וויאזוי ארבעט א GPS?

פארשידענע רייכע ידיעות און וויסנשאפטליכע טעאריעס

די אחראים: יאנאש,אחראי,געלעגער

אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

וויאזוי ארבעט א GPS?

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

ס'פאסירט אסאך מאל אז מ'פארט ערגעץ ארויס מיט די גאנצע משפחה, אויף א שמחה אדער צו די קאנטרי וכדו', און אינמיטן וועג מאכט מען א שלעכטן דריי, צו אן עקסידענט פארמאכט די ראוד און מען איז געצווינגען צו גיין דורך זייטיגע וועגן און שטעגן, און פלוצלונג טרעפט מען זיך ערגעץ אין די הרי החושך, אן די מינדעסטע אנונג זיך ארויסצוזען פון דארט. נישט אזוי לאנג צוריק איז אזא מצב געווען אן ערנסטן פראבלעם, ובפרט פרייטאג נאכמיטאג. אבער נישט אין 2017. וואס הייסט? מ'צינדט אן דעם GPS און ביז אפאר מינוט איז מען צוריק אויפ'ן דרך המלך, מיט פונקטליכע אנווייזונגען פאר יעדן שיידוועג, ביז צום טיר פון אייער ציל.

האט אייך שוין איינער פון די קינדער אמאל געפרעגט, "טאטי, פון וואו ווייסט דער GPS פונקטליך וואו אונז זענען?"
אייער ענטפער איז אודאי געווען "פון די סעטעלייטס."
וואס טוט מען אבער ווען דאס קינד פרעגט "אבער פון וואו ווייסט דער סעטעלייט וואו אונז זענען?" וואס ענטפערט מען דעמאלטס?

וועל איך דא אפשרייבן בקיצור פון זכרון וואס איך האב אמאל געליינט, וויאזוי די GLOBAL POSITIONING SYSTEM ארבעט.



לאמיר זאגן אז איר זענט ערגעץ אין טעקסעס, און אייער חבר אין דאללאס האט א מאשינקע וואס שיקט ארויס א סיגנאל, און ווען דער סיגנאל קלאפט אריין אין אייך גייט עס צוריק צו אים, און גיבט אים איבער פונקטליך ווי ווייט ער איז געפארן ביז ער האט אריינגעקלאפט אין אייך. ווייסט דער חבר אז איר זענט לאמיר זאגן 250 מייל ווייט פון אים. עס קען אבער זיין אין יעדן ריכטונג, 360 דעגרי ארום.
GPS 1.png
GPS 1.png (3.83 KiB) געזען 4537 מאל


וואס וועט זיין אויב איר האט נאך א חבר, ער געפינט זיך אין יוסטאן, טעקסעס, און ער האט דעם זעלבן מאשינקע. אויב נוצט ער עס אליין, ווייסט ער אויך נאר וויפיל איר זענט אפגערוקט פון אים, אבער גארנישט מער, ווייל עס קען זיין אין יעדן ריכטונג.

וואס טוט זיך אבער אויב די צוויי חברים רעדן זיך צוזאם אויפ'ן טעלעפאן, און חבר א' פון דאללאס זאגט פאר חבר ב' פון יוסטאן "מיין מאשינקע זאגט אז ער איז 250 מייל פון מיר." און חבר ב' זאגט פאר חבר א' "מיין מאשין זאגט אז ער איז 217 מייל פון מיר." יעצט קענען זיי שוין זיין נענטער צום פונקטליכן פלאץ: זיי דארפן נאר מאלן א רינג 250 מייל ארום דאללאס, און א צווייטע רינג 217 מייל ארום יוסטאן, און ביים פלאץ וואו די רינגען טרעפן זיך געפינט זיך דער געזוכטער.

אבער, עפ"י רוב, וועלן זיך די רינגען טרעפן אין צוויי פלעצער:
gps_2.png
gps_2.png (6.05 KiB) געזען 4537 מאל


פארט אבער, ביזטו שוין אסאך נענטער צום ציל, ווען עס איז איינס פון די צוויי פונקטן.

