א בריוו צו מיינס א באקאנטן וואס האט פארשיקט זיין בחור

[ר' יום טוב]

איך מוז זאגן א wow. איך האב שוין געעפנט דא צענדליגער אשכולות. איך האב נאך קיינמאל נישט געהאט מיינס א אשכול זאל האבן אזויפיל קליקס, דאס מיינט עס איז א נושא וואס איז נוגע פאר אסאך, און עס איז מעגליך אויך געלינקט געווארן ערגעץ אינדרויסן פון די היזיגע ווענט.

איך האב טאקע ערווארטעט זיך צו באגעגנען דא מיט א ערנסטע אפאזיציע פון די אנדערע זייט מטבע, וויסנדיג אז אסאך וואס שיקן אוועק זייערע בחורים וועלן זיין געטראפן אויף אזא בריוו, אבער מאנכע האב איך בכלל נישט געצילט מיט מיין בריוו, דאס איז דאך בלויז געווען א בריוו צו מיינס א "באקאנטן" אין מיינד, ס'קען גאר זיין אז פאר אנדערע וואוילע אידן פון אן אנדערע סארט שטרעמונג וואלט איך געשריבן גאר אן אנדערע סארט בריוו. עס איז דא אסאך צושרייבן איבער פארשידענע גוטע פונקטן און טענות וואס אסאך האבן דא אויפגעברענגט, אבער איך שפיר נויטיג צו אדערסירן איין טענה וואס געוויסע האלטן דא אין איין ארויפברענגען. נעמליך, אז מיין בריוו איז נישט מער ווי א פרא-קהילה/פארטיי פראפאגאנדע. עס איז עפעס וואס קאמפיינט לטובת די "פארענטשעס".

און הגם ס'קען זיין אז זיי זענען גערעכט, אז דא קומט אויטאמאטיש ארויס א שטארקע טובה פאר די פארענטשעס פאפולאציע, דארף מען אבער פארשטיין אז נישט דאס איז געווען מיין ציל בכלל, און איך האב קיין איין רגע נישט געטראכט דערפון בשעת'ן שרייבן. עס איז א נעריש אריינצולערנען אין א ערוואקסענע דעבאטע די ענגע נושא פון פארטיי קהילה און רבי'סטעווע בעת ס'איז דא פיל מער קריטישע און האקעלע פאקטארן.  צו דעם אלעם, א בחור וואס לערנט אין סיי וועלכע גרעסערע קהלי'שע ישיבה ווערט נישט אויטאמאטיש פארוואנדלט אלס 'פארטיי-סאלדאט'. א לאקאלע ישיבה קען טאקע ווערן באטראכט ביי מאנכע ווי א קהילה-ישיבה וואס די פארטיי שטעלט צו, בעת ביי אנדערע איז עס בבחינת "שטאט'ס ישיבה" וואס סערווירט די לאקאלע איינוואוינער מיט א גוטע ישיבה פאר די גאנצע משפחה אן זארג פון יא אדער נישט ווערן אנגענומען. עס ווענדט זיך אויך אינעם מהות פונעם בחור. ער קען שיין אויסשטייגן אין א קהילה ישיבה אן האבן צופיל שייכות מיט סיי וועלכע פאליטישע ענינים. און אפילו אז ער ווערט יא אינוואלווד, איז נישט געפערליך. קיינמאל נישט ארגער, און ער וועט דאס אויסוואקסן מיט די יארן. לאמיר זאגן אז דאס איז א "סייד-אפעקט", עס מוז אבער נישט מונימיזירן פון די אקאדעמישע קוואליטעט. 

אזוי אויך איז פארשטענדליך אז גענוי ווי פארטיי נגיעות טאר נישט אפעקטירן די דיסישען לטובת די חינוך פונעם בחור, טאר אויך נישט די אנטי-עסטאבלישמענט געפילן אדער עקסקלוסיווע כבוד משפחה דאס אפעקטירן.

