דיונים ועיונים בפרשת שמות

חידושים ופלפולים בפרד"ס התורה

די אחראים: אחראי,גבאי ביהמד

אוועטאר
farshlufen
שר שלשים אלף
תגובות: 35239
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

יישר כח ר' משה, זזצ"מ.

למעשה האט דער אבן עזרא נאר שווערער געמאכט די קושייות כמו שהאריכו המפרשים.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
זיס
שר האלף
תגובות: 1400
זיך איינגעשריבן אום: פרייטאג מארטש 27, 2009 1:06 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך זיס »

א גוטן שובבי"ם

ווער עס וויל מארגן פאסטן זאל געדענקען מקבל תענית זיין היינט ביי מנחה.

אן אינטערעסאנטע נקודה געטראכט לערנענדיג היינט אביסל אין די סדרה:
משה רבינו איז אנטלאפן פון מצרים, וויבאלד מען האט אים געוואלט הרג'ענען. ער איז אנגעקומען קיין מדין און חתונה געהאט מיט בת יתרו.

בפשטות האט משה נישט געקלערט אז ער וועט נאך אמאל צוריק אנקומען קיין מצרים; ער האט זיך פיין איינקאווטירט אין מדין, געהאט עטליכע קינדער און געארבעט ביי זיין שווער, פאשענעדיג זיינע שאף. ער האט שוין נישט געזען מצרים מיט זיינע קרובים שוין באלד פערציג יאר.

עס איז אינטערעסאנט צו קלערן, וואס האט משה געטראכט? - וואס איז זיין עתיד? - בפשטות האט ער נישט געקלערט אמאל צוריקצוקומען קיין מצרים און זיך פאראייניגן מיט זיין פאלק; אפילו ווען דער באשעפער האט אים געבעטן אהינצוגיין האט ער זיך פראבירט ארויסצודרייען און געוואלט בלייבן אין מדין. אלזא, האט משה געקלערט אז ער וועט אויסלעבן זיינע יארן אין מדין צוזאמען מיט זיינע קינדער, זיינע קינדער וועלן דארט חתונה האבן און ווייטער ציען דעם קייט.

ווער ווייסט, צי עס איז נישט געווען נאך אידן וואס האבן זיך באיזה אופן געראטעוועט פון מצרים, אנגעקומען צו אנדערע לענדער און דארטן פארבליבן?! - ווער ווייסט צי עס איז נישט פאראן אייניקלעך פון זיי ערגעצוואו?!

גערעדט ווי אן אויפגעקלערטער?
אוועטאר
msp
שר עשרת אלפים
תגובות: 18061
זיך איינגעשריבן אום: דאנערשטאג מארטש 10, 2011 10:03 am
לאקאציע: בין גברא לגברא

  • ציטיר
  • צו לייגן א דאנק דארפט איר זיין אריינגעלאגט

תגובה דורך msp »

