SPUSMN האט געשריבן:אויך נישט געליינט ביז אהער; קען איינער ביטע מאכען א סך הכל?
גיי מיר פראבירן.
1 יעדער איז איינשטימיג אז עס איז דא א שידוכים קריזיס. יאך האב געוואלט זאגן אז עס האט אסך צו טוען וויבאלד שדכנים באקומען אין די לעצטערע יארן סך ווייניגער באצאלט ווי אמאל ווען מען רעכענט אריין אינפלאציע. (מן הסתם א פיפטעל פון 30 יאר צוריק).
2. אנדערע האבן ארויסגעברענגט אז עס האט אויך גאר אסך צו טוען וויבאלד שדכנים באקריגן נישט הכרת הטוב פון מענטשען, קענען ארבעטן א לאנגע צייט בחנם און צום סוף ווערט נישט, מענטשען פירן ארום, געבן עדיטוד וכולי.
3. נאך א נקודה, מען לעבט היינט מער און מער פאר יענעם, און דאס ברענגט אז מענטשען זאלן האלטן אין איין אפשטופען ווען מען דארף מאכן א נחות דרגא, ווייל... יענער וועט זאגן.
4. אנדערע האבן געזאגט אז דער פראבלעם איז מער ביי בחורים ווי ביי מיידלעך. עטליכע הסברים זענען געווארן אנגעגעבן. מיידלען זענען א גרעסערע פראצענט וואויל. עס ווערן געבוירן מער אינגלעך ווי מיידלעך. בחורים זענען מער דעספרעט, זיי קאסטן געלט און ווילן זיך זען אינדרויסן פון ישיבה, משא"כ מיידלעך פארדינען געלט און יאגן זיך נישט.
5. אנדערע האבן געברענגט אז ביי די ליטווישע איז גאר פארקערט וויבאלד די בחורים ווערן חתנים שפעטער ממילא איז דא מער מיידלעך וואס זוכען צו ווערן כלות ווי בחורים וכולי, טא אפשר קענען די חסידישע בחורים נעמען ליטווישע מיידלעך.
דאס איז וואס איך געדענק.. והרוצה להוסיף יוסיף.