און וואס האט מיך באמת מאטאווירט צו שרייבן די בריוו?
דאס איז געקומען נאכן הערן לעצטנס א פאל פון א היימישע סאטמארע אינגערמאן וואס האט אוועקגעשיקט זיין זון ערגעצוואו, און יעצט ווען דער בחור איז אויסגעוואקסן, וויל דער בחור בשו"א נישט קיין סאטמארע שידוך! איר הערט? ער האט א מיינונג! מען טראגט אים אן הערליכע שידוכים, דער בחור איז 19, אבער ער זאגט אלעס אפ. יעצט גייען קומען דא אנדערע און זאגן מען קען דען נישט טרעפן א גוטע שידוך אינדרויסן פון סאטמאר.? דער תירוץ: זיכער אז יא. אבער וואס האט דער בחור געזען שלעכט אין א סאטמאר? ווער האט אים אויפגעקלערט אז מען קען נישט לעבן מיט א סאטמארע? מ'רעד אפילו נישט פון טשאלענט סאטמאר, מ'רעדט פון זיינס גלייכן. דער טאטע שפירט ווי דער בחור reject אלעס וואס ער שטייט פאר. דער בחור ווייזט צוריק צו קענען פירן זיין לעבן אין אזא סארט שטוב ווי ער איז אויפגעוואקסן. עס איז נישט בלויז דער שידוך, עס גייט פיל טיפער. און עס איז א גרויסע ווייטאג און בזיון, און ס'זיכער נישט עולה על הדעת געווען בשעת מען האט אים אוועקגעשיקט.

[קיסריה]

רעב יום טוב:

ס׳איז טאקע א ווייטאג אזוינס צו הערן, אז א בחור זאל נישט וועלן וויסן מקור מחצבתו, און זאגאר אפזאגן שידוכים.

אבער איר קענט זיך בארואיגן:
ס׳איז איינס פון א מיליאן.

[קיסריה]

כ'אב נישט געפלאנט צוריק צו קומען דא, אבער אזויווי איך זעה אז די שמועס פארט אוועק מיט פארטייען און רעבישע איינקלעך וואס איז נישט מענין, וועל איך אין קורצען איבער'חאזערען די מעין פוינט:
1. עס איז דא בחורים וואס עס איז א הצלה אדער אפילו נאר א שטיקעל ישועה זיי אוועק צו שיקען פונדערהיים, מוז נישט זיין 3000 מייל אדער 6000 מייל, אבער אוועק פון די מצב ווי זיי זענען.
2. ס'זענען דא בחורים וואס אוועקשיקען זיי פונדערהיים איז א סכנה נוראה, מפקיר געווען איז ווייניג געזאגט. און ווי ווייטער מ'שיקט זיי איז די סכנה גערעסער.
3. פארטיי קומט נישט און טאר נישט קומען אין באטראכט ווען ס'רעדט זיך פון חינוך הילדים, ס'זענען פארהאנדען בחורים וואס שטייגען אין זייער פארטיי ישיבה זייער שיין, און ס'איז דא וואס גייען אין דער ערד אין די פארטיי ישיבה, דעריבער דארף אן אחריות'דיגער טאטע באשליסען ווי צו לייגען זיין בחור אן פארטיי אדער רבי חשבונות אינדערמיט.

מחנך היקר:
די גאנצע דעבאטע איז נאר איבער אוועקשיקן א בחור פון די לאקאלע / פארטיי / קהילה ישיבה סיסטעם - קיין ארץ ישראל.

מ׳רעדט נישט דא פון א בחור פון טאשנאד וויל פארן לערנען קיין סעקלעהיד.

[פעיק ניוז]

לאו דוקא, @יום טוב האט נישט גערעדט דוקא פון א"י.

[פעיק ניוז]

שכח @יום טוב פאר'ן קלאר מאכן.

[מי יודע]

רעב יום טוב:

ס׳איז טאקע א ווייטאג אזוינס צו הערן, אז א בחור זאל נישט וועלן וויסן מקור מחצבתו, און זאגאר אפזאגן שידוכים.

