3 בחורים פארכאפט אין חברון - השקפה

[א איד אין גלות]

עס איז זייער שווער צו רעדן אין אזא מצב ווען אידישע קינדער זענען שרוי בצער, בפרט אומשולדיגע קינדער וואס לכאורה לא טעמי טעם חטא.

דארף מען אין אזא צייט אויך געדענקן במה דברים אמורים, עס רעדט זיך דא פון די קהילה אין חברון ווי עס גייט דארט איעדע טאג אומרוען, ניין נאר נישט טערראריסטן וואס טערראריזירן די אומשולדיגע מתנחלישע איינוואונער, עס זענען די ראדיקאלע מתנחלים וואס רייצן אויף דעם בער איעדן טאג מיט עפעס אנדערש, די תג מחיר פארטיי וואס איז טאקע באשאפן געווארן אין חברון.

איינמאל צינדן זיי אונטער גאנצעטע זיתים פעלדער, א אנדערע מאל צינדן זיי אונטער מעטשעטן, א דריטע מאל באפאלן זיי פאלעסטינע יונגנטליכע, בקיצור די מקור ההתגרות קומט פאר אין חברון זעלבסט.

די פראבלעם איז נאך עפעס, ווען די אלע געוואלטאטן פארסירן, ווערן זיי נישט קיין נייעס ביי אונזערע היימישע אוטלעטן, די נייעסלך באלאנגן דאך פאר אנטיסעמיטן וואס זיכן צו זעהן נאר שווארץ אויף די מדינה, וגם אני בתוכם, ווען איך זעה די נייעסלך קימער איך מיך גאר ווייניג, הלמאי, בין איך עפעס א אראבער ליעב האבער?

אבער לאידך גיסא דארפן מיר מאכן א חשבון הנפש, און אנקוקן די בילד פון אנהייב, ניין נישט פון 67 מלחמה, סאיז גענוג צוריקצוקוקן 4 וואכן, די שיינע הדלקה וואס די מתנחלים האבן דורכגעפיערט אין חברון, אפגעברענט גאנצעטע שטיקער פון פאלעסטינער פארמעגן, מאנכע צייטונגן אין די מדינה האבן עס פארצייכנט ווי א פאגראם במלוא מובן המילה.

נאכאמאל איך וויל נאכאמאל קלאר מאכן , די בחורים זענען אינגאנצן אומשולדיג, זיי זענען נעבעך א קרבן צווישן די רוצחישע אראבער און נישט ווייניגער רוצחישע מתנחלים, וואס שטעלן זיך און זייערע פרויען&קינדער און גאנץ כלל ישראל אין א סכנה.

פארגעסן צו דערמאנן, אין חברון איז דא אין די נייעס איעדע פאר וואכן א אנדער טויטער פון די אראבער , די נייעסלך פארדעקט מען אויך פון אונז, לכאורה זיי זענען זיך די אראבער אליין שולדיג, אבער ווען די צד שכנגד זענען אויך ראדיקאלן זענען ביידע שולדיג.

איך ווייס איך גיי דא באפאלן ווערן ווי א אראבישע אנטיסעמיט, אדער אומווייניגסטנס א נטורי קרתא שטיצער, אבער מיר אינעם וועלטל זענען העכער פון דעם , דא אטאקירט מען נישט די מעסענזשער, דא רעדט נאר פונעם נושא לכאן ולכאן , בעט איך זייער שטארק אז מען זאל זיך האלטן צו די נושא , אפילו סאיז זייער האקל.

[זעקסטע_הקפה]

עס איז זייער שווער צו רעדן אין אזא מצב ווען אידישע קינדער זענען שרוי בצער, בפרט אומשולדיגע קינדער וואס לכאורה לא טעמי טעם חטא.

נאכאמאל איך וויל נאכאמאל קלאר מאכן , די בחורים זענען אינגאנצן אומשולדיג, זיי זענען נעבעך א קרבן צווישן די רוצחישע אראבער און נישט ווייניגער רוצחישע מתנחלים, וואס שטעלן זיך און זייערע פרויען&קינדער און גאנץ כלל ישראל אין א סכנה.

איך ווייס איך גיי דא באפאלן ווערן ווי א אראבישע אנטיסעמיט, אדער אומווייניגסטנס א נטורי קרתא שטיצער, אבער מיר אינעם וועלטל זענען העכער פון דעם , דא אטאקירט מען נישט די מעסענזשער, דא רעדט נאר פונעם נושא לכאן ולכאן , בעט איך זייער שטארק אז מען זאל זיך האלטן צו די נושא , אפילו סאיז זייער האקל.