ווען איר האט אבער דריי חברים זענט איר געסעטלט. אויב האט איר א דריטן חבר אין סאן אנטאניא טעקסעס, און זיין מאשינקע זאגט אים אז איר זענט 263 מייל ווייט פון אים, און ער שטעלט עס צאם מיט די רעזולטאטן פון די אנדערע צוויי מאשינען, וועלן די רעזולטאטן זיין:
gps_3.png
gps_3.png (8.36 KiB) געזען 4537 מאל


פונקטליך וואו איר געפינט זיך, אין אוסטין, טעקסעס!!

דאס מיינט אז ווען אפאר מאשינען מיט אזעלכע סיגנאלן ארבעטן צוזאמען, קען מען אויסרעכענען לויט די ווייטקייט וואס יעדע מאשין ווייזט, די פונטליכע פלאץ וואו איר געפינט זיך!!!

אויף דעם יסוד ארבעט GPS, נאר היות די PGS סאטעליטן געפינען זיך נישט אויף דעם פלאנעט נאר אין ספעיס, דארפ'ן זיי האבן אביסל מער מאשינען ווייל, אנדערש ווי אין אונזער משל וואס זיי דארפן נאר רעכענען אויף איין לעוול, דארפן זיי אויך רעכענען ארןיף און אראפ, ד.ה. 3D.
איז דא אין די וועלטס ארביט 24 סאטעליטן, וואס מיט די 24 סאטעליטן איז די גאנצע וועלט געקאווערט, און מ'קען אפירזוכן סיי ווער וואס האט נאר א GPS RECIVER (די מאשינקע וואס איר האט אין קאר, וואס קלאפט צוריק די סיגנאלן און באקומט די צוזאמגעשטעלט אינפארמאציע פון אלע סאטעליטן) איבער די גאנצע וועלט!

מה רבו מעשיך השם!
Get your facts first, then you can distort them as you please.
אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

אויפגעטראכט דא האט געשריבן:א גרויסן שכ'ח זייער שיין באשריבן אבער מיין קשיא איז פארוואס עס קען נישט זיין אז די רינג'ס זאלען זיין אויף אזא פאל. וואס דעלמאץ קען איך זיין ערגעץ אין גאנצע געהלע חלק....
Untitled.png
Untitled.png (3.97 KiB) געזען 4526 מאל

עס קען נישט זיין אזוי, ווייל די רעזולטאטן זענען ממש אויף די שווארצע רינג (בעסער געזאגט, מען מאכט דעם רינג ממש אויף די רעזולטאטן, נישט בערך, אין די צען מייל, נאר ממש אין די עטליכע פיס), וואס דאס מיינט אז די אויבערשטע, לינקע רינג וועט קיינמאל נישט אויסקומען אזוי, נאר ממש אויף די אנדערע רינגען.
Get your facts first, then you can distort them as you please.
אוועטאר
זאכליך
שר שבעת אלפים
תגובות: 7634
זיך איינגעשריבן אום: זונטאג דעצעמבער 19, 2010 5:23 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאכליך »

שכוח משה פארן גיין פתיחה...

לויט ווי איך פארשטיי טוהט נישט די סעטעלייט פראסעסען די אינפארמעישאן פון די דיווייס, נאר פארקערט די דיווייס קוקט ווי ווייט ער איז פון א יעדע סעטעלייט, און לויט דעם רעכנט ער אויס ווי ער איז.

איז לכאורה אריימגעפראגרעמט אין די דיווייס ווי יעדע סעטעלייט דארף זיך יעצט געפונען.

אויך קען מען זעהן אז אפילו א פאון וואס האט נישט קיין סערוויס, וועט אבער די GPS ארבייטן, ווייל ס'דארף נישט קיין יוניק אינפאו פון די סעטעלייטס.
אמור מעט, קוק ווייניגער אויף וואס ער זאגט,
ועשה הרבה, און קוק מער וואס ער טוהט.
mini van
שר חמישים ומאתים
תגובות: 335
זיך איינגעשריבן אום: דאנערשטאג מארטש 06, 2014 10:26 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך mini van »

