וויאזוי גיט מען זיך א עצה אין מייקראסאפט ווארד

[קלאָצקאָפּ]

וויאזוי?

[נישט פשוט]

ברויך זיין אזוי

aHdbBlUcNW.png (45.58 KiB) געזעהן 2335 מאל

[פאפיגיי]

איך האב 2 וויכטיגע פראגען וואס איז מיר נוגע אויפן מינוט:

איינס, איך האב א ווארד פייל פון א ספר, וואס יעדע שטיקל האט א קעפל, איז דא א וועג ביי פיינד-ענד-ריפלעיס, אויפצוזוכן אלע קעפלעך, כדי עס צו קענען טוישן אויפן פארמאט פון א קעפל אוטאמאטיש? [למשל איז דא א וועג צו זוכן א שטיקל וואס האט ווייניגער פון כך וכך ווערטער, אדער אן אנדערע אופן?].

2'טע שאלה, ווי אזוי טוישט מען אין די העדדער, אז יעדע מאמר זאל זיין א נייע סעקשאן, און ס'זאל שטיין פון אויבן די נאמען פון די מאמר?

[למעלה משבעים]

דאס הייסט אז די קעפל האט די זעלבע פארמעט ווי די עצם פאראגראף? אויב יא, ענדיגט זיך די קעפלעך מיט א פינטל? אויב נישט, איז דא נאך פאראגראפן חוץ די קעפלעך וואס ענדיגן זיך אן א פינטל?

[למעלה משבעים]

לגבי די 2טע שאלה דאס ארבעט מיט סטייל'ס, די נייע סעקשאן דארף האבן די ווערטער וואס די ווילסט זען אויבן מיט א געוויסע סטייל, און אין די העדער לייגסטו אריין א פיעלד [StyleRef] געלינקט צו דעם סטייל כזה.

[אדער יא]

לגבי די ערשטע שאלה, כמדומה רחמים יעקבוב האט א תוסף פאר דעם.

[פאפיגיי]

דאס הייסט אז די קעפל האט די זעלבע פארמעט ווי די עצם פאראגראף? אויב יא, ענדיגט זיך די קעפלעך מיט א פינטל? אויב נישט, איז דא נאך פאראגראפן חוץ די קעפלעך וואס ענדיגן זיך אן א פינטל?

די קעפלעך האבן נישט קיין פינטל, משא"כ אלע שטיקלעך האבן יא פינטלעך צום סוף.

איך באנוץ מיר מיט ווארד 2007, איך האב נישט קיין אהנונג ווי איך קום אן צו דאס וואס דו האסט גע'עצה'ט וועגן די העדדער.

יישר כח גדול.

[פאפיגיי]

לגבי די ערשטע שאלה, כמדומה רחמים יעקבוב האט א תוסף פאר דעם.

איך ווייס נישט ווער דאס איז. איך האב 'המשלים לוורד', דאס האט עפעס פאר דעם?

[למעלה משבעים]

אם כן, וועט לכאורה די גרינגסטע זיין צו טון אזוי. די ערשטע זאך מאך פיינד אלע פאראגראפן, און ריפלעיס מיט פאראגראף און א סימבאל מיט א נומער, צב"ש כזה.

פיינד

קאוד: וועל אויס אלע

^13

ריפלעיס

קאוד: וועל אויס אלע

^p@01

אויב די ערשטע פאראגראף איז אויך א קעפל, וועסטו דארפן מעניולי דארט צולייגן די קוד.

דערנאך זיך נאר פאר די פאראגראפן וואס האבן נישט קיין פינטל, און ריפלעיס די סוף פאראגראף מיט אן אנדערע סימבל/נומער צב"ש כזה - אבער פון דא וועט איר שוין דארפן ניצן וויילדקארד.