אבער איר קענט זיך בארואיגן:
ס׳איז איינס פון א מיליאן.

בכלל נישט
ס'איז איינס פון טויזענט וואס זאגט עס, און איינס פון 100 וואס טראכט עס, און פרובירט צו טון בפועל המעשה נאך די חתונה
ביודעי ובמכירי קאמינא

[פעיק ניוז]

יא איך קען אסאך וואס לערנען טאקע אין די 'סאטאמארע ישיבות' וואס טראכטן און זאגן עס.

[אביונה]

יעצט גייט גיין אהין און צוריק, ווי כיתה א' קינדער
איך זאג לוני, און דו זאגסט יעני...

[נאטרוליסט]

איך האב פריער געשריבן א שטיקל אפהאנדלונג איבער די מערערע צדדים לכאן ולכאן - האלטן א בחור אין די לאקאלע פארטיי סיסטעם, אדער אוועקשיקן אין א ישיבה וואס איז מער געאייגנט אויפצוארבעטן זיינע כשרונות.

דא איז דא איין וויכטיגע פרט, וואס מענטשן דארפן פארשטיין ביים מאכן א באשליס פאר זייער געלונגענעם זון.

יעצט האט איר א שטארק געלונגענעם בחור ב״ה. ער פארשטייט זייער גוט דאס לערנען. ער איז א מצויין, און אלע זאגן כי לגדולת נוצר.
איר קלערט ערנסט פון אים ארויסנעמען און שיקן אין א פרעמדע ישיבה.

וויסן זאלט איר אבער, אז אויב אייער נעקסטער בחור, האט נישט די ספעציעלע כשרונות וואס דער ערשטער בחור פארמאגט - אז אייער לאקאלע סיסטעם ישיבה, וועט אייך זאגן: ביטע שיקט אייער צווייטן זון, דארט וואו איר האט געשיקט אייער ערשטן - אנטשולדיגט מיר זענען נישט געמאכט פאר בחורים מיט שוואכע כשרונות. סארי!

איר וועט אוודאי מאכן א ויצעקו, געוואלד. איר זענט רוצחים ממש! מיין זון האט דא געלערנט אלע יאר פון אלץ קינד, היתכן איר שפילט זיך יעצט ארום ווען ער דארף ארויפגיין אין ישיבה קטנה?

די לאקאלע סיסטעם / פארטיי ישיבה וועט אייך געבן צו פארשטיין:
ווען ס׳איז אייך גוט געווען האט איר ארויסגענומען אייער גוטן מצויין בחור, ווייל איר ווילט אים לייגן אין א בעסערע ישיבה - מיר ווילן אויך האבן א בעסערע ישיבה. און ביטע לייגט אייער צווייטן זון באותו מקום ובאותו ישיבה ובאותו זמן, וואו אייער ערשטער געפינט זיך. ושלום על ישראל.

זייט וויסן: די מצויינים ישיבה מעבר לים, וועט אוודאי נישט אננעמען אייער צווייטן זון. יעצט איז די לאגע זייער א אומבאטעמ׳ט !

די מעלה פון די לאקאלע קהילה סיסטעם ישיבות איז - אז בד״כ נעמען זיי אן אלע אייערע קינדער - גוטע און שוואכערע און וועלן זיך נישט. און דאס איז א זאך וואס איינער וואס האט עטליכע זון דארף ערנסט נעמען אין באטראכט - לא כל הקינדער שוים.

[איישישאק]

ער וויל א חסידישע שידוך, נאר נישט סאטמאר? אבי נישט ארגער.
נישט אזוי האסטו געזאגט וועגן אנדערע פראבלעמן?

