הפטורות שבתות ר"ח אב וער"ח אלול תשס"ח

[farshlufen]

יאנאש,
ווען ר''ח געפאלט שבת און זונטאג שטייט אז מ'זאל זאגען די הפטורה פון שבת ר''ח און נאכדעם צוזאגען די ערשטע און לעצטע פסוקים פון מחר חודש, פון דעם איז דא וואס נעמען עס אויך אויף אונזער פאל.

[יאנאש]

יישר כח פארשלאפן.

[scy4851]

שו"ע או"ח הלכות ר"ח סימן תכ"ה סעיף ב'
ראש חודש שחל להיות באחד בשבת מפטירין בשבת שלפניו ויאמר לו יהונתן מחר חדש
וברמ"א שם
ואין דוחין עניה סוערה ולא שמעו משום מחר חדש (מנהגים)

דער רב האט געהייסען אבער, צי זאגען די ערשטע און לעצטע פסוקים פון מחר חדש

[מיללער]

יישר כח ר' שמחה פאר די רמ"א, עס וועט זיין אינטערעסאנט צו זעהן אויב עס איז בכלל פארהאן א מיינונג יא מדחה צוזיין 'עניה סוערה' וועגן מחר חודש.

[ביקסאד]

דא אין עמוד 10 ברענגט איינער פון מנהגי פפד"מ אז מען זאגט יא מחר חודש, http://ladaat.net/forum/index.php?topic=3866.135

ווי אויך ברענגט ער צו א שיין ווארט פון אברבנל.

[פאפיגיי]

אין קובץ גינת ורדים ח"ב איז געווען עטליכע תשובות פון רבנים איבערן הפטורה פון שבת ר"ח אב, איינער פון זיי איבראן.

אין קובץ אור ישראל - וואס איז אגב ארויסגעקומען נאך שבת ר"ח אב - האבן זיי אויך געהאט א תשובה פון עפעס א זון פון קאשויע רב זצ"ל איבער שבת ר"ח אב.

אינעם יעצטיגען נייעם קובץ גינת ורדים זעה איך אז זיי האבן א בירור פונעם 'רב ההפטורות' ווייסהויז הי"ו איבער שבת ערב ר"ח אלול, מיט א מעשה רב פון מרן מסאטמאר זי"ע, ומקאשוי זצ"ל, און כ"ק אדמו"ר מוויזשניץ מאנסי שליט"א.

איך האב נישט קיין סקענער, קען איך עס נישט ארויפשטעלן.

[מיללער]

פאפיגיי,
אפשר שרייבסטו כאטש די ראשי פרקים פון די מעשי-רב וכדו'?

[פאפיגיי]

פאפיגיי,
אפשר שרייבסטו כאטש די ראשי פרקים פון די מעשי-רב וכדו'?

אז מיללער בעט, וועל איך צוליב, הגם עס קומט מיר נישט אן אזוי גרינג.

דארטען שרייבט ער אזוי:

אין שנת תשל"ד לפ"ק האט מרן הגה"ק בעל ויואל משה ודברי יואל מסאטמאר זי"ע גע'פסק'נט צו זאגען די הפטורה פון "מחר חודש", ער איז דאן געווען אין באל הארבער, און די מפטיר איז געווען כ"ק אדמו"ר הרב"צ מבאבוב שליט"א, וואס איז געווען א גאסט ביים רבי'ן אויף יענע שבת. אויך זיין טאטע כ"ק אדמו"ר מהר"ש מבאבוב זצ"ל האט דאן גע'פסק'נט אין זיין ביהמ"ד צו זאגען הפטרת מחר חודש, אויך כ"ק אדמו"ר מוויזניץ שליט"א האט דאן געזאגט הפטרת מחר חודש, און נאך תפילת מוסף האט ער געהייסען אויסרופען אז גאנץ קהל זאל זאגען הפטורת ראה "עניה סוערה".

