ר' יהושע אבד"ק דינוב זי"ע - כ"ג אייר תק"נ

תולדות וסיפורי צדיקים וחסידים

די אחראים: אחראי, גבאי ביהמד

זיידעניו
שר ארבעת האלפים
תגובות: 4376
זיך איינגעשריבען אום: פרייטאג פאברואר 01, 2008 12:51 pm

ר' יהושע אבד"ק דינוב זי"ע - כ"ג אייר תק"נ

תגובהדורך זיידעניו » זונטאג מאי 25, 2008 1:03 pm

רבי יהושע'לע דינוב זי"ע = כ"ג אייר (בערך) תק"נ


הרה"ק רבי יהושע'לע אבדק"ק דינוב זי"ע (בן הרבני איש תם וישר ר' ארי' לייב) איז געווען אין זיין יוגנט א תלמיד פונעם רבי'ן ר' זושא זי"ע און איז אויך געפארן צו אנדערע צדיקים ווי דער רבי ר' מיכל'ע זלאטשוב און דער בארדיטשובער רב, און שפעטער איז ער איז געווארן א תלמיד פון רבי'ן ר' מענדעלע פון רימנוב זי"ע. בערך שנת תק"נ איז ער אויפגענומען געווארן אלס רב אין דינוב. דארט האט ער געפירט זיין הייליגע הנהגה לאנגע יארן, חסידים ואנשי מעשה האבן זיך מסתופף געווען בצל קדשו. צווישן זיינע תלמידים איז געווען דער בני יששכר זי"ע וועלכער איז שפעטער אויך געווען רב אין דינוב. און הרה"ק רבי שלמה לייב מלענטשנא. ער איז נסתלק געווארן כ"ג אייר שנת תקע"ד ומנ"כ אין דינוב, וואו אן אהל שטייט אויף זיין קבר. דברי תורה פון אים ווערט געברענגט אין ספר דברים נחמדים פון בני יששכר, אין ספר הנותן אמרי שפר פון הרה"ק רבי ישעי' נפתלי הירץ בהרה"ק רבי דוד'ל דינובער זי"ע פרשת וירא, און ספר תולדות אדם פון הרה"ק מאסטראווא זי"ע בן הרה"ק מלענטשנא).

זיידעניו
שר ארבעת האלפים
תגובות: 4376
זיך איינגעשריבען אום: פרייטאג פאברואר 01, 2008 12:51 pm

תגובהדורך זיידעניו » זונטאג מאי 25, 2008 1:03 pm

ראשית עריסותיכם חלה דער זכות צו האבן אזא קינד
דער טאטע פון רבי יהושע'לע דינובער, איז געווען א איד מיט'ן נאמען רבי ארי' לייב, ער איז געווען א בעקער אין די שטאט בערטש. ווי אזוי האט א בעקער זוכה געווען צו געבוירן אזא הייליג קינד? אין זכות פון א גרויסע מצוה וואס רבי ארי' לייב מיט זיין חשוב'ע ווייב פלעגן טוהן יעדע וואך. די ארעמע אידן פון בערטש וועלכע האבן נישט געהאט קיין אויווענעס אדער האלץ מיט וואס צו באקן פלעגן ברענגען יעדן ערב שבת זייערע חלות צו ר' ארי' לייב ער זאל דאס אפבאקן פאר זיי. פלעגט זיין ווייב, רבי יהושע דינובער'ס מאמע, צוגרייטן יעדן ערב שבת קודש א שיסל מיט טייג און דערפון צולייגן צו די חלות וואס די ארימעלייט האבן איר געברענגט צו באקן. זי האט געוואלט אז די ארימעלייט זאלן האבן גרעסערע חלות לכבוד שבת. האט מען שפעטער געזאגט אז אין דעם זכות פון אט די מצוה וואס זיי האבן געטוהן באהאלטענערהייט האבן זיי זוכה געווען צו א זון ווי רבי יהושע דינובער.

