אלעס איבער פאנטס

[סתם_אזוי]

וויאזוי קען איך מאכן אז ווען איך נאכן מאכן א ? זאל ווערן אן אנדערע פאנט?

איך וויל טייפן שאלות און ענטפערס, און עס איז זייער שווער צו טוישן ביי יעדע שאלה עקסטער.

[בןהרחמן]

וויאזוי קען איך מאכן אז ווען איך נאכן מאכן א ? זאל ווערן אן אנדערע פאנט?

איך וויל טייפן שאלות און ענטפערס, און עס איז זייער שווער צו טוישן ביי יעדע שאלה עקסטער.

איך וועל דיר זאגן וואס איך האב אמאל געטוהן, איך האב געמאכט צוויי סטיילס איינס פאר די שאלה און איינס פאר די תשובה, און ביי סטיילס קען מען אנשטעלן פאר יעדע סטייל וואסערע סטייל עס זאל זיין די קומענדיגע פאראגראף, און איך האב אנגעשטעלט ביי די שאלה סטייל אז די קומענדיגע פאראגראף זאל זיין די תשובה סטייל און ביי די תשובה סטייל אז די קומענדיגע פאראגראף זאל זיין די שאלה סטייל, אזוי אז ווען איך האב געדרוקט ענטער נאך די שאלה איז עס גלייך געווארן די אנדערע טייל פון די תשובה, און ווען איך האב געדרוקט ענטער נאך די תשובה איז עס אליין געווארן די סטייל פון די שאלה, און אזוי איז עס געפארען א מחי' איך האב גארנישט געדארפט אנשטעלן און טוישען יעדע מינוט נאר איך סתם געטייפט און עס האט זיך אליין געטוישט די גאנצע צייט, (אויב וויל מען מאכן אן ענטער אינמיטן וואס ביי יענע זאל זיך עס נישט טוישן דאן דארף מען מאכן א שיפט+ענטער).

[ברוך_שמו]

איינער קען מיר שענקן דיזע פאנטס?
צנובר
פילוסיף
פיגמנט
מזל
כריזמר
כנעני
אקסטרים
אמרלד
אלגנטי
אהרוני חדש
שפע
רפורמה
רימונה
פרנקריהל
פרנקריהל בלט
פלשבק
קונספט
קינג פוקס
רוקוקו
רטרוס
שלמה
תוצרת הארץ

פון אלע אותיות קומען מיט עטליכע סארטן (דיקע, דינע, טונקעלע וכדו')

כ'העל שטארק דאנקבאר זיין.
כ'מיין אז דער וואס שענקט עס מיר זאל עס נישט ארויפלייגן אין פובליק. נאר מיר עס אריינשיקן אויף אימיעל.
עס איז גניבה דאס צו פארשפרייטן ברבים. ווער עס וועט נאכדעם וועלן וועלעך עס אים שיקן אי"ה.
נאכאמל: א דאנק פאר ווער עס וועט מיר שענקן די פאנטס אין וואס כ'נוטיג זיך:

[קרעמער]

מען האט שוין אמאל ארומגערעדט דא אז עס איז גניבה וגזילה צו שענקן בחנם פאנטס וואס קומען בדרך כלל פון אידישע בעלי בתים וואס פארקויפן דאס פאר פרנסה.

ולא באתי אלא לעורר.

[מאיר]

כ'מיין אז דער וואס שענקט עס מיר זאל עס נישט ארויפלייגן אין פובליק. נאר מיר עס אריינשיקן אויף אימיעל.
עס איז גניבה דאס צו פארשפרייטן ברבים. ווער עס וועט נאכדעם וועלן וועלעך עס אים שיקן אי"ה.
נאכאמל: א דאנק פאר ווער עס וועט מיר שענקן די פאנטס אין וואס כ'נוטיג זיך:

איך פארשטיי נישט ר' ברוך'ל... ברבים פארשפרייטן פאנטס פארשטייט איר אז ס'איז גניבה [בחנם] און פאר א יחיד אין אימעיל נישט?

די פאנט מזל מיין איך אז ס'געהערט פאר ר' אברהם דוד גליק בעל בית דפוס מזל, וועלכער האט קריעטעט עטליכע שיינע אייגענע פאנטס, און ער געט עס נישט ארויס פאר קיינעם.

[סתם_אזוי]

וועלכע נאך פאנטס האט ער קריעטעט?

[מאיר]

פאנטס וואס ווערן אנגערופן על שמו דהיינו אברהם דוד א' - אברהם דוד ב'...

