתם מילך פון א קאמפעני וואס הייסט Tuscan Dairy

די פירמע טאסקען דעירי, ווען זיי ליפערען אוהם מילך, לייגען זיי צו צום ביל א דאלער פאר א יעדע קעסטעל און ווען זיי ליפערען די נעקסטע דעליווערי און ער גובט צוריק די ליידיגע קעסטלעך קריגט ער א דאלער קרעדיט פאר א יעדע קעסטעל.

גולדען פלוי טשארדשט נישט קיין דעפאזיט פארען קעסטעל.
ווען ער קריגט א דעליווערי נעמען זיי צוריק די ליידעג וואס ער האט. אויב ער האט נישט קיין ליידיגע איז אויך גיט.
גולדן פלוי נעמט אהן אז א גוויסע פערצענט קעסטלעך וועלען זיי נישט צוריק קריגען האבען זיי שוין האט שוין אריין גערעכענט און זייער cost of doing business דאס וואס די קעסטעלעך קאסטען זיי און דאס ווערט passed on to the consumer.
לפי זה איז עס נישט קיין גלאטע גניבה אויב מענעמט די קעסטלעך פאר אנדערע צוועקען. ווייל עס איז אזוי וויא זיי האבען זיך שוין מייאש געווען.

ער זאגט מיר אן אינטערעסאנטע זאך.
די טאסקען פורמע זאגען אוהם אז זיי גובען אוהם צוריק א דאלער פאר ליידיגע מילך קעסטעלעך אפילו עס זענען נישט זייערע.
לפי זה וואלט ער גאר געקענט נאך מאכען געלט דורך קריגען דעלעווערי פון גולדן פלוי און געבען די ליידיגע קעסטלעך פאר טאסקען.
ער זאגט מיר אז ער וויל עס נישט טוהן ווייל גולדן פלוי איז א אידישע פירמע. ווען נישט וואלט ער געפרעגט א שאלה אויב ער מעג עס טוהן.

כהאב הנאה צו זעהן ווי די האסט הנאה פון דיין זונטאג וועקעישן....

?????

[ווינקל]

ער האט א געמישטע קאסטעמערס בעיס און ער פארקויפט גולדן פלוי מילך און אויכעט חלב סתם מילך פון א קאמפעני וואס הייסט Tuscan Dairy

סאיז סתם חלב עכו"ם... (רבי שמחה, נעמט דאס נישט פערזענליך חלילה)

---
צום ענין.

גולדען פלוי טשארדשט נישט קיין דעפאזיט פארען קעסטעל.
ווען ער קריגט א דעליווערי נעמען זיי צוריק די ליידעג וואס ער האט. אויב ער האט נישט קיין ליידיגע איז אויך גיט.

הייסט דאס אז גאלדן פלאו איז דאס מפקיר, און זיי זענען קונה מן ההפקר ווען זיי פיקן אויף פרישע.

גולדן פלוי נעמט אהן אז א גוויסע פערצענט קעסטלעך וועלען זיי נישט צוריק קריגען האבען זיי שוין האט שוין אריין גערעכענט און זייער cost of doing business דאס וואס די קעסטעלעך קאסטען זיי און דאס ווערט passed on to the consumer.

קומט אויס אז ניין, נאר לויט וויפיל קעסטלעך די קינדער האבן גענומען פאר ת"ב בענקלעך דאס יאר (למשל), כך וכך שאדן האבן זיי געהאט און דאן וועל איך דאס דארפן באצאלן...

איז עס לכאורה נישט אויסגעהאלטן. ויש לעיין בזה עוד.

[scy4851]

ער האט א געמישטע קאסטעמערס בעיס און ער פארקויפט גולדן פלוי מילך און אויכעט חלב סתם מילך פון א קאמפעני וואס הייסט Tuscan Dairy

סאיז סתם חלב עכו"ם... (רבי שמחה, נעמט דאס נישט פערזענליך חלילה)

דאס איז דאך שוין אן אלטע אויסגעדראשענע סוגיא אויב דא און אמעריקא איז פארהאן חלב עכו"ם אדער אלעס איז חלב סתם.
---

הייסט דאס אז גאלדן פלאו איז דאס מפקיר, און זיי זענען קונה מן ההפקר ווען זיי פיקן אויף פרישע.