זיידעניו
שר ארבעת האלפים
תגובות: 4376
זיך איינגעשריבען אום: פרייטאג פאברואר 01, 2008 12:51 pm

תגובהדורך זיידעניו » זונטאג מאי 25, 2008 1:04 pm

דער שטעקן זאגט עדות
גאר יונג איז רבי יהושע'לע געווען ווען ער האט זיך אנגעהויבן מסתופף צו זיין בצל קדשו פונעם רבי'ן ר' זושא זצ"ל מאניפאלי. געווען איז דאס ווען די עלטערן האבן אים געשיקט לערנען קיין ריביטיטש ביים דארטיגן דיין (די שטעט בערטש און ריביטיטש זענען איינע נעבן די אנדערע, דערנעבן איז די שטאט דינוב), איז אין יענע צייט דער רבי ר' זושא זי"ע אמאל אנגעקומען קיין ריביטיטש. דער רבי ר' זושא איז דעמאלט געגאנגען גלות באהאלטענערהייט, און קיינער האט נישט געוואוסט ווער ער איז. (דעמאלט ווען דער רבי ר' זושא איז געווען אין ריביטיטש האט ער אונטערגעלייגט א שטיין צוקאפנס ביים שלאפן. ווען דער בני יששכר זי"ע איז מיט יארן שפעטער געווען רב איןריביטיטש האט ער אריינגעבויט דעם שטיין ביים שוועל פון בית המדרש. ווען דעם בני יששכר'ס אייניקל דער בלאזשובער רבי זי"ע פלעגט זיין אין ריביטיטש פלעגט ער ביים אריינגיין אין בית המדרש נישט טרעטן אויף דעם שטיין נאר פלעגט זיך אנכאפן אין משמש און אריבערגעטראטן איבער דעם שטיין). די קינדער פון שטאט, וועלכע האבן נישט געהאט קיין אנונג ווער דער פרעמדער ארעמאן איז, האבן זיי זיך געטשעפעט מיט אים.

רבי יהושע ווען ער האט געזען ווי די קינדער טשעפן מיט'ן רבי'ן ר' זושא האט ער זיך אנגענומען פאר אים און נישט געלאזט טשעפן. ער האט זיך דאן מדבק געווען אינעם רבי'ן ר' זושא, און האט פארברענגט מיט אים טעג און נעכט. ווען רבי יהושע'ס עלטערן האבן געהערט אז זייער זון לערנט נישט, נאר פארברענגט מיט עפעס א פרעמדן גאסט גאנצע טעג און נעכט, זענען זיי אריבערגעפארן קיין ריביטיטש און אים צוריק אהיים געברענגט.

אבער די אהבה וואס איז אריינגעפלאנצט געווארן אין אים צום רבי'ן ר' זושא, איז שוין נישט פארלאשן געווארן, עס איז נישט דורך קיין לאנגע צייט און דער קליינער איז אנטלאפן פון דערהיים, און א גאנץ יאר איז ער מיטגעגאנגען מיט'ן רבי'ן ר' זושא וואו ער איז געגאנגען.

איינמאל ווען רבי יהושע דינובער איז געפארן מיט'ן רבי'ן ר' זושא, איז ער א לענגערע צייט נישט געווען אינדערהיים, זיין טאטע איז געווען זייער בייז אויף אים פארוואס ער איז אוועקגעפארן פון דערהיים, ווען ער איז צוריק אהיים געקומען איז דער טאטע פונקט געשטאנען ביים אויוון און געשיבט ברויט. ווען מען האט אים געזאגט אז זיין זון איז אנגעקומען האט ער געכאפט דעם שיבער שטעקן און איז דערמיט ארויסגעלאפן אנטקעגן זיין זון רבי יהושע אים אנצושלאגן. אבער נאך איידער ער האט אים אנגערירט האט רבי יהושע געגעבן א געשריי צו אים: טאטע! מען פילט פון דעם שטעקן אז עס איז נישט גענומען געווארן קיין חלה פון די ברויט! האט דער טאטע געזאגט צו אים: איך וועל גיין פרעגן די מאמע, איז דאס אמת איז גוט, אז נישט וועל איך דיר געבן א דאפלטע פארציע שלעק  איז ער געגאנגען פרעגן די ווייב, האט זי זיך דערמאנט אז זי האט טאקע פארגעסן צו נעמען חלה האט ער שוין געזען אז זיין זון איז נישט קיין פשוט'ער מאן און זינט דאן האט ער אים געלאזט זיך פירן לויט זיין ווילן.

