תלמידו של מי??

[ללמוד וללמד]

נאכן איבעררעדן מיט אנדערע חברים וידידים, האבן כולם פה אחד מסכים געוועהן אז די סארט אשכול קען זיין גאר אינהאלטסרייך און באלערנד. איך בין מוכן ומזומן אויף הערות וויאזוי צו עס צו פארשענערן און פארבעסערן
וחפץ ה' בידינו יצליח!
די ציהל פון דעם אשכול: צו שטעלן חידות און ברענגן נעמען פון צדיקים וגדולים אויפן טיש אז ווער עס ווייסט זאל אריינפולן פון וועם דער צדיק אדער גדול איז געוועהן א תלמיד (נישט קיין נ"מ צו אין חסידות אדער אין תורה) און דאדורך וועט האפענטליך פארברייטערט ווערן אונזער ידיעות אין די תורה המסורה לנו מדור דור, ווער עס האט פון וועמען מקבל געוועהן תלמודו ודרכו בקודש.
צו מאכן אן אשכול אויף די נושא קען זיין גאנץ א קאמפלעקסער עסק. עס קען געלונגען, עס ווענדט זיך לפענ"ד אין די קאאפעראציע פון חבירינו וידידינו היושבים דבית מדרשינו.
די עיקר פראבלעם וועט געשעהן אנפאנג, ווען מ'וועט אנהייבן ווארפן נעמען פון די אלע באקאנטע גדולים, אבער מיט א ביסל געדולד וועט זיך דאס אפשטעלן און אריין פאלן אין פלאץ און פארן אויף א רעגלמעסיג אופן.
איך מיין כ'העל עס מסדר זיין לויט די פאלגענדע אנווייזונגען:
א. טאמער דער פרעגער ווייסט נישט אליין פון וועם דער גדול איז געוועהן א תלמיד, מוז ער ארויסשרייבען אז ער ווייסט נישט (אזוי וועט מען וואוסען נישט צו ווארטן אויפן ענטפער און גיין ווייטער טאמער עס איז נישט פארענטפערט גענוג נאך א קורצע צייט)
ב. פארשטייט זיך מען וועט נישט ברענגען א נייע חידה ווילאנג מען האט נישט מפענח געוועהן די ערשטע, עכ"פ מיט איינע פון זיינע רבי'ס (ער קען דאך זיין א תלמיד פון מער ווי איינעם)
ג. יעדער חידה מוז געצייכנט ווערן מיט א נומער, אז טאמער איינער וויל שפעטער צולייגען נאך איינעם פון וועם ער איז געוועהן א תלמיד זאל ער קענען גרינג אנווייזן.
ד. מיר וועלן פרובירן ווי ווייט מעגליך צו האלטן א ליסטע מיט די נעמען דא אין ערשטע תגובה מיט די נומערן און לינקס צום עמוד ווי ער געפונט זיך.
ה. פארשטייט זיך עס איס ראטזאם צו געבן א שטיקל רמז צום גדול אדער צדיק פון וועם ער איז געוועהן א תלמיד.
ו. עס איז אוודאי שיין אויב מען לייגט צו עפעס א עובדא'לא אדער א קוועטש בנוגע דעם רב ותלמידו כדאי עס זאל נישט זיין קיין טרוקענע שאלה ותשובה אשכול. אבער כדאי מען זאל נישט פארקריכן פון די מטרה מוזן מיר געדענקן צו זיין קורץ און שארף, ווי אויך נאר ברענגן אן עובדא וואס האט דירעקט מיט די אנטוויקלונג פון די שייכות פון די רב ותלמודו, נישט אבער קיינע עובדות וואס זענען געשעהן צווישען די צוויי וואס אנבאלאנגט נישט די פיזישע אנטוויקלונג פון זייער שייכות.

וזה החלי בס"ד:
המפתח:
1) חיד"א
2) חוזה פון לובלין
3) בית יוסף
4)מהר"י בי רב
5)לבוש - ר' מרדכי יפה בעל הלבושים
6) מהר"י אבוהב
7) מסילת ישרים
8) לבושי מרדכי - הגאון ר' מרדכי ליב ווינקלער

[יהיה כן]

1) דער חיד"א
(לפי השמועה) ברענגט ער קיינמאל נישט אראפ זיין רבי'ן מיטן טיטול 'מורי ורבי' נאר סתם זיין נאמען (פילצאליגע מאל אין זיינע ספה"ק).

[למעלה משבעים]

אין ספר שם הגדולים (חלק גדולים - מערכת י אות קא) שרייבט ער מורי הרב מהר"ר יונה נבון - זלה"ה בן הרב מה' חנון נבון, און אין שם הגדולים (חלק גדולים - מערכת ח אות מב) שרייבט ער מהר"ר חיים ן' עטר ואני הצעיר זכיתי והייתי בישיבתו הרמתה. ווייס מיר שוין צוויי פון זיינע רבי'ס.

[יהיה כן]

וואויל געזאגט!!
היינט די יארצייט פון חיד"א'ס הייליגן רבין זי"ע

דער חוזה פון לובלין זי"ע (נישט זיין רבי בחסידות ווואס איז געווען דער רבי ר'אלימלך, נאר בנגלה ער האט געלערנט אין זיין ישיבה)

[ללמוד וללמד]

שוין פארגעסן?
2) דער חוזה פון לובלין

[למעלה משבעים]

ביים רבין ר' שמעלקא פון ניקלשבורג?

