רבי משה סופר מפרעשבורג זצ"ל - החתם סופר - כ"ה תשרי ת"ר

[זיידעניו]

איז איינמאהל אויסגעקומען אז דער זוהן פונם הייליגען חתם סופר האט זייער שטארק געוואלט זונגען דעם זמר האט ער געפרעגט פארוואס דער טאטע זונגט נישט דעם זמר האט זיך דער חתם סופר אנגערופען אז איך האב געהערט אז ווען דער הייליגער בעל מחבר פון יה רבון האט געמאכט דעם זמר זענען אנטקעגען געקומען דער גאנצע פמליא של מעלה צו קומען אויסהערען און מקבל זיין דעם זמר אבער וויבאלד עס איז געווען א הייסע טאג איז ער געזעצען אן א אויבער מאנטעל האט דער גאנצע פמליא של מעלה אנטלויפן.

[זיידעניו]

די וועלט זאגט אז דער חתם סופר האט זיך אמאהל אויסגעדריקט אז ער איז גרייט אוועק צו געיבן האלב פון זיין לערנען אויף נגינה, (אין עס איז דא וואס זאגען אז עס איז נישט אמת).
זיין זון האט מען אמאל געפרעגט ווי אזוי מאכט מען אזעלעכע ניגונים, האט ער געענטפערט עס שטייט דברים היוצאים מן הלב נכנסים אל הלב, האט ער געזאגט א ניגון דארף זיין ווייל דאס הארץ איז איבערפילט, און עס שפראצט ארויס געפילען פון הארץ אין טענער פון א ניגון דעמאלט'ס איז עס נכנסין אל הלב.

[זיידעניו]

ביים חתם סופר אין בית המדרש איז אריין געקומען אמאהל א איד א ארימאן אין ער איז געווען שרעקליך פארשמירט, שמוציג בְּלָאְטֶע'דִיג, אין ס'האט אפילו גֶעשמֶעקט פון אים, ווען דער ארימאן איז אריין געקומען איז דער חתם סופר נישט געווען דארט, איז געווען אפאהר מִינֵי תלמידים, א חלק האבען זיך אויפגעשטעלט אין געגאנגען שלום געיבן פאר די מענטש, אין אים מקרב געווען, אפילו ס'איז נישט געווען גרינג צו צו גיין צו אים.
אין א חלק פון די בחורים האבען זיך פשוט נישט וויסענדיג געמאכט פון דעם מענטש, אין א חלק פון די בחורים האבען זיך גענומען חוזק מאכין פון אים, אין טשעפענען, ווען דער חתם סופר איז געֶוואָר געווארין די מעשה האט ער געגעיבין א רוּף אויס אין געזאגט, איר וועט זעהן: די אלע וואס האבען זיך אויפגעשטעלט אין שלום געגעיבין אין מקרב געווען דעם איד, די אלע וועלין נאך אמאהל ווערין רבנים, אין די וואס האבען ליידער חוזק געמאכט וועט איר אלע זעהן, עס וועט קומען א טאג וואס זיי וועלין זיך שמד'ן, אין די וואס האבען זיך נישט וויסענדיג געמאכט פון די מענטש, די וועלין טאקע בלייבען עהרליך, אבער קיין רבנים וועלין זיי שוין נישט ווערין,
שפעטער האט דער הייליגע חתם סופר זיי דערציילט ווער דאס איז געווען, זאגענדיג די ווערטער, אַשְרֵי מִי שְנָתַן לוֹ שָלוֹם וְהֶחְזִיר לוֹ שָלוֹם... דאס איז געווען אליהו הנביא וואס ער האט געוואלט ווייזען אז אָן גמילות חסד איז די תורה קיין תורה נישט.