חלילה צו באפאלן עמיצן פאר'ן זאגן זיין מיינונג. איך וואונדער זיך נאר וואס דיין רעאקציע וואלט געווען אויב די געשיכטע וואלט פאסירט מיט א היימישער ישיבה אין וויליאמסבורג, פון וואו היספאנישע וואלטן - נישט פארכאפט, נאר אנגעקלאפט די ביינער פאר דריי בחורים נאך חדשים וואס די בחורים רייצן זיך מיט זיי.

מעסעדזש? מעסענדזשער? וואלט דעמאלט אויך געווען אזא תגובה אז "ס'איז זייער שווער צו רעדן ... אבער"?

זאל דער אויבערשטער אויסלייזן אלע אידן וואס זענען נעבעך אין גלות הדעת. אמן.

[מחותן]

א איד אין גלות.

זעלטען א תגובה אזוי נישט אין פלאטץ, טראץ אלע דיינע הקדמות און פארענטעפרן באלאנגט נישט דיין תגובה, דריי אידן זענענן אויף צרות אויב דו קענסט נישט העלפן גיי זאג תהילים נישט קריטעקיר,

[מי יודע]

עס איז זייער שווער צו רעדן אין אזא מצב ווען אידישע קינדער זענען שרוי בצער, בפרט אומשולדיגע קינדער וואס לכאורה לא טעמי טעם חטא.

נאכאמאל איך וויל נאכאמאל קלאר מאכן , די בחורים זענען אינגאנצן אומשולדיג, זיי זענען נעבעך א קרבן צווישן די רוצחישע אראבער און נישט ווייניגער רוצחישע מתנחלים, וואס שטעלן זיך און זייערע פרויען&קינדער און גאנץ כלל ישראל אין א סכנה.

איך ווייס איך גיי דא באפאלן ווערן ווי א אראבישע אנטיסעמיט, אדער אומווייניגסטנס א נטורי קרתא שטיצער, אבער מיר אינעם וועלטל זענען העכער פון דעם , דא אטאקירט מען נישט די מעסענזשער, דא רעדט נאר פונעם נושא לכאן ולכאן , בעט איך זייער שטארק אז מען זאל זיך האלטן צו די נושא , אפילו סאיז זייער האקל.

חלילה צו באפאלן עמיצן פאר'ן זאגן זיין מיינונג. איך וואונדער זיך נאר וואס דיין רעאקציע וואלט געווען אויב די געשיכטע וואלט פאסירט מיט א היימישער ישיבה אין וויליאמסבורג, פון וואו היספאנישע וואלטן - נישט פארכאפט, נאר אנגעקלאפט די ביינער פאר דריי בחורים נאך חדשים וואס די בחורים רייצן זיך מיט זיי.

מעסעדזש? מעסענדזשער? וואלט דעמאלט אויך געווען אזא תגובה אז "ס'איז זייער שווער צו רעדן ... אבער"?

זאל דער אויבערשטער אויסלייזן אלע אידן וואס זענען נעבעך אין גלות הדעת. אמן.

א איד אין גלות זאגט נישט אזוי שלעכט, די שאלה איז נאר אויב די תגובה איז יעצט אין פלאץ
אבער 'זעקסטע הקפה', די זעלבע וואלט געווען, ווען 3 בחורים פון א היימישע ישיבה אין ווילמס"ב רייצן זיך מיט שכנים, און מען קלאפט זיי אן די ביינער, קען איינער שרייען אנטיסעמיטיזם? האסט דאך עס בידים געברענגט אויף דיר

אקעי צוריק צום נושא, כ'מיין צום תהלים'ל

[קליינקעפיק]

RT@ מי יודע

[אַבּערוואַס]

RT@ מי יודע

[א איד אין גלות]

RT@ מי יודע

[derech eretz]

א איד אין גלות.

זעלטען א תגובה אזוי נישט אין פלאטץ, טראץ אלע דיינע הקדמות און פארענטעפרן באלאנגט נישט דיין תגובה, דריי אידן זענענן אויף צרות אויב דו קענסט נישט העלפן גיי זאג תהילים נישט קריטעקיר,

[מי חכם]

למעשה האט דאס נישט קיין שום שייכות מיט מתנחלים, תג מחיר, אדער סיי וועלכע ספעציעלע התגרות באומות.

