ר' חנה הלברשטאם מקאלאשיץ זצ"ל-הי"ד - י"ח תשרי תש"ג

[החריף]

ביטע זייט מסביר וואס איר שרייבט??

[נחמן נתן]

הגה"ק מקאלשיץ זי"ע הי"ד בעת ביקורו בישיבת "דרכי תשובה" מונקאטש, לאחר הסתלקותו של הגה"ק בעל מנחת אלעזר ממונקאטש זצ"ל. לימינו נראה אדמו"ר ממונקאטש דאז, הג"מ רבי ברוכ'ל זצ"ל, חתנא דבי נשיאה בעל מנחת אלעזר זצ"ל

[החריף]

הרה"ק מקאלאשיץ זי"ע הי"ד ביים ארויסגיין פין ישיבה, באגלייט דורך הגאון ר' ברוכ'ל חתן הגה"ק ממונקאטש זי"ע.

[החריף]

אין ספר "דברי חנה" ווערט געברענגט אז דער איינציגעסטער וואס הרה"ק מהר"א מבעלזא זי"ע האט געשריבען דער טיטל "איש אלוקים" איז געוועהן אויף דער קאלאשיצער רב זי"ע.
(*)ער האט אמאל געהייסען שרייבען א בריוו צו הרה"ק ר' יעקב יוסף מסקווירא זצ"ל אין ער האט געזאגט פאר דער גבעים אז מ' זאל שרייבען הרה"ק אבער זיי האבן נישט געשריבען, ווען ער האט איבער געליינט דער בריוו האט ער אליין (אדער געהייסען) צו שרייבען "הרה"ק".

[החריף]

ר' יענקעלע זי"ע פארציילט, אז ווען ר' ליבוש דיקלא (דער טאטע פון ר' מענדעל פריסטיקער דער טאטע פון קאלאשיצער רב) איז אריין געגאנגען צו צאנזער רב אז ער וויל זיך משדך זיין מיט איינער פין דער לינסקער אייניקלעך, האט דער צאנזער רב זי"ע אים געזאגט אז דער וועלט זאגט אז ווען מ' איז זיך משדך אין דער פרעמד צו וואקסט זיך דער משפחה,(ר' ליבוש דיקלא איז געוועהן א איידעם ביים צאנזער רב'ס ברודער ר' אביגדור אב"ד דוקלא וואס ער איז געווהן א איידעם אין לינסק) האט ער פארשטאנען אז צאנזער רב איז נישט מסכים, באלד דערנאך האט מען אנגעטראגען דער טאכטער פון שינאווא רב איז ער ווידער אריין, איז לכאורה לויט דער ענטפער פון צאנזער רב וואלט משמע געוועהן אז נישט, אבער צאנזער רב האט אויף דעם געענטפערט א שיינע שידוך ס' איז אזוי ווי ר' מענדעלע לינסקער מיט בילא דער טאטע פין דער ראפשיצער רב זי"ע (שינאווא רב'ס טאכטער האט געהייסען פיגא בילא) אין זיי וועלען אויך האבען אזעליכע קינדער. האט ר' יענקעלע צוגעלייגט אין לכאורה האט ער מיט דעם געמיינט קאלאשיצער רב, ווייל זיינע ברודער זענען געוועהן חשובע יונגעלייט אבער עס איז נישט געווהן קיין דמיון צום קאלאשיצער רב זי"ע. ער ענדיגט צו א "פלא פין א זאך".

[החריף]

שמעתי מהרה"ק רבי יעקב מפשעווארסק זי"ע, אז דער קאלאשיצער רב זי"ע האט זיך נישט אנגעשיכערט פורים.

[החריף]

אין אזוי אויך הרה"ק ר' איציקל מפשעווארסק זי"ע האט זיך אויך נישט אנגעשיכרט וועגען דעם.