פיינד

קאוד: וועל אויס אלע

([!.])(^13)

ריפלעיס

קאוד: וועל אויס אלע

\1@02\2

דערנאך זיך פון די ערשטע קוד, ביזן צווייטן כזה. אבער דא דארפסטו זיכער מאכן אז די שטעלסט זיך סוף דאקיומענט און די זיכסט פון אונטן ארויף איר דארפט סעלעקטן ביי די פיינד באקסל Search Up

פיינד

קאוד: וועל אויס אלע

\@01*\@02

ריפלעיס מיט די פארמעט/סטייל די ווילסט.

דערנאך מאך פיינד פאר די סימבל נומער וואס האסט צוגעלייגט און ריפלעיס מיט גארנישט.

[למעלה משבעים]

בנוגע די העדער, די ווערטער וואס די ווילסט זאל שטיין אין העדער, לדוגמא פרק א' פרק ב', דארפסטו האבן א ספעציעלן סטייל ארויפגעלייגט אויף דעם, אויב האסטו נישט, איז די גרינגסטע סעלעקט דעם פאראגראף דריק קאנטרל שיפט S, און טייפ אריין די נאמען פארן סטייל. לאמיר זאגן לדוגמא perek.

דאן גיי אין די העדער ווי די ווילסט עס ארויפברענגן, דריק קאנטרל F9, און טייפ אריין די פאלגענדע

קאוד: וועל אויס אלע

STYLEREF  "perek"

דערנאך דריק F9, עס דארף ארויפקומען דארט פרק א' וכדומה.

[חוח בין השושנים]

איך עפן פריער מיין word און כ'טרעף נישט די 'דאקומענטס', נאר די 'פאולדערס'. וואס מיינט דאס? וויאזוי קום איך צוריק צו זען די ליסטע פון דאקומענטס?
זיכער א קלייניקייט, כ'ווייס נאר נישט וויאזוי.

[התבונני]

איך עפן פריער מיין word און כ'טרעף נישט די 'דאקומענטס', נאר די 'פאולדערס'. וואס מיינט דאס? וויאזוי קום איך צוריק צו זען די ליסטע פון דאקומענטס?
זיכער א קלייניקייט, כ'ווייס נאר נישט וויאזוי.

ביי RECENT איז דא 2 אפציעס DOCUMENTS און FOLDERS

[חוח בין השושנים]

ייש"כ התבונני
למעשה האב איך יעצט געטראפן די פראבלעם. ס'איז געווען אנגעשטעלט אויף all files אנשטאט all word documents.
א דאנק סייווי

[פאפיגיי]

בנוגע די העדער, די ווערטער וואס די ווילסט זאל שטיין אין העדער, לדוגמא פרק א' פרק ב', דארפסטו האבן א ספעציעלן סטייל ארויפגעלייגט אויף דעם, אויב האסטו נישט, איז די גרינגסטע סעלעקט דעם פאראגראף דריק קאנטרל שיפט S, און טייפ אריין די נאמען פארן סטייל. לאמיר זאגן לדוגמא perek.

דאן גיי אין די העדער ווי די ווילסט עס ארויפברענגן, דריק קאנטרל F9, און טייפ אריין די פאלגענדע

קאוד: וועל אויס אלע

STYLEREF  "perek"

דערנאך דריק F9, עס דארף ארויפקומען דארט פרק א' וכדומה.

ברוך השם. די העדדער ארבעט א מחיה.
יעצט איז אפירגעקומען א פרישע שאלה:

איך וויל אויף די לינקע בלאט זאל שטיין די נאמען פון די מאמר (ווצבש"פ פורים פסח וכו'), און אויף די לינקע בלאט זאל שטיין די נומבער פון די מאמר, מאמר א' מאמר ב' וכדומה. האב איך געטוהען די זעלבע זאך אויף די רעכטע זייט און ס'ארבעט א מחיה.

די פראבלעם איז נאר, אויב וויל איך נישט אז ס'זאל שטיין אנהויב פון די מאמר, מאמר א' מאמר ב' וכדו', ווי אזוי מאך איך דעם סטייל אז ס'זאל ארויפקומען אויפן העדדער, אבער נישט אינעם גוף הספר?

