בנאות דשא - די ווייסע בערג אין ניו העמפשיער

[וואס עפעס?]

איינער מיט עקספיריענס איבער א ספידינג טיקעט אין ניו העמפשער?
קען מען פארהאנדלען מיט די חברה ?
איז עס פוינטס פאר א ניו יורקער לייסענס?

מ'קען באקומען א טיקעט דארטן? געווען דארטן א וואך און נישט געזעהן אפילו איין פאליציאנט סיי ווי. ארויף געריסען צו 103mph אויף די גלייכע חלק פונעם דריי און ניינציגער.

כהאב אויך נישט געזעהן קיין פאליס ביז זיי האבן מיר געזעהן ..
אזויפיל יא , ער האט מיך געכאפט ביי 95 און געשריבן 85 אלס רחמנות ( די ספיד לימיט איז יענער פלאץ 70)

[גרויסע עם הארץ]

ס'עכט פאני, איך האב נישט געוויסט אז ס'דא דארטן פאליס, איך בין געווען דארטן פאריאר (חודש MAY) און כ'בין געפלויגן אויף 90/100 און נישט געוויסט פון קיין צרות.

[וואס עפעס?]

זיי זאגן אז זיי דרייען זיך אין די פארנאכט שעות ווייל זיי ווילן נישט מענטשן זאלן אריינזעצצען אין די חיה וואס הייסט moose וממיילא ווילן זיי נישט מזאל ספידן

[משהלע]

ייזכר לטוב משפחת בערעלע קלארק, די איינציגסטע פלאץ וואס האט נישט געפאדערט א מאסק.

[נעה]

פאליס האב איך נאר געזעהן העלפן טוישן איינעמס רעדל
געפארן זעה מיר אויף 110 אן באקומען זייטיגע געבעטן צו סלויען,

[אחת ואחת]

איך בין נאכקיינמאל נישט געפארן אין ניו יארק אפ' (20)נאנט צו וויפיל איך בין שוין געווען אויפן 93. ב"ה נישט געזען דארט קיין פאליס.

[וואס עפעס?]

למעשה קען מען זיי בעטן צו מוותר זיין אדער דאס איז עס ?
סאיז 248$

[נעה]

Life free or die

[אחת ואחת]

Live free or die

[וואס עפעס?]

איינער מיט א גוטע פלאץ פאר א גוטע סטאפ אויפן וועג פון ניו העמפשער קיין ניו יורק ?

[קרייסלער]

Jimmeny peak in Massachusetts

[אלופי אדום]

שכוח קרייסלר
איינער ווייסט צו די guildord welcome center איז אויפן וועג ווען מען פארט פון ניו יורק?

לפי ידיעתי נישט

יא האמיר זיך דאס יאר אפגעשעלט דארטן אויפ'ן ועג קיין נ"ה, די בילדנג איז פארמאכט צוליב קאוויד, אבער שיינע גראונדס, בעטעמט זיך אויסצוצוען די ביינער, און אויך אין א ווינקל איז דא אזעלכע דזשאן טא גאס,

[וואס עפעס?]

אזוי וואו כהאב גענאשט פון דא אינפו איידער כבין געפארן העל איך בל״נ שרייבן א לענגערע באריכט איבער מיין נסיעה

קודם איין זאך צו פאריכטען וואס שטייט אנהייב אשכול
- די ווערמאנט וועלקאם סענטער איז נישט אויפן וועג ווען מען פארט פון ניו יורק

[שיעלע בהמה]

אזוי וואו כהאב גענאשט פון דא אינפו איידער כבין געפארן העל איך בל״נ שרייבן א לענגערע באריכט איבער מיין נסיעה

קודם איין זאך צו פאריכטען וואס שטייט אנהייב אשכול
- די ווערמאנט וועלקאם סענטער איז נישט אויפן וועג ווען מען פארט פון ניו יורק

בדרך כלל וועט די gps דיך נעמען דורך מעסעטשוסעסטס

[וואס עפעס?]