[זיידעניו]

הגה"ק ר' שמעון סופר ז"ל [דער זון פון חתם סופר ] ברענגט אינעם ספר השירים וואס זיין טאטע האט מחבר געווען, אז ער האט אמאל געפרעגט זיין טאטע'ן ווען ער האט געהאט צייט צומאכן אזויפיל שירים און ניגונים, ער איז דאך געווען אזוי פארנומען מיט זיין ישיבה און געלערנט טאג און נאכט? דער חתם סופר האט אים געענטפערט אז אין די פיר טעג צווישן יום כיפור און סוכות האט ער נישט געקענט לערנען צוליב די גרויסע דביקות וואס ער האט דעמאלס צוליב די הייליקייט פון די צייט, דעריבער האט ער דעמאלס געמאכט די שירים ווייל ער האט זיך נישט געקענט קאנצעטרירן צום לערנען.
טיול בפרדס

[זיידעניו]

ציון הק' פון חתם סופר

מיי צדיק

[איך_הער]

זיידעניו, א ריזיגן יישר כח פאר די העריליכע שיינע מעשיות, דא אין איבעראל ווי דו שרייבסט זיי נאר, איי רילי עפרישיעט דעט, כ'האב עכט הנאה.

(איך וויל נישט איבעראל אנקאטשקאנען שכוחות, שרייבעך דיר דא, פאר איבעראל.)

[אלחנן]

זיידעניו, ג"א מצטרף

א גרויסן יישר כח פאר דיין ארבעט!

[אלחנן]

אויך האב איך באמערקט עטליכע מאל 'פלסוק' אנשטאט 'פסוק'

http://www.ivelt.com/distributio ... ?keywords=
דאס זיכן האט געטראפן 33 רעזולטאטן: פלסוק
זוך פון די רעזולטאטן: דאס זיכן האט געטראפן 33 רעזולטאטן • בלאט 2 פון 2

עצה טובה אויב האסטו אלע דיין באשרייבונגען אויף א ווארד דאקיומענט ניץ find & replace צו פאריכטען די אלע טעותים.

[scy4851]

...צוויי מאהל דער היילגער בעל התניא , איינמאהל ברענגט ער אום אראפ אין פרשת בהעלתך ,זאגט דארט דער היילגער חת"ם סופר אז עס שטייט אין דער תורה הקדושה ,"והאספסוף אשר בקרבו התאוו תאוה וישובו ויבכו גם בני ישראל ויאמרו מי יאכילנו בשר" (במדבר יא,ד)...

פון דעם ליקוטי אמרים אויף יענעם פסוק האב איך געוויסט.
עס איז און די פינף בענדער חת"ם סופר על התורה.

וויא איז אבער דער צווייטער מאל?

[זיידעניו]

אויך האב איך באמערקט עטליכע מאל 'פלסוק' אנשטאט 'פסוק'

http://www.ivelt.com/distributio ... ?keywords=
דאס זיכן האט געטראפן 33 רעזולטאטן: פלסוק
זוך פון די רעזולטאטן: דאס זיכן האט געטראפן 33 רעזולטאטן • בלאט 2 פון 2

עצה טובה אויב האסטו אלע דיין באשרייבונגען אויף א ווארד דאקיומענט ניץ find & replace צו פאריכטען די אלע טעותים.

עס האט נישט מיט מיר און נישט מיט מיינע תגובות עס איז איינע פון די טויזענטע קערעקטער ערארס וואס האט פאסירט ביים מאפן פון אלט שטאט אהער, קוק דא וועסטו זעהן http://www.ivelt.com/distributio ... %A7#p55529

און איינוועגס וויל איך מיר באדאנקען פאר די וואס באדאנקן מיר, כמ"ש והי' אם שכוח תשכח, עס גיט מיר כח און חיזוק אנצוגיין ווייטער.