נאטרוליסט - דו ווילסט מיר זאגען אז מיין ערשטע קינד זאל דארפן מוותר זיין לטובת די צווייטע? איך האב גראדע געהאט אזא שאלה מיט מיין קינדער. איך האב געוואלט שיקען מיין טאכטער אין איין פלאץ, און פאר מיין זון אין די עתיד איז געווען בעסער אז זי וואלט געווען איינגעשריבען אין אן אנדערן פלאטץ. איך האב געפרעגט מיין רבין און ער האט געזאגט בשום פנים ואופן, אין דוחין נפש מפני נפש. טו וואס איז גוט פאר איר יעצט, און שפעטער וועסטו זיך ערלעדיגן מיט די זון. און דאס איז ביי א וודאי תועלת. מ'זאל חושד זיין א פראבלעם מיט די נעקסטע קינד אזש מ'זאל יעצט נישט טון צו דער זאך פאר די קינד?

און דער אמת איז, לולי די דערויסענדיגע ישיבות, וואלטן די היגע ישיבות אויסגעקוקט אסאך ערגער. קווינס מיט קר"י האבען אנגעהויבען אריין לייגען אסאך ארבעט צו קענען קאנקערירען מיט די דערויסענדיגע ישיבות (לויט וואס מ'זאגט מיר). זיי דארפען דאנקען די אלע עלטערן וואס האבען געשיקט אין די פרעמדע ישיבות, ווייל אדאנק זיי האט מען דא פארבעסערט.

[נאטרוליסט]

אין דוחין נפש מפני נפש - אמת ויציב.
די שאלה איז צי די עלטערן קענען זיך אפארדען צו האבן שלאפלאזע נעכט ביז זייער צווייטער זון ווערט מסודר.

די סיסטעם ישיבה האט אלע רעכטן אפצוזאגן א שוואכערן בעל כשרון אויב די עלטערן האבן אוועקגעשיקט דעם עלטערן מצויין.

ס׳האט שווערע קאנסעקווענצן - ואיזה חכם הרואה את הנולד.

[Amazing]

אין דוחין נפש מפני נפש - אמת ויציב.
די שאלה איז צי די עלטערן קענען זיך אפארדען צו האבן שלאפלאזע נעכט ביז זייער צווייטער זון ווערט מסודר.

די סיסטעם ישיבה האט אלע רעכטן אפצוזאגן א שוואכערן בעל כשרון אויב די עלטערן האבן אוועקגעשיקט דעם עלטערן מצויין.

ס׳האט שווערע קאנסעקווענצן - ואיזה חכם הרואה את הנולד.

איך וועל אנעמען די צד אז די טאטע טוט א עוולה, אבער צו וואס דארף די בחור ליידען אויף זיין טאטע'ס עוולה? איך נעם אן אז די מנהלי ומנהיגי המוסדות זענען מורם מעם פון צו טון אזא זאך ווי לאזן א בחור אן קיין ישיבה.

וואלט די רבי זצ"ל מסכים געווען צו אזא סארט הנהגה?

[פעיק ניוז]

קוק אן, אמת עס איז זייער שווער, סאו עס ווענד זיך ווי שטארק ער איז גרייט צו ארבעטן פאר זיין קינד'ס הצלחה.

[נאטרוליסט]

אין דוחין נפש מפני נפש - אמת ויציב.
די שאלה איז צי די עלטערן קענען זיך אפארדען צו האבן שלאפלאזע נעכט ביז זייער צווייטער זון ווערט מסודר.

די סיסטעם ישיבה האט אלע רעכטן אפצוזאגן א שוואכערן בעל כשרון אויב די עלטערן האבן אוועקגעשיקט דעם עלטערן מצויין.

ס׳האט שווערע קאנסעקווענצן - ואיזה חכם הרואה את הנולד.

איך וועל אנעמען די צד אז די טאטע טוט א עוולה, אבער צו וואס דארף די בחור ליידען אויף זיין טאטע'ס עוולה? איך נעם אן אז די מנהלי ומנהיגי המוסדות זענען מורם מעם פון צו טון אזא זאך ווי לאזן א בחור אן קיין ישיבה.

וואלט די רבי זצ"ל מסכים געווען צו אזא סארט הנהגה?

