מיין בין הזמנים ווערטער ביך...
געשריבן: מאנטאג מארטש 11, 2013 1:07 am
אזוי ווי בין הזמנים איז אט אט אונטערן טיר, און ווי נישט ווי דערקענט זיך עס שוין אין די בתי מדרשים, ווי די בחורי חמד וואס הארעווען על התורה והעבודה א גאנץ יאר, דזשוכענען זיך אויס זייער נערווען אויף מיין חשבון. האב איך מחליט געווען אז דעס יאר גיי איך כאטש אזויפיל בענעפעטירן, אז די אלע ניי געשאפענע טערמינען וואס ווערט געשאפן בין ספסלי הישיבה זאל צו מיר אויך אנקומען.
פאלגענד איז א שמועס וואס איך האב היינט (במזיד...) אינטערגעהערט צווישן צוויי טאטערס;
וואס טוט זיך לאנדא?
אה! גוט מארגן (11:30 פארטאגס) וואס זאגסטו באנדא?
באנדא; האסט געהערט אז געצי איז א חתן!
לאנדא; ניין! כ'האב פון גארנישט געהערט! מיט וועמען? דאס איז הייסע נייעס! קענסט מיר נישט שיקן א נאר'ישן טעקסט?!
ב; טוה מיר א טובה מאך דיר נישט תמ'עואטע!
ל; דו מיינסט אז איך האב נישט וואס בעסער וואס צו טוהן?! כ'האב פון גארנישט געהערט! ווער איז זיין מחותן?
ב; קענסט פרידמאן פון דריי און פופציג?
ל; יא! מיט זיין טאכטער?
ב; ניין, מיט זיין ברידער'ס א טאכטער!
ל; וועלכע ברידער, דער וואס זיצט אין ספינקא מקוה?
ב; יא יא!
ל; וואו! דו הרג'סט מיר!
ב; וואס איז?
ל; שוין, גארנישט! איך מיז אפגאפלען פון דא! טוה מיר א טובה און גאפל אפ!
(כאילו אונזער קטן שלא הגיע לחינוך איז מורא'דיג פארנומען... אינטערעסאנט אז א שעה שפעטער האב איך אים נאך געזען בייסען א האט קאפ...)
א ס"ה פון דעם קורצן שמועס = דריי נייע ווערטער אין מיין ווערטער ביך;
1) "הייסע נייעס" - איך האב געוויסט אז עס איז דא ברעכענדיגע נייעס, אבער הייסע נייעס?! וואס איז דאס פאר א גוט יאר?! וואס איז ווען דער נייעס ווערט באפאלן פון א שניי אינמיטען וועג... ווערט ער קאלטע נייעס? איז דא אזא מין מאכל בן דורסאי'דיגע געקאכטע נייעס?
2) "נאר'ישן טעקסט" - דאס איז שוין א העכסט סייענטיפישע אויסטרעף, וואס נאר א גמרא קעפל קען לכאורה צו קומען צו אזא מסקנה. איר הערט וואס גייט פאר?! איר האט דאך אלטס געמיינט אז אונטערן טעקסט איז אוודאי באהאלטן טיפע חכמה! איך האב פאר אייך (הייסע) נייעס! זעצט אייך אראפ... אטעמט אריין טיף... גרייט?!
דער טעקסט איז גארנישט מיט נישט! עס האט נישט קיין ברעקל חכמה!
איך כאפ נאכנישט פונקטליך די עמקות הדברים, אבער אין מיין קליין קעפל זענען שוין דורך געלאפען א גאנצע רייע חידושים וואס שאפט זיך פון דעם געוואלדיגן סייענטיפישן דורעכברוך. ער איז נישט קיין בר חיובא, ער קען נישט בלאזן קיין שופר, טרינקן ד' כוסות, עסן די כזיתים, שעפן מים שלנו, ועוד ועוד ואי אפשר לפרטם כי רבים הם! דאס איז אבער יא זייער וויכטיג צו באטאנען; פון היינט און ווייטער טרעפט אייך אנדערע ביזנעס קאנסאלטענטס!
3) "אפגאפלען" - דאס שטאמט לכאורה פונעם שורש גאפל. יא יא! דער אומשולדיגער גאפל וואס פיטערט אזוי געטריי די מענטשהייט. האט צו באקומען א פרישער דזשאב! ער גאפלט אוועק מענטשן -וואס זענען זייער פאריאגט און האבן נישט קיין צייט צו ערלעדיגן וואס זיי האבן אויף זייער קעפל- צו זייער דעסטענאציע וואו זיי ברויכן וויכטיג אנקומען!
אוי בין הזמנים זיסער! ווען עס איז ווען בידי גאפל איך דיר אוועק ערגעץ ווייט ווייט, צו א פלאץ וואו די קענסט רוהיג איבערדרייען און פירן מקוה קיפקעס ביז זייגער צוואנציג, און עסן פת שחרית -טאנא סענדיוטשיעס אום זיבענער אווענט!
