- טראצקי אנגעטאן אין זיינע מיליטערישע מאנדירן זייענדיג איינער פון די פירער פון רוסלאנד.
פון אלץ און אלעמען
די אחראים: יאנאש,אחראי,געלעגער
- סטאלין ימ''ש מיטן אמעריקאנער פרעזידענט רוזוועלט, דער רוזוועלט דארף דערמאנט ווערן מיט עקל אין אפשיי, ער איז געזעסן א קאלטבליטיגער בעת וואס היטלער ימ''ש האט געמארדעט אינזערע עלטערן, וואו באקאנט האט ער זייער פיין געוויסט וואס ס'גייט פאר אבער ער האט גארנישט געטאן ביז ווען דער פון אויבן האט אזוי צוגעפירט אז יאפאן האט זיך אראפ געלאזט מיט א מעכטיגער אטאקע אויף פירל הארבער (וואס עטליכע טעג צוריק דאכט זיך איז געווען די יארטאג) וואס האט געצווינגען דעם רוזוועלט אריין צו גיין אין מלחמה מיט די פאשיסטישער ארמייען, זאל ער פלאמען דארט וואו ער באלאנגט פאר זיין גלייכגילטיגקייט.
- לעאן טראצקי ליגט א שטערבליך פארוואנדעטער נאכדעם וואס סטאלין האט געשיקט זיינע חברה עם צו מסדר זיין,
די בילד איז אין מעקסיקא וואו ער איז געשאסן געווארן, ער איז דארט אנטלאפן דערנאך וואס ער האט געפילט אז סטאלין וויל פון עם פטור ווערן, פארוואס סטאלין האט עם געוואלט זען א פארטיגער איז צוליב דעם וואס פילע אין רוסלאנד האבן געוואלט א טראצקי זאל ווערן די פירער און נישט סטאלין, אין פאקט האט אפילו לענין נישט געוואלט אז סטאלין זאל עם איבערנעמן צוליב דעם וואס ער האט אנערקענט אז ער איז א שרעקליכער אכזר אפילו לויט לענין'ס הארץ, לענין האט געהאלטן אז סטאלין פירערשאפט גייט אינטערברענגען קאמעניזים, קודם האט ער געהאלטן שטארק פון סטאלין אבער שפעטער זעננדיג אז סטאלין איז א פלענער פארברעכער און מערדער וואס טוט אלעס בלויז פאר זיך האט ער זיך פארקלערט אז סטאלין גייט עם נאר צוגרינד לייגן זיין גאנצער הארוואניע, און טאקע דארנאך וואס לענין איז געשטארבן האבן פילע שישקעס זיך ארום גענימען ארום טראצקי, אבער דער נחש סטאלין האט גיך געמאכט אן ענדע דערצו און ער האט אויסגעמארדעט אלע נאנטע פון לענין, ס'איז דא א קאמישער בילד וואו מ'זעט פילע פון לענין'ס נאנטע און די גרינדער פון קאמעניזים פירן די קערפער פון לענין זיי טויט צערעמאניע און אלע פון דארטן זענען געהארגעט געווארן דורך סטאלין.
טראצקי האט פראבירט צו פארמיידן אן עטליכער טויט איז ער אנטלאפן קיין מעקסיקא, אבער סטאלין'ס האנט איז אנגעקומען ביז אהין און ער האט פארארדענט א מארד אקציע אויף טראצקי. - how-did-leon-trotsky-die_1.jpg (13.8 KiB) געזען 1610 מאל
- אן אינטרעסאנטע בילד וואו מ'פירט לענין'ס קערפער נאך זיין טויט, אלע פון די טרעגערס האבן געטראפן זייער ענדע מיט א קויל אין קאפ, חוץ פון סטאלין, סטאלין איז דער וואס האלט די ערשטע די שטאנג אויפן רעכטער זייט.
א היטל האט ער א פיינער, וואו איך פארשטיי איז ער געווען גוט ווארעם ביי לענין'ס באגרעבעניש צערעמאניע...
- לעאן טראצקי ליגט א טויטער אין שפיטאל אין מעקסיקא נאכן געשאסן ווערן.
אט דעי מאן איז געווען די שטערקסעט וואפן פון די קאמעניסטן, ער איז געווען דער וואס האט אריין געברענגט צווישן די אלגעמיינער באפעלקערונג די געדאנק פון קאמעניזים, ער איז געווען די איינציגסטע וואס האט אזוי גוט געקענט פארשטיין געבן פאר די מאסן אז קאמעניזים איז וואס זיי ווילן, ער האט געהאט א צינגל איינס אין דער וואלט מיט וואס ער האט געוואשן די נארישער מוחות פון די קליינקעפיקע רויסישע פויערן, זיינע פארזאלונגען זענען געווען באגלייטעט מיט געפילדערייען און געשרייערייען פון עקסטאז וואס האט ממש קיינעם נישט איבער געלאזט א ריאיגער, ער האט אויפגעהייטערט דעם ציבור אויף א פארנעם וואס מ'זעט זעלטן און די צוהערער זענען ארויס פון זאל מיט האס און פיינטשאפט צו די גאנצע וועלט אחוץ פון די קאמעניסטישער געדאנקען גאנג,
ליידער איז ער געווען אן איד, און די אשמדי היטלער ימ''ש האט געניצט זיין נאמען צו אויפהעצן זיינע מאסן קעגן די אידן. - 2072d5e12299c2f803aeb7dfdf3a9a74.jpg (9.09 KiB) געזען 1595 מאל
- דער לאגענדארער ענגלישער פירער ווינסטן טשערטשיל, אינאיינעם מיט סטאלין און טרומען נאך די צווייטע וועלט מלחמה.
