איך בעט אז מען זאל עס נישט ארומטראגן אין די גאסן ווייל געוויסע יחידים המשתלטים על הציבור וועלן פרובירן מיט אלע מיטלען דאס צו שטערן, דא טראסט איך יעדעם אז דא געפונען זיך נישט די סארט שלעכטע מענטשן, און שוין
פארוואס דער פלאן איז מיר בייגעפאלן אין מקוה ווייס איך נאכנישט, איך טראכט יעצט בשעת'ן שרייבן און איך קען מיך נישט דערמאנען פון וואס איך האב געטראכט פארדעם, פאר צוויי סיבות, איינס וואס איך האב שוין געשריבן אויבן אז איינער האט מיך געשטערט אינדערמיט מיט א קשיא צו די האנטוך איז מיינס אדער ער קענעס נוצן אפצו ווישן זיינע קאלאטשן, און די צווייטע ווייל איך געדענק פלעין נישט
הקיצור איך וויל נישט מאריך אף זיין, איך וועל עס שרייבן גאר אין קורצן און ווער עס וויל קען עס בעסער ארויסברענגען, מיין פלאן איז אז יעדער איינער זאל אויפהערן צו צאלן די געשוואלענע רענט פרייזן! יעדער טייטשט י-ע-ד-ע-ר, מען זאל אויפנעמען א קאמיטע וואס זאל אפשאצן דעם מצב און אפמאכן וויפיל מען דארף צאלן און זע הוא, דאס באקומט דער לענדלארד, קיין פרוטה נישט מער
מען ברויך זיך אראפזעצן מיט די רבנים, זיי זאלן ארויסגעבן א קול קורא במדבר אז מען טאר נישט צאלן מער ווי די באשטימטע פרייז פער סקווערע פוס וואס די קאמיטע וועט אפמאכן, אויב יעדער איינער וועט דאס אויספאלגן דארף מען נישט קיין נייע שטעטלעך און הצלה וועט האבן אפאר פאציענטן ווייניגער, די הצלה אינגעלייט וועלן זיין מער פראדאקטיוו ביי די ארבעט ווייל זיי גייען זיך אויסרוען יעדע נאכט (כמעט, חוץ ביי א שמחה), מען וועט מאכן ווייניגער טיי אווענטס און מען וועט ממילא נישט ברויכן די שיינע נתינות פונעם לענדלארד, אינגעלייט וועלן קענען אוועקלייגן געלט צו חתונה מאכן די קינדער, די צייטונגען וועלן נישט דארפן אויסגעבן אזויפיל געלט פאר טינט צו דריקן בריוון וועגן דעם דירות קריזיס, די אייוועלט סערווערס וועלן אפאטעמען פון די תגובות אויף דעם ענין, אנשטאט וועלן זיי שמייכלען פון די הומאריסטישע ארטיקלען פון די צופרידענע טענעטס, כמעט א עולם התיקון
איך גלייב אז די הלכה חלק איז אויך נישט קיין פראבלעם, קודם ווייל הגונב מן הגנב פטור, און נאכדעם ווייל מען טאר נישט צוהעלפן א איד זאל זיין א מייקר השער, און א זנב ברשות התורה וכו' וכו'
כלנו למערכה!!! וויליאמסבורג פרילינג 2014!!!