וואס דער רבי וואלט געטאן?

איר ווילט פרעגן קשיות?
איר ווילט יושר?
אדער איר ווילט הערן דעם מציאות?

די לאקאל ישיבה סיסטעם וועט כמעט זיכער נישט אננעמען דעם שוואכערן בעל כשרון אין א פאל וואס דעם עלטערן מצויין האט מען אוועקגעשיקט - ביודעי ומכירי קאמינא. יא, די קינדער און אייניקלעך פונעם רבין פון די קהילה סיסטעם ישיבה מעג יא אוועקשיקן - דו נישט!

היתכן?

[אביונה]

פון דעם גאנצן אשכול זעהט עפעס אויס ווי ס'עקזיסטירן 'נאר' צוויי ישיבות אין גאנץ אמעריקא......

#ארויס פון באקס

[ווייזער]

פון דעם גאנצן אשכול זעהט עפעס אויס ווי ס'עקזיסטירן 'נאר' צוויי ישיבות אין גאנץ אמעריקא......

#ארויס פון באקס

חחחח

איר קענט אפשר איין סקווירא איד וואס שיקט אוועק א בחור קיין טשעבין?
ס׳קוקט אויס אייער באקאנטשאפט אין עולם הישיבות הייבט זיך אן ענדיגט זיך דא בעולם הבצים.

גענוג מיט אייערע אטאקעס ביטע.

[ישרן]

פון דעם גאנצן אשכול זעהט עפעס אויס ווי ס'עקזיסטירן 'נאר' צוויי ישיבות אין גאנץ אמעריקא......

#ארויס פון באקס

איר ווייסט אז אין אנדערע חסידישע פלעצער איז דער נושא סאך מער ברענעדיג וואו אין סאטמאר?
צ.ב.ש. דאס איז געווען איינס פון די שטערקסטע מערכות פונעם ישועות משה זצ"ל כידוע.
ער האט גערעדט דערוועגן זייער זייער אפט.

[התבונני]

פון דעם גאנצן אשכול זעהט עפעס אויס ווי ס'עקזיסטירן 'נאר' צוויי ישיבות אין גאנץ אמעריקא......

#ארויס פון באקס

איר ווייסט אז אין אנדערע חסידישע פלעצער איז דער נושא סאך מער ברענעדיג וואו אין סאטמאר?
צ.ב.ש. דאס איז געווען איינס פון די שטערקסטע מערכות פונעם ישועות משה זצ"ל כידוע.
ער האט גערעדט דערוועגן זייער זייער אפט.

דענק איך נאר ווי א חבר מיינער א ____חסיד פון ארץ ישראל וואס זיין פאטער האט אים געשיקט לערנען צו א ליטווישע ישיבה אין אייראפע
דער בחור איז זיך געגאנגען געזעגענען ביי זיין רבי'ן בעפארן ארויספארן
האט אים זיין רבי אויפגעמישט דעם חומש און געוויזן א רש"י וואס זאגט כל היוצא ממנה כאלו עובד ע"א.
און נישט גערעדט צו אים מער ווי דאס - דער בחור האט דאס ממש נישט אויסגעהאלטן

[אביונה]

פון דעם גאנצן אשכול זעהט עפעס אויס ווי ס'עקזיסטירן 'נאר' צוויי ישיבות אין גאנץ אמעריקא......

#ארויס פון באקס

חחחח

איר קענט אפשר איין סקווירא איד וואס שיקט אוועק א בחור קיין טשעבין?

גראדע יא, [און לשיטתך, פארוואס טאקע נישט?????....]

ס׳קוקט אויס אייער באקאנטשאפט אין עולם הישיבות הייבט זיך אן ענדיגט זיך דא בעולם הבצים.

משא"כ אייער באקאנטשאפט הייבט זיך אן און ענדיגט זיך אין פורום אוצה"ח.....

גענוג מיט אייערע אטאקעס ביטע.

עפעס טוט אייך וויי?

