הפטורות שבתות ר"ח אב וער"ח אלול תשס"ח

[ביקסאד]

וואס פאר א הפטרה זאגט מען ביי ענק אין בית המדרש, אי"ה נאך שבת וועלן מיר מרחיב זיין את הדיבור, צו וויסן וואס צו טוהן אין דרייצן יאהר ארום אז משיח וועט ח"ו נישט קומען ביז דעמאלט, און אז ער וועט יא קומען קאן עס נאך אויס פאלן פריער, נו זאל מען כאטשיג האבען א פתחון פה צו וויסן במה דברים אמורים מאי דקאמרי רבנן פון וואס די גרויסע שמועסן.

[ביקסאד]

דא איז דא א שמועס צו מען זינגט די מסעות.
http://ladaat.net/forum/index.php?topic=22850.0

[קרעמער]

ביז חזק האב איך נישט געהערט פון דעם פראבלעם מיט די הפטורות, למעשה האט מען ביי אונז געזאגט די שבת ר"ח'דיגע (אזוי קוקט מען אויס אז דער גבאי איז דער שיינער איד ועל פיו ישק).

[scy4851]

דא איז דא א שמועס צו מען זינגט די מסעות.
http://ladaat.net/forum/index.php?topic=22850.0

אויף יענעם סייט ברענגט ער פון איינעם הרב משה יהודה רוזנווסר געשריבען און ענגליש.
בתוך הדברים שרייבט ער
Nevertheless, to my knowledge, nobody except the Yekkes sings the degalim
איך ווייס נישט פון וויא ער נעמט אזוי זאך.
איך האב געליינט 40 יאהר און פארשידענע בתי מדרשים. ביים אויווארער רב ז"ל, ביי ר' משה וואלף מייזליש און מאנסי, א תקופה פלעג איך ליינען אלטס א פארטרעטער און באבוב און מאנסי. און יעצט הער איך דער בעל קורא ביי ר' יחואל באבד שליט"א.
מעהאט אלטס געזינגען דער ועל צבא ביי די דגלים

[בןהרחמן]

ביינונז האט מען אויך געזאגט בפטורת שבת ר"ח, דאכט זיך אז אין די פוסקים שטייט אז דארט וואו עס איז נישט דא קיין מנהג קבוע זאל מען זאגן די ר"ח'דיגע

[יאנאש]

ביינונז איז פארגעקומען א שטיקל דין ודברים פארן ליינען, אבער דער גבאי האט אויפן באפעל פונעם שיינעם איד אויסגערויפן אז מען זאגט די ר"ח הפטורה.

[מיללער]

כ'האב געזעהן שרייבן בשם דעם פאיע רב שליט"א, אז בשנת תש"י איז ער געווען אינאיינעם מיט רביה"ק מסאטמאר זצ"ל ווען עס איז אזוי געפאלן אז שב"ק מסעי איז געווען ר"ח אב, שרייבט ער איז דער רבי האט געזאגט די הפטורה פון 'שמעי' וועלכע איז די מסעי הפטורה אבער ער געדענקט נישט צו דער רבי האט צוגעלייגט די צוויי פסוקים פון ר"ח והיה מדי שבת בשבתו וגו'.

עס איז מיר בכלל אינטערעסאנט פארוואס דאס איז געווארן א רבישע שאלה און נישט קיין הלכה'דיגע שאלה, אין שו"ע איז דאך געווענליך פארהאן הלכות אויף דעם, ווי זענען די מקורות איבער די אויסשטלונג?

[scy4851]

רב מיללער,
עס איז טאקע א חידוש אז אין שו"ע אדער די נושאי כלים רעדט מען נישט דערפון
דער מקור איז או"ח סימן תכ"ח סעיף ח'

[מיללער]

וואס שטייט דארט אין שו"ע? ר' שמחה

[scy4851]

מי"ז בתמוז ואילך מפטירין ג' דפורענותא, ז' דנחמתא תרתי דתיובתא ג' דפורענותא דברי ירמיה שמעו דבר ה' חזון ישעיהו

דאס איז עס!
זה הוא

גארנישט אין די נושאי כלים

[farshlufen]

ר' שמחה, ס'איז נישטא קיין רמ''א וועגן דעם?

אויסערדעם דארף צו זיין א חת''ם סופר און א גר''א ערגעץ וואו.

[ביקסאד]

ר' שמחה נישט אזוי שארף,

הרמ"א בהגהותיו לשו"ע או"ח סימן תכ"ה סעיף א, וז"ל בתוך דבריו: ראש חודש אב שחל להיות בשבת מפטירין שמעו (אבודרהם ומרדכי פ' בני העיר ומנהגים) וי"א השמים כסאי וכן עיקר במקום שאין מנהג (ת"ה סימן י"ט ומנהגי מהרא"ק), זאגט דער טו"ז וז"ל כי יש בה תרתי, און דער מגן אברהם ברענגט צו דעם לבוש וואס שרייבט וכן נהגו בפוזנא, און אזוי אויך דער חת"ס שרייבט וכן נוהגים, דאקעגען דער שערי תשובה ברענגט דעם דגול מרבבה וואס שרייבט ובפראג המנהג להפטיר שמעו עיין אליה רבה סימן תקמ"ט, און אזוי אויך אין ביאור הגר"א איז דא א אריכות הדברים שלא כדרכו און בתו"ד ז"ל: אבל האמת יורה דרכו דהעיקר כסברא הראשונה וכו'.