[בני יששכר]

איינמאל ערב יו"כ האט דער חתם סופר אריין געריפן א בחור פון ישיבה
ער האט אים געזאגט אז איך גיי דיר עפעס בעטן אבער איך בעט דיר זאג מיר נישט אפ
קודם האט זיך דער בחור זייער דערשראקן וואס וויל דער רבי ערב יו"כ פארנאכט'ס
דער בחור האט אים ציגעזאגט אז ער גייט אלעס טון וואס דער רבי וועט אים הייסן
האט אים דער חתם סופר געזאגט אז דא אין שטאט איז דא א ארימע מיידל א יתומה און איך וויל אז די זאלסט איר נעמען פאר א כלה. דער בחור איז געווארן זייער דערשראקן כידוע א מיידל אן א נדן האט געקענט אלט ווערן אין קיינער האט איר נישט גענימען.
דער בחור האט זיך גלייך געכאפט און געזאגט פארן חתם סופר מהיכן ירק זה חי
אן א נדן
האט אים דער חתם סופר געזאגט עלי ועל צווארי האט דער בחור מסכים געווען האט דער חתם סופר אויף געלעבט און געזאגט אז איך האב מיט גארנישט געהאט מיט וואס צי גיין צים יום הדין און יעצט קען מען צי גיין צים סדר היום
זי"ע

-

דער חתם סופר האט געהאט אן איידעם איך מיין ער האט געהייסן ר' דוד הערש ער איז געקימען אלס חתן ערב יו"כ און ער נאר געפנט די טיר האט ער גלייך געחלשט ווען מען האט אים דערמינטערט האט אים דער חתם סופר געפרעגט צי ער האט אים געזען דער חתם סופר האט אים געזאגט אז איך האב געהאט א באזוך פון אליהו הנביא פארן הייליגן טאג.

דא האט ער זיך אפגערעדט ברוב עניוויות אז ער האט נישט קיין זכותים פארן הייליגן טאג און דא האט ער א באזיך פון אליהו הנביא
זי"ע

[נחמן נתן]

לכבוד דעם בעפארשטייענדיגען יומא דהילולא קדישא פון מרן החתם סופר זי"ע וועט הרב שמעון אופמאן שליט"א - דער באקאנטער היסטאריקער און ידען נפלא - רעדן מארגען דינסטאג חול המועד אום 7 אזייגער אווענט אין וויענער שוהל אין וויליאמסבורג איבער די טעמע: "השפעת החתם סופר ותלמידיו זי"ע על בני דורם ועל הדורות אחריהם". עס איז פארשפראכן צו זיין העכסט אינטערעסאנט און באלערנד פאר מוקירי וחובבי שמו הקדוש של מרן החתם סופר זי"ע ותלמידיו הקדושים זי"ע.

[שוטה]

...צוויי מאהל דער היילגער בעל התניא , איינמאהל ברענגט ער אום אראפ אין פרשת בהעלתך ,זאגט דארט דער היילגער חת"ם סופר אז עס שטייט אין דער תורה הקדושה ,"והאספסוף אשר בקרבו התאוו תאוה וישובו ויבכו גם בני ישראל ויאמרו מי יאכילנו בשר" (במדבר יא,ד)...

פון דעם ליקוטי אמרים אויף יענעם פסוק האב איך געוויסט.
עס איז און די פינף בענדער חת"ם סופר על התורה.

וויא איז אבער דער צווייטער מאל?

עס איז נישט דא קיין צווייטע מאל, זיידעניו האט אודאי געמיינט דער לקוטי אמרים וואס דער חת"ס ברענגט אין תשובה ט"ו, דארטן מיינט ער אבער דעם ספר לקוטי אמרים פונעם מגיד.

[נחמן נתן]

להנאתכם ולטובתכם שטעל איך ארויף די דרשה פון ר' שמעון אופמאן שליט"א פארגאנגענעם ב' דחוהמ"ס העעל"ט איבער די נושא "השפעת החת"ס ותלמידיו זי"ע על בני דורם ועל הדורות אחריהם", מ'קען עס דא דאונלאודן, שמעו ותחי נפשכם!