שוין, לאמיר זיך אפשטעלען ווייל דאס בליט שטורעמט מיר אויף פון דעם בין הזמנים! און פארגעסט נישט;
עס האט זיך נאכנישט אנגעפאנגען...
פאלגענד איז א שמועס וואס איך האב היינט (במזיד...) אינטערגעהערט צווישן צוויי טאטערס;
וואס טוט זיך לאנדא?
אה! גוט מארגן (11:30 פארטאגס) וואס זאגסטו באנדא?
באנדא; האסט געהערט אז געצי איז א חתן!
לאנדא; ניין! כ'האב פון גארנישט געהערט! מיט וועמען? דאס איז הייסע נייעס! קענסט מיר נישט שיקן א נאר'ישן טעקסט?!
ב; טוה מיר א טובה מאך דיר נישט תמ'עואטע!
ל; דו מיינסט אז איך האב נישט וואס בעסער וואס צו טוהן?! כ'האב פון גארנישט געהערט! ווער איז זיין מחותן?
ב; קענסט פרידמאן פון דריי און פופציג?
ל; יא! מיט זיין טאכטער?
ב; ניין, מיט זיין ברידער'ס א טאכטער!
ל; וועלכע ברידער, דער וואס זיצט אין ספינקא מקוה?
ב; יא יא!
ל; וואו! דו הרג'סט מיר!
ב; וואס איז?
ל; שוין, גארנישט! איך מיז אפגאפלען פון דא! טוה מיר א טובה און גאפל אפ!
(כאילו אונזער קטן שלא הגיע לחינוך איז מורא'דיג פארנומען... אינטערעסאנט אז א שעה שפעטער האב איך אים נאך געזען בייסען א האט קאפ...)
א ס"ה פון דעם קורצן שמועס = דריי נייע ווערטער אין מיין ווערטער ביך;
1) "הייסע נייעס" - איך האב געוויסט אז עס איז דא ברעכענדיגע נייעס, אבער הייסע נייעס?! וואס איז דאס פאר א גוט יאר?! וואס איז ווען דער נייעס ווערט באפאלן פון א שניי אינמיטען וועג... ווערט ער קאלטע נייעס? איז דא אזא מין מאכל בן דורסאי'דיגע געקאכטע נייעס?
2) "נאר'ישן טעקסט" - דאס איז שוין א העכסט סייענטיפישע אויסטרעף, וואס נאר א גמרא קעפל קען לכאורה צו קומען צו אזא מסקנה. איר הערט וואס גייט פאר?! איר האט דאך אלטס געמיינט אז אונטערן טעקסט איז אוודאי באהאלטן טיפע חכמה! איך האב פאר אייך (הייסע) נייעס! זעצט אייך אראפ... אטעמט אריין טיף... גרייט?!
דער טעקסט איז גארנישט מיט נישט! עס האט נישט קיין ברעקל חכמה!
איך כאפ נאכנישט פונקטליך די עמקות הדברים, אבער אין מיין קליין קעפל זענען שוין דורך געלאפען א גאנצע רייע חידושים וואס שאפט זיך פון דעם געוואלדיגן סייענטיפישן דורעכברוך. ער איז נישט קיין בר חיובא, ער קען נישט בלאזן קיין שופר, טרינקן ד' כוסות, עסן די כזיתים, שעפן מים שלנו, ועוד ועוד ואי אפשר לפרטם כי רבים הם! דאס איז אבער יא זייער וויכטיג צו באטאנען; פון היינט און ווייטער טרעפט אייך אנדערע ביזנעס קאנסאלטענטס!
3) "אפגאפלען" - דאס שטאמט לכאורה פונעם שורש גאפל. יא יא! דער אומשולדיגער גאפל וואס פיטערט אזוי געטריי די מענטשהייט. האט צו באקומען א פרישער דזשאב! ער גאפלט אוועק מענטשן -וואס זענען זייער פאריאגט און האבן נישט קיין צייט צו ערלעדיגן וואס זיי האבן אויף זייער קעפל- צו זייער דעסטענאציע וואו זיי ברויכן וויכטיג אנקומען!
אוי בין הזמנים זיסער! ווען עס איז ווען בידי גאפל איך דיר אוועק ערגעץ ווייט ווייט, צו א פלאץ וואו די קענסט רוהיג איבערדרייען און פירן מקוה קיפקעס ביז זייגער צוואנציג, און עסן פת שחרית -טאנא סענדיוטשיעס אום זיבענער אווענט!
שוין, לאמיר זיך אפשטעלען ווייל דאס בליט שטורעמט מיר אויף פון דעם בין הזמנים! און פארגעסט נישט;
עס האט זיך נאכנישט אנגעפאנגען...
(דאס איז די פארמאכטע האנט וואס מ'קלאפט אריין איינער אין צווייטער...