עס איז א געהעריגע אויספלאנירטע טעראר אטאקע מצד א עליטע בריגאדע אין די פאלעסטינער ארמיי, באקאנט מיטן נאמען "איסלאמיק זשיהאד". די סיבות און חשבונות קענען זיין פילצאליגע, הן כלפי פנים פאלעסטינע און הן כלפי חוץ.

צו זייער שווארץ מזל האבן זיי פארכאפט א אמעריקאנער בירגער אויך. דאס איז נישט א זאך וואס זיי זוכן, צו האבן צו טון מיט אמעריקע, סאו זיי זענען יעצט אומפארהאפט פארכאפט אין א שווערע סיטואציע.

דער אייבישטער זאל האלטן די רעכטע האנט און זיי צוריק אהיים ברענגען בשלום.

[זאכליך]

RT@ מי יודע

ס'איז א גרויסע צרה און ס'איז קיין צייט צו באשילדיגן אבער ווען די צייט איז, איז גלית איד גערעכט.

[zookeeper]

וואס כאפט עס א חילוק וועלכע יוד ער איז.
פיקוח נפש!!

וואס קומט אריין דא סאטמרי אדער מתנחל???

[אריין געטראכט]

די אייבשטער זאל האלטען די רעכטע האנט אין זיי אויס לייזען בקרוב,
אין בנוגע די ענין וואס גלות איד האט ארויף געברענגט, די ביזט הייליג גערעכט, אין אזוי אנדרע פרעגען דיך וואס קומט עס דא אריין, 3 אידען זענען ליידיער אין א צרה פאר וואס דארף מען עס דא ארויף ברענגען ?
מיין תירוץ אויף דעם איז, סתם א גרינעם טאג וויל קיינער דיך עס נישט אויס הערען, ס'איז קיינעם נישט נוגע, אבער ליידער ווען עס מאכט זיך אזא מעשה איז א חיוב עס ארויף צו ברענגען זאל מען וויסען ווער איז די צינדער אין ווער די לעשער, טאגע דווקא אין אזא צייט דארף מען ארויס ברענגען ווער איז די גורם אויף די זאכען, עס איז דא לייגער גאנצע מחנות מיט כופרים וואס זענען מפקיר אומשילודגע קינדער אין די הענט פין רוצחים, אין ווען די רוצחים טוען וואס זיי טוען ליידער, טאר מען נישט רעדען וועגען עס איז א עת צרה.

[אַבּערוואַס]

האסט גאר גוט "אריינגעטראכט", אבער מ'קען נאכאלץ פארשטיין אז ס'באלאנגט נישט אין דעם אשכול ווי מ'רעדט פין די עצם טראגעדיע.

אפשר דאס אויסשמועסן אין א באזונדערע אשכול?

[אריין געטראכט]

מיט דעם ביזטו גערעכט אז עס קומט אפשר נישט דא ביי די נייעס, אבער מען האט עם אפגעפאטאשט אז מען טאר יעצט נישט אזוי רעדען, האב איך געזאגט מיין חוות דעת העני אז מען דארף יא,
אויב די ווילסט עפן א אשכול ביי השקפה אפטיילנוג אין מעמיר ווייטער גיין דארט

[דארפסמאן]

א איד אין גלות : חזק ואמץ, אזוי דארף א יוד און גלות רעדן, און דער עיקר פיר אויס אז מיר זענען און גלות און מען דארף אכטונג געבען ווי אזוי מען פירט זיך מיט א גוי אפילו דער גוי האט שלעכטס געטיען

זאל דער אייבישטער העלפן אז מיר זאלען שוין בקרוב אויסגעלייסט ווערן ברוב רחמיו וחסדיו בב"א

[הלשון]

אינטרעסאנט ווען עפעס געשעהט חלילה אין ניו יארק, טאנצט מען נישט גלייך אויף אנצוצייגן וואס איז די גורם (לדוגמא: מחלוקת, שנאת חנם, ערכאות וכו'), אבער ווען עפעס פאסירט אין חברון ווייסט מען באלד ווער זענען די צינדער און ווער זענען די לעשער...

א איד אין גלות דארף וויסן אז ווען עפעס פאסירט מיינט מען איהם, און נישט יענעם...
----------
לכו נרננה לד'...

