אידישע וועלט פארומס

ווען די רבי רבי ברוכל האט משדך געווען זיין טאכטער הרבנית הצדקת רייזל'ע מיט רבי בער'לע זון פון הרה"ק רבי שלמה קארלינער זיע"א,האט זיך רבי שלמה אינטערגענומען צו געבן נדן,און די חסידים האבען עס צוזאמגעקליבן און געברענגט צום רבי'ן,און רבי שלמה האט עס אויסגעטיילט צו צדקה,און די חסידים האבן צאמגעקליבן אזוי דריי מאל,און ער האט אויסגעטיילט די גאנצע געלט,אין די סומע פון פיר הונדערט גילדין פאר פדיון שבוים,און ממילא איז ער געפארן צום חתונה אן א'גראש'ן אין זיין קעשענע,און די רבי רבי ברוך האט נישט גערעדט דערפון און נישט געבעטן די נדן.

ווען רבי שלמה האט זיך געזענגט פון זיין זון רבי בער'לע,האט אים זיין זון געפרעגט,טאטע וואס זאל איך טוהן ווען מיין שווער וועט מיך בעטן די נדן,האט ער אים גענטפערט,אז ער זאל זיך שטעלן ביי א'ווינקל,און זיך פארשטעלן זיין צורה ,און זיך אויסשמועסן זיין הארץ,און ס'וועט אים בעסער ווערן.

אמאל ווען די רבי רבי ברוכל האט געזאגט שיר השירים,אנקומענדיג צו דער פסוק "צרור המור",האט ער געווינקן רבי בער'לע מיט די פינגערס אז ער זאל אים ציילען געלט פון די נדן.

איז רבי בער'לע צוגעגאנגען צום ווינקל און געטוהן וואס זיין טאטע האט אים געהייסען.

נאך ווען ער האט גענדיגט שיר השירים, האט אים די רבי רבי ברוכל אזוי געזאגט,"וואס היינטיגיע אינגעלייט זענען,אז מ'זאגט זיי עפעס,פארמאסערן זיי גלייך פאר זייער טאטע'ן,איך האב נאר א'זאג געטוהן א'ווארט,האט ער שוין דערציילט דעם טאטע'ן.

די רבי רבי ברוכל פאר זיין הסתלקות,האט ער אזי געטיישט.

ברוך שאמר והיה העולם,אין והיה אלא לשון שמחה,ווען ברוך זאגט א'ווארט,ווערט א'שמחה אין אלע עולמות.
,ברוך גוזר ומקיים,ברוך צושניידט די שלעכטע גזירות פון כלל ישראל,ומקיים גוטע גזירות אויף די איד'ן,ברוך אומר ועושה,ברוך זאגט,און די אייבערשטער טוהט.

א לעגענדע פון שטאט טולטשין

מצבת "אשה זקנה מרת שרה בת ר' יוסף... נכד הרב הצדיק ר' ברוך מעזשביזשר"

מען גרייט זיך שוין צום יארצייט...
קען איינער ברענגן אפשר א קלארע רשימה פון קינדער פון הרה"ק הרבי ר' ברוך'ל זי"ע [אריינגערעכנט טעכטער און איידימער]
און עפעס בילדער פון זיין מצבה, חתימה וכדו'
איז דא עפעס בילדער פון זיין אלטע מצבה? פון זיין ביהמ"ד?
יישר כח

היינט בייטאג מאנטיג.
געוועהן די יא''צ פין דער רבי ר' ברוכ'ל ממעזיבוזש זי"ע ועכי''א
נכד חביבו פין די אור שבעת הימים דער הייליגע בעש''ט הק' זי''ע ועכי''א

איך געדענק שוין נישט, איך האב עס א מאהל געזעהן אין זיינס א ספר, פיר פארשידענע וועגן אויב איך בין מיך נישט טועה (עכ"פ צום בעש"ט - אפשר נאר צוויי מאהל צום ר"ר ברוך'ל).