א פאר הערה'לעך
א
וימת מלך מצרים ויקם מלך חדש אשר לא ידע את יוסף
רש"י זאגט ויקם מלך חדש - איז א פלוגתא צו עס איז מלך חדש ממש אדער נתחדשו גזירותיו
און אויף אשר לא ידע את יוסף זאגט ער עשה עצמו כאילו לא ידע
איז מיר היינט איינגעפאלען אז דער רש"י פון עשה עצמו כאינו יודע איז אין אמת'ן לכו"ע אפילו למ"ד מלך חדש ממש
וויבאלד עס קען נישט זיין אז ווער עס זאל נאר זיין זאל נישט האבען געוויסט פון יוסף דער משביר דער משנה למלך...
ב
אין מדרש שטייט אז די ארבע לשונות של גאולה זענען אקעגען די ארבע גזירות שגזר פרעה
אין המשך פון די סדרה צייכענט דער מדרש צו וועלכע גזירות דאס זענען געווען
א] ויעבידו מצרים את בנ"י בפרך
ב] כל הבן הילוד היאורה תשליכוהו
ג] וימת מלך מצרים שנצטרע ורחץ בדם 150 ילדים ביום ו150 ילדים בלילה
ד] תבן לא ינתן
און מיר זענען נגאל געווארען פיר גאולות פון די גזירות
לפי דעם קען מען פארשטיין א מערקווירדיגע גמרא אין ערבי פסחים
די גמרא זאגט אז נאר צוויי כוסות דארפען הסיבה
און די גמרא איז מצדד וועלכע צוויי דאס זענען
אבער די גמרא זאגט בכלל נישט פארוואס נאר צוויי דארפען הסיבה
לפי מה שנתבאר קען זיין אזוי
די חיוב הסיבה איז אויף צו ווייזען חירות
איז לאמיר באטראכטען די פיר גאולות
די גאולה פון ויעבידו בפרך איז א גאולה פון עבדות לחירות
די גאולה פון כל הבן היאורה תשליכוהו איז א גאולה ממות לחיים
די גאולה פון וימת מלך מצרים איז א גאולה ממות לחיים
די גאולה פון תבן לא ינתן איז א גאולה מעבדות לחירות
איז נאר ביי צוויי לשונות פאסט ווייזען חירות....
ג
אויף דער ענין פון וימת מלך מצרים איז דא אנ'אינטערעסאנטע רמז פון פרי מגדים בספר המגיד
ווען משה רבינו האט געזעהן ווי אידישע קינדער ווערען איינגעמויערט אין די ערי מסכנות האט עס אים געאהרט
האט ער גוזר געווען צו ראטעווען איינער והקב"ה מקיים אבער פון איהם איז ארויס מיכה
ווייל אין אמת'ן וויאזוי דער מסבב כל הסיבות האט דאס ערלעדיגט
איז נאר אזעלכע פון וועמען מען וואלט סייווי נישט געזעהן קיין נחת זענען געהרג'עט געווארען
זאגט דער פרמ"ג אז דאס איז דער רמז אל תסתכל בק"נ-ק"ן
פרעג נישט אויף די קינדערלעך די 150 ביי טאג און די 150 ביינאכט וואס זיי האבען געשחט'ן פאר פרעה'ס וואנע
אלא במה שיש בו
מען וואלט פון זיי סייווי נישט געהאט קיין נחת...
ד
ויפן כה וכה וירא כי אין איש
זאגט רש"י אז ער האט געקוקט צו פון דער מצרי וואלטען ארויס ערליכע דורות האט ער געזעהן אז ניין האט ער איהם געהרג'ט
באוויסט איז פון די ספרים אז משה רבינו האט גענוצט דער שם ת-כ-ה אויף צו הרג'נען דער מצרי
און דאס איז געווען דתן'ס טענה צו משה רבינו ווען משה רבינו האט געזאגט צו איהם למה תכ"ה רעך
און ער האט דאך דערמאנט דעם שם ת-כ-ה
האט ער אים גע'ענטפערט הלהרגני אתה אומ"ר מיט דעם שם...
עכ"פ דער בריסקער רב הגרי"ז זצ"ל זאגט אז באמת'ן קומט א גוי וואס שלאגט א איד מיתה
אבער הגם אז ווען עס קומט צו עונשים מאכט מען נישט קיין חשבונות איז דאס נאר ביי מיתה בידי אדם
מה שאין כן ביי מיתה בידי שמים
וויבאלד דער רמב"ם זאגט אז א גוי וואס שלאגט א איד איז נאר חייב בידי שמים
האט משה רבינו געקוקט צו עס וואלטען ארויס ערליכע דורות פון דעם מצרי עכ"ד
נאר די שאלה איז צו נוצען א שם צו הרג'נען א צווייטען האט א דין ווי מיתה בידי שמים
ווייל יש אומרים אז הרג'נען איינעם דארך א שם הייסט רציחה...
ה
וירא כי סר לראות
דער מהר"ש מאסטראפאליע הי"ד זאגט אז משה רבינו האט געוואלט זעהן צו דער פגם אין דעם שם דארך מכירת יוסף איז פאראכטען געווארען
נאר משה רבינו האט געהאלטען אז דער פגם איז געווען אין שם הוי-ה און וויבאלד עס איז דארך צעהן נפגם געווארען האט געדארפט זיין א מירוק פון 10 מאהל 26 דהיינו 260 ממילא האט ער געזוכט צו עס איז שוין אדארך 260 יאהר
וירא כי ס"ר = 260 לראות
האט דער אייבערשטער אים געזאגט אז ניין
דער פגם איז געווען אין דעם שם אהי-ה
און 210 יאהר זענען שוין פארביי
האב איך געטראכט אז דאס קען זיין דער המשך
משה רבינו פרעגט וואס זאל איך ענטפערען אויב זיי פרעגען מיר מה שמו
וואס איז דער מצב מיט דעם פגם אין דעם שם
ווי איז דער נאמען איז שוין אלעס פארראכטען?
זאגט דעם באשעפער קענסט זיי זאגען אלץ איז בסדר
אהי-ה אשר אהי-ה
דער שם אהי-ה איז שוין צוריק ווי דער אלטער שם אהי-ה...
ו
געראדע לעצטענס הער איך ווי אסאך זענען זיך מונע צו זאגען דעם שם אהי-ה
זיי זאגען אקיה אדער אהקה
למעשה איך געדענק נישט אזוי פון מיינע קינדערישע יאהרען
אויך דער משך חכמה זאגט אז מען טאהר יא זאגען אהי-ה
קען זיין אז לפי דער רשב"ם עה"פ זה שמי לעולם איז מוסבר פארוואס עס איז מותר
וויבאלד אהי-ה איז דאך כמדבר בעדו און נאר הוי-ה איז צום דריטער פערזאן איז נישט שייך ווען א מענטש זאגט אהי-ה זאל עס האבען א קדושה והבן
עוד יש באמתחתי אבל אדעוואהל איז דאס איז עס
חכלילי עינים מיין ולבן שנים מחלב
אוועטאר
msp
שר עשרת אלפים
תגובות: 18061
זיך איינגעשריבן אום: דאנערשטאג מארטש 10, 2011 10:03 am
לאקאציע: בין גברא לגברא

