קערעסטירער טאג בוך

[אורחים בורחים דורכים]

ווייטערדיגע באריכען גענומען פון דא:

פארבלאט.jpg (62.01 KiB) געזען 1410 מאל

[אורחים בורחים דורכים]

נאטיצן און באריכטן מהיכלא דמלכא, "רבי ישעי'לעס הויז" אין שטאט קערעסטיר אונגארן יצ"ו, אנגעפירט דורך די בארימטע "הכנסת אורחים קערעסטיר", אין שפיץ פון משפחת רובין שליט"א נכדי רבי ישעי'לע זי"ע, ליינט און האט הנאה.

[אורחים בורחים דורכים]

המשך פר' אמור

מאנטאג:

פאר שחרית האט מען אויפגענומען הגה"צ ר' הערשל ראבינאוויטש שליט"א אב"ד באבוב-45 מאנסי, ווי דער רב שליט"א האט זיך געשטעלט שחרית אין הייליגען קוויטל שטוב, און איבערן טאג איז געוועהן אסאך באזוכער אנשים נשים וטף און עס האבען זיך געשטעלט עטליכע מנינים מנחה.

שחרית אין הייליגען קוויטעל שטוב

22.jpg (67.01 KiB) געזען 1393 מאל

ביינאכט האט מען אויפגענומען מיט כבוד הגה"צ אב"ד טענקא שליט"א מיט עטליכע באגלייטער, ווי דער רב שליט"א האט זיך קודם געשטעלט א מנין מעריב, און נאכדעם זיך געזעצט לסעודת ערב און געבליבען אויף לינת לילה אינעם בנין הכנסת אורחים.

הגה"צ טענקא רב שליט"א פאר מעריב און ביי סעודת ערב אין הייליגען מלוה מלכה שטוב

[אורחים בורחים דורכים]

דינסטאג:

פארטאגס איז געקומען א קבוצה פון לאנדאן, און עס האבען זיך געשטעלט 2 מנינים שחרית בתוכם הגה"צ דער טענקא רב שליט"א הנ"ל, ווי מען האט זיך געזעצט נאכדעם צו א לחיים ווי די רב שליט"א האט משמיע געוועהן ד"ת, נאכפאלגענדיג מיט א ברייטע פת שחרית.

הגה"צ טענקא רב שליט"א ביי שחרית

[אורחים בורחים דורכים]

איבער'ן טאג איז געוועהן איבער 100 אידן כ"י, ווי עס האבען זיך געשטעלט עטליכע מנינים מנחה, נאכמיטאג האט מען אויפגעומען כ"ק אדמו"ר מ'קאסאן-לאנדאן שליט"א נכד רבינו ווי די רבי שליט"א האט זיך געשטעלט מנחה אין קוויטל שטוב, בזמן ר"ת האט זיך געשטעלט א מנין מעריב, נאכדעם איז געוועהן צוגעגרייט א סעודת ערב פאר אלע אידן, באישון לילה איז אנגעקומען א קבוצה פון א"י ווי נאכען סועד זיין און דאווענען מעריב איז מען געבליבען אויף לינת לילה.

כ"ק אדמו"ר מ'קאסאן לאנדאן שליט"א

[אורחים בורחים דורכים]

מיטוואך:

צופרי איז געוועהן א מנין שחרית, פארמיטאג איז געוועהן א חבורה פון ארום 60 אידן אויף'ן וועג קיין קראקא צום יא"צ פון הייליגען רמ"א זי"ע-ל"ג בעומר, איבער'ן טאג איז געוועהן אביסעל שטילער ווי געווענליך, עס האט זיך געשטעלט א מנין מנחה אין מיטן טאג אין קוויטל שטוב.

פארנאכט'ס האט זיך געשטעלט נאך א מנין מנחה, און בזמן ר"ת האט זיך געשטעלט א מנין מעריב און נאכדעם איז אין הייליגען מל"מ שטוב געוועהן צוגעגרייט א שיינע סעודה לכבוד ל"ג בעומר, ווי דער גאנצע עולם האט זיך געזעצט און מען האט פארברענגט שעות של עונג ותענוג רוחני.

