די פראבלעם פון "אינטערנעט"

[געלעגער]

די פארגאנגענע וואך איז דא געווען א שיינע אשכול וואס מ'האט ארום גערעדט וועגן די פראבלעם פון "אינטערנעט" למעשה איז די אשכול פארפארן פונעם ארגינעלן שמועס און דאס האט גורם געווען אז מ'זאל דארפן אוועקפירן דעם אשכול אין תהום. איך וויל צוריק עפענען דעם שמועס אבער איך בעט אייך ברחמים, ביטע לאזט ארויס די רבנים מיט זייערע פראבלעמען פון דעם שמועס, לאמיר רעדן צווישן אונז וואס האלטן מיר קען און דארף געטון ווערן צום פראבלעם וואס הייסט "אינטערנעט"

און די פאריגע אשכול האט מען געהערט אסאך גוטע און תוכן'פולע זאכן פון חשובע אידן לאמיר עס צוריק ברענגן.
טהור עינים האט זייער שיין ארויס געברענגט די ענין אז די פראבלעם היינט איז ווייט נישט אזוי די אינטערנעט ווי די סיבה וואס ציט אהין. דאס הייסט אזוי, יעדע מענטש זאל ארבעטן אויף זיך אז די תורה'דיגע וועג זאל זיין דאס וואס איז אים זיס אזוי אז די דרויסענדיגע וועלט זאל אים נישט ציען. דאס איז זייער א שיינע דערהער, אבער די מציאות איז אז די תורה האט אויך ארויף געלייגט א גדר אויף עריות אפילו די תורה ווייסט אז ס'גייען זיין אידן וואס וועלן האלטן די תורה מיט שמחה, אבער דאס אליין איז נישט גענוג. יעדע מענטש האט זיך זיין שוואכע מינוט וואס אין אזאנע צייטן דארף ער האבן א גדר אויף זיך. אלזא מאכן א גדר איז וויכטיג פאר יעדעם אפילו פאר די חשוב'סטע פונעם דור.
ווידער וואס אנדערע זאגן, אפשפארן! דאס איז לעכירלעך אן קיין זין. אזא איינער לעבט נישט אויף אונזער פלאנעט בכלל.
אלזא וואס איז יא די ריכטיגע וועג?
האב איך געקלערט אזוי, קודם די ערשטע זאך וואס איז וויכטיג איז אז מענטשען זאלן נישט מישן קיין פראבלעמען. אויב מאכט מען איין טשולענט פון טעקסט מעסעדזשעס ביז אינטערנעט איז ארויס געווארפן יעדע דאללער און א שאד די שפייאכטס פונעם רעדנער. מיש נישט אויס!! טעקסט קען זיין איז א פראבלעם, אבער ווען איינער האט אש שריפה אין זיין הויז איז ער נישט פארנימען אז זיינע שיך ווערן פארברענט, אפילו יעדער פארשטייט אז שיך איז זייער וויכטיג, איז עס נאכאלס נישט 'די פראבלעם' פונעם פייער די זעלבע דא אויך, די פייער ברענט ווארף נישט אריין קיין מינדערוויכטיגע פראבלעמען. דאס איז די ערשטע זאך קאטעגארעזירן יעדע פראבלעם. איך וויל נישט פארפארן, אבער וואס פארא געלעכטער איז געווען ווען מ'האט געהאקט אויף בלעק בעריס ווען אין די זעלבע צייט זענען די סמארט פאון'ס געוואקסן אויף הייווען און דארט איז נישטא קיין פילטער אפילו מ'וויל און וויאויך 'פלעש ווידיאו' ארבעט פיין דארט.
דאס הייסט אז מ'דארף וויסן פונעם פראבלעם און וויסן וואס מ'צילט.