  • ציטיר
  • צו לייגן א דאנק דארפט איר זיין אריינגעלאגט

תגובה דורך msp »

ז
ותקח צפרה צר
די חיוב מיתה אויף משה רבינו פאר זיין התרשלות צו מל'ן דארף א ביסעל הסבר
לכאורה איז דא צוויי פרשיות פארהאן אויף חיוב מילה איינער אין פרשת לך לך און א צווייטער אין פרשת תזריע
אין פרשת לך לך שטייט אז יעדער דארף געמל'ט ווערען דארך דעם טאטען אדער בית דין פון אכט טאג אהן
און אין פרשת תזריע שטייט דער חיוב אויף דער אכטער טאג דייקא און דאס איז נאר נתחדש געווארען לאחר מתן תורה
דער חיוב אויף'ן טאטען פון אכט טעג אהן פון לך לך לכאורה איז דער חיוב צו מאכען ווי פריער מעגליך נאר וועגען זריזין מקדימין
א חוץ דעם איז אויב צפורה האט געמל'ט און נישט משה איז דאך דער חובת האב ווייטער נישט נתקיים געווארען ויש לפלפל בזה...
ח
ויבקש המיתו
פון רש~י איז משמע אז דער מלאך האט אויסגעזעהן ווי ער שלינגט איין משה פון ביידע זייטען פון קאפ און פון די פיס ביז דעם אות ברית קודש
האט צפורה פארשטאנען אז עס איז וועדען זייער זוהנ'ס ערלה
די שאלה איז נאר אז משה איז דאך יא געווען געמל'ט
נאר קען זיין ווי די ספרים זאגען אז למעשה איז דאך נארמאל די ברית מילה געמאכט ווען מיר זענען פיצעלעך שלא ברצוננו
איז ווען באקומט מען קרעדיט פאר אונזער אייגענע ברית מילה
ווען מיר מל'ן אונזערע קינדער
אבער ווילאנג מען מל'ט נישט די קינדער איז דאס א פגם אין די מצות מילה אין די טאטעס
דערפאר האט זיך דאס געוויזען אין די אות ברית קודש פון משה רבינו...
חכלילי עינים מיין ולבן שנים מחלב
אוועטאר
אוהב חכמה
שר חמש מאות
תגובות: 700
זיך איינגעשריבן אום: מאנטאג אקטאבער 03, 2011 2:24 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אוהב חכמה »

הערליך שיין ר' מנחם שלום, אפאר קורצע הערות להערות:

צו עשה עצמו כאילו לא ידע גייט לויט ביידע, איז לכאו' תלוי אין די גירסאות בסוטה יא. וערובין נג. וכ"ה בשמו"ר כאן.
די געדאנק איבער הסיבה, עי' בהעמק שאלה ריש שאילתא עז קרוב מאד לזה.
דער משך חכמה ברענגט פונעם מגיד מישרים די קושיא פארוואס איז נישטא דער איסור הוגה את השם ביי אהי' ווי ביי הוי' דזה שמי לעלם, ולא איירי מענין הזכרת השם לבטלה. ועי' תורה לשמה סי' תצו. אמנם ברמב"ם (פי"ב משבועות הי"א) מבואר אז דאס האט מיט שמות המיוחדין, וא"כ תלוי בהשיטות בפ"ו מיסוה"ת ה"ב. וכבר האריכו בזה הרבה.
היודע כל החכמות אם אינו אוהב החכמה אינו חכם אלא טפש הוא, אחר שאינו אוהב, כי היא הדעת. אך האוהב אותה ומתאוה אלי' אע"פ שאינו יודע כלום הרי"ז נקרא חכם, שעכ"פ תשיג אל החכמה האמיתית ודעת אלקים תמצא. (רבינו יונה אבות רפ"ד)
אוועטאר
תלמודלערנער
שר מאה
תגובות: 247
זיך איינגעשריבן אום: מאנטאג מארטש 28, 2011 10:11 am
לאקאציע: במקום שהמחשבה נמצא