טשערטשיל איז געווען פיינע נייעס, ער איז געווען דער וואס האט פאראויסגעזאגט די צווייטע וועלט קריג אויב וועט מען נאכגעבן פאר דעם דעספאט היטלער ימ''ש, ער האט דאס געזאגט אין די פארלעמענט דערנאך וואס טשענבערלען (דאן די פריימיער פון ענגלאנג) האט אין א פאררעטערישער אקט צוגעשטימט צו היטלער'ס אנעקסירונגען אויף אנדערע לענדער, טשירטשיל האט געמאכט געוואלדעס אין שארף ארויס קעגן טשעמבערלען שרייענדיג אז דאס וואס ער האט געטאן גייט נאר געבן מער קאראזש פאר היטלערן צו איינעמען נאך און נאך לענדער.
ס'איז א געלעכטער צו זען די בילד וואו טשענבעלעין שטייט מיט די אינטערגעשריבענע פאפיר וואס דארט איז געשטאנען א שלום אפמאך מיט דייטשלאנד און די דייטשע גייען מער נישט איינעמען קיין לענדער און דאס וואס ער האט וועט ער בלייבן דערמיט,
טשענבערלעין האט זיך איינגערעד אז דאס וועט שטילן די רייץ פון היטלער און מיטן באקומען שטיקער פון טשעכיי גייט ער זיין צופרידן און נישט גיין ווייטער מיט זיין אגרעסיע,
ס'איז אינטרעסאנט וואס טשירטשיל האט דאן געשריגן אז און לאנדן גייען שטארבן 30 טויזענט מענטשן (בערך דעי נאמבער, איך געדענק נישט פינקטלעך) אויב גייט מען דאס נאכגעבן פאר היטלער און היטלער גייט גיין ווייטער האט ער געוואלט פארשטיין געבן אז ס'גייט ברענען שפעטער א ביטערער מלחמה אויב מ'געבט נאך פאר דעם דייטש, און וואו ס'האט זיך ארויס געשטעלט זענען אימגעקומען אין לאנדאן בערך אזוי פיל מענטשן וואס טשערטשיל האט פארגעזאגט.
וואס ס'האט צום סוף פאסירט דארף מען קיינעם נישט דערציילן, טשערטשיל איז געווען כשר גערעכט און די צווייטע וועלט מלחמה איז אריין אין פולן קראפט נישט לאנג דערנאך.
וואו אויך איז טשערטשיל געווען דער וואס האט זיך שטארק געבייזערט אויף רוזוועלט פארוואס ער געט אזוי פיל נאך פאר סטאלין ימ''ש, טשערטשיל האט געהאלטן אז די קאמעניסטישער געפאר קען זיין די זעלבע שווער וואו די דייטשע געפאר און וועגן דעם איז ער געווען שטארק אויפגעברויזט ווען רוזוועלט איז איינגעגאנגען צו לאזן סטאלין האלטן עטליכע לענדער נאכן קריג,
וואו אויך איז טשערטשיל געווען אויפגעברויזט אויף אייזענהאוווער פארן זיך אפשטעלן פאר בערליך און דאס לאזן פאר די רויטער ארמיי, טשערטשיל האט געוויסט אז דאס גייט זיין זייער א שטארקע מאראלישער זיך פאר רוסלאנד און דאס גייט זיי געבן מער מאכט אריינצוברענגען קאמעניזים אין די וועלט.
- כאפט א בליק אויף דעם אינטרעסאנטן בילד,
דאס איז וויאזוי סטאלין האט פראבירט צו מניפעלירן היסטאריע, ווען ער האט איינעם געהארגעט האט ער יענעם אויסגעמעקט פון אלע בילדער.
דעי בילד איז פון סטאלין מיט זיינע נאנסטע מענטשן און וויאזוי איינער נאכן צווייטן זענען באזייטיגט געווארן ביז ס'איז נאר געבליבן סטאלין אליין'ס.
-
שאהן הענניטי
- שר האלפיים
- תגובות: 2909
- זיך איינגעשריבן אום: פרייטאג יוני 15, 2012 12:07 pm
- דאס איז א בילד פון ''איוואן דער גרויזאמער'' און ענגליש ''אייווען די טעריבל''.
