רבי אברהם שמעון ענגיל-הורוויץ זצ"ל הי"ד - "רבי שמעו'לע זעליחובער", במ"ס נהרי א"ש - כ”ט תמוז תש”ג-

[El Rushbo]

נאכנישט געטראפן קיין אשכול איבער דעם צדיק וקדוש.

געווען א משפיע אין די באקאנטע ישיבת חכמי לובלין, און האט שפעטער איבערגעלאזט די ישיבה צוליב זיינע דיפערענצן מיט די ראשי ישיבה איבער דעם ריכטיגן דרך הלימוד, ער האט געהאלטן אז מ'דארף ווייניגער עוסק זיין אין פלפול, נאר זיך ענדערש קאנצעטרירן אויף די גמ' מיט די ראשונים.

וואס האט מיר געברענגט היינט צו עפענען דעם אשכול איז. הערענדיג דעם היינטיגן שיעור פון המגי"ש נפלא ר' מנשה ישראל רייזמאן שליט"א זאגט ער אז הרב וואזנער ז"ל מתלמידי ר' שמעון ז"ל האא דערציילט, אז זיין רבי האט אמאל באשאפן א הינדל (אדער ווי מען רופט עס בינינו א כפרה...), אוו ס'איז מיר געווען העכסט אינטערסאנט, ווייל אזוינע מעשיות בין איך נישט געוואוינט צו הערן פון איינער וואס האט געלעבט אין די לעצטערע דורות.

האט איינער שוין געהערט דערפון?

[שטאלצער יוד]

די מעשה איז געדרוקט אין נהרי אש.

[Amazing]

לדיוקא ר' שמעון'לע איז אוועק פון יח''ל שוין נאך די פטירה פון ר' מאיר שפירא

הרב ישראל יצחק דאמב איז געווען א תלמיד מובהק פון ר' שמעון'לע

[להודיע]

http://forum.otzar.org/viewtopic.php?p=94707#p94707

זעה פון דא און ווייטער איבער דעם סיפור התרנגול

[להודיע]

אין נהרי אש ברענגט ער פון ר' שמעון'לע איבער דעם גולם פון מהר"ל מפראג, צי דער מהר"ל האט געמאכט א גולם איז נישט קלאר אבער דאס איז זיכער אז צו מאכן א חיבור ווי גבורת ה' איז סאך מער וואונדערליך ווי באשאפן א גולם... לענינינו צו שרייבן אזא מאמר "שובה ישראל" און די אנדערע מאמרים נשגבים פון ר' שמעון'לע ועבודתו הנפלאה איז פיל מער ווי באשאפן א טשיקעלע...

[עקבי הצאן]

אין נהרי אש ברענגט ער פון ר' שמעון'לע איבער דעם גולם פון מהר"ל מפראג, צי דער מהר"ל האט געמאכט א גולם איז נישט קלאר אבער דאס איז זיכער אז צו מאכן א חיבור ווי גבורת ה' איז סאך מער וואונדערליך ווי באשאפן א גולם... לענינינו צו שרייבן אזא מאמר "שובה ישראל" און די אנדערע מאמרים נשגבים פון ר' שמעון'לע ועבודתו הנפלאה איז פיל מער ווי באשאפן א טשיקעלע...

יפה אמרת!

[נא_שכל]

וואס האט מיר געברענגט היינט צו עפענען דעם אשכול איז. הערענדיג דעם היינטיגן שיעור פון המגי"ש נפלא ר' מנשה ישראל רייזמאן שליט"א זאגט ער אז הרב וואזנער ז"ל מתלמידי ר' שמעון ז"ל האא דערציילט, אז זיין רבי האט אמאל באשאפן א הינדל (אדער ווי מען רופט עס בינינו א כפרה...), אוו ס'איז מיר געווען העכסט אינטערסאנט, ווייל אזוינע מעשיות בין איך נישט געוואוינט צו הערן פון איינער וואס האט געלעבט אין די לעצטערע דורות.

האט איינער שוין געהערט דערפון?

