אידישע וועלט פארומס

דער זוהר הקדוש זאגט. דער טעם פארוואס אידן זענען אזוי פיל יארן אין גלות, איז צוליב די טרערען וואס עשו האט געלאזט ווען ער איז געוואויר געווארען אז יעקב האט צוגענומען פון אים די ברכות.
האט געפרעגט דער בעל מנחת אלעזר זי"ע. די אידן האבן דאך שוין פארגאסן טייכן טרערן, אלע יארן אין די ימים נוראים טוען דאך אידן תשובה מיט דמעות שליש, ווי קומט עס אז די אלע טרערן זענען נישט בכח מבטל צו זיין די פאר טרערן פון עשו הרשע ?

נאר וואס דען - האט ער געענטפערט - מיר האבן דאך א כלל אז "מין במינו לא בטל". עשו הרשע האט געוויינט פאר ענין גשמיות, פאר די ברכות עולם הזה, און די אידישע טרערן זענען ליידער אויך פאר גשמיות'דיגע ענינים, דערפאר איז מין במינו לא בטל, מה שאין כן ווען אידן וועלן וויינען און לאזן טרערן פאר רוחניות'דיגע ענינים, פאר גלות השכינה, אז מען זאל גרינגער צוקומען צו אביסל עבודת ה' באמת, און אז דער כבוד שמים זאל נתרומם ווערען, וועלן בטל ווערן די טרערן פון עשו הרשע, און די גאולה וועט שוין קומען במהרה.

א שיין בילד פונעם מנחת אלעזר (כ'מיין אז מיר האבן עס שוין געהאט דא ערגעץ) ווער דערקענט די ארומיגע דער צווייטער פון רעכטס איז לכאורה ר' חיים בער דער גבאי.

יא דאס בילד האב איך ארויף געלייגט, אין יענער האט עס געגנבעט סוי ביסטי נאר א גונב מן הגנב.

יאסל האט געשריבן:יא דאס בילד האב איך ארויף געלייגט, אין יענער האט עס געגנבעט סוי ביסטי נאר א גונב מן הגנב.

איך ווייס נישט אויב דאס איז בכלל גניבה, אבער לאמיר לאזן די הלכה'דיגע חלק אויף אנאנדער מאל, למעשה, ווער זענען די ארומיגע?

דעמאלץ האב איך געשריבן אז דער ערשטער קיקט אויס ווי חיים שלום האלבערשטאם

איך האב געטראפן ביי מיר נאך צוויי בילדער, (דאכצעך זיי זענען שוין געווען אמאל אין קרעטשמע, אפשר אין די ווער ווייסט אשכל?)

די צווייטע בילד איז מיט די חקל יצחק מספינקא, איינער דערקענט די ארומיגע?

איים סארי, איך האב יעצט געזעהן אין אן אנדערע פלאץ אז די צווייטע בילד איז די קאמארנער, וועלעכע גירסא איז ריכטיג?

אנדי פעטיט האט שוין אמאל געמאכט דעם טעות (אין דעם אשכול פון אנפאנג) די צווייטע בילד איז פון ר' יעקב משה מקאמארנא חותן המנחת אלעזר מיט'ן חקל יצחק מספינקא.

זיידעניו האט געשריבן:דער זוהר הקדוש זאגט. דער טעם פארוואס אידן זענען אזוי פיל יארן אין גלות, איז צוליב די טרערען וואס עשו האט געלאזט ווען ער איז געוואויר געווארען אז יעקב האט צוגענומען פון אים די ברכות.
האט געפרעגט דער בעל מנחת אלעזר זי"ע. די אידן האבן דאך שוין פארגאסן טייכן טרערן, אלע יארן אין די ימים נוראים טוען דאך אידן תשובה מיט דמעות שליש, ווי קומט עס אז די אלע טרערן זענען נישט בכח מבטל צו זיין די פאר טרערן פון עשו הרשע ?