חלק א׳

ניו העמפשער איז בעצם א פלאץ וואס מען קען ניצען עטליכע וועגן
מען קען אהינפארן קיין בעטלעם און זיך אריינזעצען אינעם באנגעלו און הנאה האבן פון די פרישע לופט , לענ״ד ענדעלט די לופט צו די קעטסקילס

די צווייטע מהלך איז אהינצופארן לשם ארומפארן אויף הייקס און טריפס , אונז האמיר געטוהן די צווייטע

ארויסגעפארן נאכמיטאג און געמאכט א סטאפ און ווערמאנט ( נאכדעם געכאפט אז עס איז א אומוועג) און דערגרייכט לינקולן געגענט ביינאכט
לינקולן איז לעצטע יארן שטארק אויפגעכאפט סיי ביי ישיבישע און סיי חסידים וואס גלייכען די געגענט מיט ארומיגע בערג
חבד האט דארט אפגעדינגען א האטעל וואו מען דאווענט 3 מאל א טאג עטליכע מנינים
למעשה זעמיר געפארן אויף שחרית צו מחזיקי הדת וואו עס איז דא שפעטערע מנינים און עס איז מער היימיש ( די וועג געדויערט 25 מינוט קיין בעטלעם)


איך בין נישט געגאנגען צו קיין ריידס , ווער עס גייט פאר די זאכען איז דא , קלאגס בעיר , אטטיש, מיט נאך זאכען וואס ווערט געברענגט אין די ערשטע בלעטער אין די אשכול
אונז זעמיר געפארן בלויז פאר ״ נאטור ״

ערשטן צופרי זעמיר געפארן קיין loon mountain resort
א הערליכע פאראנאמע די גאנצע געגענט
פאר אפאר דאלער האמיר באקומען א pass וואס איז גוט צו ניצען א גאנצע טאג
זעמיר ארויפגעפארן אויפן בארג דורך זייער טשעירליפט - עס געדויערט לערך 15 מינוט די געשמאקע רייזע
אויבען איז דא א גאנצע שטעטעל מיט פלעצער צו באטראכטען אלע שיינע פאנארעמעס, בערג
עס איז דא עטליכע טרעילס און די קליינע וואלד און אויך א הויכע טורעם וואס מען גייט ארויף אסאך טרעפ און אויבען זעהט מען די גאנצע געגענט
]

אז מען גייט ווייטער קומט מען אן צו די caves
די caves איז א געשמאקע Challenge וואו מען קריכט צווישן שטיינער - גאייגענט פאר אלע יארגענג און ווען מען קומט ארויס כאפט מען א טיפע אטעם !

עס איז דא אויבען א נישט כשר׳ע געשעפט , מיר האבן זיך אוועקגעזעצט אינדרויסן עסן מיטאג

פון דארט זעמיר געפארן ווייטער אויפן ראוד וואס הייסט
Kancamagus Hwy
די ראוד נעמט אייך צו הערליכע views די ראוד האט פולע פלעצער וואו מען קען זיך אפשטעלן און כאפן א הייק אין וואלד
אין די וועלדער איז דא פולע waterfalls און שיינע trails

עס איז דא פלעצער מיט קליינע וואסער וואו די עולם זעצט זיך אוועק אויף די שטיינער מיט שווים קליידער
אז מען פארט ווייטער אויפן ראוד דערגרייכט מען די הערליכע sabbaday falls

- די נאמען איז על שם די הייליגע טאג שבת
מען שפאצירט אריין אין וואלד פאר א 7-10 מינוט ביז מען דערגרייכט הערליכע falls

[באקסער בוים]

זייער שיין וואס עפעס, זיי ממשיך

[קרייסלער]

אזוי וואו כהאב גענאשט פון דא אינפו איידער כבין געפארן העל איך בל״נ שרייבן א לענגערע באריכט איבער מיין נסיעה

קודם איין זאך צו פאריכטען וואס שטייט אנהייב אשכול
- די ווערמאנט וועלקאם סענטער איז נישט אויפן וועג ווען מען פארט פון ניו יורק

בדרך כלל וועט די gps דיך נעמען דורך מעסעטשוסעסטס

ווייס איך נישט וועלכע וועג האסט גענומען
אויב ביזטו גיקומען דורך אלבאני קומסטו פון א אנדערע ריכטונג

[וואס עפעס?]