שכח פאר די שיינע און קלארע באשרייבונג, זייער אינטערסאנט.
לאלתר לחיים
שר האלף
תגובות: 1462
זיך איינגעשריבן אום: זונטאג מארטש 18, 2012 11:50 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לאלתר לחיים »

1. וויאזוי קען זיין אז קארגע 24 סעטעלייטס זאלן קאווערן די גאנצע וועלט?
2. צו וועם באלאנגען די סעטעלייטס? א גאווערמענט זאך אדער א פריוואטע אונטערנעמונגן?
3. וויאזוי מאכן זיי זייער געלט? Gernin TomTom וכדו' צאלן זיי געלט?
לעצט פארראכטן דורך לאלתר לחיים אום פרייטאג מארטש 24, 2017 2:44 am, פארראכטן געווארן 2 מאל.
אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

לאלתר לחיים האט געשריבן:וויאזוי קען זיין אז קארגע 24 סעטעלייטס זאלן קאווערן די גאנצע וועלט?

צו יעדע פלאץ אין די וועלט דארף מען נאר האבן פיר שטיק, און 24 קען מען אויסשפרייטן אויף אזא וועג אז צו יעדע פלאץ זאל זיין פיר סאטעליטן גענונג נאנט צו יעדע צייט.
Get your facts first, then you can distort them as you please.
לאלתר לחיים
שר האלף
תגובות: 1462
זיך איינגעשריבן אום: זונטאג מארטש 18, 2012 11:50 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לאלתר לחיים »

משהזוךמיר האט געשריבן:
לאלתר לחיים האט געשריבן:וויאזוי קען זיין אז קארגע 24 סעטעלייטס זאלן קאווערן די גאנצע וועלט?

צו יעדע פלאץ אין די וועלט דארף מען נאר האבן פיר שטיק, און 24 קען מען אויסשפרייטן אויף אזא וועג אז צו יעדע פלאץ זאל זיין פיר סאטעליטן גענונג נאנט צו יעדע צייט.

טאקע 4? דיין בילד אויבן ווייזט 3
לאלתר לחיים
שר האלף
תגובות: 1462
זיך איינגעשריבן אום: זונטאג מארטש 18, 2012 11:50 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לאלתר לחיים »

ייש''כ ר' משה , האסטו זייער א שיינע הסברה
אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

לאלתר לחיים האט געשריבן:
משהזוךמיר האט געשריבן:
לאלתר לחיים האט געשריבן:וויאזוי קען זיין אז קארגע 24 סעטעלייטס זאלן קאווערן די גאנצע וועלט?

צו יעדע פלאץ אין די וועלט דארף מען נאר האבן פיר שטיק, און 24 קען מען אויסשפרייטן אויף אזא וועג אז צו יעדע פלאץ זאל זיין פיר סאטעליטן גענונג נאנט צו יעדע צייט.

טאקע 4? דיין בילד אויבן ווייזט 3

מיין בילד אויבן ווייזט ווען אלע מאשינען זענען אויף דער ערד, קען די רעזולטאטן זיין אין יעדן ריכטונג, אבער נישט ארויף און אראפ. משא''כ ביי סעטעלייטס וואס עס קען אויך זיין 360 דעגרי ארויף אדער אראפ, דארף מען נאך איינס צו קענען באשטימען די פונקטליכע לאקעישן.
Get your facts first, then you can distort them as you please.
אהבת ה'
שר העשר
תגובות: 20
זיך איינגעשריבן אום: זונטאג אקטאבער 09, 2016 7:39 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך אהבת ה' »

mini van האט געשריבן:שכח פאר די שיינע און קלארע באשרייבונג, זייער אינטערסאנט.

גם אני מצטרף בהתלהבות.
אהבת ה'
שר העשר
תגובות: 20
זיך איינגעשריבן אום: זונטאג אקטאבער 09, 2016 7:39 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך אהבת ה' »

דא איז א מורא'דיגע דוגמא 'פירוש חי'.
https://www.flightradar24.com
אוועטאר
זאכליך
שר שבעת אלפים
תגובות: 7634
זיך איינגעשריבן אום: זונטאג דעצעמבער 19, 2010 5:23 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאכליך »

לאלתר לחיים האט געשריבן:2. צו וועם באלאנגען די סעטעלייטס? א גאווערמענט זאך אדער א פריוואטע אונטערנעמונגן?
3. וויאזוי מאכן זיי זייער געלט? Gernin TomTom וכדו' צאלן זיי געלט?