[יוסלמאן]

לעצטנס איז ארויסגעקומען א זמירות מיט מנהגים פונעם חתם סופר. ער ברענגט דארט מוראדיגע זאכן וואו ער האט זיך ממש פורש געווען פון יעדע הנאה אויף די וועלט. ער האט נישט געטרינקן קיין קאלטע משקאות, נאר גאר הייסע וואס מ'האט נישט געקענט קיין פינגער אריין-לייגן דערינען. מ'זאגט נאך פונעם רבין זי"ע אז דער חת"ס האט געמוזט זיין פון די תלמידי בעל שם צוליבן מעשה הידוע אז ער האט זיך באוויזען צום ישמח משה ווען ער האט זיך גענויטיגט אין א ישועה. זאגט מען נאך פונעם רבין, אז דאס, זיך באווייזען צו א צווייטן צדיק אין לעבן האבן נאר געקענט תלמידי בעל שם.

זכותו יגן עלינו ועל כל ישראל.

[פרעגער]

ווען דער הייליגער חתם סופר זי"ע איז אלט געווען 2 יאהר, איז איינמאל געשטאנען הרה"ג ר' אביש'ל פרנקפורטר זצ"ל ביים ספר תורה, און זיך געגעבן א דריי אויס צום קינד און איהם אנגעכאפט זאגענדיג: ער וועט נאך זיין א לעבעדיגער תורה

[מיללער]

פרעגער,
די מעשה גייט אז ר' אביש'ל האט אויפגעהויבן דעם קליינעם משה'לע סופר פון פראנקפורט און געטאנצן מיט אים זאגנדיג; איך טאנץ מיט די תורה.

[בני יששכר]

איינמאל איז זיך א בחור מיט זיין חברותה געקימען איינשרייבן צי לערנען ביים חתם סופר און ישיבה
האט מען אים גענטפערט אז עס שוין נישטא קיין פאלאץ. דער צווייטער בחור איז שוין נישט אריין געגאנגען זיך איין שרייבן ווייל ער האט שוין געהערט די ענטפער ער האט געטראכט אז ער איז שוין דא וועט ער אריין גיין נעמען א ברכה פונעם חתם סופר אין מען האט אנגעהויבן צי רעדן אין לערנען האט אים דער חתם סופר געבעטן אז ער זאל דא בלייבן לערנען. האט ער גענטפערט אז מען האט געזאגט פאר זיין חברותה אז עס איז שוין נישטא קיין פלאץ. האט אים דער חתם סופר געזאגט פאר אים איז נישטא אבער פאר דיר יא. ווייל עטץ ביידע זענען אריין געקימען אין הויף האב איך געזעהן ווי אזוי ער טרעט מיט א בזיון אויף די סכך און די האסט עס שיינער הייט גערוקט און די זייט אין ער האט נאך ציגעלייגט אז ער זאל זיך אפלאזן פון די חברותה. אין האט נישט געוואלט איבער לאזן זיין חברותה און זיי זענען געגאנגען ערגעץ אנדרש לערנען צים סוף איז ינער נעבעך נישט געבליבן ביים לערנען אין דער צווייטער האט כל ימיו חרטה געהאט פארוואס ער איז נישט געבליבן לערנען ביים הייליגן חתם סופר.
זי"ע
(איך האב פארגעסן די נאמען פונעם בחור אויב איינער קען מיר דערמאנען איז תבא עליו ברכה )

[ברוקלין]