נאט רילי.
זיי קומען צוריק נעקסטען טאג דעליווערען פרישע מילך.
זיי פיקען אויף די ליידיגע קעסטלעך.
מעדארף עס אפשר אהנקוקען נישט אז זיי זענען מפקיר און נעמען צוריק די ליידיגע מן ההפקר, נאר פארקעקט.
דאס וואס בלייבט איבער און זיי נעמען נישט צוריק, נאר דאס זענען זיי מפקיר. און די צוריק גענומענע זענען קיינמאל נישט געווען הפקר.

גולדן פלוי נעמט אהן אז א גוויסע פערצענט קעסטלעך וועלען זיי נישט צוריק קריגען האבען זיי שוין האט שוין אריין גערעכענט און זייער cost of doing business דאס וואס די קעסטעלעך קאסטען זיי און דאס ווערט passed on to the consumer.

קומט אויס ...., נאר לויט וויפיל קעסטלעך די קינדער האבן גענומען פאר ת"ב בענקלעך דאס יאר (למשל), כך וכך שאדן האבן זיי געהאט און דאן וועל איך דאס דארפן באצאלן...
איז עס לכאורה נישט אויסגעהאלטן. ויש לעיין בזה עוד.

איך האב פארשטאנען פון מיין זוהן'ס ווערטער אז פון זייער עקספיריענס ווייסען זיי שוין פון יאהרען וויפיל פערצענט קעסטעלעך וועט גיין פאר ת"ב בענקלעך(למשל)
און דאס ווערט שוין אריינגערעכענט און זייער עקספענס פון טוהן ביזנעס

ויש לעיין בזה עוד.

ווען איך האב געפרעגט מיין זוהן די שאלה האט ער אהנגעפאנגען זיין ענטפער בזה הלשון
יא און ניין
דערנאך האט ער מיר ערקלערט פארוואס ער זאגט דאס.

[שוועמל]

א גרויסן דאנק ר' שמחה פארן זיך מטריח זיין בעבורי.

אינטערעסאנט צו הערן די פאקטישע מציאות הדברים וואס קען צומאל טוישן די הלכה.

[אינטעליגענט]

הייסט דאס אז גאלדן פלאו איז דאס מפקיר, און זיי זענען קונה מן ההפקר ווען זיי פיקן אויף פרישע.

נאט רילי.
זיי קומען צוריק נעקסטען טאג דעליווערען פרישע מילך.
זיי פיקען אויף די ליידיגע קעסטלעך.
מעדארף עס אפשר אהנקוקען נישט אז זיי זענען מפקיר און נעמען צוריק די ליידיגע מן ההפקר, נאר פארקעקט.
דאס וואס בלייבט איבער און זיי נעמען נישט צוריק, נאר דאס זענען זיי מפקיר. און די צוריק גענומענע זענען קיינמאל נישט געווען הפקר.

גולדן פלוי נעמט אהן אז א גוויסע פערצענט קעסטלעך וועלען זיי נישט צוריק קריגען האבען זיי שוין האט שוין אריין גערעכענט און זייער cost of doing business דאס וואס די קעסטעלעך קאסטען זיי און דאס ווערט passed on to the consumer.

קומט אויס ...., נאר לויט וויפיל קעסטלעך די קינדער האבן גענומען פאר ת"ב בענקלעך דאס יאר (למשל), כך וכך שאדן האבן זיי געהאט און דאן וועל איך דאס דארפן באצאלן...
איז עס לכאורה נישט אויסגעהאלטן. ויש לעיין בזה עוד.

איך האב פארשטאנען פון מיין זוהן'ס ווערטער אז פון זייער עקספיריענס ווייסען זיי שוין פון יאהרען וויפיל פערצענט קעסטעלעך וועט גיין פאר ת"ב בענקלעך(למשל)
און דאס ווערט שוין אריינגערעכענט און זייער עקספענס פון טוהן ביזנעס

לפי זה, איז עס דאך ריכטיג יאוש שלא מדעת.
ווייל איה"נ ער רעכנט פון פאראויס אז א חלק וועט פארפאלן גיין דורך אינשי דלא מעלי, אדער קטנים, אבער ער ווייסט נישט גענוי וויפיל, קומט אויס אז בשעת מען נעמט דאס, איז נאך נישט דא קיין יאוש אויף דעם סכום.
.