[יהיה כן]

יא ריכטיג

3) דער בית יוסף (געווען איבער עם א גאנצער פולמוס)

[ללמוד וללמד]

מהר"י בי רב?

[יהיה כן]

ריכטיג

4) און (יעצט שוין אביסל שווערער) ווער איז געווען דער רבי פון מהר"י בי רב? (דער בית יוסף רופט עם 'רבינו הגדול' אלס דער רבי פון זיין רבי [אזוי ווי דער רשב"א רופט דעם רי"ף 'רבינו הגדול' אלס דער רבי פון זיין רבי'ן דער רמב"ן)

[למעלה משבעים]

מהר"י בי רב, הפולמוס היה אודות סמיכה.
אבל בשם הגדולים (חלק גדולים - מערכת י אות קסה) מפקפק ע"ז: כתב קורא הדורות שהיה תלמיד מובהק מהרב מהר"י בי רב ע"ש דף ל"ה ע"א. ואני מסתפק מאד בזה שהרי בשנת רפ"ב בעיר אנדרינופלא התחיל לחבר הבית יוסף, נמצא שהיה גדול בתורה וכבר היה לו מגיד, והיה המעשה נורא בליל שבועות עם הרב מהר"ש אלקבץ כמו שהביאו הרב של"ה. ועבר מרן דרך שלוניקי וחתם עם הרבנים בהסכמות כמ"ש קורא הדורות שם. באופן דכשבא לצפת היה מגדולי הדור בחכמה ויראה, וא"כ איך יתכן שיהיה בתורת תלמיד עם מהר"י בי רב וכ"ש לומר עליו שהיה תלמיד מובהק ממהר"י בי רב. ומהר"י בי רב נראה דמספרד הלך לפיס והיה רב שם ואח"כ הלך דרך מצרים ובא לצפת, באופן שנראה שלא היה בגלילות טורקיא"ה ומרן לא ראהו כ"א בהליכתו לעה"ק צפת ת"ו. לכן נראה כי הרב מהר"י בי רב אחר שהוא ז"ל קיבל הסמיכה הסמיך למרן בצפת ומשו"ה מרן קוראו מורי הרב.

[למעלה משבעים]

4)
זיין רבי איז געווען מהר"י אבוהב?
אבער עס שטימט לכאורה נישט, ווייל כמדומה די בית יוסף רופט אים רבי. און אויב די מהר"י בי רב איז געווען דעם בית יוסף'ס רבי ווי קומט אז די מהר"י אבוהב די מהר"י בי רב'ס רבי זאל זיין די בית יוסף'ס רבי???
פארוואס פאררעכסטו דיין תגובה אן מיר מודיע זיין.....

[יהיה כן]

למעלה האסט רעכט, און איבער דיין קשיא, זעה מיין פאראכטענע תגובה פריער

[יהיה כן]

5) רבי מרדכי יפה בעל הלבושים

[למעלה משבעים]

מהרש"ל ורמ"א.

[יהיה כן]

6) און ווער איז געווען דער רבי פון מהר"י אבוהב?

[למעלה משבעים]

מהר"י קאנפאנטון.

[יהיה כן]

פיין געזאגט!!

7) ווער איז געווען דער רבי פון הייליגן רמח"ל זי"ע בעל המסילות ישרים ועוד? (איינער פון די גדולי טערקיי)

[למעלה משבעים]

ר' ישעיהו באסאן - בעל לחמי תודה, ור' יצחק חיים כהן מהחזנים - בעל פחד יצחק.

[ללמוד וללמד]

יהי' כן, האט "למעלה משבעים" רעכט? קען מען גיין ווייטער?

[יהיה כן]

נעוואדע, זייער פיין געזאגט גאו אהעיד

[ללמוד וללמד]

8) הגה"ק ר' מרדכי ליב ווינקלער זצוק"ל ה'לבושי מרדכי'?

[למעלה משבעים]

למד בישיבת ר' וואלף תרצי"ת, וישיבת ר' מרדכי יהודה גליק, וישיבת ר' יצחק אהרן לאנדעסבערג.

[ללמוד וללמד]

ריכטיג! בן שתים עשרה שנה הלך ללמוד אצל הגה"צ רבי וואלף הירשלער-תרצה'ס אב"ד טאפאלטשיין (מלפנים אב"ד גיסינג) בעמח"ס תפארת שבת--פני שבת.
ועי' בשו"ת לבושי מרדכי סי' צ"ח מה שהרבה בשבחו של רבו זה ושהי' בקי בנגלה ובנסתר.
אח"כ הלך ללמוד לתקופה קצרה אצל הגאון ר' מרדכי יודא גליק אבד"ק יאהאני
אח"כ כיתת והלך ברגליו עם חבילתו על כתפיו לעיר הגדולה גראסווארדיין לישיבת הגה"צ רבי ישראל יצחק אהרן לאנדסבערג אב"ד דשם. הוא הי' רבו מובהק, והוא הסמיכו להוראה

[למעלה משבעים]

9) רבי יהונתן אייבשיץ?

[ללמוד וללמד]

ר' אברהם ברודא?