nmi האט געשריבן:ראבא קאלס גייט שוין אן א שיינע פאר יאר און קיינער האט נישט גערעדט דערפון כמעט. איין טאג האט זיך ר' טוביה מאיר געעפנט אן אשכול און זייט דעמאלס האב איך שוין געזען צענדליגער מאל ווי מ'שרייבט די אויסדריק אז "יעצט איז שוין כלו כל הקיצון". וואס איז געווען די אלע יארן ביז ער האט זיך געעפנט דעם אשכול?
זיי נישט ברוגז, קודם לכל איז אלס געווען טענות אויף דעם.
נאכדעם איז אביסל אנדערש ווען עס קומט יעדן טאג פון זעלבן מקור מיט א סיסטעמאטישן אופן.
לאמיך דיר מסביר זיין פארוואס.
ווען איך פלעג באקומען ראבאקאללס, בין איך אלס געווען שטארק ברוגז דערויף, דהיינו אויפן געדאנק אז איך באקום ראובא קאללס, אבער די רוגזה האט נישט געקענט זיין אויפן שיקער אזוי ווייט וויבאלד דער שיקער איז געווען א שור תם וועלכער האט עס געטון איינמאל,
ווען ס'ווערט א סיסטעם פון איין מאן צו שיקן יעדן טאג, ווערט די רוגזה דאפלט, סיי דער עצם רעיון אז מ'ווערט געשטערט אויף אן אופן וואס אסאך מאל איז ממש א עוולה, און די גרעסערע העלפט אז ס'איז איין מענטש וועלכער מאכט דאס פאר א טעגליכע זאך און רעכנט זיך בכלל נישט מיט די פילע בקשות אז מ'זאל אויפהערן.
איך וועל מיך נישט טענה'ן מיט דיר אדער מיט קיינעם צו ס'איז גערעכט אדער נישט גערעכט, איך קען דיר נאר זאגן אז דאס איז נועל דלת פאר אלע אנדערע וואס האבן יא אמאל א גוטע סיבה צו דארפן ארום שיקן א טעלעפאן קאלל צום ציבור.
מיר אלע אידן טיילן אסאך צדקה, און ס'איז ב"ה זיך נישט דא פאר וועם צו שעמען מיט וויפיל צדקה עס גייט ארויס פון ציבור, אבער צו נעמען פארדעם א טאקטיק וואס טוט באמת וויי פאר מענטשן כדי זיך באקוועם צו מאכן, און סיסטעמאטיש זיך אנצולייגן אויפן ציבור אויף אזא אופן איז א זאך וואס איך פארשטיי נישט בשום אופן.
איך וויל דיר פרעגן א שאלה:
אויב זאל ביי דיין מנין יעדן טאג צווישן ישתבח און ברכו זיך אויפשטעלן א איד און האלטן א דרשה פאר די וויכטיגסטע צוועק פון די וועלט, אבער ער טוט עס יעדן טאג, און נישט נאך עלינו ווען דו קענסט בוחר זיין אוועק צו גיין נאר אזש אינדערמיט פון דאווענען, טאג איין טאג אויס, מיט א אויסרייד אז למעשה איז דאס די איינציגסטע צייט ווען סיי די שפעט קומער און סיי די פרי גייער זענען שוין\נאך ביים דאווענען, וואלטסטו עס טאלערירט?
ווען די רופן קומען ווען פון א 800 נומער וואס איך קען זעהן גראד צו איך בין יעצט אין די גיסטע אויפצוהייבן אדער נישט, וואלט עס שוין מיטגעגאנגען, אבער ווען דו ביזט אין ביזנעס אדער אין סיי וועלכע פאזיציע וואס דארף אננעמען טעלעפאן קאללס אפי' פון אנאנימע נומערן, און ס'איז פון א 347 אדער אנדערע גאנגבארע עריע קאודס איז עס באמת א פארברעך.
איינער האט דא געפרעגט פארוואס יעדע אשכול פון הרה"ח ר' טובי' מאיר דארף ווערן פארקירעוועט צו די ראבאו קאללס?
פאר די זעלבע סיבה פארוואס יעדע אשכול פון טראמפ ווערט פארקירעוועט צו פאליטיקס. ודו"ק והבן
זאלן אלע אידן האבן הצלחה, און די גרויסע מעשי הצדקה פון דעם איש החסד ר' טובי' מאיר זאלן אודאי ביישטיין לזכותו ולזכות פון די משתתפים אין זיינע גאר וויכטיגע ווערק, און דער אייבערשטער זאל העלפן ס'זאל אים גרינג אנקומען די מעשי החסד.