[אביונה]

פון דעם גאנצן אשכול זעהט עפעס אויס ווי ס'עקזיסטירן 'נאר' צוויי ישיבות אין גאנץ אמעריקא......

#ארויס פון באקס

איר ווייסט אז אין אנדערע חסידישע פלעצער איז דער נושא סאך מער ברענעדיג וואו אין סאטמאר?
צ.ב.ש. דאס איז געווען איינס פון די שטערקסטע מערכות פונעם ישועות משה זצ"ל כידוע.
ער האט גערעדט דערוועגן זייער זייער אפט.

לא הבנתי
דער ישו"מ האט דאך געוואוינט אין אר"י, סאו זיין 'באקס' איז געווען דארט....
ער האט דאכציך בכלל נישט געהאט א ישיבה גדולה אין חו"ל [קען זיין כ'בין זיך טועה]

[אידיאט]

איך קלער אז איך קען אריינווארפן עטליכע מערקווירדיגע פונקטן צום שמועס, און מעגליך אסאך געפונען זיך אין די זעלבע שיף אוואו אני הקטן.
ובזה החלי:

כראנאלאגיע:
1) מיין פאטער זז"ג - א תלמיד פון א גרויסע קהילה / ישיבה סיסטעם אין ברוקלין ניו יארק מרישא ועד גמירא (בשנים תש"י - תשכ"ה בערך)
2) אני הקטן - א תלמיד פון די קהילה ישיבה סיסטעם מרישא ועד גמירא (משנת תשל"ה - תש"נ בערך)
3) בניי החשובים שיחיו' - אלע תלמידים פון די קהילה ישיבה סיסטעם מרישא ועד גמירא (משנת תשנ"ה - תש... בערך).

פאקטן:
1) מיין פאטער זז"ג, א גאר געהויבענער איד.
2) אני הקטן - כאשר אבדתי אבדתי.
3) בני החשובים שליט"א - חשוב'ע אברכים און בחורים, לערנען און דאווענען, נאך די חתונה זענען ממשיך אין די לאקאלע היימישע כוללים סיסטעם.

(א)

מעלות פון די לאקאלע היימישע ישיבה און כולל סיסטעם:

1) מ'בלייבט ב"ה פעסט פארמאגט אין די באקס מער ווינציגער / בדרך כלל האט מען נישט קיין אפענע אויגן צו די דרויסנדריגע אידישע וועלט.
2) די עקסעס צו די גאס / פרעמדע השקפות / פרעמדע ספרים / פרעמדע דעות איז היפש באגרעניצט.
3) מ'איז אין שטוב יעדען טאג, און די עלטערן האבן א עינא פקיחא וואס עס טוט זיך מיט'ן אוצר'ל. און ער ווייסט אז זיינע עלטערן זענען דא.
4) בדרך כלל בלייבט מען חסידים פון די קאמפאני סיסטעם וואס מ'האט דיר אריינגעשטעלט. פונקט ווי בד"כ וועט א בעלזער בלייבן א בעלזער, א סקווירא'ער בלייבט א סקווירא'ער, וויניצער בלייבט א וויזניצער, און א סאטמארער בלייבט א סאטמארער. (פארוואס האבן חז"ל נישט געמאכט די ברכה "בא"י אמ"ע שלא עשנו גערער/וויזניצער/סאטמארער/פאפא'ער?)
5) אפילו מ'האט שטארקע קשיות אויף די קאמפאני/קהילה/פארטיי סיסטעם - בלייבט מען דאך דארט, ווייל אלע חברים און סאשל סביבה איז פון די קהילה ישיבה סיסטעם.