נאר וואס דען - האט ער געענטפערט - מיר האבן דאך א כלל אז "מין במינו לא בטל". עשו הרשע האט געוויינט פאר ענין גשמיות, פאר די ברכות עולם הזה, און די אידישע טרערן זענען ליידער אויך פאר גשמיות'דיגע ענינים, דערפאר איז מין במינו לא בטל, מה שאין כן ווען אידן וועלן וויינען און לאזן טרערן פאר רוחניות'דיגע ענינים, פאר גלות השכינה, אז מען זאל גרינגער צוקומען צו אביסל עבודת ה' באמת, און אז דער כבוד שמים זאל נתרומם ווערען, וועלן בטל ווערן די טרערן פון עשו הרשע, און די גאולה וועט שוין קומען במהרה.

זיידניו ביטע קוקט אריין אין שער יששכר מאמר תקע בשופר, ווי ער ברענגט דאס ווארט בשם הר"ר שמעלקא, ער איז נאר מפלפל דארט לויט די שיטת פון מין במינו....
סליחה.

א שיין בילד פונעם מנחת אלעזר מיטן פעלץ צוריקקומענדיג פון זיין באזוך אין ארץ ישראל (קרעדיט, מתפעל-בחדרי חרדים)

אז מ'רעדט שוין וואס איז געווען פשט אז דער מנחת אלעזר זצ"ל איז געווען אזוי פארקויפט פארן סבא קדישא ר' שלום אליעזר אלפאנדרי זצ"ל א ספרדישער גדול, ער שרייבט אויף אים טיטלען וואס איך מיין אז אפילו אויף צדיקים וואס זענען שוין נישט געווען בחיים האבן נישט געקריגען פונעם,אין דאס איז נאך געקומען אפילו פאר ער האט געהאט די געלעגענהייט זיך צי באגעגענען מיט אים, פאר מיר קיקט עס אויס ווי א שטיקעל דבר פלא.

תיקון טעות, ר' שלמה אליעזר (נישט שלום אליעזר).

איינער פון די סיבות פארוואס ער האט אינטערגענומען די נסיעה קיין אר"י איז טאקע געווען זיך צו טרעפן מיט דעם גדול, ער האט געזהן אין אים א גרויסער מאן פון די כתבים וואס ער האט אויסגעטויש, כידוע האט דער מנחת אלעזר זיך אויסגעלערנט צו שרייבן מיט רש"י אותיות צו קענען קאמיוניקעיטן.

דער מונקאטשער רב האט געהאלטן אז ער האט גאר א גרויסע נשמה, און ווען זיי וועלן זיך טרעפן, וועלן זיי קענען צוזאמען טון גרויסע פעולות וועגן ביאת המשיח, כידוע האט דער סבא קדישא אפגעשטופט דעם באזוך, ביז ער האט געגעבן דעם מעלדונג דורך ר' ישעי' אשר זעליג מרגליות, אז דער מנח"א זאל קומען קיין א"י, און דער מנח"א האט זוכה געוועהן צו זיין די לעצטע טעג ביים סבא קדישא, ווי אויך ביי די לוי', במשך די באזוך האבן זיי פיל פארברענגט בסוד שיח שרפי קודש, ווי עס ווערט באריכטעט בארוכות אינעם ווינדערליכן ספר מסעות ירושלים,

עס ווערט געזאגט אז דער סבא קדישא האט אים געגעבן א ברכה אויף דעם זווג פון זיין בת יחידה, זאגנדיג אז די דורות וועלן זיינע שיינע דורות, (לא מצאתי מקור בפי' ע"ז אבל משמע בין הדברים של הס' מסעות ירושלים..)

אונז וואלטן מיר ווען געוואלט האבן א מראה מקום אין דעם מסעות ירושלם, פאר די ווערטער פון די אונטערשטע פאראגראף פון כ"ק אדמו"ר מ'שאץ שליט"א.

