אין די לעצטערע חדשים, ווען ראסיזם איז פון די הויפט טעמעס אין אמעריקע, האט עמעזאן זיך ארויסגעשטעלט אלס פירמע וואס שטיצט גערעכטיגקייט און יוסטיץ, און שטעלט זיך שארף קעגן סיי וועלכער סארט ראסיזם אדער געוואלטאטן.
ווען אימער עס קומט פאר פרידליכע פראטעסטן קעגן פאליציי ברוטאליטעט אויף מינאריטעטן, דרוקט עמעזאן אויס זייער מיטגעפיל צו די פראטעסטירער וואס שטעלן איין אלעס וואס זיי פארמאגן און געבן אוועק טעג און נעכט דורכצופירן פרידליכע פראטעסטן וואס באשטייט פון פרידליכע פייערן, גניבות און רויבערייען, אויסליידיגן געשעפטן, פאר'ן נאמען פון גערעכטיגקייט.
עמעזאן ביים אויסדרוקן מיטגעפיל פאר די BLM באוועגונג
- 1_gOFnCsJtpjAXDTQwJm8zNA.jpeg (108.98 KiB) געזען 2276 מאל
די פרידליכע פראטעסטן זענען פארבינדן מיט שווערע ריזיקעס, נישט אלץ איז מעגליך ארויסצוגיין פראטעסטירן, ווי צום ביישפיל ווען די וועטער איז נישט אזוי פרידליך ווי די פראטעסטירער. אמאל קען זיך אראפלאזן א שלאקס רעגן אדער איז צו הייס אינדרויסן, און די פראטעסטירער דארפן זיך מוסר נפש זיין אויסצודרוקן זייער ווייטאג פון 400 יאר צוריק טראץ די שווערע אומשטענדן.
אויך איז דא אסאך מינאריטעטן וואס האבן נישט די צייט און מעגליכקייט זיך ארויסצולאזן אין גאס פראטעסטירן. אסאך קענען זיך דאס נישט ערלויבן צוליב זייער מצב הבריאות, זייענדיג הונקעדיג אדער איבערוואגיג און קענען נישט אזוי שנעל אנטלויפן מיט זייערע גניבות איידער אנדערע פראטעסטירער וועלן עס אוועקכאפן פון זיי אויסצודרוקן זייער אויפברויז צו פאליציי ברוטאליטעט.
אנדערע פראטעסטירער וואוינען ווייט פון טארגעט געשעפטן אדער זענען זיי סתם פויל, און צוליב דעם ווערט זייער שטימע אונטערדרוקט און זיי האבן נישט וויאזוי ארויסצוגעבן זייער וויי-געשריי.
צוליב דעם האט עמעזאן זיך אריינגעלייגט צו פארשטיין זייער מצב, און זיי צושטעלן די נויטיגע מעגליכקייטן צו קענען פראטעסטירן אן דארפן איינשטעלן זייער געזונט צושטאנד, פוילקייט אדער זיך ארויסלאזן אויף די גאסן אין א שווערן וועטער.
זייער ארבעט איז נישט געווען אומזיסט, און עס איז זיי געלונגען אהערצושטעלן א נייע פלאטפארמע וואס זאל צופרידנשטעלן מיליאנען אונטערדרוקטע אין אמעריקע.
מער וועט מען זיך מער נישט דארפן אהיימשלעפן מיט פעק און זעק אנגעפולט מכל טוב מצרים, פון קליידער, זייגערס, שיך, און אנדערע נוצבארע פראדוקטן וואס הונגעריגע פראטעסטירער דארפן ליידער גנב'נען צו קענען שטילן זייער הונגער און דארשט צו רויבן.
אזוי אויך וועט מער נישט זיין קיין געפאר פון בארויבן געשעפטן וואס באלאנגען צו מינאריטעטן, און מען וועט פון יעצט און ווייטער האבן די אפציע פון רויבן בלויז פון ווייסע ריטעילער וואס זענען פון די רייכסטע אויפ'ן כדור העולם.