חלק ב׳
איידער מיר גייען ווייטער וויל איך רעדן וועגן די וועטער

בעפאר מיר זענען געפארן האט געהייסן אז א יעדן טאג גייט רעגענען
למעשה איז ב״ה געווען זייער שיינע וועטער׳ס
איין טאג באט גערעגענט פאר א שעה נאכמיטאג וזהו
זעהט אויס אז די וועטער דארט איז נישט אקוראט
( איך שרייב עס ווייל איך האב מיך שיעור צוריק געהאלטן פון פארן נאכן זעהן די וועטער)

צווייטען טאג נאך א געשמאקע שחרית אין מחזיקי הדת שול זעמיר אהיים אויף פת שחרית און זיך ארויס געלאזט צום ״בעסין״
די בעיסן איז א שיינע שפאציר אין וואלד מיט קליינע falls
אונז האמיר מיטגענומען די בגדי ים כדי צו אריינגיין אין די וואסער ביי שטילע ערטער ( וואו עס איז דא צניעות ..)

עס איז דא מענטשן וואס גייען צו The Flum וואס דארף זיין שענער אבער מיט א געלט אפצאל

נאך אפאר שעה שפאצירען און ליגן אויף די וואסער זעמיר ווייטער געפארן צו PMR וואו זיי לאזן די קינדער הנאה האבן פון זייער פלאץ
אז מען רעדט פון PMR מיז איך זאגן אז איך בין עכט נתפעל פונעם פלאץ און איך וואלט אפשר גאר אהערגעקומען נעקסטע מאל

עס איז זייער family friendly און די פלאץ איז זייער זויבער און שיין און די קינדער האבן דארט א אמת׳ע good time
זיי האבן שיפלעך רענטעל פאר א גוטע פרייז
א שטיקעל פארם בחינם

זעמיר צו געפארן 3 מינוט ווייטער צו די farm וואס איינער האט געברענגט אין די ערשטע בלעטער אינעם אשכול
זיי האבן דארט פארשידענע ירקות פלאנצונגען אין סטאדעס שאף מיט ציגעלעך
עז קאסט נישט קיין געלט צו באזיכען , נאר די ירקות וואס מען קויפט

[פעטער משה]

איי @וואס עפעס, עס בענקט מיר צוריק
ווי איז די caves ממש נעבען loon mountain?
(איך האב עס געהאט געזוכט אבער נישט געטראפען)

[וואס עפעס?]

איי @וואס עפעס, עס בענקט מיר צוריק
ווי איז די caves ממש נעבען loon mountain?
(איך האב עס געהאט געזוכט אבער נישט געטראפען)

ביי loon mountain resort פארסטו ארויף מיט א טשעירליפט און אין איינער פון די צדדים גייסטו ארויף א געדרייטע וועג ביז די caves
עס איז זייער א געשמאקע עקטיוועטי

דרך אגב, ביי לאאן איז אויך דא א שטיקעל טרעין רייד וואס הייסט Henry’s railroad עס איז בחינם אבער איז יעצט געשלאסן צוליב קאראנע

[קרייסלער]

שכח וואס עפעס פאר די רעפארטזש

[וואס עפעס?]

די שיינע ראודס אין די לינקולן געגענט

[וואס עפעס?]

די חב״ד מנין איז ביי Dayys in אין לינקולן
דרך אגב , אסאך אידן שטייען איין אינעם האטעל אין זיי קענען צושטעלן צוויי צומערן מעט א אפענע טיר געאייגענט ווען מען פארט מיט קינדער

[וואס עפעס?]