די US גאווערמענט האט דאס געמאכט, און ס'באלאנגט פאר אמעריקע. מתחילה האב מען עס געמאכט פאר די מיליטער, אבער שפעטער האט מען עס געגעבן פאר די פאבליק צו ניצן פאר אומזיסט. אבער די אמעריקאנע גאווערמענט קען קאנטראלירן אז אין געוויסע פלעצער זאל עס נישט ארבייטן, אין פאל מ'דארף גיי אין מלחמה מיט א לאנד, קען מען בלאקירן דעם שונא.
אמור מעט, קוק ווייניגער אויף וואס ער זאגט,
ועשה הרבה, און קוק מער וואס ער טוהט.
לאלתר לחיים
שר האלף
תגובות: 1462
זיך איינגעשריבן אום: זונטאג מארטש 18, 2012 11:50 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לאלתר לחיים »

זאכליך האט געשריבן:
לאלתר לחיים האט געשריבן:2. צו וועם באלאנגען די סעטעלייטס? א גאווערמענט זאך אדער א פריוואטע אונטערנעמונגן?
3. וויאזוי מאכן זיי זייער געלט? Gernin TomTom וכדו' צאלן זיי געלט?


די US גאווערמענט האט דאס געמאכט, און ס'באלאנגט פאר אמעריקע. מתחילה האב מען עס געמאכט פאר די מיליטער, אבער שפעטער האט מען עס געגעבן פאר די פאבליק צו ניצן פאר אומזיסט. אבער די אמעריקאנע גאווערמענט קען קאנטראלירן אז אין געוויסע פלעצער זאל עס נישט ארבייטן, אין פאל מ'דארף גיי אין מלחמה מיט א לאנד, קען מען בלאקירן דעם שונא.

פארוואס קען נישט יעצט אן אנדער לאנד ארויף שיקן אייגענע gps סעטעלייטס נישט צו זיין אנגעוויזן אויף אמעריקע מ'שיקט דאך סייווי אויף צענדליגע סעטעלייטס? איז עס אפשר געפעטענט און זיי טארן עס נישט נאכמאכן?
ממה נפשך
שר ארבעת האלפים
תגובות: 4845
זיך איינגעשריבן אום: מאנטאג אוגוסט 11, 2014 9:37 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך ממה נפשך »

יישר כח פותח פאר די אינטערסאנטע הסבר. כ'האב אלץ געוואלט פארשטיין וויאזוי דאס ארבעט.

זאכליך האט געשריבן:אויך קען מען זעהן אז אפילו א פאון וואס האט נישט קיין סערוויס, וועט אבער די GPS ארבייטן, ווייל ס'דארף נישט קיין יוניק אינפאו פון די סעטעלייטס.


איז דאס אמת?? אפילו ווען ס'נישט דא קיין סערוויס וועט די GPS ארבייטן? אויב יא איז דאס עמעזינג שטיקל אינפארמאציע!
אוועטאר
זאכליך
שר שבעת אלפים
תגובות: 7634
זיך איינגעשריבן אום: זונטאג דעצעמבער 19, 2010 5:23 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאכליך »

לאלתר לחיים האט געשריבן:פארוואס קען נישט יעצט אן אנדער לאנד ארויף שיקן אייגענע gps סעטעלייטס נישט צו זיין אנגעוויזן אויף אמעריקע מ'שיקט דאך סייווי אויף צענדליגע סעטעלייטס? איז עס אפשר געפעטענט און זיי טארן עס נישט נאכמאכן?


מ'קען יא, נאר ס'קאסט א ים מיט געלט. אבער למעשה האבן שוין אנדערע לענדער אויך ענדליכע סיסטעם'ס.