[ברוך_שמו]

דוכט זיך מיר פאר זיכער אז די פאנטס וואס כ'האב געבעטן קומען נישט פון אזא היימישער אידל ווי ר' אברהם דוד גליק. עס איז געווארן קריעדעט דורך אן איזראעלישע פירמע פון עכט פרייע עלעמענטן, און זיי בעטן עפעס תבין ותקלין פאר יעדע אות באזונדער. דעריבער האלט איך עס נישט ביים קויפן פון זיי.

ביטע ווער עס קען מיר שענקן די פאנטס זאל עס שיקן אין אימעיל. בתודה מעיקרא

[איך_הער]

ווער האטער מתיר געווען, אז פון פרייע מעג מען יא גנב'ענען, און ווי אויך, וואסיז אנדערש בפומבי צו בהסתר?

[ברוך_שמו]

געערטע סעקרעטאר, הער וואס איך זאג דיר!
דער ענין פון פאנטס איז כלל נישט אין גדר פון גניבה. ברענג מיר איין מורה הוראה וואס וועט דיר זאגן אנדערשט.
נאר וואסזע דען? פאר די ארענדער און פארוואלטער פון אונזער קרעטשמע איז נישט אזוי געשמאק אז דורך זיין געוועב ווערן פארטיילט פאנטס וואס קומען ארגינעל פון א פירמע. אבער אריינצושיקן צו מיר אין אינבאקס דיזע פאנטס איז כלל נישט קיין פראבלעם לפענ"ד.

דעריבער אפעליר איך ווידעראמאל צו אלע ידידים חברי קהלתינו הקדושה: שיקט מיר אין אימיעל די פאנטס

[reb yid]

ברוך הוא וברוך שמו!
לצערי האבעך אלע פונטס וואס די ווילסט אבער ענטפער מיר אויף די פראגע:
ווען די וואלסט געווען די בעה"ב פון "פונטביט" Fontbit (די קאמפעני וואס מאכן די פונטס) וואס וואלט געועען דיין רעאקציע ווען די ווערסט געוואר אז דיינע אויסגעהארעווטע פונטס דרייען זיך ארום "ניש מיר - ניש דיר?
און נאך מער ווי אזוי ווילסטו אז איך זאל דיר עס שיקן ווען מיין באנק אקוינט האט זיך דעמאלסט ( נאכן קויפן) אביסעלע געשאקעלט? (הגם סאיז נישט אזוי פיל געלט)

[ברוך_שמו]

ברו"כים תהי' רבי יוד!
פונט ביט פראדוצירט פאנטס אויף א מאסשטאבליכן פארנעם און יעדן טאג ערשיינען זיי מיט פרישע סחורה אויפן מארקעט - פארקויף מיר נישט אז עס איז אזוי אויסגעהארעוועט... און בכלל וואס וועט זיי שוין שאדן אז עפעס א קרעטשמע אידן פון ווילי וועט האבן אין באזיץ עטליכע פון זייערע טויזנטער פאנטס.
רבי איד! אז איר האט עס, שענקט עס!
און איבער אייער באנק אקאונט וויסעך נישט פון וואס איר רעדט, איך פארמאג בכלל נישט אזא זאך.

[farshlufen]

ר' ברוך שמו, אין אייער תורה שטייט אפשר:

"לא תגנוב" נאר אויב מ'זעט?

"לא תגנוב" נאר אויב עס האט געקאסט יענעם אסאך?

"לא תגנוב" נאר אויב עס איז פאר יענעם א גרויסער שאדן?

באטאם ליין, ווען א ביזנעס פארקויפט א פראדוקט ווילן זיי נישט אז עס זאל פארטיילט ווערן אומזיסט!

מה דעלך סני לחברך לא תעביד!!!

[אלף בית]

כ'האב אמאל געהערט א וויץ:
אז פונקט ווי לשון הרע אויב 3 מענטשן ווייסן עס איז עס שוין נישט קיין לה"ר, די זעלבע איז מיט פאנטס אויב 3 מענטשן האבן עס שוין איז עס נישט קיין גניבה.

נ.ב. סאיז נישט אויסגעהאלטן עפ"י הלכה

[סאכדעס]

ברוך'ל, סארי פאר די שארפקייט, אבער קוקסט מיר אויס ווי א גיטע כעס אינגל. ער פרעגט דעם רבין: איך מעג גיין נעמען קוקיס פון לאמדים שטוב? רבי: ס'נישדא. אינגל: אבער כ'מעגיין?
איי מיען, וואס וויסטע? האסט איין מורה הוראה וואס האט דיר דאס מתיר געווען? האסט געפרעגט ארענדאר צו דו מעגסט דאס טון אויף זיין זייטל? וואס פשט פון טון א זאך דריי מאל מיט א פעסטקייט, וואס קען אריינלייגן איינעם אין צרות, אויף א סמך פון מיינען אז ס'איז נישט קיין פראבלעם?! אטו בשופטני עסקינן?
כ'מיין קאולם דאון, ס'קוקט אביסל אויס אז דו ביזסט נאך שאנערישוינע, און דו מיינסט אז די וועלט קומט דיר אלעס. גיב א ווער אביסל עלטער, אלעס וועט זיך שטעלן אויפן פלאץ.