חלק ג׳
איידער איך בין ממשיך וויל איך דערמאנען אז איך שרייב דא מיין רייזע אז אנדערע אידן זאלן הנאה האבן אין די קומעדיגע יארן אין נאשן אינפארמאציע פונקט וואו איך האב געטוהן איידער מיין רייזע, וממנו ילמדו

געדענקט , מיטן שרייבן אפאר מינוט קענט איר מהנה זיין הונדערטע אידן מיט א געשמאקע וועקאציע

די נסיעה צום Mt Washington
צום אלעמען ערשטע וויל איך פארציילן אז כבין געווען היפש מסופק צו איך זאל פארן , נאכן ליינען פון עטליכע ניקים וואו ״שרעקעדיג״ עס ברויך צו זיין
למעשה האביך נישט געקענט נעמען די ריזיקע פון הישט פארן און מהאמיר מחליט געווען צו פארן

צום אלעמען ערשט, לענ״ד איז נישטא וואס צו מורא האבן
ליינענדיג די היסטאריע זעה איך אז עס איז נאך קיינמאל נישט עפעס געשעהן ביים אהינפארן אחוץ איין עקסידענט פון א שכור׳ע דרייווער
וממיילא אויב האט איר א נארמאלע קאר און איר זענט א נארמאלע מענטש דאן פארט ( לגבי הארגענען די ברעיקס - איך האב נישט קיין אנונג וואס מענטשן רעדן וממיילא דעי חלק זייט מברר ביי א צווייטען)

צום נקודה
מען פארט ארויף די העכסטע אמעריקאנע בארג
אזוי וואו איך האב מורא געהאט האב איך געוואלט נעמען די באן וואס פארט ארויף , די באן נעמט איבער 2 שעה און הייסט צו זיין א הערליכע רייזע- די חיסרון איז אז עס קאסט זייער טייער , עס איז אויך דא א ווען וואס פארט ארויף אבער מען דארף באשטעלן א זיץ

האמיר מחליט געווען ארויפציפארן מיטן געדינגענעם קאר
עס קאסט 35$ פלוס 10 דולר פאר יעדער עקסטערע אדאלט און 7$ א קינד העכער 5 יאר

מען פארט זייער שטייט , בערך 15- 20 מייל א שעה
די וועג נעמט א האלבע שעה און מען קען זיך אפשטעלן יעדער פאר מינוט מאכן בילדער און כאפן א בליק אויף די הערליכע views און וואלקענעס

עס הייסט אז די דרייווער האט די ווייניקסטע מורא וויבאלד די דרייווער קוקט אויפן ראוד בעת די פאמיליע קוקט אויף די זייטן וואו מען זעהט די שיפע בארג אראפ

ביים שפיץ גייט מען ארויס פונעם קאר און מען גייט ארויף די טרעפ ביזן שפיץ
עס איז געווען יענע טאג משוגנה ווינטען וואס האבן ממש אוועק געבלאזן מענטשן
איז מען אריין צו די בנין אויבן וואו מען קען זיך אנווארעמען אין זיך אפרוען
עס איז דא דארט א מיוזים וואס איז יעצט פארמאכט , בית הכסא מיט עטליכע געשעפטן צו קויפן מזכרת פונעם בארג

האמיר געכאפט שיינע בילדער און געגאנגען ווייטער

[Wow a1]

איינער מיט עקספיריענס איבער א ספידינג טיקעט אין ניו העמפשער?
קען מען פארהאנדלען מיט די חברה ?
איז עס פוינטס פאר א ניו יורקער לייסענס?

מ'קען באקומען א טיקעט דארטן? געווען דארטן א וואך און נישט געזעהן אפילו איין פאליציאנט סיי ווי. ארויף געריסען צו 103mph אויף די גלייכע חלק פונעם דריי און ניינציגער.

כהאב אויך נישט געזעהן קיין פאליס ביז זיי האבן מיר געזעהן ..
אזויפיל יא , ער האט מיך געכאפט ביי 95 און געשריבן 85 אלס רחמנות ( די ספיד לימיט איז יענער פלאץ 70)

I was in in jail for 6-7 hours in New Hampshire because I was speeding on 105 it's not worth it