שאץ מאץ האט געשריבן:דער מונקאטשער רב האט געהאלטן אז ער האט גאר א גרויסע נשמה, און ווען זיי וועלן זיך טרעפן, וועלן זיי קענען צוזאמען טון גרויסע פעולות וועגן ביאת המשיח, כידוע האט דער סבא קדישא אפגעשטופט דעם באזוך, ביז ער האט געגעבן דעם מעלדונג דורך ר' ישעי' אשר זעליג מרגליות, אז דער מנח"א זאל קומען קיין א"י, און דער מנח"א האט זוכה געוועהן צו זיין די לעצטע טעג ביים סבא קדישא, ווי אויך ביי די לוי', במשך די באזוך האבן זיי פיל פארברענגט בסוד שיח שרפי קודש, ווי עס ווערט באריכטעט בארוכות אינעם ווינדערליכן ספר מסעות ירושלים,

פששש דאס איז א חידוש עצום אז דער מנחת אלעזר האט אזוי געהאלטען(מקור ביטשע)
איך מיין אז חוץ'ען בעל שם הקדוש (ידוע די מעשה אז ער האט זיך געוואלט טרעפען מיטן אוחה"ק כדי צי מקרב זיין די גאולה) מיט די ערשטע תלמידים האב איך נאך נישט געהערט אזוינע מעשיות אז זיי האבען געהאלטען אז זיי זענען בכוח צי ברענגען משיח מיט מעשים.
אין לגופו של ענין איז דאס גאנצע ידידות א שטיקעל חידוש, ווי נאך טרעפט מען אז א חסידישער גדול זאל האבען אזוי אן התבטלות צי איינעם נישט פון זיין חדר?

ביקסאד האט געשריבן:אונז וואלטן מיר ווען געוואלט האבן א מראה מקום אין דעם מסעות ירושלם, פאר די ווערטער פון די אונטערשטע פאראגראף פון כ"ק אדמו"ר מ'שאץ שליט"א.

כווייס נישט פון קיין מראה מקום אבער א מציאות מיין איך אז ער קען יא אנווייזען,
וואס לויט זייערע אימשטענדען וואס זיי זענען געווארען ערצויגען איז געווען גאר גרויסע שאנסען אז ס'זאל פארען אינעם פארקערטען ריכטונג.

יאסל האט געשריבן:

ביקסאד האט געשריבן:אונז וואלטן מיר ווען געוואלט האבן א מראה מקום אין דעם מסעות ירושלם, פאר די ווערטער פון די אונטערשטע פאראגראף פון כ"ק אדמו"ר מ'שאץ שליט"א.

כווייס נישט פון קיין מראה מקום אבער א מציאות מיין איך אז ער קען יא אנווייזען,
וואס לויט זייערע אימשטענדען וואס זיי זענען געווארען ערצויגען איז געווען גאר גרויסע שאנסען אז ס'זאל פארען אינעם פארקערטען ריכטונג.

איך האב שוין דעם מסעות ירושלים דורכעלעזן מערערע מאל.
עס ציייגט עפעס א אויסערארדענטליכע התקשרות בלב צווישן דעם מנח"א און דעם סב"ק, דאס ווארט התבטלות איז פשוט בלאס.
אבער דעם ענין פון משיח איז מער א מעשה פון חסידים (איך מאך עס נישט אוועק), אבער קיין מקור האט עס נישט. און קיין מקור אז דער מנח"א האט עס געזאגט איז אוודאי נישטא.

למעשה האט די השגחה עליונה געפירט אז דער בעשה"ק האט זיך נישט געטראפן מיט'ן אוהח"ק.
אבער דער מחנ"א האט זיך מיט סב"ק יא געטראפן.

איז שוין דא א קלארער אונטערשיד. ודי בזה.

און די לעצטע דרוקן, האבן זיי ארויסגענומען פארשידענס פון די ארגינעלע, גאר שארפע אויסדרוקן, אויף קוק און נאך אנדערע גדולים.