יא אסאך מאל, סיי פונעם ספר נהרי אש כנ"ל, און אויך פון די אייניקלעך פון הגר"ש וואזנער וואס האבן עס געהערט פון זייער זיידע זצ"ל וואס פלעגט עס נאכפארציילן פון א איד וואס האט געזאגט אז ער האט געזען וויאזוי ער האט עס באשאפען. מדבריו היה נראה אז ער האט געגלייבט די מעשה 100%

אבער פון אן איר אייניקל פון הרב דומב ז"ל שמעתי אז זיין זיידע האט עס נישט געגלייבט, אבער ער האט געזאגט, אזא גוטע מעשה איז א שאד ארויסצולאזן...
[די מעשה פונעם אייניקל פון הרב דומב, האביך געהערט אלס בחור פונעם איר אייניקל וואס איז אויך געווען א בחור, סאו כ'ווייס נישט ווי קראנט דער איר אייניקל איז געווען].

[להודיע]

די גאנצע מעשה איז געבויעט אויף א איד וואס האט אזוי פארציילט. דער דיון איז צי מדארף גלייבן יענעם אנאנימען איד. דער שבט הלוי האט אים יא געגלייבט, און הרב דומב האט אים נישט געגלייבט.

[ישראל אברהם]

[El Rushbo]

געפעלט מיר די ווארט שיימע...

[ארך אפים]

דער פאלטיטשאנער איז אויך געווען א תלמיד מובהק פון עם, ר' שמעול'ע האט עם געוואלט פאר א איידעם ואכמ"ל, ער פלעגט אויך דערציילן דברים נפלאים כ'האב געהערט פון א אייניקל אז ר' שמעול'ע פלעגט דאווענען פארן עמוד ימים נוראים, פארלערנען שיעורים, וכו' אין מען האט עם קיינמאל נישט געזעהן אריינקוקן און א ספר, מחזור וכדו',
א מעשה פלא דערציילט ער אז איינמאל האט ער געהערט א טומל אינדרויסן האט ער געפרעגט וואס גייט פאר, האט מען עם געזאגט אז א גרויסע געלערענטע גלח איז דא, האט ר' שמעול'ע געזאגט מען זאל עם פרעגן און וויפיל חלקים א געוויסע סעקטע (גלויבן) איז צוטיילט, האט מען געפרעגט דעם גלח, אין ער האט געזאגט א געוויסע # (דענק איך נישט יעצט) האט ר' שמעול'ע געזאגט אז ער ווייסט נישט וואס ער רעדט, עס איז אזויפיל אין אזויפיל (דענק איך נישט יעצט) האט מען עס איבערגעזאגט פארן גלח און ער האט מודה געווען, האט מען געפרעגט ר' שמעול'ע פון ווי ער וויסט האט ער געזאגט אז יעדע זאך וואס איז דא און די טומאה איז דא אין די קדושה לעומתו, איך זעה וויפיל ס'איז דא אין די קדושה ווייס איך וויפיל ס'איז דא אין די טומאה, ויהי לפלא.
איך ווייס נאך אונטערעסאנטע זאכן, ועוד חזון למועד.

[מונאוויטש]

אין נהרי אש ברענגט ער פון ר' שמעון'לע איבער דעם גולם פון מהר"ל מפראג, צי דער מהר"ל האט געמאכט א גולם איז נישט קלאר אבער דאס איז זיכער אז צו מאכן א חיבור ווי גבורת ה' איז סאך מער וואונדערליך ווי באשאפן א גולם... לענינינו צו שרייבן אזא מאמר "שובה ישראל" און די אנדערע מאמרים נשגבים פון ר' שמעון'לע ועבודתו הנפלאה איז פיל מער ווי באשאפן א טשיקעלע...

מאמר שובה ישראל.

[סידיראם]

די גאנצע מעשה איז געבויעט אויף א איד וואס האט אזוי פארציילט. דער דיון איז צי מדארף גלייבן יענעם אנאנימען איד. דער שבט הלוי האט אים יא געגלייבט, און הרב דומב האט אים נישט געגלייבט.

און פיר אויס... להודיע האט מכריע געווען אז רב וואזנער האט נישט גיט מכריע געווען... הא?

קודם כל רב וואזנער איז נישט געווען קיין חדר יונגל און אז ער האט געגלייבט דעם איד איז א סימן אז דער איז געווען אן איש אמת.