די סעודת ל"ג בעומר צוגעגרייט

[אורחים בורחים דורכים]

דאנערשטאג: ל"ג בעומר

צופרי איז געוועהן א מנין שחרית פון די אידן וואס האבען גענעכטיגט, פארמיטאג איז געוועהן גאנץ א שטילער טאג, היות רוב עולם –וואס געפינט זיך אין איירופע- זענען געוועהן אין קראקא לרגל די יודה"ל פון הייליגן רמ"א זי"ע.

נאכמיטאג האט זיך צוריק אנגעהויבען דער פארקער, ווען אלע קבוצות וואס זענען צוריק געפארן פון פולין דורך בודאפעסט, האבען זיך אפגעשטעלט אין קערעסטיר. עס האבען זיך געשטעלט עטליכע מנינים מנחה, ווי אויך זענען אנגעקומען 2 גרויסע קבוצות איינס פון אמעריקע און איינס פון ב"ב וואס זענען געקומען גלייך פון עירפאר"ט ווי מען האט זיך געשטעלט א גרויסע מנין מנחה און משלים געוועהן מיט קריאת התורה וואס מען האט פארפאסט זייענדיג אינמיטען וועג ביי שחרית.

עס איז געוועהן אלעס אינאיינעם 4 מנינים מנחה און 2 מנינים מעריב.

בערך 3:00 אינמיטען נאכט/פארטאגס איז אנגעקומען א גרויסע חבורה ווי עס איז געוועהן צוגעגרייט פאר זיי א סעודת ערב און נאכען בענטשען איז מען זיך געגאנגען טובל זיין און זיך געגרייט לתפילת שחרית.

פרייטאג:

צופרי האט זיך געשטעלט א מנין ותיקין פון די חבורה וואס איז אנגעקומען באישון לילה, און נאכדעם זענען זיי זיך געגאנגען אראפלייגען אין די בנין הכנסת אורחים און אין די פארמיטאג שעות האט מען זיך ארויסגעלאזט –אויסגערוטערהייט- קיין רימנוב לשבות שם לכ' די יומא דהילולא פון הרה"ק ר' מענדעלע זי"ע, מיטנעמענעדיג מיט זיך די שבת'דיגע עסן, וואס איז געווארען צוגעשטעלט אין ר' ישעי'לעס קאך.

די געטרייע קעכער ר' אבא גרינבוים נ"י ביים איינפאקן די עסן צו די שטאט רימנוב

28.jpg (61.67 KiB) געזען 1374 מאל

די מודעות וואס האבן געהאנגן אין שטאט רימנוב

29.jpg (34.76 KiB) געזען 1374 מאל

[אורחים בורחים דורכים]

שב"ק:

עס איז געוועהן א געהויבענע שב"ק בצל הקודש. עס האבען געוויילט א גרויסע חבורה אנגעפירט דורך מו"ה חיים הערש וויינשטיין הי"ו בעל הפירמע "היי ענד לוי טורס" די חבורה פון בביהמ"ד פשעווארסק וומסב"ג בראשות הרה"צ ר' יצחק רייך שליט"א בן כ"ק הגה"צ ר' משה אהרן רייך גאב"ד פשעווארסק וומסב"ג שליט"א.

די ברוכים הבאים מטעם הכנסת אורחים לכבוד הרה"צ שליט"א

[אורחים בורחים דורכים]

דער שב"ק איז געפראוועט געווארען מיט א שטארקע התעוררות און דערהויבענקייט, די תפילות און די סעודות. מען האט פארברענגט מיט סיפורי צדיקים און ד"ת אין דעם הייליגען הויז, ווי הרה"צ ר' יצחק שליט"א הנ"ל האט נאך פארציילט פון זיין גרויסען זיידען הרה"ק ר' איציק'ל מ'פשעווארסק זי"ע ווען ער איז געוועהן דא אין דעם הייליגן הויז ביים רבי'ן ר' ישעי'לע זי"ע כידוע. נאך הבדלה האט מען געפראוועט א גרויסע מלוה מלכה מיט פליישיגע מאכלים נוסח קערעסטיר ופשעווארסק, און מען האט געזינגען זמירות און דערציילט סיפורי צדיקים ביז אין די שפעטע נאכט שעות.