  • ציטיר
  • צו לייגן א דאנק דארפט איר זיין אריינגעלאגט

תגובה דורך תלמודלערנער »

msp האט געשריבן:א פאר הערה'לעך

זייער פיין געזאגט, עס געפעלט מיר די טעם פון די צוויי חירות כוסות
התענוג האמיתי הוא תענוג הלימוד, בשאר התענוגים הנפש לא תמלא
אוועטאר
תלמודלערנער
שר מאה
תגובות: 247
זיך איינגעשריבן אום: מאנטאג מארטש 28, 2011 10:11 am
לאקאציע: במקום שהמחשבה נמצא

חשבונו של האבן עזרא בפרשת שמות

  • ציטיר
  • צו לייגן א דאנק דארפט איר זיין אריינגעלאגט

תגובה דורך תלמודלערנער »

בענין כללים מחשבונו הנפלא של האבן עזרא בפרשת שמות

המעיין בדברי האבן עזרא (שמות ג, טו) יראה בו סודות וחשבונות נפלאים, ודבריו קשה למבין בלי ביאור קל וצח, ומצאתי בקובץ סיני משנת תשכ"ו שהעתיקו מכת"י מהגה"ק רבי מנחם מאנש חיות זצ"לא שכתב לבאר חלק החשבוני מהאבן עזרא, ונעתיק קצת כללים היוצאים מביאורו. מי שיש בידו (באוצר החכמה) את קובץ סיני, נא לפרסמו כאן.

...ודע כי כוונת הראב"ע ז"ל לבאר מעלתם של אילו ארבע אותיות א, ה, ו, י, (האבן עזרא כתב דבריו על שם של הקדוש ברוך הוא אהי-ה, וכן שם הוי"ה, ששתי השמות אלו הם מאותיות הכי חשובים שבא"ב) ובא לבאר מעלתם אשר נשתנו משאר אותיות, מה שאין כן בשאר אותיות ובשאר מספרים אותן סגולות שיש באילו ארבע. – וכדכתב בא"ד: הנה אלה הארבע' המספרים הם היקרים ומספרם שנים ועשרים כמספר כל האותיות.

ונעתיק עכשיו כמה כללים יסודיים כפי שהוסדר בקובץ הנ"ל, שבידיעת הכללים היטיב יבינו לן יותר בנקל את דברי האבן עזרא.

חשבון חסר: פי', אם נחלק איזה מספר לכל החלקים השלמים שבו ואח"כ נסכם אותם וסכומם יעלה ל"פחות", מאשר המספר שאותו חלקנו, זהו חשבון חסר, המספר 8 מתחלק ל 1 (8 X 1 = 8) ל 2 (4 X 2=8) ול 4 (2 X 4 =8) ~ ואם סכומם 1+2+4=7, הרי הסכום החלקים השלמים של 8 עולה רק למספר 7 וחסר לנו 1

חשבון נוסף: פי', אם נעשה למספר 12 מה שעשינו למספר 8 נקבל את התוצאה ההפוכה, דהיינו שסכום כל החלקים השלמים יעלה על המספר שאותו חלקנו, המספר 12 מתחלק, ל 1,2,3,4,6 (כחשבון הנ"ל כגון: שלש פעמים 4 נקבל 12, שני פעמים 6 נקבל 12 וכן בשאר) ואם סכומם, 1+2+3+4+6 = 16, הרי ארבעה נוספים על היסודי (ארבע מספרים יותר מ12).

חשבון שלם: אם יעשה החשבון במספר 6 נקבל התאמה בין המספר היסודי והסכום של החלקים השלמים שלו, המספר 6 מתחלק ל1, 2,3 (שתי פעמים 3 נקבל 6, שלש פעמים 2 נקבל 6) ואם סכומם 1+2+3=6 זהו חשבון שלם ונקרא גם כן המספר השוה בחלקיו.

חשבון עגול: המספרים החשובים הנזכר לעיל א, ה, ו, י, נקראים בשם זה, כי גם אחרי שנעשה מהם רבוע (SQUARE) המספר היסודי ישאר בכל ההרכבים כמו: א (1) – 1X1=1 ~ 1X1X1=1

ה (5) – 5X5=25 ~5X5X5=125

ו (6) – 6X6=36 ~ 6X6X6=216

י (10) – 10X10=100 ~ 10X10X10=1000

הרי שארבעת המספרים האלו נשארו כחלק בלתי נפרד מן הסכום החדש, ואילו במספר 7, הרבוע שלו הוא: 49 (7 פעמים 7) והמעוקב שלו 7X7X7=343 והמספר היסודי 7 נעדר מהמספר.

כפל מרובע: אחרי שמגדילים מספר פי שנים (5+5=10) עושים ממנו רבוע (10X10) זאת אומרת: עושים רבוע מן איזה מספר, אחרי שהעלו אותו לערכו הכפול, לפי זה הכפל המרובע של 5 הוא כזה- 5+5=10, 10X10=100.