[ליפשיץ]

כ"א אדר תשס"ט

ליינענדיג די יאר-צייטן אויפן הויפט בלאט פון אידישע וועלט, האב איך מיך געוואונדערט פארוואס עס ווערט נישט אויסגערעכנט צווישן די היינטיגע יארצייטן דער נאמען פונעם פריסטיקער רב, הרה"ק ר' מנחם מענדל האלברשטאם זצוק"ל, אבי הרה"ק מקאלשיץ וחתן הרה"ק משינאווא. (דער אמת איז אז דער וואונדער איז אויף די פלוג-בלעטלעך פון די שוהלן, וועלכע האבן דאס אויך ארויסגעלאזט).

אויף איינע פון די כ"א אדר טעיפס פון ר' יאנקעלע פשעווארסקער זצוק"ל, דערמאנט ער טאקע אינעם שמועס אז ביום כ"א אדר איז אויך די יא"צ פונעם פריסטיקער רב (זייענדיג אבי רבו, איז ער אביסל מרחיב דארט את הדיבור מגודל קדושתו), און ער פארענדיגט בזה"ל: "ער האט זיך אויסגעוועלט א גוטער טאג..."

[החריף]

יישר כח הרב ליפשיץ

[החריף]

נישט ר' יענקעלע האט געזאגט אז ער האט זיך אויסגעוועלט א גוטע טאג, ס' איז געוועהן איינער פון דער צאנזער אייניקלעך וואס איז נסתלק געווארען אין כ"א אדר, האט דער פריסטיקער רב געזאגט אז ער האט זיך אויסגעוועלט א גוטע טאג, יארען שפעטער איז ער אויך אוועק אין דעם טאג.

[זיידעניו]

רבי לייבוש בן רבי אהרן מקרייז אב"ד צאנז האט עס געזאגט ביי די לויה פון פריסטיקער רב, ווי איך געדענק פון די טעיפ איז עס געווען דעם לשון "דער יונג האט זיך א גוטן טאג אויסדערוועלט".

[החריף]

יישר כח

[החריף]

עס איז ידוע זיין התנגדות צו בילדער, אבער איינער ווייסט אפשר ווי עס איז מעגליך צו באקומען בידער פון קאלאשיצער רב זי"ע?

[החריף]

לכאורה האט דער קאלאשיצער רב געגאנגען א טערקישער טלית. ווייל זיין זיידע אין וועם ער איז געווען אזוי דבוק הרה"ק משינאווא זי"ע איז אויך געגאנגען דערמיט, ווייל ער איז געוועהן א תלמיד פון הרה"ק השר שלום מבעלזא זי"ע.
וואס האלט דער עולם אז מ' זאל היינט אויפהערען גיין מיט דער טערקישער טליתים ווייל מ' האט אין דעם געטראפען שטנז, אדאר ווי באלד עס איז א מנהג היינט צו גיין דערמיט זאל מיט עס קויפען אין "בודק" זיין אבער ווייטער גיין דערמיט?

[החריף]

שמעתי מהרה"ק ר' יענקעלע מפשעווארסק זי"ע, דער קאלאשיצער רב האט זייער נישט ליב געהאט צו נעמען קוויטלעך פון נשים. ער פלעגט זאגען דער נשים זאלען האבען אלס גוט אבער זיי זאלען נישט קומען אויף קוויטלעך.

[גבאי ביהמד]

ארויפגעברענגט לכבודו פונעם נייעם ניק ר' פייבוש'ל

[פייווישעל]

אויף אזאנס האב איך זיך נישט גערישט אזא ברוך הבא פין די אחראי אליין'ס
ישר כח פארן אויפנעמען

[סאדע_באטל]

גיימיר כאטש עפעס נהנה זיין פון די עלי' ?

[והוא פלאי]

ראיתי כאן שאחד החברים טעה, שמו הי' חנה, אחר זקנתו הרבנית חנה רחל, אשת הה"ק משינאווא, ולא אלחנן
עוד, התמונות המפורסמות של הה"ק במונקאטש, הוא מהבוך של ראמען ווישיניאק A VANISHED WORLD שנסע לאייראפע קודם המלחמה וצילם בכמה מדינות מסדר החיים של היהודים, ולאחר המלחמה הדפיסו בשם הנ"ל, ואחד המקומות שצילם הי' מונקאטש

[יוסף שרייבער]

איך האב לעטצנס זוכה געווען צו זעהן א תשובה פין הר"הק ר' חנה.עס איז פיר גאר גרויסע עמודים,מיט א געוואלדיגע חריפות,ר חנה שרייבט אנפאנג און אפאר שורות צום סוף, די איבריגע האט זיין כותב געשריבען.

