הרבטייטעלבוים האט געשריבן:הערליכע זכרונות א שאד אז עס האט זיך גענדיגט מיט א ביטערן טעם.
גערעכט לאמיר מסיים זיין בדבר טוב
א) הנחת תפילין האב איך אנגעהויבן ל"ג בעומר תשמ"ח איך האב געלייגט ביים רביס דאווענען אין זיין שטוב
דער רבי האט געדאווענט פאר די עמוד אלץ שנת אבילות פון די רביצין
ווען דער רבי איז ארויס געגאנגען נאכן דאווענען האט ער אנגעהויבן די ניגון הנה מה טוב ומה נעים
(עס איז דא א זוהר אז רשב"י האט געזאגט תורה אויף די פסוק הנה מה טוב און עס האט גערעגענט)
פאר בר מצוה בין איך אריבער ביי יחידות כללית און געגעבן דער הזמנה פון בר מצוה און געקראגן א דולר
דער נאך האב איך באקומען בריוו פון רבי לכבוד מיין בר מצוה
דער בריוו איז ליידער פארברענט געווארן ווי איך וועל באלט שרייבן
דאנערשטאג כ"ב תמוז האט איך געקראגן מיין עליה ,
מען שיקט ארויס די כהנים און איך האב געקראגן לוי און דער רבי דער לעצטע,
און איך האב געשטאנען גלייך לעבן רבי ביי זיין עליה
ב) מוצאי פורים תשמ"ט ארום איינס פארטאג שלאף איך אין מייט צימער אליין הער איך דער מאמע שרייען פייער שפרינג איך פון בעט און לויף ארויס אהן טראכטן
קומען מיר ארויס פון דירה זעהן מיר אז מיין אינגערע ברודער איז ניט ארויס
פרובירן מיר אריינגיין צוריק אבער עס איז ניט מעגלאך, שכנים פרובירן אבער פשוט ניט מעגלאך
רופט מען די פייער לעשער און זיי קומען און ראטעווען עם און מען ברענגט עם צום שפיטאל פון דארט מיט א העלעקופטער צו א געוויסע פלאץ וואס האט א ספציעלע מאשין
דער מצב איז ניט געווען גוט און די דאקטוירים האבן ניט געגעבן גרויסע טשאנצען אז אלץ וואס זיין בסדר
איך בין דאן געגאנגן צום שטוב פון ר' לייב גראנער צו מארגן האט ער דערציילט אלץ צום רבי
דער נעקסט נאכט טיילט דער רבי דולרים נאך מעריב און שיחה, ביים ארויסגיין זעט דער רבי מיין טאטע און פרעגט עם שוין גענומען פאר עם.
מיין טאטע איז געווען אינמיטן דאווענען שאקעלט ער מיט די קאפ אויף ניט גיט עם דער רבי דריי דולרין און זאגט ער (- מיין ברודער) זאל
לייגן אין פושקע
זונטאג איז מיין ברודער ארויס אהן קיינע פראבלעמען און אריבער ביי דולרין און דער רבי האט עם געבענטשט ער זאך אויסוואקסן א גרויסע חסיד א גרויסע למדן און א גרויסע יראי שמים