יאנקעלע קליגער האט געשריבן:איך ווייס נישט פארוואס
אבער קיין איינס פון די העדליינס ברענגט נישט ארויס ריכטיג וואס דער עולם האט געשפירט יענעם טאג
נאך איינער האלט אזוי?
כהאב שוין דעמאלטס געקלערט אזוי, דעמאלטס איינמאל איז עכט געווען דער מציאות פון "ס'איז נישט מעגליך אין די ראמען פון א צייטונג צו שילדערן.." די פענע איז באמת געווען רוי צו ארויסברענגען די טראגעדיע.
גראדע די איזראעלי צייטונגען זענען נאך דאס בעסטע, דער מעריב קעפל און דער ידיעות זענען גאנץ אויפרייסעריש, און ווער געדענקט דען נישט דער בלאט פראנט קאווער 'אמעריקע אונטער טעראר'... (איין ארטיקל געדענק איך האט מיר דעמאלטס זייער באנומען אין דער בלאט, מיט'ן קעפל בערך 'רבי אמיתי בן רבי שפטיה באוויינט דעם חורבן', סהאט ארויסגעברענגט דעם צושטעל ווי צובראכן אמעריקע איז פון דעם דורכפאל און עס צוגעשטעלט צום בראותי כל עיר על תילה בנויה ועיר אלקים מושפלת עד שאול תחתיה'.)
נאך איין קלייניגקייט וואס איז אינטערסאנט צו נאטירן, אז געווענליך זענען אונז אידן נישט אינוואלווד אין די נייעס, און מיר הערן נאר דערוועגן פון דערווייטנס, ביי די ניין עלעווען אבער האט א ניינציג פראצענט פונעם וויליאמסבורגער אידנטום לעבעדיג מיטגעהאלטן די סצענעס, וואס וועט טאקע נישט ארויסגיין פון זכרון, כ'געדענק די שרעק ווען די ערשטע בילדונג האט זיך צאמגעלייגט מיט א זעץ, און כהאב פשוט געווארט צו זען ווען די צווייטע וועט זיך צאמלייגן... א פחד.