[סטרעטענער אייניקל]

כידוע שכמה ימים לפני הסתלקות מרן משינעווע, לא זכו לשמוע את קולו. במוצש"ק הוא רמז להביא לו איזה ספר, ולא ידע איש לאיזה ספר כוונתו. הלך נכדו הגה"ק מקאלאשיץ [ שהיה אז נער] והביא את הספר תנדב"א, ואמנם לזה נתכוון רבינו..

[פייווישעל]

גיימיר כאטש עפעס נהנה זיין פון די עלי' ?

סארי איך הערשט איצט באמערקט אז די ווארטס אז איך זאל צוגעבן

איך האב געהערט פין הרה"ח הישיש ר' ישראל אלימלך ווערטהיימער ני"ו א קאלעשיץ חסיד
אז זיין טאטע האט געהערט פין קאלשיץ רב אז אויב סאיז דא אין היינטיגן דור צדיקי אמת, איז די סאטמאר רב איינער פין זיי,
האט אים זיין טאטע געשיקט צוזאמען מיט זיין ברידער אויף שבת קיין סאטמאר ער זאל זעהן א צדיק אמת

נאך דערציילט הרה"ח ר' ישראל אלימלך אז ער מיט נאך 16 בחורים זענען געפארן אויף חודש תשרי קיין קאלעשיץ ווען זיי זענען אהיים געפארן זענען זיי געוועהן שוין ביי די באן אין פלוצלינג הערט ער ווי קאלעשיץ רב רופט אים ער ווינדער זיך פארוואס די רב דארף אים נאך לויפן ביז אהער
זאגט אים קאלעשיץ רב איך האב געהערט אז עטץ גייטס דורך פארן ווארשע אין עטץ גייטס טרעפן מיין פעטער ר' ישעי'לע זאגן איך ענק חלילה עטץ זאלטס אים זאגן אז עטץ זענטץ געוועהן ביי מיר אויף די ימים טובים ער זאל נישט האבן קיין הקפדה

נאך א מעשה איינמאל ווען ער איז אריין געקומען צום טיש האט עט ער געזעהן אז משטיפט זיך האט ער זיך אנגערופן אז אויב משטיפט זיך פירט ער נישט קיין טיש אין ער איז ארויס ביז ר' איציק'ל איז אריין זאגן אז מגייט זיך מער נישט שטיפן איז ער צוריק אריין געקומען צום טיש
דאס איז פארדערווייל אויב,איך וועלן זיך דערמאנען נאך אפשר וועלן איך ממשיך זיין

[dovidal]

איך האב לעטצנס זוכה געווען צו זעהן א תשובה פין הר"הק ר' חנה.עס איז פיר גאר גרויסע עמודים,מיט א געוואלדיגע חריפות,ר חנה שרייבט אנפאנג און אפאר שורות צום סוף, די איבריגע האט זיין כותב געשריבען.

ווי איז די בילד

[יוסף שרייבער]

דודל לא זו הדרך אבער פארט וועל איך דיר ענטפערן, איך האב דעם בריוו געזעהן ביי א איד אין ירושלים וואס האט פארלאנגט א הון עתק דערפאר און כמובן האט ער מיר נישט געגעבען קיין קאפי דערפון, בניגוד צו דיר האב איך דאס נישט געשריבען כדי צו בעטען הילף פון איינעם דא איך פארצייל סתם אז איך האב עס זוכה געווען צו זעהן.

איז דיר נאך עפעס שווער?

[dovidal]

האם ידוע איזה סגולה מהרה"ק רבי חנה קאלאשיצער נגד עין הרע ?
ראיתי היום איזה סגולה בשמו בתוך מכתב של איזה חסיד. אבל ברצוני לידע אם ידוע לאחד דבר כזה ?