[שטארק זיך]

איד אין גלות,

דו דערמאנסט מיך פון א געוויסע העדליין עטליכע חדשים צוריק אין די new York post

[מחותן]

WOW... צום פינטעל, און ציפעדיג...

[אסותא]

WOW... צום פינטעל, און ציפעדיג...

זיי האבן אויך געזינגען אז ''אודאי האבן מיר רחמנות, עס איז נאר גוט אמאל אויסצושמועסן דעם אמת...

[אסותא]

איך האב געזען אמאל ווי אין שול הענגט א 'זקוק לרחמי שמים' צעטל פאר א איד וואס האט זיך נעבעך געוואקעלט בין חיים למות, און אינדערהיים האט ער נאך פארמאגט עטליכע קינדער, קומט צו א יונג בחור'ל וואס האט געוויסט אס דער איד פלעגט רייכערן, און האט צוגעשריבן אין גרויסע אותיות 'NO SMOKING' , און אוועקשפאצירט. איך האב געפילט ווי איך וויל אויפפאטשען דעם טראטשאק ווי א קישן!!!! איך פיל עס יעצט נאכאמאל.

[אוהב ספרים]

סתם לידיעתך, איינער פון די דריי וואינט אין אלעד בכלל נישט קיין התנחלות

[יוסף שרייבער]

רח''ל ווי פארטעמפט טייל מענטשן זענען

[זאכליך]

איך האב געזען אמאל ווי אין שול הענגט א 'זקוק לרחמי שמים' צעטל פאר א איד וואס האט זיך נעבעך געוואקעלט בין חיים למות, און אינדערהיים האט ער נאך פארמאגט עטליכע קינדער, קומט צו א יונג בחור'ל וואס האט געוויסט אס דער איד פלעגט רייכערן, און האט צוגעשריבן אין גרויסע אותיות 'NO SMOKING' , און אוועקשפאצירט. איך האב געפילט ווי איך וויל אויפפאטשען דעם טראטשאק ווי א קישן!!!! איך פיל עס יעצט נאכאמאל.

דיין משל איז נישט אינגאנצן דומה לנמשל, ביי די משל האט די אינג בחור'ל באשילדיגט דעם קראנקן אז ער איז זיך "אליין" שולדיג, משא"כ דא זאגט מען נישט אז די בחורים זענען אליין שולדיג. ודו"ק.

[מר. גרין]

רח''ל ווי פארטעמפט טייל מענטשן זענען

ליידער ביסטו גערעכט
עס איז א בושה וחרפה צוצוקוקען ויאזוי געוויסע רעאגירן מיט אזא מאס רשעות אינטערן שלייער פון ווערן אנגערופען "חרידי'שע אידן"
אזויפיל איז זיכער "אז ווען דער אהבת ישראל פלעגט גיין העלפן א איד האט ער נישט געקוקט אויף וואספארא סארט קאפעל דער איד גייט.
וועט מיר איינער פרעגן- וואס גייט דיך אן פון אפאר חברה וואס זיי זאגן?!- די תירוץ דערויף איז, אז עס ווייזט אז זייער אסאך מענטשן זענען נישט באקאנט מיט די יסודות פון אידישקייט און עס הערשט א חיסרון ידיעה אין די נושא פון השקפה.
אזוי אויך זעהט מען פון דעם אז מען הערט היינט צוטאגס צו ווייניג סיפורי צדיקים פון די אמאליגע רבי'ס.

[מי יודע]

אינטרעסאנט ווען עפעס געשעהט חלילה אין ניו יארק, טאנצט מען נישט גלייך אויף אנצוצייגן וואס איז די גורם (לדוגמא: מחלוקת, שנאת חנם, ערכאות וכו'), אבער ווען עפעס פאסירט אין חברון ווייסט מען באלד ווער זענען די צינדער און ווער זענען די לעשער...

א איד אין גלות דארף וויסן אז ווען עפעס פאסירט מיינט מען איהם, און נישט יענעם...
----------
לכו נרננה לד'...

די סארט מענטשן וואס רעדן יעצט אזוי רעדן דעמאלטס אויך פון דעם וכו'

לאז מיר נאר דערמאנען דעם ווארט פונעם רבין ז"ל הדברי יואל, לבי לבי על חלליהם, די רבי איז נאך געווען אזא קנאי ווי ענק