נאך א וויכטיגע זאך איז וואס אין מיינע אויגן איז דאס די שטערקסטע איז די נקידה אז די פילטערס זאלן זיין גוט! פשוט און גראד. דו פארלאנגסט א מענטש זאל נעמען א דזשעי נעט? שטעל אים צו. נעם א משל, אויפן טעלעפאון לאזט דזשעי נעט נישט קיין טוויטער, קען מיר איינער מסביר זיין פארוואס? אויפן קאמפיוטער יא אויפן פאון נישט, איין גוט סיבה? וויאזוי פארלאנגסטו פון מענטשען אז זיי זאלן טוישן אויב דיין פראדוקט איז נישט גוט? נעם די געלט וואס דו אינוועסטירסט אין דרשות,אפלאקאטן,עדס,ועוד און אינוועסטיר עס אין דיין פראגרעם. וויפיל מער מענטשען וועלן אריבער גיין ווען זיי ווייסן אז זיי האבן די מינימאלע זאכן וואס מ'ניצט היינט?
אידן זענען דען שלעכט? ווילן זיי דען נישט זיין וואויל? נאר וואס, ס'איז זייער שווער צו זאגן פאר א מענטש האק אלעס אפ.. זאל דזשעי נעט ארבעטן אויף זייער פילטער. און דאס איז נישט נאר טוויטער, דאס איז נאך אסאך זאכן וואס ווען די פראדוקט וואס מ'פארקויפט פארן עולם זאל זיין גוט וואלטן סך מער מענטשען זיך צוגעכאפט דערצו.


איך האב נאך אפאר נקודות אויסצושמועסן, לאמיר קודם הערן וואס דער עולם זאגט..

(אפשר קענען די מנהלים צוריק ברענגן די תגובות פונעם געמעקטן אשכול, וואס רעדן וועגן דעם??)

[שטארק זיך]

שכוח געלעגער, הן פאר׳ן ארטיקל וואו דו ברענגסט ארויס גאר גוט די נקודות, והן פאר׳ן עפענען צוריק דעם נושא. לאמיר האפן אז דער עולם וועט זיך האלטן אין די ראמען.
...
אין פאריגן אשכול האב איך געשריבן אט די נקודות:

1. די מערכה מוז געפירט ווערען דייקא פון עסקנים וואס זענען באזעסן, האבן באקאנטשאפט אין די נושא על כל פנים אויף אזויפיל צו וויסן וועמען אנצופרעגן ווען עפעס קומט ארויף.

2. אויפארבעטן און אויפבויען א שטאנדהאפטיגע וועד הפועל וואס זאל עוסק זיין אין אהערשטעלן א ווייניגער מסוכן׳דיגע במקום פאר די טעכנאלאגיע פאר ביזנעסער. וואס זאל ארייננעמען פילטערס פאר כל׳ערליי פלאטפארמעס ווי: ווינדאוס, מעק, ענדראויד, איי או עס, ב.ב. אאז״וו.

3. אהערשטעלן א רייע מאושר׳דיגע סעלפאון׳ס פאר מעסיגע פרייזן, דוגמת א״י, בכדי דער כולל אינגערמאן, ווייבל, (ישיבה בחור!) זאלן האבן מן המוכן א גוטע פראדוקט. כדי בכלל נישט אריינפאלן אין דעם נסיון.

4. די אלע סערוויסעס זאלן געבויעט ווערן אלס ביזנעס דורך ביזנעסלייט וואס ווילן מאכן געלט, און עס זאל ערמעגליכט ווערען פאר יעדן וואס וויל האבן די היימישע קליענטעל צו קאנקורירן.

איך מוז לויפן... 

[געלעגער]

שטארקע זאכן רב שטארק זיך.
די נקודה פון עסקנים האב איך געוואלט צוקומען שפעטער. איך וויל דא הערן פונעם עולם ווי למשל מיר זענען די עסקנים וואס זענען דן די נושא, וואס קענען מיר טון..
דאס וואס דו זאגסט וועגן ארבעטן אויף א בעסער פילטער דאס האב איך דערמאנט. וועגן א מאושר'דיגע טעלעפאון איז אזוי, די מציאות איז אז אין א"י האבן די טעלעפאון'ס נישט קיין טעקסט בכלל. די שאלה איז, זענען מיר דא אין אמעריקע גרייט צו גיין ביז אזא עקסטריעם? קענען מיר דאס אפילו אויספירן? פון די אנדערע זייט, קענסטו רופן א טעלעפאון מיט טעקסט "מאושר?"