חשבון השוה במרובעים: למספר 5 (מארבעה החשובים) יש סגולה מיוחדת, שהמעוקב שלו 5X5X5 דומה לסכומם של שני הרבועים שלו, דהיינו הרבוע הנורמלי 5X5=25 והרבוע מן הכפל שלו 5+5=10, 10X10=100, זאת אומרת: המעוקב של 5 הוא: 5X5X5=125, וזה בדיוק הסכום של שני הרבועים.
התענוג האמיתי הוא תענוג הלימוד, בשאר התענוגים הנפש לא תמלא
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

א מלמד רופט מיך אן מיט א פראגע וואס א אינגל האט אים היינט געפרעגט: פארוואס מיט משה רבינו זענען נישט געבוירן געווארן ששה בכרס אחד?

איך האב אים געזאגט א תירוץ וואס איז מיר געליגן אין קאפ, אבער איך ווייס נישט דעם מקור דערפון, אז נאר די וואס זענען געפייניגט געווארן - ד.ה. אלע שבטים אויסער שבט לוי - זענען געבענטשט געווארן מיט די ששה בכרס אחד. ווייסט איינער דעם מקור צו אזא זאך?

נאכדעם האב איך געזוכט דא אויף אייוועלט און געפונען אז יגר'ל אין זיין חומש עפ"י סהדותא אויף פרשת שמות ברענגט א חת"ס אז מרע"ה האט פארמאגט די כוחות פון זעקס קינדער, ד.ה. אז בכמות האט זיין מאמע נישט געבוירן ששה בכרס אחד, אבער באיכות יא.

דער מדרש איז באקאנט אז יוכבד האט געבוירן ס' רבוא בכרס אחד ווייל מרע"ה איז כולל נשמות כל ישראל.
אוועטאר
תלמודלערנער
שר מאה
תגובות: 247
זיך איינגעשריבן אום: מאנטאג מארטש 28, 2011 10:11 am
לאקאציע: במקום שהמחשבה נמצא

  • ציטיר
  • צו לייגן א דאנק דארפט איר זיין אריינגעלאגט

תגובה דורך תלמודלערנער »

עס איז א רמב"ן, מאר די וואס זענען געווען אונטער די גזירה פון עבודת פרך, כאשר יענו, זענען כן ירבו
התענוג האמיתי הוא תענוג הלימוד, בשאר התענוגים הנפש לא תמלא
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

תלמודלערנער האט געשריבן:עס איז א רמב"ן, מאר די וואס זענען געווען אונטער די גזירה פון עבודת פרך, כאשר יענו, זענען כן ירבו

יישר כח. האבן מיר דאס טאקע געפונען אין במדבר (ג', י"ד) וז"ל:

והנה לא היו שבט הלוים כשאר השבטים, כי מבן חדש ומעלה לא היו רק עשרים ושנים אלף (להלן פסוק לט), ומבן שלשים שנה כלם שמנת אלפים (להלן ד מח), והנה לא יגיעו מבן עשרים שנה ומעלה לחצי שבט מישראל הפחות שבכלם, ועדין לא נשאו הארון שתהיה הקדושה מכלה בהם, וזה תמיה איך לא יהיו עבדיו וחסידיו ברוכי ה' כשאר כל העם ואני חושב, שזה חזוק למה שאמרו רבותינו (תנחומא וארא ו) כי שבטו של לוי לא היו בשעבוד מלאכת מצרים ובעבודת פרך והנה ישראל, אשר מררו המצריים את חייהם בעבודה קשה כדי למעטם, היה הקב"ה מרבה אותם כנגד גזרת מצרים כמו שאמר (שמות א יב) וכאשר יענו אותו כן ירבה וכן יפרוץ, וכאשר נאמר עוד בגזרת אם בן הוא והמיתן אותו וירב העם ויעצמו מאד (שם פסוק כ), כי היה הקב"ה אומר נראה דבר מי יקום ממני או מהם, אבל שבט לוי היו פרים ורבים כדרך כל הארץ ולא עלו למעלה כשאר השבטים
אוועטאר
msp
שר עשרת אלפים
תגובות: 18061
זיך איינגעשריבן אום: דאנערשטאג מארטש 10, 2011 10:03 am
לאקאציע: בין גברא לגברא

  • ציטיר
  • צו לייגן א דאנק דארפט איר זיין אריינגעלאגט

תגובה דורך msp »

הרב תלמודלערנער
שכוח פאר דער הסבר אין דעם אבן עזרא...
חכלילי עינים מיין ולבן שנים מחלב
אוועטאר
תלמודלערנער
שר מאה
תגובות: 247
זיך איינגעשריבן אום: מאנטאג מארטש 28, 2011 10:11 am
לאקאציע: במקום שהמחשבה נמצא

  • ציטיר
  • צו לייגן א דאנק דארפט איר זיין אריינגעלאגט

תגובה דורך תלמודלערנער »

scy4851 האט געשריבן:מיין זוהן האט מיך געפרעגט אויף דעם רש"י "את בת לוי" אז יוכבד איז געווען ק"ל שנה און חזרה לנערותיה
לכאורה, זי האט דאך ערשט נישט לאנג צירוק געהאט קינדער.
אהרן איז געווען עלטער פון משה נאר מיט דריי יאהר, און מרים איז געווען עלטער פון אהרן מיט דריי יאהר (דאכט זיך מיר אז אזוי שטייט און סדר עולם) איז וואס מיינט רש"י מיט חזרה להיות נערה.