שלש סעודות מוצש"ק בראשות הגה"צ אב"ד פשעווארסק וומס"ב שליט"א

31.jpg (49.79 KiB) געזען 1359 מאל

הגה"צ אב"ד פשעווארסק וומס"ב שליט"א ביי הבדלה

32.jpg (47.71 KiB) געזען 1359 מאל

[אורחים בורחים דורכים]

הגה"צ פשעווארסק וומסב"ג רב שליט"א ביים באזוכען אין ר' ישעי'לעס הייליגע קאך

[אורחים בורחים דורכים]

און שפעט אינמיטען נאכט -נאך חצות הלילה- האט מען געבענטשט און ארויף לציון הק' בהתעורות רב, און שפעט אין די פארטאגס שעות האט מען זיך צוריגעקערט צום חצר נאך א לענגערע זמן פון מתפלל און שופך שיח זיין, און זיך געגאנגען אנשעפן פרישע כוחות

הרה"צ די פשעווארסק'ע רב שליט"א ביים ציון הק' מוצ"ש

[אורחים בורחים דורכים]

בית רבינו.jpg (151.99 KiB) געזען 1350 מאל

[אורחים בורחים דורכים]

בהר בחוקותי:

זונטאג:

צופרי איז געוועהן 3 מנינים שחרית, נאכפאלגענדיג מיט א גרויסע פת שחרית און צידה לדרך פעקלעך.

איבער'ן טאג איז געוועהן א גרויסע פארקער בליעה"ר, ווען עס האבען זיך אפגעשטעלט קרוב צו 200 אידן כ"י, און עס האבען זיך געשטעלט 4 מנינים מנחה דורך די מיטאג שעות.

מטעם די הכנסת אורחים האט מען אויפגעשטעלט דעם גרויסען שאטער אין חצר, לכ' די מארגענדיגע טאג ווען עס ווערט ערווארטעט די גרויסע חבורה בראשות הגה"ח הרב ר' יוסף חיים גרינוואלד שליט"א, צו קענען אקאמעדירען די פילע משתתפים ביים סעודת פת שחרית.

ביים אויפשטעלן די שאטער

[אורחים בורחים דורכים]

נאך די ערשטע מנין מעריב האט מען אויפגענומען מיט כבוד הרה"ג ר' ישעי' טירנויער שליט"א מו"ץ בקהל ויואל משה סאטמאר מאנסי וואס איז געקומען מיט א גרופע פון בערך 30 אידן, מתפללי ביהמ"ד התאחדות אברכים סאטמאר מאנסי-שכונת דיקיעטער, נאכען פראווענען א געהויבענעם שב"ק אין שטאט דינוב-פולין. צום ערשט האט די חבורה געדאווענט א מנין מעריב אין היייליגען קוויטל שטוב און דאן האט מען זיך געזעצט צו א סעודה וואס איז געווארען צוגעשטעלט לכבודם, און געבליבען אויף לינת לילה בבנין הכנסת אורחים.

קבוצה מתפללי ביהמ"ד התאחדות אברכים סאטמאר מאנסי בראשות הרה"ג ר' ישעי' טירנויער שליט"א מו"ץ

[אורחים בורחים דורכים]

מאנטאג:

צופרי האט זיך געשטעלט א מנין ותיקין דורך די סאטמאר מאנסי חבורה, און נאכדעם נאך 4 מנינים פון אידן וואס זענען אנגעקומען אין די פארטאגס/צופרי שעות נאכען וויילען דעם פארגאנגענעם שבת אין די שטעט אין פולין לרגל די יארצייטען פון הייליגען רמ"א און דער הייליגער רבי ר' מענדעלע רימינוב'ער זכותם יגן עלינו.

די סאטמאר מאנסי חבורה ביי מנין ותיקין אין הייליגען קוויטל שטוב

[אורחים בורחים דורכים]

פארמיטאג האט מען אויפגענומען מיט כבוד די גרויסע חבורה פון צווישען 150-200 אידן בראשות הגה"ח הרב ר' יוסף חיים גרינוואלד שליט"א, ווי צום ערשט איז מען אריין אין שאטער סועד זיין, און נאכען עסען איז פארגעקומען א מעמד התעוררות אין הייליגן קוויטל שטוב, ווי עס האט זיך געגאסען טייכן טרערן בשעת די דרשה פון הרב ר' יוסף חיים שליט"א, נאכפאלגענדיג מיט א געהויבענע תפילת מנחה און השלמת קריה"ת. נאכדעם איז מען ארויף לציון הק' און בוקע רקיעים געוועהן א לענגערע זמן בהתעוררות רב.