פון היינט און ווייטער וועט מען קענען רויבן און גנב'נען אן דארפן ארויסגיין אין גאס בכלל. מען קען זיצן אויפ'ן באקוועמען סאפע ביי זיך אין שטוב, און אויסדרוקן מיטגעפיל צו משפחת פלויד, רייט, גארנער, ברוין, און שווארץ, מיט א בלויזן קוועטש אויפ'ן טעלעפאן.
אויף דעם נייעם פארגעשריטענעם עפפ, וועט עמעזאן ערלויבן פראטעסטירער אויסצואוועלן פון אלע פראדוקטן וואס זייער הארץ באגגערט, און פאר'ן ארויסטשעקן וועלן זיי אויסוועלן צווישן די צוויי פאלגנדע אפציעס:
- • PROCEED TO CHECKOUT
• LOOT IT
אויב דרוקט מען דעם צווייטן אפציע פון גנב'נען, ווען מען בלויז דארפן צושטעלן אן אידענטיפיקאציע קארטל (Photo ID) אויפצואווייזן אז מען איז בארעכטיגט צו רויבן בעיסד אויף די היסטאריע און אפשטאם פון דעם ספעציפישן 'פראטעסטירער. [ווי פארשטענליך איז דאס נישט קיין ראסיזם צו בעטן אידענטיפיקאציע קארטלעך, וויבאלד דאס איז נישט קיין שטים-לאקאציע, כידוע ליודעי חן.]
דערנאך וועט מען האבן די אפציע פון אריינלייגן דעם נאמען פון דעם קרבן פון פאליציי ברוטאליטעט, לע"נ וועמען מען וויל 'באקומען' דעם פראדוקט, אדער וועט מען קענען דרוקן דעם קנעפל פון "אלע דערשאסענע" און דאס וועט גיין אויפ'ן חשבון פון אלע קרבנות וואס זענען דערשאסן געווארן דורך די פאליציי אין די לעצטערע יארן.
א בליק אויפ'ן נייעם עפפ
- article-8413-1.jpg (105.25 KiB) געזען 2276 מאל
די פראדוקטן וועלן זיין צוגעשטעלט פאר יעדן מענטש און פאר יעדן עלטער, פון שפילצייג, קליידער, הויז געברויכן ביז טעכנאלאגישע כלים און לוקסוריעזע שוואוילטאג. די פראדוקטן וועלן געשיקט ווערן בו ביום, פונקט ווי פראדוקטן וואס ווערן געקויפט דורך ווייסע איינקויפער פון "עמעזאן פריים"
אצינד וועט זייער שטימע גוט געהערט ווערן און זיי וועלן שוין קענען ארבעטן פונדערהיים, און רויבן 24 שעה א טאג פון דעם ריטעיל ריז וואס באלאנגט צו ווייסע אייגנטימער פון דורי דורות.
דזשעף בעזאס, דער אייגנטומער פון עמעזאן האט אויסגעדרוקט זיין פרייד צום גרינדונג פון דעם נייעם עפפ: "פראטעסטירן איז א יומען רייט וואס מען מוז צושטעלן פאר יעדעם אן אויסנאם. זיי מוזן האבן קאנסטענט עקסעס צו קענען רויבן ווען אימער עפעס פאסירט"
דער אייגנטומער בעזאס ביים אויסדרוקן מיטגעפיל
- images.jpeg (8.39 KiB) געזען 2276 מאל
די נייע עפפ וועט געוויס דינען איר ציל אלס אויפוואכונג אין לאנד און וועט ברענגען פריצייטיגע רעזולטאטן פאר 'סאשעל איקוועלטי' און פאררעכטן יוסטיץ פראבלעמען וואס פלאגט דאס לאנד.
ויה"ר שלא ישמע עוד "שוד ושבר" בגבולינו...