[fiena nieas]

איך וויל פרעיגן פון די עולם א שאלה! וואס איז די חילק אינטערנעט מיט תי ווי פאר וואס ביי טי ווי האבן די רבנים געקענט ארויסגיין בכל חומר אין עס אסערן אין אינטערנעט נישט!!

איך פרעיג נישט די שאלה היינטיגע צייטן וואס יעדע אינגערמאן האט שוין א בלעק בערי, מיין שאלה איז פאר 10 יאר ציריק ווען אינטערנעט איז נאך געווען רוי! פארוואס האבן נישט די רבנים עס געקענט אסערן!!

און די אמת איז מען דארף נישט ציריק גיין ביז טי ווי, דערמאנטס ענק ציריק די ווידואוי עפאכע א קינד וואס האט געהאט ווידואוי האט מען ארויסגעווארפען!! קינד און קייט האבן געוויסט, ווידואוי מאן דכר שמיה! ביי רוב היימישע משפחות איז ביי די חתונות נישט געווען ווידואוי! מהאט ממש אראפגעקיקט אויף איינער וואס האט געהאט ווידואוי!! ?

אבער איך מיין אז די תירץ איז זייער פשוט!! די ערשטע פראבלעים איז געווען אז ס׳האט זיך גענימען ארויס שפראצען כשר׳ע וועבסייטס יא טוב האט געהאט כשר׳ע כליפס וכדו׳!וואלט כלל ישראל אפגעמאכט אונדז זעמיר יודן אין אינערנעט האט נישט ביי אונדז קיין שום מקום, נישט יו טאב און נישט קיין טוויטער!! אינטערנעט איז טרייף!! מיין איך אז די רבנים וואלטען עס דוריכגעבראכען! וואס האלט דער עולם??

[שטארק זיך]

פיינע נייעס,

דאס האט נאר איין תירוץ:

TV איז אן אינטערהאלטונגס כלי, וכן ווידיאו; אינטערנעט איז א ביזנעס פרודוקטיוויטי סיסטעם.

 

[Sprint]

פיינע נייעס,

דאס האט נאר איין תירוץ:

TV איז אן אינטערהאלטונגס כלי, וכן ווידיאו; אינטערנעט איז א ביזנעס פרודוקטיוויטי סיסטעם.

 

אמת

אבער אסאך מענטשן האבן אינטערנעט אינדערהיים נישט פאר ביזנעס נאר פאר אינטערהאלטונגס כלי (למשל מיר)

[שטארק זיך]

פיינע נייעס,

דאס האט נאר איין תירוץ:

TV איז אן אינטערהאלטונגס כלי, וכן ווידיאו; אינטערנעט איז א ביזנעס פרודוקטיוויטי סיסטעם.

 

אמת

אבער אסאך מענטשן האבן אינטערנעט אינדערהיים נישט פאר ביזנעס נאר פאר אינטערהאלטונגס כלי (למשל מיר)

אין אבות דר׳ נתן שטייט, אז אונזער מוטער חוה איז נכשל געווארן אינעם חטא עץ הדעת ווייל זי האט צוגעלייגט צום איסור פון רבוש״ע. דער רבוש״ע האט נאר גוזר געווען מיתה אויף עסן און זי האט געזאגט פאר׳ן נחש אז אויף אנרירען איז אויך דא די גזירה...

גוזר זיין גזירות איז נישט פון די זאכן וואס מען שאקעלט אזוי ארויס פון ארבל... ובמקום שאמרו לקצר!