אפשר
שר מאה
תגובות: 236
זיך איינגעשריבען אום: מיטוואך מארטש 10, 2010 10:27 am

תגובהדורך אפשר » דאנארשטאג מאי 06, 2010 2:06 pm

די אוהל און די מציבה פון ר' יהושע מ'דינוב זי''ע
צוגעלייגטע
1.jpg
1.jpg (58.04 KiB) געזעהן 2569 מאל
2.jpg
2.jpg (39.3 KiB) געזעהן 2570 מאל

והוא פלאי
שר האלפיים
תגובות: 2749
זיך איינגעשריבען אום: זונטאג אוגוסט 23, 2009 3:18 pm

תגובהדורך והוא פלאי » דאנארשטאג מאי 06, 2010 10:44 pm

יש פסק שחתום עליו הוא והבנ"י, נדפס בכתבי מהרצ"א מתוך ירחון אחד
למה זה תשאל לשמי...

אוועטאר
מיללער
שר עשרים אלפים
תגובות: 25587
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג מארטש 12, 2012 11:02 am

עס האט מיר איינער מעורר געווען אז לעצטענס איז עדרוקט געווען א שמועס פון הג"ר ירוחם אלשין מראשי ישיבת לעיקוואוד מיט אדמו"ר מצאנז קל"ב פון אר"י, זאגט דארט ר' ירוחם אז זיי זענען אייניקלעך פון דעם ר' יהושע מדינוב.

ווייסט מען דעם שלשלת היחס? און וואס ווייסט מען איבער די קינדער פון ר' יהושע?

אוועטאר
שויתי'ניק
שר האלף
תגובות: 1830
זיך איינגעשריבען אום: מאנטאג יוני 20, 2011 10:06 am

תגובהדורך שויתי'ניק » דינסטאג מאי 15, 2012 1:19 pm

היינט די יארצייט, זי"ע ועכי"א
שויתי השם לנגדי תמיד

חיס
שר מאה
תגובות: 139
זיך איינגעשריבען אום: דינסטאג אוגוסט 30, 2011 3:40 pm

ר' יהושע אבד"ק דינוב זי"ע - כ"ג אייר תק"נ

תגובהדורך חיס » מיטוואך מאי 30, 2012 6:20 am

ראה כאן
צוגעלייגטע
דינוב.gif
דינוב..gif
דינוב..gif (19.84 KiB) געזעהן 2373 מאל

אוועטאר
fiena nieas
שר האלפיים
תגובות: 2043
זיך איינגעשריבען אום: זונטאג ינואר 23, 2011 8:56 am

תגובהדורך fiena nieas » מאנטאג ינואר 28, 2013 9:11 pm

איך בין גראדע אן אייניקל! פון ר׳יהושע

זכרון
שר העשר
תגובות: 44
זיך איינגעשריבען אום: דאנארשטאג מאי 03, 2012 11:50 am

תגובהדורך זכרון » זונטאג אוגוסט 24, 2014 2:33 pm

ווי אזוי איז געווען די משפחה נאמען פון רבי יהושע'לע דינוב'ער זי"ע ?


צוריק צו “על הצדיקים ועל החסידים”

ווער איז אונליין

באנוצערס וואס דרייען זיך דא: א חסיד און 14 געסט