[דארפסמאן]

לויט ווי איך געדענק האט גאלדען פלאו אמאל אריין געלייגט א עד און די צייטונגען אז עס איז נישט הפקר און ווער עס נעמט עס פאר פריוואטע באנץ זאל עס ביטע ציריק ברענגן, און אויך האבען זיי געשריבען א טעלעפאון נאמבער ווי מען קען קאלען אויב מען ווי בייצאלען פאר געשעדיגטע קעסטלעך (למשל אויב מען האט צישניטן די קעסטל)

און ווער עס געדענקט אז און סאטמערע קעמפס פלעגן זיי טיילען דרינקס סוף זימער פאר יעדע 3 קעסטלעך וואס מען האט ציריק געברענגט

[באזעסענער]

פונקט לעצטענס האט מיר דער שמש געזאגט אז גאלדן פלאו בעט 2 אדער 3 דאלאר פאר יעדן קעסטל וואס ער שיקט נישט צוריק!
איך באמערק אז אנדערע קאמפאניס ווי דבש א.ד.ג. נוצען שוין פאפירענע באקסעס אויך פאר מילך דעליוועריס, וואס איז דען א חילוק צו זשוס צו מילך, די פאפירענע באקסעס זענען גענוג פעסט דאס צו האלטן.
דרך אגב זאגט איינער אז בקרוב קומט ארויס האניג פון די חלב קאמפאני, אזוי ווי חלב איז לעצטענס געווארן דבש.

[טראכט גוט וועט זיין גוט]

לויט ווי איך געדענק האט גאלדען פלאו אמאל אריין געלייגט א עד און די צייטונגען אז עס איז נישט הפקר און ווער עס נעמט עס פאר פריוואטע באנץ זאל עס ביטע ציריק ברענגן, און אויך האבען זיי געשריבען א טעלעפאון נאמבער ווי מען קען קאלען אויב מען ווי בייצאלען פאר געשעדיגטע קעסטלעך (למשל אויב מען האט צישניטן די קעסטל)

און ווער עס געדענקט אז און סאטמערע קעמפס פלעגן זיי טיילען דרינקס סוף זימער פאר יעדע 3 קעסטלעך וואס מען האט ציריק געברענגט

האסט מיך געברענגט שפייעכטס און מויל דערמאנענדיג זיך די געשמאק אלס יונגל פון די ארענדזשע jj דרינק....

[שמעלקא טויב]

דארפסמאן: האסט מיר אויפגעברענט קאשמארישע זכרונות ווען מ'האט מיר צוגענומען אלע מיינע קעסטליך וואס זענען געווען באהאלטן אונטער מיין באנק....

---

היינט איז שוין דא אין אסאך שוהלן די פלאסטישע זעקליך מילך וואס ווערט דעליווערט אין א פשוטער ברוינע שאכטל.

[צולייגער]

כ'דערמאן זיך ווי דער מנהל וואס האט ווארשיינליך געהאט שלו' בית וכו' האט מיר אנגעפראסקעט ברבים, ווייל יענקי האט געזעהן ווי כדריי מיך לעבן איציס באהאלטעניש קאמער (איי ווער האט געזאגט אז כהאב בכלל געוויסט אז דאס איז א באהעלטעניש ארט?) און א טאג דערויף האט טאקע געפעלט דריי קעסטלעך פון איציס אוצר, אבער נאך מער טוט מיר וויי ווען כדערמאן זיך ווי דער שלעגער (מנהל) האט מיר איבערגעבעטן א טאג דערויף, ווען דער ריכטיגער גנב איז אפיר געקומען, און ער האט מיר פארגיטיגט מיט א... 'jj דרינק'... אבער כ'האב אים נישט געוואלט פרעגן פארוואס ער בעט מיר נישט איבער אין פראנט פון אלע וואס האבן געזעהן ווי ער שלאגט מיר.

נ.ב. די סיבה אז כהאב אים נישט געוואלט פרעגן איז פשוט מאוד ווייל כהאב נישט געוואלט כאפן נאך און ווי אויך האבעך נישט געוואלט פארלירן מיין דרינק

[אויפריכטיג]

היינט איז שוין דא אין אסאך שוהלן די פלאסטישע זעקליך מילך וואס ווערט דעליווערט אין א פשוטער ברוינע שאכטל.

די פלאסטישע זעקלעך אין די ברוינע באקסעס קומען אויך אין קעסטלעך.

[שוועמל]

איך מיין אז עס קומט אין אזא הארטע באקס אנשטאט א קעסטל.