ביקסאד האט געשריבן:אונז וואלטן מיר ווען געוואלט האבן א מראה מקום אין דעם מסעות ירושלם, פאר די ווערטער פון די אונטערשטע פאראגראף פון כ"ק אדמו"ר מ'שאץ שליט"א.

צווישן די חסידים איז אנגענומען אז דער מנח"א האט געפרעגט דעם סבא קדישא וועגן דעם שידוך,
אבער ווער עס לערנט דעם מסעות ירושלים בעיין, זעהט אזוי, יעדן שמיס ווערט ציטירט, ווען זיי האבן געשמיסט קבלה, שרייבט ער אז זיי האבן גערעדט קבלה,
ביי איין שמיס שרייבט דער שרייבער זיי האבן געשמיסט דאס און דאס, און אויף א פריוואטע שמיס וואס איז נישט ניתן להאמר,
איז לכאורה א מקום צו זאגן אז דאס מיינט אט דעם שמיס, ווייל ס'איז נישט ניתן להאמר,
כ'האב נישט דעם ספר ביי מיר אין קאנטרי, אבער ווי איך וועל עס האבן וועל איך קענען מיטירן גענוי, דעם מהלך וואס שטייט דארט,
נאכאמאל עס איז בלויז שפעקעלאציעס און נישט קיין קלארע משמעות...

וועלעכע יאר איז געווען די נסיעה, ווייל דאכט זיך אז ברוכ'ל איז גאנץ אינג א חתן געווארען,אין כפי השמועה האט דאס געדארפט צי זיין א שטיקעל פיוס צי די משפחה.

ר' ברוך'ל איז ממיטגעפארן אלס חתן ביי די נסיעה, איינע פון די זאכן וואס איז פאר'ן נמחת אלעזר נישט געפאלן פון אים, איז געווען אז ער האט ארויסגעקוקט פון פענסטער אויף די באנען.

דער שידוך איז געווען א פיוס פאר די שידלאווצע/פשיסחא משפחה, נאכן גט בזווגו הראשון פונעם מנח"א. (געהערט מפי תלמיד המנח"א)

שאץ מאץ האט געשריבן:כ'האב נישט דעם ספר ביי מיר אין קאנטרי, אבער ווי איך וועל עס האבן וועל איך קענען מיטירן גענוי, דעם מהלך וואס שטייט דארט,

עס איז דא דערצו אן עצה ביי די "אינדקס הפורומים" פון די "היימישע קרעטשמע" גייט מען אריין אין "אוצר הספרים" דארט דריקט מען אויף "ספרים לצפיה והורדה" אט דארט קוועטשט מען אויף "ספרי אדמור"י בית דינוב-מונקאטש":
http://www.munkatcherseforim.org/ און די "מסעות ירושלם" ווערט נתגלה.

מיללער האט געשריבן:ר' ברוך'ל איז ממיטגעפארן אלס חתן ביי די נסיעה, איינע פון די זאכן וואס איז פאר'ן נמחת אלעזר נישט געפאלן פון אים, איז געווען אז ער האט ארויסגעקוקט פון פענסטער אויף די באנען.

דער שידוך איז געווען א פיוס פאר די שידלאווצע/פשיסחא משפחה, נאכן גט בזווגו הראשון פונעם מנח"א. (געהערט מפי תלמיד המנח"א)

אויב אזוי איז לכאורה נישט ריכטיג אז ער האט זיך דארעכגערעדט מיטן סבא קדישא וועגען דעם שידוך.
ווי איך האב אמאל געהערט האט דער מנחת אלעזר געבעטען אז ברוכ'ל זאל קימען צי אים וואוינען, אבער זיין מוטער זייענדיג אן אלמנה האט זיך נישט געוואלט שיידען פון איר זון.

דו מיינסט וואונען ביי אים נאך די חתונה אדער נאך פאר די חתונה?