ביים חתם סופר אין בית המדרש איז אריין געקומען אמאהל א איד א ארימאן אין ער איז געווען שרעקליך פארשמירט, שמוציג בְּלָאְטֶע'דִיג, אין ס'האט אפילו גֶעשמֶעקט פון אים, ווען דער ארימאן איז אריין געקומען איז דער חתם סופר נישט געווען דארט, איז געווען אפאהר מִינֵי תלמידים, א חלק האבען זיך אויפגעשטעלט אין געגאנגען שלום געיבן פאר די מענטש, אין אים מקרב געווען, אפילו ס'איז נישט געווען גרינג צו צו גיין צו אים.
אין א חלק פון די בחורים האבען זיך פשוט נישט וויסענדיג געמאכט פון דעם מענטש, אין א חלק פון די בחורים האבען זיך גענומען חוזק מאכין פון אים, אין טשעפענען, ווען דער חתם סופר איז געֶוואָר געווארין די מעשה האט ער געגעיבין א רוּף אויס אין געזאגט, איר וועט זעהן: די אלע וואס האבען זיך אויפגעשטעלט אין שלום געגעיבין אין מקרב געווען דעם איד, די אלע וועלין נאך אמאהל ווערין רבנים, אין די וואס האבען ליידער חוזק געמאכט וועט איר אלע זעהן, עס וועט קומען א טאג וואס זיי וועלין זיך שמד'ן, אין די וואס האבען זיך נישט וויסענדיג געמאכט פון די מענטש, די וועלין טאקע בלייבען עהרליך, אבער קיין רבנים וועלין זיי שוין נישט ווערין,
שפעטער האט דער הייליגע חתם סופר זיי דערציילט ווער דאס איז געווען, זאגענדיג די ווערטער, אַשְרֵי מִי שְנָתַן לוֹ שָלוֹם וְהֶחְזִיר לוֹ שָלוֹם... דאס איז געווען אליהו הנביא וואס ער האט געוואלט ווייזען אז אָן גמילות חסד איז די תורה קיין תורה נישט.

וויאזוי איך האב געהערט אין פארשטאנען די מעשה האט דער חת"ס געזאגט, די וואס האבען געגעבן שלום וועלען זיין רבנים אין מנהיגים (ד.ה. זיי ווייסען ווען מפסיק צי זיין פין תורה לטובת הכלל), די וואס האבען ווייטער געלערנט וועלען זיין גדולי תורה אבער נישט קיין רבנים, די די אנדערע וואס זענען לצנים וועלען ארויס לתרבות רע.

[א טענצל!]

פרעגער,
די מעשה גייט אז ר' אביש'ל האט אויפגעהויבן דעם קליינעם משה'לע סופר פון פראנקפורט און געטאנצן מיט אים זאגנדיג; איך טאנץ מיט די תורה.

אז מען האט שוין יא דערמאנט די מעשה. כ"ק אדמו"ר מהר"א מ'סאטמאר שליט"א האט דעם נעילת החג שמח"ת געזאגט א הפלא'דיגן טייטש געבויעט אויף די מעשה, און מיט נאך הקדמות. געווען געדרוקט אין 'ממעינות התאחדותינו' פ' בראשית, my satmar.com

*
דוכט זיך דער הייליגער ייטב לב זי"ע האט זיך מתאונן געווען אז ער האט נישט געלערנט אין פרעשבורג ביים חת"ס, זאגנדיג אז עס וואלט אים ווען צוניץ געקומען ביים שרייבן א תשובה!

[מיללער]

מצבות נכדי החת"ס בהר המנוחות בירושלים עיה"ק, באמצע הגה"ק ר' עקיבא סופר אב"ד פרעשבורג ומייסד קהילת פרעשבורג בירושלים בעמח"ס דעת סופר [בן השבט סופר, בן הכת"ס בן החת"ס], לימינו בנו ר' אברהם שמואל בנימין סופר מ"מ כאב"ד פרעשבורג בעמח"ס חשב סופר, לשמאלו בנו ר' שמחה בונם סופר, זצ"ל.
(קרעדיט, בן בוזי)

[מיללער]

א בילד פון אהרן חארינער אויף וועם דער חת"ם סופר האט אנגערופן אח"ר

מציבה פון אהרן חארינער

[נחמן נתן]

דער מציבה פון דעם עוכר ישראל עקזיסטירט נאך?

[פרייליכערהייט]

וואו ליגט ער דער כארינער, אין אראד טאקע?

[מיללער]

זעהט אויס אז עס עקזעסטירט נאך אין אראד (אראד, האט מען נישט דעפארטירט ביי די קריג, כידוע)