קרעמער האט געשריבן:מען רעדט בעיקר פון די קנייטשן אין פנים, נישט פון די דרך נשים.


גמרא מפורשת במס' בבא בתרא דף קכ ע"א, ואמאי קרי לה בת, אמר רב יהודה בר זבידא, מלמד שנולדו בה סימני נערות נתעדן הבשר, נתפשטו הקמטין, וחזר היופי למקומו. וברש"י נתעדן הבשר, החליק כנער קטן
התענוג האמיתי הוא תענוג הלימוד, בשאר התענוגים הנפש לא תמלא
צולייגער
שר שלשת אלפים
תגובות: 3772
זיך איינגעשריבן אום: מיטוואך אוגוסט 04, 2010 11:08 am
לאקאציע: איבערגעלייגט

  • ציטיר
  • צו לייגן א דאנק דארפט איר זיין אריינגעלאגט

תגובה דורך צולייגער »

אין ספה"ק דברי יואל פ' במדבר, ברענגט ער א הפלא'דיגן הסבר פארוואס די לויים האבן זיך נישט געמערט אזוי ווי די אנדערע אידן עיי"ש ותמצא נחת
געשטימט פאר ראשעק הול
אוועטאר
יגעתי ומצאתי
שר האלף
תגובות: 1672
זיך איינגעשריבן אום: מאנטאג יאנואר 31, 2011 5:02 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יגעתי ומצאתי »

תלמודלערנער האט געשריבן:
קרעמער האט געשריבן:מען רעדט בעיקר פון די קנייטשן אין פנים, נישט פון די דרך נשים.


גמרא מפורשת במס' בבא בתרא דף קכ ע"א, ואמאי קרי לה בת, אמר רב יהודה בר זבידא, מלמד שנולדו בה סימני נערות נתעדן הבשר, נתפשטו הקמטין, וחזר היופי למקומו. וברש"י נתעדן הבשר, החליק כנער קטן

פישל גוטביין האט געשריבן:איך האב מיר גענומען די מינוטן און גהויבן מיינע רגלים און געגאנגען צום ספרים שראנק און נאכגעקוקט, דער גמרא אין סוטה ביי די אגדתא פון די יוצאי מצרים און די סבלות מצרים לידת משה יציאת מצרים...

זעה איך דארט א רש"י וואס מאכט א פשרה און ער זאגט ביידע לשונות, סימני נערות - חזרה לימי עלומיה באורח כנשים, ובתואר פנים ופשטו הקמטים.

ושלום על גושן.
אוועטאר
תלמודלערנער
שר מאה
תגובות: 247
זיך איינגעשריבן אום: מאנטאג מארטש 28, 2011 10:11 am
לאקאציע: במקום שהמחשבה נמצא

  • ציטיר
  • צו לייגן א דאנק דארפט איר זיין אריינגעלאגט

תגובה דורך תלמודלערנער »

יגעתי ומצאתי האט געשריבן:
תלמודלערנער האט געשריבן:
קרעמער האט געשריבן:מען רעדט בעיקר פון די קנייטשן אין פנים, נישט פון די דרך נשים.


גמרא מפורשת במס' בבא בתרא דף קכ ע"א, ואמאי קרי לה בת, אמר רב יהודה בר זבידא, מלמד שנולדו בה סימני נערות נתעדן הבשר, נתפשטו הקמטין, וחזר היופי למקומו. וברש"י נתעדן הבשר, החליק כנער קטן

פישל גוטביין האט געשריבן:איך האב מיר גענומען די מינוטן און גהויבן מיינע רגלים און געגאנגען צום ספרים שראנק און נאכגעקוקט, דער גמרא אין סוטה ביי די אגדתא פון די יוצאי מצרים און די סבלות מצרים לידת משה יציאת מצרים...

זעה איך דארט א רש"י וואס מאכט א פשרה און ער זאגט ביידע לשונות, סימני נערות - חזרה לימי עלומיה באורח כנשים, ובתואר פנים ופשטו הקמטים.

ושלום על גושן.


