א נקמה אין מיין מלמד

[הילולא דצדיקיא]

טייערע פריינד, שטייענדיג אין די טעג פון פאר פורים האב איך זיך דערמאנט א מעשה וואס כ'האב געהערט פונעם רב אליין, (א אמת'ע מעשה, נאר די נעמען און פרטים מזהים איז פארטוישט), האב איך דא ארויפגעשטעלט דער עולם זאל הנאה האבן.
האט פארציילט א באקאנטער אנגענומענער רב שליט"א, אז ער איז אמאל געווען נאך געלט ביי א געוויסן עושר אין בני ברק, און דער עושר האט איהם זייער ווארים אנטפאנגען, אזוי שמועס'נדיג פרעגט איהם דער עושר אויס אביסל אויף וואס ער גייט, נאכ'ן אויספרעגן ציעט דער עושר ארויס זיין בערזל, און ציילט אפ א סכום הגון ביותר, דער רב שטייט געפלעפלט אזא סומע האט ער זיך נישט גערישט צו באקומען אפי' נאכ'ן וויינען מיט קארקידאל טרערן ביים עושר ווי א גזלן, און דא באקומט ער דאס אויף א גאלדענעם טאץ, פערגט דער רב דעם עושר, איך מעג פרעגן וואס די נדיבות הלב דיינער איז? זאגט איהם דער עושר, אוודאי מעגסטו פרעגן, און איך וועל דיר זאגן
אין מיין יוגנד האב איך געהאט א מלמד א רשע מרושע א בלוט דארשטיגער, וואס פלעגט רייסן שטיקער פון אונז קינדער, איינמאל האט ער מיר אנגעהאקט די זייטן, און דערביי געשריגן ווי א וואנזיניגער, דו שלעכטער וואס דו ביסט, זיי וויסן אז ווען דו וועסט זיין גרויס וועט כלל ישראל ליידן פון דיר, דו וועסט זיין קארג ווי די נאכט (נ.ב. כ'האב נישט געוויסט אז די נאכט איז קארג), און אז עניים ואביונים וועלן קלאפן ביי דיין טיר, וועסטו זיך ענדזשויען צו שטיין ביי די פענסטער און זעהן ווי די חברה קלאפן דארט בכליון עיניים און גייען אויס, די בלוט זויפער וואס דו גייסט זיין , א פייאסטער וועט מען פון דיר נישט קענען ארויסשלעפן.
וואס זאל איך אייך זאגן געהערטער רב, פירט אויס דער עושר, די ווערטער שטעכן מיר נאך ביז היינט, און ווען ס'קומט צו מיר א נצרך, געב איך א ציה ארויס דעם בערזל און איך געב אהין וויפיל איך קען נאר, און איך זאג דא האסטו רבי א נקמה אין דיר פלאצן זאלסטו!!!!

[size=85]האט דער רב איהם געזאגט, איך מיין אז למעשה האט דיין רבי א גרויסע עליה אויבן אין הימעל, אז צוליב איהם פארטיילסטו אזוי פיל געלט.[/size]

[חרוזים]

איך דארף די אדרעס אויף פורים

[בעמבא]

אטש! דאס מיינט אז די סייד עפעקטס פון די פעטש איז נאך יעצט אין פילן שוואנג!

[ידיד]

גוטע מעשה.

כ'האב א חבר וואס דער מלמד פלעגט אים אלעמאל זאגן "דו וועסט אויסוואקסן א טראק דרייווער!" אוי האט ער היינט א נקמה אינעם מלמד. ער דרייווט א טרעקטאר טרעילאר...

[חרוזים]

מיין מלמד האט מיר געזאגט
דו וועסט שוין קיין ת"ח נישט אויסוואקסן,
איך פלאג מיך נאך יעצט איהם אפצופרעגן, אבער ליידער דערווייל איז ער נאך גערעכט

[קמח]

הרב הילולא, א שיינע מעשה, און נאך מער א ציפעדיגע מעשה, (א איד א נגיד איך שטעל מיך פאר כאטש א בן ארבעים לבינה, און ס'טוהט איהם נאך אזוי שטארק וויי),

נאר איך זעה אז דער עיקר האסטו געמאכט קליין

[להודיע]

אריין אין פארברענגען

[יידישע קהילות]

מיז זיין א אמת'ע מעשה, אויב וואלט עס געווען אויפגעמאכט וואלט דער אויספיר געווען "דער משולח איז געווען דער מלמד אליינס..."

[יש דברים בגו]

ס'איז באקאנט די מעשה מיט די משגיח אין ישיבה וואס האט געשריגן אויף א בחור "די ע'סט קיינמאל נישט קענען חתונה האבן"!
אוי האט ער געהאט א נקמה אינ'ם משגיח, ער האט חתונה געהאט "פיר מאל"!

[פארשוין]

איז די רב נישט געווען פערצופאל זיין אלטע רבי ??

[הילולא דצדיקיא]

ווען איך מאך די מעשה, וואלט אפשר אזוי געווען
אבער למעשה, דער רב איז יונגער פונעם נגיד מיט כאטש 10 יאר לכה"פ

[הילולא דצדיקיא]

ס'איז באקאנט די מעשה מיט די משגיח אין ישיבה וואס האט געשריגן אויף א בחור "די ע'סט קיינמאל נישט קענען חתונה האבן"!
אוי האט ער געהאט א נקמה אינ'ם משגיח, ער האט חתונה געהאט "פיר מאל"!

מביא גאולה לעולם בשם יארמא רב
(אגב די מעשה איז א מעשה שהי', כמה וכמה פעמים)

[הילולא דצדיקיא]

הרב הילולא, א שיינע מעשה, און נאך מער א ציפעדיגע מעשה, (א איד א נגיד איך שטעל מיך פאר כאטש א בן ארבעים לבינה, און ס'טוהט איהם נאך אזוי שטארק וויי),

נאר איך זעה אז דער עיקר האסטו געמאכט קליין

נישט וויכטיג לתועלת המעשה