די רוסן האבן א סיסטעם וואס הייסט GLONASS
די אייראפע יוניאן האט א סיסטעם וואס הייסט Galileo
און די כינעזע ארבייטן אויף א סיסטעם וואס גייט הייסן BeiDou-2

אבער קיין איינס איז נישט אזוי גוט ווי די אמעריקאנע!
אמור מעט, קוק ווייניגער אויף וואס ער זאגט,
ועשה הרבה, און קוק מער וואס ער טוהט.
אוועטאר
עין טובה
שר ארבעת האלפים
תגובות: 4062
זיך איינגעשריבן אום: דאנערשטאג נאוועמבער 27, 2014 9:46 pm
לאקאציע: 127.0.0.1

  • ציטיר
  • צו לייגן א דאנק דארפט איר זיין אריינגעלאגט

תגובה דורך עין טובה »

הערליך שיין באשריבן! נייס!

ממה נפשך האט געשריבן:איז דאס אמת?? אפילו ווען ס'נישט דא קיין סערוויס וועט די GPS ארבייטן? אויב יא איז דאס עמעזינג שטיקל אינפארמאציע

אוודאי איז עס אמת, ווען דו קויפסט א (אמאליגע) GPS צאלסטו איינמאל, און ס'ארבעט ביז ווען ס'צוברעכט זיך. ס'האט נישט קיין סערוויס. (אוודאי דארף מען אפדעיטן די מעפ יעדע שטיק צייט ווייב אלד ס'קומט צו נייע גאסן און נייע הלכות)

און אגב, די ראשי תיבות פון GPS איז גלאבאלע פאזיציע סיסטעם
...
אוועטאר
זאכליך
שר שבעת אלפים
תגובות: 7634
זיך איינגעשריבן אום: זונטאג דעצעמבער 19, 2010 5:23 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאכליך »

ממה נפשך האט געשריבן:יישר כח פותח פאר די אינטערסאנטע הסבר. כ'האב אלץ געוואלט פארשטיין וויאזוי דאס ארבעט.

זאכליך האט געשריבן:אויך קען מען זעהן אז אפילו א פאון וואס האט נישט קיין סערוויס, וועט אבער די GPS ארבייטן, ווייל ס'דארף נישט קיין יוניק אינפאו פון די סעטעלייטס.


איז דאס אמת?? אפילו ווען ס'נישט דא קיין סערוויס וועט די GPS ארבייטן? אויב יא איז דאס עמעזינג שטיקל אינפארמאציע!


די חלק פון טרעפן דיין פאזיציע וועט ארבייטן, אבער ער גייט דיר נישט קענען גיבן דירעקשאן'ס, חוץ אויב ס'האט געדאונלאוד די מעפס.
אמור מעט, קוק ווייניגער אויף וואס ער זאגט,
ועשה הרבה, און קוק מער וואס ער טוהט.
אוועטאר
טשאלענט
שר ארבעת האלפים
תגובות: 4017
זיך איינגעשריבן אום: זונטאג אוגוסט 07, 2016 3:34 pm
לאקאציע: אין טשאלענט טאפ

  • ציטיר
  • צו לייגן א דאנק דארפט איר זיין אריינגעלאגט

תגובה דורך טשאלענט »

wow wow זייער אינפארמאטיוו!!

יישר כח משה!
טשאלענט גמח!

ווען איך בין געווען אינגער פלעג איך זאגן:
די לעבן איז צו ערנסט צו נעמען אזעלכע נארישקייטן פערזענליך,
אבער היינט בין איך שוין שוין געקומען צום שכל און איך זאג:
די לעבן איז צו נאריש צו נעמען אזעלכע ערנסטע זאכן פערזענליך
אוועטאר
פאטאקי08
שר עשרת אלפים
תגובות: 13865
זיך איינגעשריבן אום: דאנערשטאג אוגוסט 09, 2007 1:30 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך פאטאקי08 »

טשאלענט האט געשריבן:wow wow זייער אינפארמאטיוו!!

יישר כח משה!
אוועטאר
מאכט סענס?
שר חמישים ומאתים
תגובות: 450
זיך איינגעשריבן אום: מיטוואך יאנואר 11, 2017 3:28 pm
לאקאציע: בין תנור לכיריים

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאכט סענס? »

פאטאקי08 האט געשריבן:
טשאלענט האט געשריבן:wow wow זייער אינפארמאטיוו!!