(ב)

חסרונות פון די לאקאלע היימישע ישיבה און כולל סיסטעם:

1) מ'האט נישט קיין שום שייכות מיט קיין איין מגיד שיעור / מ'האט נישט קיין נאענטשאפט מיט א ראש ישיבה. נול.
2) דער בחור ווערט א חלק פון די קאמפאני ווען די פארטיי / קהילה סיסטעם וועלכע נוצן דאס גוט אויס ליידער. דא מאכט מען א מערכה פאר די גרויסע חתונה, פאר די גרויסע קבלת פנים, פאר די יערליכע חינגאות, יומא דהילולא רבתי, הצלה והשחרור, אלע סארט קאמפיינען. - והתורה מונחת בקרן זויות (אויב דארט יא).
3) מ'איז א נאמבער אין א גרויסע ישיבה סיסטעם.
4) די כשרונות פונעם בחור גייט בד"כ נישט אויפגעארבעט ווערן. נאר ליידער פארקערט.
5) דער געדאנקן גאנג איז שמאל-קעפיג / יעדע זאך איז א גרויסן התפעלות.
6) מ'לייגט דיך אריין אין א שנעלצוג (טרעין בלע"ז). סטאפ 1# נוירסערי. סטאפ 2# קינדערגארטן. 3# כיתה א' ביז כיתה ח. #4. פעוטים, קטנה, סניף צעירים, צעירים, ישיבה גדולה. 5#. חתונה געהאט ב"ה. 6# כולל אברכים. א טרעין וואס פארט אן שום אפשטעל. ביז דיין לאקאלע קהיל'שע חברה קדושה נעמט דיך אפ צו די ביה"ח וואס דו באלאנגסט בשטומ"צ.
7) קיינער נעמט דיר נישט אפיר, ביי די 14 יאר, אדער ביי די 15 צו ביי די 17 און מ'רעדט מיט דיר "פערזענליך" - האלאו, דו קענסט שטייגן דא, דו דארפסט אריינגיין אין א אנדערע כיתה, מיט אן אנדערן מגיד שיעור, דיר פעלט אויס דאס, דו וועסט באקומען 10 דאלאר א חודש אויב דו וועסט זיך פארהערן דעם פרק. דער מגיד שיעור דיינער, באקומט דיך אין תשע"ח, און שפייט דיך אויס תשע"ט, ער האט מיט'ן בחור קיין שום געפיל, קיין שום קאננעקשאן קיין שום רילעישאנשיפ WHATSOEVER. ער באקומט א כיתה מיט 25 בחורים/שטיקער פלייש. ער זאגט אפ זיין שיעור - און ס'גייט אים גארנישט אן מה יולד יום.

(ג)
מעלות פון א ישיבה מחוץ לעיר - מעבר לים:

1) דער בחור קען אויסגעפורמט ווערן אינדרויסן פונעם שאכטל.
2) דער בחור האט א גוטע טשאנס צו ווערן נאענט מקושר מיט א חשוב'ן מרביץ תורה פון די ישיבה, פערזענליך - וועלכער וועט אים באגלייטן און אויפבויען ער זאל שטייגן און שטייגן.
3) דער בחור האט א געלענהייט צו זעהן אידן זיך "ממית זיין באהלה של תורה" אן קיין קאדילאק, אן קיין 10 רומיגע דירות. נאר פשוט'ע איינפאכע וואוינונגען וואס מ'זעט בכלל נישט אין יונייטעד סטעיטס אזעלכע מושגים.
4) מ'האט א געלעגנהייט צו זעהן תלמידי חכמים מופלגים וועלכע נוצן אויס יעדע סעקונדע אין טאג. און זענען נישט מבטל קיין רגע פון עוסק זיין בתורה. דאהי איז דאס איז ליידער נישט אזוי בנמצא בתוכינו.
5) ער וועט אי"ה האבן די מעגליכקייט צו ווערן א גרויסער מגיד שיעור אין די גרויסע לאקאלע ישיבה ווען ער קומט אי"ה צוריק ווייל יעדער וועט אים כאפן, ווייל ער איז דאך פון די פרעמד.
6) ער איז נישט ביזי מיט אלע שטותים פון די פארטיי. - ער האט א געלעגנהייט זיך אויסצוטשוכן פון די פארטיאישע איבלען.