קבוצה בראשות הגה"ח ר' יוסף חיים גרינוואלד שליט"א אין שאטער ביי סעודת פת שחרית

38.jpg (64.75 KiB) געזען 1342 מאל

הגה"ח ר' יוסף חיים גרינוואלד שליט"א ביים מעמד התעוררות אין הייליגען קוויטל שטוב

39.jpg (29.84 KiB) געזען 1342 מאל

[אורחים בורחים דורכים]

די פילע געפאקטע הייליגען קוויטל שטוב בשעת די דרשה פון הגה"ח ר' יוסף חיים גרינוואלד שליט"א

[אורחים בורחים דורכים]

מען שטייט אין די הייעך פון די ארומיגע שטובער מיטצוהאלטען די התעוררות אין הייליגען קוויטל שטוב

[אורחים בורחים דורכים]

נאכן גרויס התעוררות אויף'ן צין הק' א לענגערע זמן, איז מען געקומען אפנעמן נאך צוויי סעודת ווייטער פאר די וועג, איינס פאר סעודת ערב יענע נאכט, און ווי אויך פת שחרית פאר די קומענדיגע טאג, ווי די הכנסת אורחים האט איינגעפאקט בהרחוה גדולה די סעודת פאר באלד 200 אידן, לשביעות רצון פון אאלע באטייליגטע פון די נסיעה גדולה

א חלק פון די געפאקטע עסן גרייט מיטצושיקען- מערקט אהן די ספעציעלע כשרות חותם

[אורחים בורחים דורכים]

אינמיטען טאג האט מען געהאט די זכיה אויפצונעמן כ"ק אדמו"ר מ'דאראג שליט"א מיט א ענגע צאל באגלייטער ווי די רבי שליט"א האט צום ערשט געדאווענט מנחה און משלים געוועהן מיט קריה"ת און נאכדעם ארויף לציון הק'

כ"ק אדמו"ר מ'דארג שליט"א ביי תפילת מנחה אין קוויטל שטוב

[אורחים בורחים דורכים]

עס זענען געוועהן איבער 300 אידן בתוכם כ"ק אדמו"ר מ'בריזדאוויץ שליט"א, הרב ר' יואל צבי ראטטענבערג שליט"א בן הגה"צ אב"ד סאלקא-מאנסי שליט"א וחתן הגה"צ אב"ד פאיע שליט"א, הגה"צ ר' זיידא אייכענשטיין שליט"א אב"ד גאלאנטא, ווי עס האבען זיך געשטעלט כסדר מנינים מנחה און עטליכע האבען משלים געוועהן מיט קריה"ת.

הגה"צ אב"ד גאלאנטא שליט"א

[אורחים בורחים דורכים]

דער שטראם האט אנגעהאלטען ביז טיעף אין די נאכט שעות ווי עס האט זיך געשטעלט אלעס אינאיינעם 8 מנינים מעריב.


דינסטאג:

צופרי האבן זיך געשטעלט 3 מנינים שחרית, פארמיטאג איז געקומען א משפחה נסיעה, אנגעפירט דורך "ללכת טורס" מוה"ר אברהם יצחק ציממערמאן הי"ו ובניו וחתניו, ווי זיי זענען אפגעווארט געווארען אין א באזונדערע צימער.

איבער'ן טאג איז געוועהן א שטארקע פארקער פון ארום 100 אידן, און אסאך פון די אידן האבען מיטגעפאקט סעודות פאר די וועגן ווייטער.

אלעס אינאיינעם איז געוועהן 4 מנינים מנחה און 2 מנינים מעריב.

שחרית דינסטאג צופרי אין הייליגן קוויטל שטוב

[אורחים בורחים דורכים]

די חודש'ליכע ברכת מז"ט לנכדי רבינו, מטעם הכנסת אורחים קערעסטיר

[אורחים בורחים דורכים]

אש''ל.jpg (49.32 KiB) געזען 1246 מאל

[אורחים בורחים דורכים]

פאלגט נאך ווייטערדיגע באריכטען דא אין די אשכול

צו זיך אויפשרייבען כדי צו באקומען די נייעס אויף אימעיל, ביטע שיקט א אימעיל צו:
[email protected]