א גוט יאר טייערע אידן.
אזוי ווי דער אשכול טרעט מיר אויף א אפענעם וואונד וועל איך קודם אין קורצן שרייבן, און איך וועל ברענגען בקרוב א לענגערן ארטיקל וואס ליגט אוועקגעלייגט פאר דעם צוועק אביסל מער מסביר זיין.
עס איז כהיום דא א ארגעניזאציע פון אידן וואס טוען אין די נושא כמעט פון וואס מ'רעדט דא, און מ'האלט אין די הויכע שטאפלען פון עס ברענגען לידי מעשה.
עס זענען דא חלקים וואס ווערן דא אראפגעברענגט וואס קענען נישט אויסגעפירט ווערן אין רעאליטעט, אבער אין דעם סיסטעם אויף וואס מ'ארבייט יעצט איז יא דא עפעס א מהלך דערויף.
למשל: עס וועט קיינמאל נישט ארבייטן דער סיסטעם פון באצאלן אויף די שעה פאר א שדכן, און עס איז נישט קיין שום שאלה אדער צוזאמשטעל פון סעילסלייט וויבאלד ביי א סעילסמאן איז דא איין קאמפעני וואס באצאלט און ער באשליסט וויפיל ס'לוינט אים צו אינוועסטירן אינעם ברויקער פאר ווי לאנג, און ער קען לויז ווערן ועוד ועוד. ווידעראום ביי שידוכים איז יעדער שדכן און יעדער מחותן א וועלט פאר זיך. און די מינוט וואס א מחותן "מיינט" אז אים גייט גרינג, גייט ער נישט באצאלן, (נישט ווייל ער וויל נישט, נאר ווייל ער קען נישט וכו') און באמת אין סעילס איז אויך אזוי,
די איינציגע פלאץ אין סעילס ווי מ'צאלט פאראויס געלט איז ווען ס'דאיז א א אייטעם וואס גייט סיי ווי, און מ'דארף נאר איינער זאל שטוטפן דעם וואגן, און מ'צאלט טאקע אקארדינגלי, אבער א איין מאליגע קאמישאן אויף א בראוקערידזש ווי ריעלעסטעיט וכו' איז קיינמאל נישט דא קיין באצלאן אויף די שעה.
אבער. אויב קען מען מאכן אז דער שדכן זאל סיי ווי פארדינען געלט, נישט דורך די טאטעס וואס ער פירט אויס פאר זיי שידוכים, און אויפטוהן אויף אזויפיהל אז ער זאל זיין געבינדן צו די ליין, און עס טון פול טיים, איז עס יא א אויפטוה. איי ווועט איר פרעגן, פון וואו קומט דאס געלט? איך וועל אייך אי"ה ווייזן דעם פולקאמען פלאן אויב זענט איר גרייט זיך איינצושפאנען און העלפן כלל ישראל...
איך בין נאר נייגעריג צו איינער פון די שרייבער'ס דא האט מיט מיר שוין געהאט א מיטינג אויף די נושא, עס שמעקט עפעס מורא'דיג שטארק אזוי, און איך וויל פשוט וויסן צו איך בין גערעכט, אויב יא זאל ער זיך ביטע מעלדן אין אישי.
נאכאמאל, איך רעד נישט פון קיין חלום, און איך וויל נישט רעדן צו קיין חולם חלומות, ווער עס וויל העלפן באמת, זאל זיך מעלדן צו מיר אויף
[email protected] מיט די סובדזשעקט ליין שידוכים, איך וועל אי"ה זיין זייער קלאר און איך וועל זייער אפרישיעיטן יעדער וואס וויל העלפן.
יעצט האלט מען אז א פראגראם ווערט געבויט, מ'רעדט צו שדכנים, מ'רעדט צו הנהלות פון ישיבות אין דעם ענין און האפנטליך וועט בקרוב זיין עכ"פ דער אנהויב פון א דורכברוך אין דעם הינזיכט.
איך וויל עקסטער באדאנקען די אלע וואס האבן אויפגעברענגט די אנגעווייטאגטע טעמע, און עס איז זיכער אז אויב וועלן מיר צוזאמען ארבייטן קען מען אסאך אנקומען.
