נחמן נתן האט געשריבן:בנוגע וואס ללמוד שרייבט אז דער האדהאזער רב האט זיך אנגעטוהן א שטריימל אלץ וויענער רב, האבן די חברי הקהלה דאס געגליכן? אמייסטענס זענען דאך געווען יעקעס(?!)
איבער די חברי הקהלה יעקעס ווייס איך נישט. דאס קענט איהר אריין גיין פרעגן דארט, מ'עט זיכער איינער וויסען צו ענטפערן, נאר אינטערעסאנט צו צוטירן איבער זיין שטריימעל וואס ער האט זיך איינגעהאנדלט נאך אינדערהיים, וואס איך האב אמאל געזעהן, דאכט זיך אין די הקדמה פון זיין ספר עזר מיהודה. איך האף איך ברענג עס בערך כהוויתו.
איינמאל האבן איהם זיינע תלמידים אין האדהאז געקויפט א שטריימל אום פורים. ער האט עס אבער געדארפט פארן אפנעמען אין מונקאטש ביים שטריימל מאכער. זייענדיג אין מונקאטש האט ער אפגעשטאט א באזוך צום הייליגן מנחת אלעזר זי"ע. האט איהם די מנחת אלעזר פארגעהאלטן, אז ער הערט אז ער לערנט תנ"ך מיט די תלמידים. האט ער גענטפערט אז ער לערנט עס נאר צוזאמען מיט די מפרשים און רעדט אויס די דרשות חז"ל. האט די מנחת אלעזר געגעבן זיין הסמכה אויף דעם אופן הלימוד. דערנאך פרעגט ער איהם, אלץ וואס ער איז אהערגעקומען אין שטאט. האט ער געענטפערט אז צוליבן שטריימל. האט די מנח"א געבעטן עס צו זעהן. האט איהם די האדהאזער תופס ישיבה ארויסגענומען די שטריימל, און די מנח"א האט עס חובש געווען בראשו בתפארתו, און געזאגט אה! דאס איז שיין, און פאסט אויף אייך זייער!
אבער נאכן קריג איז באקאנט אז אנהויב יארן איז ער געגאנגן מיטן סאמעטעם הוט אויך אום שבת.