כ'האב אקארשט אויסגעפירט א טויט אורטייל,

[יענקי פיש]

ער האט זיך אריינגעחאפט צ מיר אינדערהיים, אן רשות, סתם אזוי מירניש דירניש, און ער האט זיך אנגעהויבען באקוועם מאכען, כאילו ער וואלט געווען א שוויגער צו וואס....
איך ווייס שוין פון עקספיריענס אז מען מוז גלייך אראפשטעלען די פיס, נישט ווארטען, טאמער איז מען מוותר נעמט ער עס אן ווי כאילו א הסכמה פאר זיינע שאנדפולע טהאטען,

אין דער מחוצף האט זיך דערוואגט צי מאכען א וועב וואס איז געווען אנגעחאפט אין מיין תהילים'ל וואס איז געווען אויפען טיש לעבען די וואנט ווי דער ספיידער האט זיך באקוועם געמאכט,

דאס איז שוין געווען אריבער די רויטע ליניע, כ'האב גלייך פארריפען א דרינגדע אסיפה, פון איך מיט מיינע שתי כליות, און ס'איז באשלאסען געווארען פה אחד, אז פאר די חוצפה אליינס קומט זיך עים טויט שטראף אן קיין מעגליכקייט צו אפעלירען, און אז די אורטייל ברויך צו אויסגעפירט ווערען תיכף ומיד, למען ישמעו ויראו,

האביך גענומען א טישא און אים ציקוועטשט צום טויט, כן יאבדו כל שונאי ישראל,

למעשה האב איך נישט געוויסט וואס פאר א שערוריה דאס וועט אנווערטשאפטען, די האנטיגע משוגענע ליבעראלען וואס שטייען פאר גלייכבארעכטיגונג פאר פליגען און מייזען (נאר נישט פאר מענטשען...), האבען אויפגעהויבען א וויי געשריי, היתכן צו אומברענגען א ספיידער אזוי אכזריות'דיג, אן קיין געהעריגע משפט, די יוא-ען יומען רייטס קאמישען איז אריין און אובער דרייוו, פארדאמונגען זענען געפלויגען פון אלע לינקע ארגענעזאציעס, אנדערע האבען געסטראשעט מיט סאנקציוס....

כ'האב נישט געוויסט וואס דא איז געשעהן, כ'מיין.... ס'נאר א ספיידער.... בארואיגטס ענק.... שרייען זיי צוריק... יא, ס'הייבט זיך אן ביי א ספיידער און ווער וויייסט ווי ס'ענדיגט זיך... וואס?!

אנדערע האבען געווארפען פאשקעווילען, האטליינס האבען געקאכט און געשימפט,

ס'נישט נארמאך, איך געדענק נאך צייטען וואס מען האט געקענט הארגענען א ספיידער און קיינער האט נישט געגעבען קיין דעםם, היינט .... משוגע מטורע,

האלו, קריכטס אראפ פון מיר באצייטענס, ווייל טאמער וועט עטס מיר אויפרעגען דאן וועל איך אנהייבען ביי פרעה און ענדיגען ביי גאנץ מצרים,
רעגטס מיר נישט אויף, ס'נישט קיין שום פראבלעם צו הארגענען ספיידערס, גענוג מיט דעי הבלים, כ'ווארען ענק מיט שיינעם,

עם ישראל חי וקים לנצח נצחים !

[Iphone]

[דעפרעסט]

לאקשן!!!

[ראפאט קראמפלי]

זאג נאר... פיש מעג מען אויך טייטענען?? הא? איך הער נישט!

[עין טובה]

שלום עליכם, יהא בואך לברכה!
נהניתי

[משהזוךמיר]

פיינער פעדער דער פיש יונגערמאן. כאמאזעל ער איז אהערגעקומען

[מושך חסד]

זייער זיס

[דניאל אויערבאך]

פיינער ארטיקעל דאס

און איך האב דאס נעכטן געהאט מיט א פליג, א חוצפה און העזה, איך זיץ אין א פארמאכטען פארשפארטען אפיס, איך קען נישטאמאל אויספיגער'ען וויזוי ער האט זיך איליגעל אריינבאקומען, און אויף איינמאל ער איז דא, ער קיצלט מיין האנט, און דערנאך ויסעו מ'האנט ויחנו ב'נאז, ער קיצעלט מיר מיין נאז, עד כאן האבעך באשלאסען, בחרבי ובקשתי, איך האב תיכף גענומען די אידישע געווער וואס שטייט מיר אייביג גרייט ביי די האנט (ביי די קאפ), מיין קאפל איז אראפגעקומען, און נאך א 3 שמוצן איז ער געלעגן טויט ווי אלע טויטע, כן יאבדו אמן.

[שמו]

יענקי א זאפטיגע ארטיקל, וועלמיר דיר שיקן נאך אפאר ספיידעט, זאלסט שרייבן נאך גוטע זאכן

[הרבטייטעלבוים]

ווער בין איך אריינצורעדען און די גרוסע מלחמה.

[וואוילע שעפעלע]

יענקל, דו האסט מיר אנגעשיקט די לויה היינט?

נישט לאנג צוריק טרעף איך פלוצים ביי מיר אין קאנצעליי א מחנה שפעדער הויערן אויף איין ארט כמעט אומבאוועגליך, זעהט אויס אז דאס איז געווען די גרויסע לויה.

איך ווארן דיר נאך איינמאל דו שיקסט מיר אזוינס!

[ווישוואש]

יענקל, דו האסט מיר אנגעשיקט די לויה היינט?

נישט לאנג צוריק טרעף איך פלוצים ביי מיר אין קאנצעליי א מחנה שפעדער הויערן אויף איין ארט כמעט אומבאוועגליך, זעהט אויס אז דאס איז געווען די גרויסע לויה.

איך ווארן דיר נאך איינמאל דו שיקסט מיר אזוינס!

'שפעדער'

אריין אין מעלות..

[הלשון]

פיינע ווארע דאס...
פרישע פיש

[ארום די זייגער]

נעעע נישט אזוי הארגעט מען א ספיידער.... קודם דארף מען ארויסנעמען די 6 פיס דערנאך נעמט מען די טישא...