*

נאך א וויכטיגע פראגע, וואס איז אפשר נאך וויכטיגער ווי די ערשטע צוויי:

כידוע ביי ווארד ווען מ'מאכט צוויי קאלומ'ס קומט עס נישט אויס אייניג סוף פון די עמוד. איך האב 'המשלים לווארד' וואס האט אן עצה דערויף, אבער איך קען מיר נישט אויס דערמיט, און דאכט זיך מיר אז אפילו מיט זייער מעקרא דארף מען ארבעטן אויף כמעט יעדע עמוד עקסטער. איז דא עפעס א בעסערע עצה דערויף?

איז די נייערע ווערסיעס פון ווארד בעסער כלפי דעם? [איך האב דערווייל ווארד 2007].

[פאפיגיי]

נאך 2 שאלות, וואס האלט אויף די אויסשטעל פונעם ספר:

ווען איך מאך חלונות דורך 'המשלים לווארד', שטעל איך עס אן בשיטת 'טקסט לבן'. ווען איך פרוביר צו סעלעקטן דורך פיינד-ענד רעפלעיס די אלע 'טקסט לבן' כאפט עס נישט אויף, ווען איך כאפ אן איין חלון און איך מאך עס אליינ'ס פאר 'טקסט לבן', כאפט עס יא אויף דורך פיינד. ווי אזוי מאכן זיי עס וואס נישט דורך די געהעריגע וועג?

*

אויב האב איך א נאמען פון די פרק וואס איז צו לאנג, און איך וויל נאר האלב דערפון אויפן העדדער, ווי אזוי מאך איך אז די סטייל זאל נאר זיין אויף א האלבע נאמען?

המצפה לתשובה מאהבה.

[אדער יא]

קוקט אויס נישט געפרעגט אינעם ריכטיגן אשכול, אדער פארום...

הרוצה להושיעך מאהבה

[למעלה משבעים]

בנוגע אייער ערשטע שאלה, אן שטיין אינעם פנים בפשטות איז נישטא קיין וועג, איר קענט אפשר פראבירן מיט גאר א קרומען וועג [כ'זע דאך איר פראבירט אויסשטעלן א ספר אין ווארד וואס איז בעצם קרום....] עס צו מאכן די קלענסטע סייז און די ווייניגסטע ספעיסינג.

המשלים לווארד האב איך קיינמאל געניצט קאן איך אייך נישט ענטפערן.

בנוגע אייער לעצטע שאלה, איר קענט מאכן א קערעקטער סטייל, נישט א פאראגראף סטייל, און דאס ניצן.

[פאפיגיי]

יישר כח פאר די תשובות!

ווי אזוי מאכט מען א קערעקטער סטייל?

אויב האט איר נישט 'המשלים לווארד', וועל איך עס אויסשטעלן די שאלה אזוי. איך האב אינעם פייל ווערטער וואס איז אומזעהבאר, און איך וויל עס סירטשען, ווי אזוי קען איך טשעקן וואס מאכט עס אומזעהבאר? ווען איך סירטש פאר טעקסט וואס איז 'ווייסע קאליר' כאפט עס נישט אויף (ווען איך טויש עס אליינ'ס אויף ווייסע קאליר כאפט עס אויף), זעהט אויס אז ס'איז אומזעהבאר דורך אן אנדערע וועג, ווי אזוי קען איך וויסען וואס דאס איז?

[למעלה משבעים]

דריקט אלט קאנטראל שיפט S. די אונטערשטע באקסל אינגאנצן לינק'ס איז צו מאכן א נייע סטייל, די סטייל טייפ קענט איר טוישן צו קערעקטער.

איר קענט סעלעקטן די טעקסט? אויב יא, סעלעקט די טעקסט, דריקט קאנטראל D, ביי פאנט קאליר גיי צו מער קאלירן, דארט איז דא צוויי טעב'ס, גייט צום צווייטן טעב - קאסטום, איר וועט דארט זען די קאליר נומערן, טוישט איין נומער צו אן אנדערע, און טוישט עס גלייך צוריק, צב"ש פון 172 צו 173 און צוריק צו 172, דריקט אוקעי, וועט איר עס זען ביי די פאנט קאליר אין די ליסט פון ריסענט.