כ'האב געזען די רש"י אויפן אשכול, אבער נישט די גמרא
התענוג האמיתי הוא תענוג הלימוד, בשאר התענוגים הנפש לא תמלא
אוועטאר
שאינו יודע
שר ששת אלפים
תגובות: 6762
זיך איינגעשריבן אום: דאנערשטאג מארטש 24, 2011 1:27 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שאינו יודע »

עטליכע הערות וואס איז מיר נתחדש געווארן שבת ביים לערנען חו"ר (אגב באטשטשע רב האט א שמועס צו מען מעג מחדש זיין דברי תורה שבת אויב טראכט מען אייביג אז מען גייט עס שרייבן ואכמ"ל)

לכאורה דארף מען וויסן וואס פרעה האט געוואלט דא מיט די גאנצע געשעפט, ער האט מורא געהאט פון די אידן? זאל ער זיי אנכאפן ביים קארג און ארויסווארפן? פארוואס האט ער זיי געדארפט?

די ספורנו לערנט פשט אז די גאנצע שעבוד וואס פרעה האט געמאכט איז נאר זיי ענג צו ממאכן די פלאץ און מצרים און אזוי זאלן די אידן אליין ארויסגיין, און ארויסווארפן האט ער זיך געשעמט!
אז דו ווייסט נישט, רעד נישט!
אוועטאר
ישלהוסיף
שר שלשת אלפים
תגובות: 3139
זיך איינגעשריבן אום: מאנטאג נאוועמבער 14, 2011 10:57 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ישלהוסיף »

זיס האט געשריבן:א גוטן שובבי"ם

ווער עס וויל מארגן פאסטן זאל געדענקען מקבל תענית זיין היינט ביי מנחה.

אן אינטערעסאנטע נקודה געטראכט לערנענדיג היינט אביסל אין די סדרה:
משה רבינו איז אנטלאפן פון מצרים, וויבאלד מען האט אים געוואלט הרג'ענען. ער איז אנגעקומען קיין מדין און חתונה געהאט מיט בת יתרו.

בפשטות האט משה נישט געקלערט אז ער וועט נאך אמאל צוריק אנקומען קיין מצרים; ער האט זיך פיין איינקאווטירט אין מדין, געהאט עטליכע קינדער און געארבעט ביי זיין שווער, פאשענעדיג זיינע שאף. ער האט שוין נישט געזען מצרים מיט זיינע קרובים שוין באלד פערציג יאר.

עס איז אינטערעסאנט צו קלערן, וואס האט משה געטראכט? - וואס איז זיין עתיד? - בפשטות האט ער נישט געקלערט אמאל צוריקצוקומען קיין מצרים און זיך פאראייניגן מיט זיין פאלק; אפילו ווען דער באשעפער האט אים געבעטן אהינצוגיין האט ער זיך פראבירט ארויסצודרייען און געוואלט בלייבן אין מדין. אלזא, האט משה געקלערט אז ער וועט אויסלעבן זיינע יארן אין מדין צוזאמען מיט זיינע קינדער, זיינע קינדער וועלן דארט חתונה האבן און ווייטער ציען דעם קייט.

ווער ווייסט, צי עס איז נישט געווען נאך אידן וואס האבן זיך באיזה אופן געראטעוועט פון מצרים, אנגעקומען צו אנדערע לענדער און דארטן פארבליבן?! - ווער ווייסט צי עס איז נישט פאראן אייניקלעך פון זיי ערגעצוואו?!

גערעדט ווי אן אויפגעקלערטער?


משה האט זיך ארויף געארבעט צו ווערען מלך כוש כמבואר במדרשים,

למעשה טרעפען מען אז רוב שבט אפרים האט זיך געטראפען אינדרויסען פון מצרים, די פלישתים האט זיי טאקע אלע אויסגע'הרג'ט, אבער דאך האבען זיי באוויסען צו אנטלויפען פון מצרים. יחזקאל הנביא [כמדומה] איז געוועהן א אייניקעל פין זיי, ער האט נאך געהאט בירושה א פאהר תפילין, [ס'געוועהן אויסגעשטעלט לפי סדר ר"ת], ער האט זיי אויך געוואלט מחיה מתים זיין.

אזא מדרש געדענק איך.
אוועטאר
למעלה משבעים
שר עשרת אלפים
תגובות: 12394
זיך איינגעשריבן אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

  • ציטיר
  • צו לייגן א דאנק דארפט איר זיין אריינגעלאגט

תגובה דורך למעלה משבעים »

דאס אז ער האט זיי מחייה מתים געווען שטייט אין יחזקאל, און וועג די איבריגע לכאורה מיינסטו די גמרא אין מסכת סנהדרין צב: (נישט יחזקאל איז געווען א אייניקל). דאס אז עס איז געווען תפילין אויסגעשטעלט לפי סדר ר"ת ווייס איך נישט פון ווי די נעמסט עס.
אוועטאר
jkup50
שר האלף
תגובות: 1079
זיך איינגעשריבן אום: מאנטאג אוגוסט 09, 2010 2:45 pm
לאקאציע: איך וואלט אויך געוואלט וויסן!!

