נעכטיגן טאג האט געשריבן:יודל מענדלזאהן האט געשריבן:דער זון פון רבי נפתלי הרה"ק רבי איציקל פון זידיטשוב זי"ע.
רבי איציקל האט מען גערופן זידיטשובער זייענדיג אן איידעם אין זידיטשוב, האט ער אויך דארט געוואוינט?
איז ער געווען רב, רבי, מגיד?
האט ער געפראוועט?
ווער זענען געווען זיינע קינדער, רבי'ס, תלמידים?
ווען איז ער נסתלק געווארן?
וואו איז ער נקבר געווארן?
ווייסט איינער בכלל מער פרטים איבער אים?
צופיל פרטים איז נישט באקאנט איבער אים, ער האט איבער געלאזט זייער שיינע דורות היינט צו טאג, ובתוכם זיין אייניקל בן אחר בן וואס האט געטראגען זיין נאמען ר' יעקב איטשע ווייסבלום זצ"ל געבוירען אין זידיטשויב תרס"ז געלערנט ביי דעם גאון ר' מאיר אריק זצ"ל ,געווארען א'איידים ביי ההרה"ג ר' חיים אייזען אבד"ק סוירז און האט אים איבער גענומען ברבנות,שפעטער האט ער זיך געצויגען קיין ארץ ישראל אין חיפה ווי ער האט געגרינדערט א' שיינער קהילה מיט די נאמען "עטרת צבי" נאכ'ן הייליגע זיידע רבי הערשעלע פון זידיטשויב זיע"א,געווען א גרויסען תלמיד חכם א מרביץ תורה מיט א הערליכע בעל תפילה אויפן זידיטשויב'ער נוסח , ער האט שטארק לוחם געווען פאר קדושת השבת אין חיפה,איבער געלאזט א'הערליכע דור רבנים מרביצי תורה נפטר געווארען י"ט אלול תשל"ד,
זיין איידים רבי איטשע מנחם וויינבערג טאלנא רבי שליט"א ,זיין זוהן הרה"ג ר' אורי שליט"א משגיח ישיבת "נחלת הלוים" אין חיפה, נאך א' זוהן ר' חיים נפתלי זצ"ל. געווען רב אין נוה שאנן געגענט אין חיפה (איידים ביים סטערטינער רבי ר' יודא הערש בראנדוויין זצ"ל ) ער האט איבער געלאזט א 'זוהן ר' אורי שליט"א איידים ביי סלונימער רבי שליט"א (בארזאווסקי).
דא האט איר זיין יחוס
ר' יעקב איטשע הנ"ל
בן ר' נפתלי
בן ר' ישראל יוסף
בן ר' יעקב יצחק (הנקרא ר' איציקל פון זידיטשויב )
בן ר' נפתלי זצ"ל
בן ר' אלעזר זצ"ל
בן הרבי ר' מיילעך זיע"א
.
רבי איציקל פון זידיטשויב הנ"ל איז געבוירען אין יאר תקפ"ט,געווען א'איידעם ביי ר' הערצעלע לאבין איידים ביים עטרת צבי פון זידיטשויב זיע"א ער האט געוואוינט אין זידיטשויב ביים שווער און דערנאך האט ער זיך געצויגען קיין סאניק,ער פלעגט אסאך פארן קיין אונגארין ,און געהאט אסאך מעריצים דארטן.
ער האט זיך אסאך געדרייט ביים צאנזער רב זיע"א און צאנזער רב האט אים אויסערגעוונליך מקרב געווען,אמאל איז דארט געווען א'אונגארישער איד ,האט ער זיך אנגערופן צום צאנזער רב איך בין דאך אויכעט א'אייניקל פון אברהם אבינו, האט אים צאנזער רב אזוי גענטפערט, ער איז א' זוהן פון ר' נפתלי א'זוהן פון ר' אלעזר א'זוהן פונעם רבי ר' מיילעך זיע"א,אבער צו דו ביסט א'אייניקל פון אברהם אבינו ווייס יעך נישט,און צאנזער רב האט גענומען ר' איציקל'ס בארד און געווישט זיין פנים דערמיט זאגענדיג אז דאס ענדילט צום רבי ר' מיילעכ'ס בארד, געהערט פון הרה"ק רבי יאנקעלע פון פשעווארסק זיע"א.
ר' איציקל איז אוועק אין יאר תרנ"ד, יהי זכרו ברוך.
די אויבערשטע בילד איז פון ר'נפתלי ווייסבלום פון באלחוב זצ"ל (קרעדיט "יציב פתגם"),די מיטעלסטע איז פון זיין זוהן ר' יעקב איטשע הנ"ל מיט זיין קבר.