[פריילאך]

פונקט לעצטענס האט מיר דער שמש געזאגט אז גאלדן פלאו בעט 2 אדער 3 דאלאר פאר יעדן קעסטל וואס ער שיקט נישט צוריק!
איך באמערק אז אנדערע קאמפאניס ווי דבש א.ד.ג. נוצען שוין פאפירענע באקסעס אויך פאר מילך דעליוועריס, וואס איז דען א חילוק צו זשוס צו מילך, די פאפירענע באקסעס זענען גענוג פעסט דאס צו האלטן.
דרך אגב זאגט איינער אז בקרוב קומט ארויס האניג פון די חלב קאמפאני, אזוי ווי חלב איז לעצטענס געווארן דבש.

איך האב געהערט אז אין אפסטעיט טשארזדט גאלדען פלוי דריי דאלער פאר יעדן קעסטל, און דאס איז אויפן ביל אויך, און ווען זיי נעמען צוריק גיבט מען קרעדיט.

מיט דעם פארשטייעך פארוואס די קעמפס לייגן א דגוש די קינדער זאלן עס צוריקברענגען.


BTW דאס אז זיי ווייסען אז מען וועט עס גנב'ענען, גיבט נאך נישט קיין היתר צו נעמען!

[ישלהוסיף]

כ'האב געזען א סוכה געבויט מיט די רויטע קוקע קאלע שאכטלעך, הייסט דאס לשיטתך א סוכה גזולה? אדער כ'דארף בלויז צאלען דמי עצים?

[מלאכי]

איך דערמאן זיך יארן צוריק ווען איך האב געלערנט אין כולל, האב איך געוואלט נוצן דעם גאלדן פלוי קעסטל ווי א שטענדער, אין איך האב געהערט פין מיינע חבירים אז אפשר טאר מען נישט. האב איך (אדער מיין חבר) אנגערופן גאלדן פלוי, אין געפרעגט צו איך מעג עס נוצן, האבן זיי געענטפערט בלא מיט א א', האט מען געפרעגט צו מען מעג עס אפקויפן דורך געבן די געלט וואס קאסט פארן דעליווערי בוי (אונז וואלט געלוינט צו האבן א שטענדער פאר אזא ביליגע פרייז) האבן זיי געענטפערט ניין! מיר זענען נישט אין די ביזנעס פון פארקויפן מילך קעסטלעך!

[שוועמל]

כ'האב געזען א סוכה געבויט מיט די רויטע קוקע קאלע שאכטלעך, הייסט דאס לשיטתך א סוגה גזולה? אדער כ'דארף בלויז צאלען דמי עצים?

דוכט זיך ס'יז א חילוק אין די דפנות און סכך.
ביי סכך זאגט מען זיכער תקנת מריש.

[בענקעל]

Attention all #GoldenFlow customers!!

Due to תשעה באב, we will be delivering the milk to your retail store for the next 2 weeks in shopping bags, until we collect all of our milk crates from all Shuls.

Have a easy fast.

[יוראפ]

וויפיל פון די קעסטלעך אויפן בילד באלאנגען פאר גאלדענפלאו...?

[over night kugel]

פארוואס טאקע דעליווערט מען מילך אין אזאלכע קעסטלעך? וועסטו מיר ענטפערן אז מילך איז שווער וועל איך דיר זאגן אז גרעפ דזוס באטלעך איז אויך שווער און דאך ברענגט מען עס מיט באקסעס

[פרידן]

ווייל מילך איז שווער אין עס ליגט אין פרידשעדער סיי אין ווערהאוז סיי די טראק אין פעפערנע באקסעס איז די נאסקייט פין די פרידשעדער צוזאמען מיט די שווערקייט וואלט די באקס זיך צוריסן
חוץ דעם איז עס מער פראקטיש ווייל עס זעצט זיך אריין אין אין די אנדערע

[צום פוינט]

אמאל געהערט בשם מורה הוראה מפורסם אז זיי זענען זיך מייאש

[green sunday]

וויפיל פון די קעסטלעך אויפן בילד באלאנגען פאר גאלדענפלאו...?

איך מיין נאר די צוויי גרינע

[יאצמעך]

אמאל געהערט בשם מורה הוראה מפורסם אז זיי זענען זיך מייאש

איך מיין אז די גראסערי איז אחריות דערויף