דארטען שרייבט ער שטייצעך אין לשה"ק, איך האב עס מעתיק געווען אין אידיש. נאכדעים איז מברר מספרי הלכה וספרי המנהג כדת מה לעשות.

אויך אין די בתי מדרשים האט די רב ההפטורות געלייגט א צעטל, אויך אין די צייטונגען, אבער דארט איז נאר געשטאנען וואס מען דארף טוהען, אבער נישט די גאנצע אזוי ווי עס שטייט אין קובץ גינת ורדים ח"ג.

[מיללער]

א דאנק הגיי מפאפא פאר די העתקה,
אינטערעסאנט אז די צדיקים האבן זיך געפירט אנדערש ווי עס שטייט אין רמ"א בפי', ער ברענגט עפעס א מקור צו זאגן מחר חודש?

[פאפיגיי]

ער ברענגט דאכט זיך פיל מקורות, אבער דאס קען איך שוין נישט מעתיק זיין.

[קרעמער]

קאפיס פונעם גינת ורדים, בנדיבות ידידינו "פארשלאפן" ירום הודו.

[קרעמער]

א בראך. ער לאזט מיר שוין ווייטער נישט ארויפשטעלן קיין בילדער, צוליב דעם וואס עס איז א BMP (אפילו נאכן טוישן די פייל צו א JPG שרייבט ער נאך אלץ סוג קובץ התמונה אינו מתאים: הסיומת הצפויה היא bmp אבל הסיומת שהתקבלה היא jpg.

איך פלעג האבן דעם פראבלעם ביים ארויפשטעלן PRINT SCREEN, לאמיר פרובירן אנשטעלן אז אויך די גע'סקענ'טע בילדער זאלן ווערן א JPG.

[קרעמער]

ביים פרובירן צו טוישן די סעטינגס, האט זיך עפעס אנדערש פארהאנקערט. איך וועל זיך מוזן שפעטער צוריקקערן דערצו אי"ה.

[מיללער]

קרעמער,
ווער נישט געפאלן, דאס איז זיכער מעשה שטן (כידוע אום חודש אלול ארבעט ער אווער-טיים, פאר זיין ר"ה וואקאציע ווען ער איז מעורבב).

[קרעמער]

איך האב געמאכט א פרינט-סקרין פון די געסקענטע בלעטער... לאמיר זעהן אויב מ'וועט עס קענען ליינען.

[קרעמער]

די צווייטע קומט פריער.

[אלעקסיי]

אביסעלע שווער צו לעזעהן.

מען קען נישט אנשטעלן אז א סקען זאל ווערן גלייך א jpg?

[קרעמער]

מעגליך אז יא, איך האב אבער פרובירט אן ערפאלג.

[וואוילע שעפעלע]

דער עולם ווערט געבעטן אריינצוקומען איבערגעבן וואס מ'האט געטון די וואך שבת ביי זיי אין ביהמ"ד.


-----
ביינונז האט מען געזאגט 'השמים כסאי' זוי ווי יעדן ר"ח

[יאנקעלע קליגער]

ביינונז האט מען אויך געזאגט ר"ח, (מ'האט נישט געזאגט די ערשטע און לעצטע פסוק פון מחר חודש)

און אי"ה פרשת כי תצא וועט מען זאגן די הפטרה פון ראה צוזאמען מיט די הפטרה פון תצא.

[וואוילע שעפעלע]

יא, אזוי איז איינגעפירט אין רוב אשכנז'ישע מקומות, ווי דער רמ"א פסק'נט.

[farshlufen]

איך האב געמאכט א פרינט-סקרין פון די געסקענטע בלעטער... לאמיר זעהן אויב מ'וועט עס קענען ליינען.

קרעמער פלאגט זיך נאך מיטן סקעננער?
viewtopic.php?p=3179604#p3179604

ווער וועט אונז לערנען וועלכע הפטורה מען זאגט?

אין קובץ "גינת ורדים"בענין הפטורת שבת ערב ראש חודש אלול
https://beta.hebrewbooks.org/pdfpager.a ... &pgnum=299