צווייטנס, אויף וואס זאל זיין געבויעט אן השערה אז עס זאל נישט זיין אמת. אמער, די עצם מציאות פון באשאפן א נפש איז א דבר ידוע ומוסכם, איי מען האט דאס נישט געהערט אין די לעצטערע דורות? להוי ידוע אז די גאנצע התנהגות פון רבי שמעונלע איז נישט געווען כפי ערך דורו כי הוא זה.

קוק די אלע פלאדיגע מעשיות וואס די תלמידים שרייבן און פארציילן אויף אים וועסטו פארשטיין אז מען רעדט דא פון אן "אויסטערלישן" אדם גדול.

ועוד אז רב דאמב זצ"ל האט דאס אריינגעשטעלט אינעם בפר איז מער מסתבר אז ער האט אויך פארשטאנען אז די זאך איז נישט רחוק עס זאל האבן געשעהן.

[וויל זיין גוט]

צו באגרייפן 'אביסל' פון וואספארא מלאך אלקים מען רעדט דא, איז גוט צו קוקן דעם ספר נהרי אש, די באשרייבונגען פון תלמידים איבער אים, עס דערקענט זיך אז ער איז געווען עפעס, וואס נישט צופיל אין זיין דור זענען געווען ענליך. זכר צדיק לברכה.

[יום זה מכובד]

איז פארהאן את בילד פון צורת קדשו?

[נא_שכל]

תמונה ידועה

[zugurnish]

פאר דעם וואס ער איז געווען אין חכמי לובלין איז ער געווען ראש ישיבה אין תומכי תמימים ליובאוויטש אין ווארשה פאר א פאר יאר.

[נא_שכל]

פאר דעם וואס ער איז געווען אין חכמי לובלין איז ער געווען ראש ישיבה אין תומכי תמימים ליובאוויטש אין ווארשה פאר א פאר יאר.

זייער אינטערסאנט!

וועלכע רבי האט אים געשטעלט?

איז דא געשריבן ערגעץ פרטים איבער יענע תקופה וואס ער איז געווען אין די ישיבה?

[zugurnish]

דער רבי ריי"צ

[zugurnish]

http://www.chabadlibrary.org/books/pdf/polin.pdf

זע עמודים צ"א-צ"ג, צ"ט,קא, קי.

[יש מזל]

פאר דעם וואס ער איז געווען אין חכמי לובלין איז ער געווען ראש ישיבה אין תומכי תמימים ליובאוויטש אין ווארשה פאר א פאר יאר.

נאך וואס ער איז אוועק פון יח"ל איז ער געגאנגען קיין תו"ת, און רבי דאמב עם כמה תלמידים זענען מיט איהם מיטגעגאנגען (געהערט פון אידן וואס האבן עס געהערט פון רבי דאמב, אויך אויף קולמע איז אן אינטערוויו מיט א תלמיד פון יח"ל ר' מאיר שפירא (די זעלבע נאמען ווי דעם ר"י ר"מ זצ"ל) באריכות דאס ארויסגיין פון שמעון'לע זצ"ל.

[ידיעות שונות]

איינער איז באקאנט אויב ס'איז דא א דאטום פון א יארצייט?

[אדער יא]

איינער איז באקאנט אויב ס'איז דא א דאטום פון א יארצייט?

קיץ תש"ג, יותר מזה לא ידוע

[עפל קאמפאוט]

בעצם איבער דעים גאון איז לא יאומן כי יסופר אז כמעט בדורינו אלה זאל זיך געפינען אזא סארט גאון וואס זאל קענען ממש זיין א סופר התורה באותיותיו. ווי דער טשעבינער רב זצוק"ל האט זיך אויסגעדריקט נאכ'ן אים באזוכן איינמאל, אז אזא גאון איז נישט דא, אפשר רבי יאשע (דער ראגעטשאבער) און אפשר רבי יאשע אויך נישט.

איך האב נישט געזעהן אין נהרי אש רעדן פון די משפחה פון דעם גאון פלאי רבי שמעונ'לע, ביי וועם איז ער געווען אן איידעם, צו האט ער געהאט קינדער, איז דא עפעס איבערגעבליבן דורות?

[אדער יא]

איינער איז באקאנט אויב ס'איז דא א דאטום פון א יארצייט?

אויכעט נישט געפונען דא