אט דעי מענטש איז פארעכענט אלס איינער פון די גרעסטע מאסן מערדער'ס אין אלע צייטן.
צו פארשטיין עטוואס די היסטאריע פון רוסלאנד און וויאזוי זייערע פירער זענען געווארן די גרעסטע רוצחים דארף מען כאפן א בליק אויף צוריק און זען ווער ס'האט אויסגעטרעטן די וועג פאר זיי און ווער ס'האט זיי געגעבן די גרינע פאס צו פארוואנדלען רוסלאנד אלץ איינער פון די בליטיגסטע ערד אויפן וועלט.
וואו פארשטענדליך האט זיך מארד פון פירער נישט אנגעהויבן ביי ''איוואן דער גרויזאמער'' בעפאר עם איז שוין געווען שרעקליכער מערדער'ס וואס האבן געראצכעט אן קיין רחמנות, אבער דער איוואן האט אריינגעברענגט א פרישער דערהער אין רציחה, ער איז געווען א מערדער וואס די וועלט האט ממש נישט געזען בעפאר, ער האט געהאט א הנאה צו זען וואו מענטשן וואלגערן זיך אין זייערע אייגענע בליט,
ביי עם איז א גוטער טאג געווען ווען ער האט געהאט א פיינער פארציע מענטשן וועם ער האט פארפיינוגט צום טויט מיט א לאנגזאמער טויט,
ער פלעגט זיין ממש וואו ארדיקטעט צו הארגענען מענטשן, ס'איז עם געווען די גרעסטע הנאה צו זען מענשטן קרעכצן פאר ווייטאג,
ביי עם איז עס געווען א מאס, ער האט פארלאנגט פון זיינע חברה אז ציפער פון מענשטן וואס זיי זאלן עם צושטעלן א יעדער איינציגער טאג און מיט דעי מענטשן האט ער זיך אינטער געהאלטן דורך אויס דעם טאג, ער האט געשניטן פון זיי לעבעדיגע איברים און זיך צוגעקוקט מיט א סאדיסטישער שמייכל וואו יענער שרייט אין ווייטאג, דאס איז נישט קיין ווערטל, ער האט א יעדער איינציגער טאג אויסגעמארדעט הינדרעטער מענטשן פאר זיין בלויזער הנאה,
און נישט אבי געמארדעט נאר מיט שרעקליכער מעטאדן, ער פלעגט אריין ווארפן זיינע קורבנות און ריזיגע טעפ אנגעפילט מיט ברענעדיגע אויל, אויך פלעגט ער האבן א שטארקע הנאה אריין צו שטעכן אדורך און אדורך זיינע קורבנות קערפער און זיך דאן אוועק געזעצט מיט האלטן וואו יענער גייט אויס א לאנגזאמער טויט, די ווייטאג געשרייערייען זענען געווען פאר עם וואו פרייליכער מוזיק, ער האט ממש געהאט א פלעזשער זיך צו ווארפן אויף זיינע קורבנות און שניידן פון זיי שטיקער לעבעדיגערהייט, בעת וואס ער שרייט א הנאה ברימערייען און זיינע צייטער דריקן זיך איינער אויף די צווייטע.
זיין אייגענע זין האט ער אליינס דערמארדעט מיט א שרעקליכער טויט, ער פלעגט האבן א גאנצער קעלער פון אינסטרעמענטן וואו דארט האט ער אויסגעפירט זיינע בורטאלער הינריכטונגען, און ניין, נישט פאר קיין פארברעכער האט ער דאס געטאן וואס דאן איז דאס אויך נישט בארעכטיגט, און אויך האט ער אפילו נישט באשילדיגט זיינע קורבנות אויף עפעס א פארברעכן, ס'איז פשוט געווען זיין טעגליכער פארציע און ספארט.
ער פלעגט דארט אין יענע פינסטערע קעלערן לייגן זיינע קורבנות העכער פייערן און זיך צו געקוקט וואו יענער ווערט אפגעבאקן פון די היץ בעת וואס פון צייט צו צייט כאפט איוואן אריין אין מויל א גלעזל וויין אדער א פיין שטיקל געבאטענס.
ס'איז באקאנט אז ער האט אויבגעמארטעט גאנצעטע שטעט און דאס פארברענט ביזן אפגרינט, יא מערדערייען איז טאקע נישט געווען א חידוש אין אייראפע אדער בכלל פאר קעניגרייכן, אבער איוואן האט דאס גענומען אויף גאר ווייטע שטאפלען און אריינגעברענגט רוסלאנד און איר גאר בליטיגער אפאכע, נישט קיין וואונדער אז אין דעם לאנד און יענע רויטער וועלט טייל איז ארויסגעוואקסן דער וועלטס גרעסטער מערדער סטאלין ימ''ש. - MTE1ODA0OTcxNjY5NjIwMjM3.jpg (21.05 KiB) געזען 1401 מאל