יעצט ווען איר מאכט פיינד, זיך פאר פארמעט, פאנט, פאנט קאליר, די קאליר דארף צו זיין ביי די ריסענט [העכער "מער קאלירן"], זיכט פאר די קאליר.

[פאפיגיי]

דיין עצה האט זייער פיין געארבעט אבער ס'האט נאך אלץ נישט אינגאנצען געהאלפן ביי מיר, איך ווייס אבער נישט פארוואס.

איך וועל מסביר זיין די סיטואציע:

איך האב באקומען א גאנצע פייל פון לאמיר זאגן לערך 600 זייטן אויף טעקסט.

איך האב עס אויסגעשטעלט אין עטליכע מינוט, געמאכט חלונות דורך 'המשלים לווארד' אויפן גאנצן פייל אויף איינמאל, דערנאך האב איך סעלעקטעט די קעפלעך מיט דיין עצה, און געטוישט די פארמעטינג.

די פראבלעם וואס האט זיך געשאפען:

אויב א קעפל איז מער פון א גאנצע שורה, האט עס באקומען א 'חלון', בשיטת טעקסט לבן, ובנוסף לזה ווען איך האב געטוישט די פארמעטינג, איז די ווייסע אותיות אנגעקומען אינמיטן שורה, ווי אויך האקט עס אלעמאל אפ די פאריגע שורה, במילא פאר די 'ווייסע אותיות' איז דא עפעס אזוי ווי אן ENTER אבער נישט קיין ריכטיגע ENTER, ווייל ווען איך סירטש פאר א PARAGRAPH MARK כאפט ער עס נישט אויף.

ווי אזוי קען איך דאס אויך אויפכאפן וואס דאס איז און ריפלעיסן מיט גארנישט אז אלעס זאל זיך שטעלן אין פלאץ?

*

למעשה איז געווען א בחינה פון 'טרם יקראו ואני אענה', בשעת'ן אראפשרייבען די פראגע, איז מיר בייגעפאלן א עצה, און ס'האט געהאלפען, דעריבער אזוי ווי ס'קען אפשר ברענגען נוצען פאר איינעם, שרייב איך עס אראפ:

ס'איז למעשה געווען א 'מעניועל ליין ברעיק', און נאכ'ן זוכן און ערזאצען האט זיך אלעס געשטעלט אין פלאץ.



איין קליינע/גרויסע פראגע בלייבט נאך אין פלאץ. איז דא אין די נייע ווארד, אדער א מעקרא וכדו', צו קענען מאכן ביידע קאלומ'ס זיך ענדיגען אייניג אין ווארד?

[אדער יא]

איין קליינע/גרויסע פראגע בלייבט נאך אין פלאץ. איז דא אין די נייע ווארד, אדער א מעקרא וכדו', צו קענען מאכן ביידע קאלומ'ס זיך ענדיגען אייניג אין ווארד?

תוסף לווארד - יישר טורים אוטומאטיש

280 שקל
yaakobov001@gmail.com

[אדער יא]

וויאזוי גיבט מען זיך אן עצה מיט קראס-רעפרענס העכער אות שצ"ב???

(די הערות נאך שצ"ב וואס ווערט קאנווערט צו טעקסט וועט נישט טויגן)

[למעלה משבעים]

פוטנאוט'ס? מען קען דוכט זיך גארנישט טון דערצו חוץ ניצן נומערן. פאר פיעלד'ס האט קרש אמאל מיר געגעבן א מהלך וואס איך ניץ פאר פעיטש נומערן.

[אדער יא]

יישר כח.
וויאזוי טויש איך נאכדעם די נומערן צו אותיות?

[למעלה משבעים]

כ'כאפ נישט די שאלה, ווארד האט די לימיטעישן אז ער קען נישט קיין אידישע נאמבער נאך שצב, ווילאנג ס'איז באמת הערות קענסטו גארנישט טון דערצו.