[scy4851]

ביסט גערעכט ביקסאד כ'האב פארגעסען
[וויי איז אז מען חזר'ט נישט אין מעפארלאזט זיך אויפען זכרון]

[דרך אגב]

ביי אונז און שוהל, (ווי עס איז געווען אפאר רבנים [אדמו"ר/אבדק"ק], אסאך דיינים)האט דער שמש אויסגערופן
אז מען זאגט דעם ראש חודש'דיגע.
יא, עס איז געווען א סאטמערע ביהמ"ד, סאו, מיללער די מעשה וואס דו פארציילסט דא איז מורא'דיג אינטערעסאנט.

[farshlufen]

כ'האב געזעהן שרייבן בשם דעם פאיע רב שליט"א, אז בשנת תש"י איז ער געווען אינאיינעם מיט רביה"ק מסאטמאר זצ"ל ווען עס איז אזוי געפאלן אז שב"ק מסעי איז געווען ר"ח אב, שרייבט ער איז דער רבי האט געזאגט די הפטורה פון 'שמעי' וועלכע איז די מסעי הפטורה אבער ער געדענקט נישט צו דער רבי האט צוגעלייגט די צוויי פסוקים פון ר"ח והיה מדי שבת בשבתו וגו'.

עס איז דא וואס זאגן אז אין תשל"ד האט דער רבי אנדערש גע'פסק'נט, און ביידע קענען זיין אמת, צוליעב כמה סיבות ואכמ"ל.

עס איז מיר בכלל אינטערעסאנט פארוואס דאס איז געווארן א רבישע שאלה און נישט קיין הלכה'דיגע שאלה, אין שו"ע איז דאך געווענליך פארהאן הלכות אויף דעם, ווי זענען די מקורות איבער די אויסשטלונג?

הרב מיללער
וואס פאלט דיר איין אז עס איז א רבי'שע שאלה?
עס אויסדרוקליך א הלכה'דיגע שאלה, און צוליעב דעם ווילן אידן וויסן ווי אזוי דער רבי האט גע'פסק'נט.

[מיללער]

יישר-כח הרב מביקסאד על העתקת המקורות.

דרך אגב,
קוק וואס דער פארשלאפענער רב שרייבט, קען זיין אז דאס איז דיין תירוץ.

פארשלאפן,
איך זעה דייקא יא א מקום להאריך אויב איז דאס פארבינדען מיט הלכה, יעצט אז דער ביקסאדער רב האט אראפגעברענגט די מקורות איז מיר דער עסק שוין מער פארשטענדליך.

[אלעקסיי]

פאר דריי יאר צוריק איז ארויסגעקומען א קול קורא פון צענדעליגע רבנים איבער די נושא.

מיללער, דאכט זיך מיר אז דו רעדסט פון ר' משה מאיר בריעף'ס בריעף (בריוו), איא?

[מיללער]

אלעקס,

איך ווייס נישט פון קיין בריוו פון דעם איבראנער רב ר' משה מאיר, אדרבא תציין מר פון וואס דער מדובר איז.

פון וועלכע רבנים איז געווען דער קול קורא, און וואס האבן זיי געפסקנט?

[ביקסאד]

פרעגט דעם בעל ההפטורות ובעל כסא של אליהו ר' וואלוויש ווייסהויז.

[ביקסאד]

צוריק ארויף געברענגט דעם געהענגעל צום אויבערפלאך [ווי אויך געטוישט דעם נאמען פון די קעפל] צוליב די בעפאר שטייענדע וואך, צו מען לייגט צו א טייל פון די הפטרה פון מחר חודש צו די קביעות'דיגע פון די שבעה דנחמתא.

זאל יעדער שרייבן אוואו מען פירט זיך ביי זיי אויב מעגליך מיט מקורות, מנאי ומנן יתפרשו, להגדיל תורה ולהאדירה.

[מיללער]

איך האב עס נאכנישט געלייענט, אבער אין די נייע קובץ 'אור ישראל' האב איך געזעהן אז איינער שרייבט דערוועגן, ווער עס האט דעם קובץ הנ"ל ווערט מכובד עס אריינצוסקענען.

ביקסאדער,
וואס זענען די מראי-מקומות צו די וואכעדיגע שאלה? איך זאל מיך קענען פארקוקען צום שיעור.

[ביקסאד]

די מראי מקומות דארף מען צו פארלאנגען אויסדריקליך פון די גבאים = אחראים פון אוצר הספרים.

[קרעמער]

ביי אונז אין שוהל האט דער רב אויסגעשריגן "עניה סוערה" (פאר מיר האב איך צוגעלייגט די ערשטע און לעצטע פסוקים פון מחר חודש).

[farshlufen]

אינטערעסאנט אז ביי אונז אין שול האבן די גבאים יעדן געלאזט זאגן וואס עס געפעלט, אנדערש ווי ביי אנדערע זאכן ווי זיי טיילן געווענליך יא איין.

[יאנאש]

פארשלאפן פארן אויסלאז.

קרעמער, ביינונז האט מען אויך געזאגט עני-ה סוערה, פון וואו נעמסטו די פסוקים עדישען?