[מי יודע]

קודם כל יישר כח געלעגער פארן אויפפרישן דעם אשכול

דאס וואס דו פרעגסט בנוגע טעקסט מעסעדזשעס, לענ"ד האלט איך אז ס'איז שווער צו גיין ביז אזא עקסטרעם, האסט פארשפעטיגט די שיף, פאר צען יאר צוריק צו אפילו פאר פינף יאר וואלסט עס געקענט כאפן, היינט ווען ס'איז א פעקעדזש מיט יעדן פאון, און כמעט וואס קאסט נישט, ועל כולם רוב ציבור זעט נישט די שעדליכקייט דערפון, ווייל אליבא דאמת ווייס איך נישט וויפיל מענטשן ס'גייען היינט צוגרינד צוליב דעם, ממילא איז שווער צו כאפן דעם עולם מיט דעם.
זאת ועוד, איך זע גענוג מענטשן וואס האבן ווייניגער מיט מילי דעלמא ווי מיר, ועכ"ז דרייען זיי זיך מיט א בלעקבערי, און איך פיל מיך גאר ווי א צדיק אז איל האלט מיך צוריק פון א בלעקבערי, במציאות אין די היינטיגע וועלט איז דא א גרויסער ציבור וואס מוז האבן טעלעפאן וואס זענען מחובר מיט אינטערנעט, נניח אז ס'איז כשר און געפילטערט, אבער ווי אזוי קענסטו אסר'ן טעקסט מעסעדזשעס ווען אויפן אימעיל קען ער עני טיים באקומען די זעלבע מעסעדזשעס און נאך מיט א שמוץ אריבער, למשל מיט בילדער וכדומה
אויב אינטערנעט אויף טעלעפאן איז א מציאות, און דו פארשטייסט אז מענטשן דארפן דאס האבן, קענסטו נישט אסר'ן טעקסט מעסעדזשעס.

און א שטיקל הערה וואס שטארק זיך שרייבט

1. די מערכה מוז געפירט ווערען דייקא פון עסקנים וואס זענען באזעסן, האבן באקאנטשאפט אין די נושא על כל פנים אויף אזויפיל צו וויסן וועמען אנצופרעגן ווען עפעס קומט ארויף.

לענ"ד די עסקנים וואלטן די עסקנים אויך געמעגט מאכן אנקעטעס ביים ציבור שטילערהייט ביי אלע סארטן, אנגעהויבן ביי די עידית און געענדיגט ביי זיבורית, און מען רעדט פון מענטשן וואס נוצן דאס טעגליך, צו הערן ווואס יעדער האט צו זאגן, און מיט א דעת פון א רבים קען מען גרינגער אהערשטעלן א זאך פאר א רבים.

[מי חכם]

פונקט געוואלט עפענען א אשכול איבער די נושא. איך עפן אויף מוצ"ש דעם זייטל בלויז צו טרעפן אז כבר קדמוני געלעגער. עליך דא אריין ווארפן מיינע צוויי צענט.

לדעתי, קוקן מיר אויף דעם גאנצן ענין פון א נישט ריכטיגן פערספעקטיוו. ווי געלעגער האט שוין געשריבן, איז דאס וויכטיגסטע צו קאטעגאריזירן דעם פראבלעם און ארויס האבן פונקטליך אלע אספעקטן דערפון.

איך וועל מיך שטעלן די ערשטע זאך אויף די נאמען פון די מערכה: "מלחמה מיט די טרפה'נע טעכנאלאגיע".הגם דער פראז איז בעצם דעמאגאגיע, איז אבער לדעתי דאס דער בליק וואס מאנכע האבן אויף טעכנאלאגיע, און דערפון שטאמט היבש פונעם ערבוביא אין די נושא.