[גרויזאמער]

סאכדעס

לדעתי איז ברוך שמו א שליח פון פאנטביט. איך ווייס ערשטהאנטיג פון אזאלכע מעשיות וויאזוי זיי האבן אינטערגעשיקט היימישע און דער שליח האט דערנאך באקומען גרויסע פראצענטן. קיינער זאל אים גארנישט שענקן. זיין וועג פון דאס בעטן איז אויך מוראדיג אויפפאלנד, ודי.

[גרויזאמער]

און איבער אייער באנק אקאונט וויסעך נישט פון וואס איר רעדט, איך פארמאג בכלל נישט אזא זאך.

...

[לחיים ולברכה]

כ'ווייס נישט צו ס'איז אונטערגעשטעלט אדער נישט. אבער מ'האט שוין גערעדט דערפון, און כ'גלייב אויך ווי אנדערע חברים, אז ס'איז נישט קיין שום חילוק אין גניבה צו מ'איז שומר תורה ומצות אדער נישט.

אגב, דער פאנט "מזל" איז פון פאנטביט, איינער פון זייער שענסטע פאנטס.
(שכח דע פאקט, פאר'ן שיקן א לינק צו דעם אשכול, אנדערש וואלט איך ווארשיינליך נישט אנגעקומען).

[reb yid]

איך האב עטעטשט די לייסענס פון פונביט - למען ידעו!

[ווארד2007]

ווייסט איינער ווי ס'איז דא צו "קויפן" פאנטס וואס איז סימבאלס, שטערנדלעך דיוויידערס א. ד. ג.

[יהיה כן]

איך ווייס נישט אויב דו האסט א קפידא צו קויפן אבער איך בין מיך משתמש אסאך מיט די פאנטס פון דא:

http://www.arfonts.net/class/fontfiles/ ... rnemantal/

[לאז געמאכט]

ער האט מדגיש געווען קויפן, ווייל פריער אינעם אשכול האט מען שרעקליך אראפגעריסן די וואס נעמען (גנב'נן) פאנד'ס פון אידישע ארויסגעבער'ס.

[יהיה כן]

פון יענעם סייד זעהט אויס אז עס באלאנגט פאר אראבערס, פון וועס סאיז א מצוה צו גנב'נען, בפרט אז ער גיט עס אומזינסט, ואין שום שאלה וחשש, ואדרבא יאכלו [כ'מיין יקליקו.....] ענבים וישבעו.......

[ווארד2007]

יישר כח

ס'איז זייער גוט צונוץ געקומען

[האניג]

ס'איז אן אלטע פראבלעם דאס אידיש זייט ווארד 2003, הן די פאנטס וואס שפרינגען צוריק צו טיימס נו ראומען, והן אין ווארדארט וואס די שטרעכליך זענען נישט די ריכטיגע, וכדומה, כ'געדענק נישט יעצט די אלע פראבלעמען.

כ'האב היינט געטראפן א באשרייבונג פון די אפיס גלאובעל עקספיריענס טיעם (דער שטאב וואס גיבט זיך אפ אין נישט ענגלישע שפראכן אין ווארד) וואס שמועסט אדורך די נושא פון נישט ענגלישע פאנטס אין ווארד (זיי רעדן נישט דארט בכלל פון היברו). כ'מיין ס'וואלט כדאי געווען פאר איינער וואס האט נערווען (נישט פאר מיר יעצט), ארויפצוברענגן אינ'ם קאמענטס די נושא בנוגע די אלע פראבלעם פון היברו, מ'רעדט דארט גלייך צו הויכן פענסטער, און זיי לייענען יעדען קאממענט (כמעט נישט דא צופיל) און ענטפערן אויף יעדער דערויף (ווי ווייט איך ווייס). ס'וועט זיכער גאר אסאך אויפטון.

ביטע זיך אנרופון ווארעם. וזכות הרבים, פון די הונדערטער ערליכע אידן וואס מוטשען זיך און פארברענען שעות איבער שעות מיט די פראבלעמען, תלוי בו!!!

http://blogs.technet.com/office_global_ ... -text.aspx