היינט נאכט די הילולא קדישא פין די הייליגע צדיק רבי ר' ברוך'ל ממעזיביזש זי"ע ועכי"א

בייגעלייגט איז א בריוו וואס א איד ר' יהודא משה ראזענבערג האט געשריבן צו זיין איידעם ווען ער איז געווארן א חתן מיט זיין טאכטער, און ער רעכנט אים אויס די יחוס פון די כלה:
"כי הנה אבי אביה של אמה תחי', אשר בשמו ישראל אלטר ז"ל מעיר זוואלין (פלך ראדום) היה איש גבור חיל, גדול מאוד בתורה וחסיד מופלג וביתו פתוח לרוחה, נין ונכד לקדוש עליון ר' ברוך ז"ל ממעזיבעזש נכד של ישראל בעש"ט נבג"מ, וגם בני ישראל זלמן נ"י נקרא שמו לזכר הקדוש הבעש"ט ז"ל".

אמה - מיינט די מאמע פון די כלה, פרוי פון ר' יהודא משה. זי האט געהייסן דרייזל, געבוירן אין יאר תרמ"ב. זיי האבן חתונה געהאט אין ביאלא פאדלאסקא בשנת תר"ע.
איר טאטע איז געווען ר' נח מארגענשטערן. געבוירן אין זוואלין בשנת תר"כ.
א זון פון ר' ישראל אלטר מארגענשטערן. געבוירן בשנת תק"פ בערך. וואס ווי עס שטייט דא אינעם בריוו איז ער געווען אן אייניקל פונעם רבי'ן ר' ברוך ממעזיבוז.

זיין טאטע איז געווען ר' לייביש מארגענשטערן. געבוירן בשנת תקל"א בערך. א זון פון ר' משה ב"ר יוסף וזוגתו ביילא בת ר' יעקב.
מצד זיין טאטע קען ער זיכער נישט זיין קיין אייניקל פון רבי ר' ברוכ'ל.

זיין מאמע איז געווען מאליע בת ר' יצחק. דאס קען שוין מעגליך זיין אז זי איז געווען א טאכטער פון רבי יצחק דראהביטשער, איידעם פון רבי ר' ברוכ'ל. אבער אויב דאס איז ריכטיג, דארף זי צו זיין היבש יונגער פון איר מאן, און מעגליך שוין א זיווג שני, ווייל רבי יצחק דראהביטשער איז ערשט געבוירן בשנת תק"ל בערך.

היינט די הילולא קדישא פין די הייליגע רבי ר' ברוכ'ל ממעזיביזש זי"ע ועכי"א

ווא קען איך טרעפן א בילד פונעם רבי רבי ברוך'לס מצבה?

כ'האב גהערט ממקור מוסמך, אז די עיקר התנגדות אויף דרך פון הרה"ק רבי נחמן מברסלב זי"ע איז געווען געפירט פון תלמידי הרה"ק רבי ברוכ'ל ממעזביזש זי"ע ווי דער הייליגער שפאלער זיידע זי"ע דער הייליגער סאווארנער רב זי"ע ועוד גדולי תלמידיו הק' די חידוש איז, רבי ברוכ'ל מיט רבי נחמן זענען געווען נאנטע קרובים, אין די באסלבער קבלות איז נישטא א רמז פון די התנגדות פון רבי ברוכ'ל אליינס,

לחיים לחיים טובים ולשלו' זי"ע ועכי"א

פון ווי איז די מקור פון די סגולה צו זאגען די פאלגענדע קאפיטלעך תהלים און טאג פון די יארצייט, על דעת מרן רבי ברוך בן מרן רבי יחיאל זי"ע, ד, יז, סג, סה"כ, קטן, קלז, קלח, קנ (גוט מארגען מאנטיג וישב)

ספר פרפראות לחכמה מהרה"ק רבי ברוך פינחס מסקאליע זצ"ל נכד הרבי רבי ברוך'ל זצ"ל

ספר פרפראות לחכמה מהרה"ק רבי ברוך פינחס מסקאליע זצ"ל נכד הרבי רבי ברוך'ל זצ"ל

היינט נאכט דער הילולא קדישא פון דער רבי ר' ברוכ'ל ממעזיבוזש זי"ע

נחמן נתן האט געשריבן: ↑מוצ"ש דעצעמבער 05, 2009 2:35 pm

ס'איז דא עפעס א ניגון וואס איז מיוחס צו ר"ר ברוכ'ל, כ'האב איהם געהערט אין סלאנים

אין סקאליע זינגט מען דאכט זיך מוצאי שבת שיר המעלות זכור ה׳ לדוד אויף א ניגון מיוחס להר״ר ברוך׳ל זצ״ל