יישר כח משה!
Jobless
שר האלף
תגובות: 1355
זיך איינגעשריבן אום: דאנערשטאג סעפטעמבער 03, 2015 7:09 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך Jobless »

Wow I can't get over
אוועטאר
וואוילע שעפעלע
שר ששת אלפים
תגובות: 6345
זיך איינגעשריבן אום: דאנערשטאג דעצעמבער 24, 2015 2:17 pm
לאקאציע: אין שטאל

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואוילע שעפעלע »

משה, א ריזן דזשאב אראפ געלייגט!

זעלטן וואס מ'זעהט אזא קאמפליצירטע זאך אזוי קלאר אראפ געלייגט. איך בין אימפרעסד.


(ביי די לעצטע חלק פון די טרי די ביסטו שוין געגאנגען שנעל און אן בילדער, איז מעגליך אויסצוברייטערן אויך יענע חלק?)
אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

וואוילע שעפעלע האט געשריבן:משה, א ריזן דזשאב אראפ געלייגט!

זעלטן וואס מ'זעהט אזא קאמפליצירטע זאך אזוי קלאר אראפ געלייגט. איך בין אימפרעסד.


(ביי די לעצטע חלק פון די טרי די ביסטו שוין געגאנגען שנעל און אן בילדער, איז מעגליך אויסצוברייטערן אויך יענע חלק?)

ש'כח פאר די קאמפלימענט.

איך האב עס געשריבן פון זכרון, בערך אזוי ווי איך האבעס געזען עטליכע יאר צוריק ערגעץ (קען זיין אין איד). דארט איז נישט געווען אויסגעשמועסט פונקטליך די חלק פון 3d, האב איך עס נישט געשריבן. אפשר נאכ'ן ארויפלייגן די נעקסטע חלק פון מיין טאגבוך אויף וואס איך ארבעט יעצט וועל איך טון ריסירטש אין די חלק און עס באשרייבן.

אדער אפשר זאל טאקע זאכליך עס מסביר זיין! (זאכליך, אנטשולדיגט פאר'ן אריינגיין אין דיין טעריטאריע אן רשות, איך האב פשוט פארגעסן אז אין ספעיס ביזטו בעה''ב... און ש'כח פאר דיינע קלארע הסברים)
Get your facts first, then you can distort them as you please.
אוועטאר
וואוילע שעפעלע
שר ששת אלפים
תגובות: 6345
זיך איינגעשריבן אום: דאנערשטאג דעצעמבער 24, 2015 2:17 pm
לאקאציע: אין שטאל

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואוילע שעפעלע »

דאס איז א מחלוקת הפוסקים, היות די סאטעליטן זענען טאקע סטאנציאנירט אין ספעיס, אבער די די דזשי פי עס פון וואס מיר רעדן איז אויף אונזער וועלטל (נאוו) אין קאר.

מ'קען מקיל זיין בדיעבד
אויפגעטראכט
שר העשר
תגובות: 14
זיך איינגעשריבן אום: זונטאג דעצעמבער 04, 2016 2:27 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אויפגעטראכט »

wowow זייער שיין אין קלאר שכוח ....די חלק וויאזוי עס קאווערט די גאנצע וועלט .. האב איף געליינט אז די סעטעלייטס פארן ארום א גאנצע צייט אין עס סעיווט יעדע לאקעישאן די צייט וואס עס איז דארט געווען. אין יעדע סעטעלייט מאכט א 55% דעדרי רינג ארומ די וועלט אין עס פארט ארום די ווועלט צווי מאל א טאג (עס פארט נישט אזוי שנעל נאר וייל עס איז אזוי ווייט קען עס דאס בייווייזן)ממילא קומט אויס אז יעדע פלאץ ווערט געקאווערט....
אטעטשמענטס
screenshot_4.bmp
screenshot_4.bmp (176.78 KiB) געזען 3815 מאל
שרייב תגובה

צוריק צו “ידיעות און וויסנשאפט”