  • ציטיר
  • צו לייגן א דאנק דארפט איר זיין אריינגעלאגט

תגובה דורך jkup50 »

רש" הק' זאגט אויף ותלך העלמה הלך כעלם, איז מיר אייביג שווער געווען וואס איז די גרויסע זאך אויף מרים וואס איז געווען בסך הכל 5-6 יאר אז זי איז געגעאנגען אזוי שנעל?
יאנקעל די פופציגער
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

איז אהרן אויך געווען א כבד פה?

פון לשון האוה"ח הק' איז אזוי משמע, ער טייטשט דארט אריין אין פסוק ויחר אף ה' במשה וגו' כי דבר ידבר הוא:
"פירוש הגם שיהיה כבד פה ולשון כמותך, ידבר"

אויך ביי והנה גם הוא זאגט ער:
"כי יגיד שבחו של אהרן, שהיה עושה שליחותו הגם שהיה כבד פה, יוצדק לומר וגם הנה וגו' כי הוא תוספות שבח"

עס מוז נישט זיין ער מיינט אז אהרן איז טאקע אזוי געווען, ער וויל נאר זאגן אז אילמלי אהרן וואלט געווען א כבד פה וואלט ער יא גערעדט.

עכ"פ כוויל הערן וויזוי מלערענט דא פשט, ווייל דאס איז א גרויסער חידוש אזוי צו לערנען.

בכלל אין יענעם גאנצן פסוק לייגט דער אוה"ח אראפ אז אהרן איז געווען מער עניו פון משה. אולי גייט ער בדרך הרמב"ן על פסוק אל תקרב הלום, אז משה איז נאך יענער צייט נישט געווען אזוי גרויס דערפאר האט ער נישט געטארט גענענען, "לא הגיע עדיין למעלתו הגדולה בנבואה" עיי"ש.
שוש אשיש בה', תגל נפשי באלקי! (ישעיה סא)
אוועטאר
msp
שר עשרת אלפים
תגובות: 18061
זיך איינגעשריבן אום: דאנערשטאג מארטש 10, 2011 10:03 am
לאקאציע: בין גברא לגברא

  • ציטיר
  • צו לייגן א דאנק דארפט איר זיין אריינגעלאגט

תגובה דורך msp »

לכאורה איז טאקע פשט אין אוהחה"ק אז דער רבש"ע מוסר'ט משה רבינו אז אהרן הכהן וואלט זיך נישט געגענגעשטעלט
און מיט פעסטע אמונה געגאנגען רעדען הגם אז על פי טבע וואלט ער נישט געקענט רעדען
גאר אנ'אינטערעסאנטע ענין
א דאנק אייך
חכלילי עינים מיין ולבן שנים מחלב
זבחי צדק
שר האלף
תגובות: 1355
זיך איינגעשריבן אום: דינסטאג יאנואר 10, 2017 7:41 pm

דיונים ועיונים בפרשת שמות

  • ציטיר
  • צו לייגן א דאנק דארפט איר זיין אריינגעלאגט

תגובה דורך זבחי צדק »

די וואך גייט פרשת שמות
קאפיטל ה' פסוק ג' שטייט משה און אהרן האבן געזאגט פאר פרעה
אלהי העבריים נקרא עלינו נלכה נא דרך שלשת ימים במדבר ונזבחה לה' אלקינו
בפשטות האבן דאס משה און אהרן געזאגט נאר פאר פרעה, אבער פאר די אידן האבן זיי געזאגט דעם אמת אז מען גייט ארויס פון מצרים אויף אייביג
אבער אין די יוצר לשבת הגדול שטייט אזוי אמנה גדולה היתה בעם וכו' דרך שלשה נלך במדבר, הגיד להם מנהיג ודבר, ולא כיחד מהם דבר
און די מפרשים זענען מסביר (אוצר התפלות) אז משה רבינו האט געזאגט פאר די אידן אז מען גייט אין מדבר אריין פאר כאטש דריי טאג און מען גייט נישט תיכף קיין ארץ ישראל
פון וואנעט האט דער פייטן גענומען אז משרע"ה האט אזוי געזאגט פאר די אידן אויכעט?, אין פסוק שטייט ער האט עס געזאגט פאר פרעה, כאילו מען גייט אויף דריי טאג און מען קומט נאכדעם צוריק, אבער פאר די אידן טרעפט מען נישט אז משה זאל האבן געזאגט עפעס א טערמין
שרייב תגובה

צוריק צו “דברי תורה”