א מומחה א שוטה - נקודה למחשבה

[אנעים זמירות]

ווען דער שר המשקים האט פארציילט וועגען יוסף הצדיק, האט ער איהם גערופען 'נער עברי עבד לשר הטבחים'. רש"י לערנט אז דער שר המשקים האט מיט די ווערטער געמיינט אוועקצומאכען יוסף הצדיק, טראץ זיין אומוויליגער דערמאנען איהם. פארטייטשט רש"י, נער - שוטה.

לכאורה אויב יוסף איז א שוטה, פארוואס שלאגט ער פאר אז פרעה זאל איהם פארציילען דעם חלום? גייט מען דען זיך דורשמועסען מיט יעדער טיפש?

נאר פשט איז פשוט אז ער האט גע'טענה'ט יוסף איז טאקע א שוטה, אבער ער פארמאגט דעם טאלאנט פון קענען פותר זיין חלומות, און דערין איז ער א יחיד מומחה.

מיר קענען זיך אפלערנען דערפון צוויי זאכען:

א. בלויז דאס אז איינער פארמאגט א געוויסע טאלאנט, אפילו איינס וואס איז פארגעבליך א חכמה (עז אפאוזד צו א טאלאנט מיט די הענט וכדומה), מאכט נאך נישט יענעם פאר א חכם וואס מען דארף ממליך זיין. עס קען געמאלט זיין אז דער איז נאך גאנץ א שיינער נאר, און מען דארף איהם נישט שטעלען אלס מנהיג.

ב. דאס אז איינער איז א טיפש שליסט נישט אויס אז אין געוויסע זאכען זאל ער יא זיין א מומחה. צו קלערען אז מען גייט נישט פרעגען אדער זיך לערנען ביי פלוני אויף א ספעציפישען ענין וואס יענער טויג דערין, בלויז ווייל מען האלט זיך היבש קלוגער פון יענעם בדרך כלל, איז נישט מדרכי החכמה.

[אלי' מקוה יוד]

דארף מען נאר א מומחה און א חכם צו מחלק זיין צווישן די צוויי נקודות ...

דשאסט קידינג, שיינע געדאנק, יישר כח פארן מיטטיילן.

[דונש]

אנעים קומסט אריין זייער קלאר!

[נעכטיגן טאג]

זייער א שטארקע געדאנק

[שמואל בארג]

שיין.

[איינס]

שיינע געדאנק
אבער דאס איז געווען די טענה פונעם שר המשקים, נישט אזוי?

[מטעמים]

אנעים שכוח פארען אריינקומען איך בענק דיינע אשכולות.

הצלחה וברכה

[אנעים זמירות]

שיינע געדאנק
אבער דאס איז געווען די טענה פונעם שר המשקים, נישט אזוי?

דהיינו?

[טעם וריח]

זייער א שטארקע געדאנק

טיף און קען גענוצט ווערן אין אסאך תחומים וואו למשל זינגערס וואס זענען געווארן היינט גאנצעטע דאה זאגער וכדו!

[איינס]

שיינע געדאנק
אבער דאס איז געווען די טענה פונעם שר המשקים, נישט אזוי?

דהיינו?

שר המשקים האט געטענעט אז ״בלויז דאס אז איינער פארמאגט א געוויסע טאלאנט, אפילו איינס וואס איז פארגעבליך א חכמה (עז אפאוזד צו א טאלאנט מיט די הענט וכדומה), מאכט נאך נישט יענעם פאר א חכם״