בעלזישער האט געשריבן:סאיז יעצט אנגעקומען צו מיר, רשימות פון א איד מיטן נאמען ר' פנחס וויזלטיהר, דער איד לעבט נאך, דאכט זיך אז ער וואוינט אין ירושלים, שרייבט דער ר' פנחס, איך האב געהערט פון ר' איציקעל (האדמו"ר מראחמיסטריווקע שליט"א) {כמדומה אז די רשימות זענען משנת תשל"ח} אז ר' ישעיה זושא איז געווען אן איידעם בזיווג ראשון פון הרה"ק ר' מנחם נחום מקארוב זי"ע, בזיווג שני איז נישט באקאנט , זיווג שלישי וכו' און דער בעלזער רב ר' ישכר דוב איז געווען אן איידעם פון די צווייטע זיווג, און דער שווער ז"ל (האדמו"ר מסקווירא זצוק"ל) האט געזאגט "אז סקען נישט זיין אז ער איז געווען אן איידעם פון זיווג ראשון, ווייל אין בעלזא זענען איינקלעך פונעם לובלינער געווען א גרויסע יחוס, און מהאט קיינמאל נישט גערעדט אז זיי זענען לובלינער אייניקלעך"......
מיר זעהן פון די מעשה צוויי זאכן:
1. אז סקווירער רבי ז"ל האט קלאר געהאלטען אז זיי קומען נישט פונעם מקארובער זיווג.
2. אז סקווירער רבי ז"ל האט אויך מסכים געווען מיט די דעה, אז וויבאלד מהאט אין בעלזא נישט געוואוסט אז זיי זענען לובלינער אייניקלעך, קען נישט זיין אז זיי זענען לובלינער אייניקלעך.........
אין די זעלבע צייט וויל איך אויך אפווענדען די טענה אז די רב האט נישט געוואוסט קיין סאך, ער איז געווען פארמאכט וכו', ווייטער אזא טענה קען נאר זאגן איינער וואס האט נישט איבערגעטעטן דעים רב'ס שוועל, די רב האט אזוי געוואוסט אלעס, און זיך אינטערסירט אין יעדע ברעקל אינפארמאציע פון זיין יחוס, אדער פן זיינע עלטערן, לדוגמא קטנה, ווער עס האט אמאל געזעהן די בילגערייער כתבים, זעהט וואו כמעט אויף יעדער בלאט צייכענט ער צו: לשאול אי"ה את כ"ק אחי שליט"א, און ווען מען זעהט נאכדעים פון די תשובות פונעם רב, וואספארא געוואלדיגע ידיעות בכלל און אין יחוס בפרט, איך וועל נישט מאריך זיין, אבער א יעדע בעלזער חסיד, אשר יש לו ידים ורגליים פארשטייט אז די רב האט זיכער געוואוסט ווער זיין מאמע'ס מאמע איז געווען, און גוט געקענט זיין יחוס.
ווער עס קען די שפראך פונעם סקווערן רבי'ן ז"ל ווייסט אז ער פלעגט קיינמאל נישט נוצען אזעלכע לשונות ווי "
ס'קען נישט זיין" וכדומה, בפרט נישט ביי א זאך וואס איז נישט 100% ברור,
אלע פארציילן - טאקע בשם האדמו"ר מראחמסטריבקא שליט"א - אז דער שווער האט געזעגט אז
ס'איז נישט מסתבר אז ס'איז מזיווג ראשון ווייל מ'וואלט געוואוסט דערפון אין בעלזא, אבער ער האט כסדר נאכאלס געזאגט אז ס'איז א ספק,
ראחמסטריבקא רבי'ס קינדער פארציילן אזוי בשם אביהם, ושמעתי מעוד שני אנשים בשמו.
אזוי זאגט אויך האדמו"ר מסקווירא שליט"א, און אזוי איז געשטאנען אין אורות,
אז מ'האט אלס געוואוסט אין סקווירא אז ס'איז א ספק - הגם אויב ס'איז פון זיווג מקארוב איז דאס א גרעסערע חידוש, אבער די ספק איז נאכאלס געווען,
און אויף דיין צווייטע הערה אז ס'קען נישט זיין אז דער רב ז"ל האט נישט געוואוסט, האט מען שוין דורכגעקייט אהין און צוריק, א שאד נאכאמאל זיך טענה'ן,
סקווערע רעבעצין וואס איז געווען "כולה בעלזא", און האט געקאכט מיט בעלזא און אלעס ארום, זי איז אויפגעוואקסן אין די זעלבע תקופה ווי הרה"ק מבעלזא אינעם בעלז'ן הויף,
איר מאמע איז געווען א שוועסטער מיט'ן רב ז"ל, און אויב דער רב האט געוואוסט בידיעה ברורה איז נישטא קיין שום סיבה פארוואס זיין שוועסטער זאל נישט וויסן און דאס נישט איבערגעגעבן ווייטער,
און דאס איז ברור אז סיי זי האט נישט געוואוסט, און סיי איר מאן האדמו"ר מסקווירא וואס איז אליין געזיצן אין בעלזא פאר א תקופה, און אליין אסאך גערעדט מיט בעלזא חסידים, און פונקט ווי ביים פעטער ז"ל איז ביי אים די אבות הקדושים געווען אלעס אין די וועלט - ער האט אויך נישט געוואוסט,
ועוד, די מעשה מיט'ן מיראפולער ווערט אוועקגעמאכט כלאחר יד, מיט אלע תירוצים שבעולם,
האדמו"ר מטשערנוביל שליט"א פארציילט אז דער רב ז"ל האט אים געפרעגט אויב ער ווייסט "
ווער זיין מאמע איז געווען",
אזוי האט ער פארציילט - איך האב עס קאנפירמט ביי איינעם וואס האט עס געהערט פון אן אייניקל באלד מוצאי שבת,
לאמיר לייגן אין א זייט וואס ער האט גענטפערט, און אויב דער רב ז"ל האט מקבל געווען אדער נישט,
אבער דא איז געווען די שאלה,
יעצט קען זיין אז ער האט געמיינט צו פרעגן אויב ער ווייסט עפעס וועגן איר,
קען זיין ער האט געוואלט זעהן אויב ער איז בקי אין די היסטורי' וכו' וכו',
מ'קען זאגן ואס מ'וויל, אבער דאס איז געווען די שאלה,
איך פארשטיי אז ס'איז זייער שווער צו זאגן אז דער רב האט נישט געוואוסט ווער זיין מאמעס מאמע איז געווען,
אבער פון הנ"ל איז משמע אז
ס'איז יתכן אזוי, נישט מוכרח בכלל, אבער יתכן,