(ד)
חסרונות פון א ישיבה מחוץ לעיר - מעבר לים:

1) דער בחור האט נישט קיין געהעריגע השגחה., און אויב איז ער א צריך סעד לתומכו איז עס זייער געפארפול.
2) עס איז מסוכן אז ער וועט פארדרייט ווערן מיט פרעמדע השקפות און אפלאזן דרך אבותיו ורבותיו און אנהייבן באקומען א געפיהל אז "יענע" זענען גערעכט, יענע זענען דאך אזעלכע גרויסע תלמידי חכמים מפורסמים, אזעלכע לייבן אין תורה וכו' וכו'.
3) ס'קען זיין א כפויית טובה פון די עלטערן. דא האלט דיין לאקאלע ישיבה סיסטעם דיין אינגל ביז די בר מצוה, און נאכדעם וואס מ'האט אים געמאכט א פאר שטיקל כלי, נעמסטו אים ארויס?
4) עס צעברעכט א כיתה. און אויב אלע גוטע קינדער די שטארקע בעלי כשרון גייען ארויס, מיט וואס בלייבט די כיתה איבער?

הלכה למעשה - ווען איינער האט א בחורים און דארף מאכן א באשלוס:

אויב מ'וויל האלטן דאס קינד לעבן זיך. צי מ'וויל מאכן זיכער אז ער עפנט זיך נישט צופיל - וועט נישט ארויסגיין פון די באקס - ווילסט נישט מצער זיין דיין לאקאלע ישיבה סיסטעם (פארטיי) - שיק אים נישט אוועק און האלט אים דא. און וועט אי"ה ווערן א פיינער אינגערמאן אינעם סיסטעם, און וועט נישט טראכטן ארויס פונעם באקס.

אויב דאס קינד באזיצט כוחות און ער קען אויסוואקסן א לייט, און די עלטערן שפירן אז די לאקאלע ישיבה סיסטעם וועט אים נישט אויפבויען כדבעי, קען עס זיין א מעלה ארויסצונעמען און אוועקשיקן אין א ישיבה אנשטאלט ווי תורה הקדושה איז די גרעסטע שאיפה פאר א בחור. - ער וועט נאך האבן א דין קדימה צו ווערן א מגיד שיעור אין די פארטיי / לאקאלע ישיבה סיסטעם. - דאס זיין א נארמאלער מענטש מיטן' האלטן א בחור אינעם סיסטעם און מעגליך רואנירן זיין עתיד - איז מעגליך די גרעסטע רעה לעולם ועד פארן קינד, אויפן מזבח פון די פארטיי / לאקאלע ישיבה סיסטעם.

נ.ב.
איך האב נאר געשיקט אין די פארטיי ישיבה סיסטעם. און איך האב ב"ה נישט חרטה.

זייער גוט!!!

[ישרן]

פון דעם גאנצן אשכול זעהט עפעס אויס ווי ס'עקזיסטירן 'נאר' צוויי ישיבות אין גאנץ אמעריקא......

#ארויס פון באקס

איר ווייסט אז אין אנדערע חסידישע פלעצער איז דער נושא סאך מער ברענעדיג וואו אין סאטמאר?
צ.ב.ש. דאס איז געווען איינס פון די שטערקסטע מערכות פונעם ישועות משה זצ"ל כידוע.
ער האט גערעדט דערוועגן זייער זייער אפט.

לא הבנתי
דער ישו"מ האט דאך געוואוינט אין אר"י, סאו זיין 'באקס' איז געווען דארט....
ער האט דאכציך בכלל נישט געהאט א ישיבה גדולה אין חו"ל [קען זיין כ'בין זיך טועה]

די נקודה איז נישט א"י אדער חו"ל, נאר בנוגע שיקן אין א ישיבה אינדרויסן פון די באזע, און דער ישועות משה האט אלעמאל פארפירט אויף די וואס נעמען ארויס פון וויזניץ.

[חוח בין השושנים]

שווער צו ברענגען א ראיה פון ישועות משה זצ"ל בכגון דא,
ודי