אלזא, פאר מען נעמט זיך צום עצם פראבלעם, ברויך מען קודם אויסקלארן דעם שורש. דער שורש איז, אז ב"ה אונז און די גאנצע יהדות החרדית (חוץ חב"ד אפשר) זעמיר אויפגעצויגן געווארן על פי דרכו והכוונתו פונעם חת"ס: "חדש אסור מן התורה". דאס הייסט אז יעדע נייע זאך איז אויטאמאטיש פארדעכטיגט. (במאמר המוסגר נעמט זיך לדעתי פון דעם שורש אויך דאס בענקעניש וואס טייל פונעם דריטן דור אמעריקאנער געבוירענע האבן צום "אלטן זיסן, אמאל." להוי ידוע, אז איר וועט פרעגן אייער זיידע - במכוון נישט די באבע ודי - וועט ער אייך פארציילן אז דער אמאל איז בכלל נישט געווען אזוי זיס, און דער גלאררייכער עבר האט דוקא געמאנגלט אין "גלאר". נאר וואס דען, וויבאלד עס איז פונעם אמאל, איז עס זיס. ואכמ"ל). בקיצור מיר שעצן באמת מער די פריערדיגע, מיר ווייסן פון ירידת הדורות, און ווי מער צוריק אלס שענער איז געווען אידישקייט ביי די שומרי תורה ומצוות (צדוקים איז שוין געווען בזמן הבית אויך).

טאמער אבער איז א מענטש נישט גענוג קלוג, וועט ער נישט אויפכאפן אז מילי דשמיא לחוד, ומילי דארעא לחוד.

בגשמיות, ווערט די וועלט דוקא בעסער און שענער, פארגעשריטענער און באקוועמער. יעצט, טייל פון די דעמאגאגן וואס האקן כסדר אויף די טעכנאלאגיע, איז קלאר פאר זייערע צוהערער אז זיי בענקען זיך באמת צו די פערד און וואגן עפאכע. זיי זענען ליידער אריין געפאלן בטעות אין דעם דור. אבער בעצם ווילן זיי נאר דרייון אזא מאדעל פערד און וואגן ווי אלעקסייי האט געדרייווט פארן בעש"ט... בקיצור, פאר זיי איז יעדע טריט פאראויס וואס די וועלט מאכט, א ווייטאג אין גענאק. זיי וואלט געווען סאך געשמאקער ווען די וועלט גייט ווען ריקווערטס.

אבער דער אמת איז דאך, אז כאטש ברוחניות ווערן מיר שוואכער און נידריגער, שטייגט אבער די וועלט בגשמיות, און דער ריכטיגער השקפה אויף די זאך איז, אפצוגעבן א שבח והודאה צום אייבערשטן אויף די טובות וואס ער האט געטון צו אונזער דור. ווען מיר זעצן זיך אראפ צום קאמפיוטער, וואלטן מיר געדארפט יעדן טאג ארויסגיין פון התפעלות פון די אומבאגרעניצטע מעגליכקייטן וואס די טעכנאלאגיע שטעלט אונז צו. מען וואלט געדארפט יעדן טאג מאכן א "ברוך שחלק מחכמתו לבשר ודם" וואס אדאנק דעם האבן מיר די אלע באקוועמליכקייטן. מיר דארפן זיך מצייר זיין ווי סאך שווערער דאס ללעבן וואלט געווען אן די אלע ערפינדונגען, און פון טיפן הארץ אויסשרייען א דאנק צום אויבערשטן אויף די מתנה וואס ער האט געגעבן פר אונזער דור: דער"אינטערנעט!" יא, דאס איז א מתנה פון הימל!

ווען איך הער / ליין וויאזוי מען רייסט אראפ די טעכנאלאגיע, קלינגט מיר דאס אין די אויערן ווי אדם הראשון וואס האט געזאגט צום אייבערשטן "האשה אשר נתת עמדי". יא, אמת זי האט אים למעשה גורם געווען צו זינדיגן, און עס איז קיין צווייפל אז די טעכנאלאגיע איז א גורם צו זינד, אבער חז"ל זאגן אונז אז די טענה פון אדם הראשון איז געווען א "כפיית טובה". דער אייבישטער האט דיר געטון א טובה און געגעבן א ווייב משמש צו זיין, און דו האסט נישט געקענט ביישטיין דעם נסיון פון יצר הרע, הגם טאקע די אשה איז געווען די שליח, אבער נוץ נישט דעם אייבירשטנס טובה פאר א תירוץ אויף דיינע שוואכקייטן. די זעלבע זאך איז מיטן אינטערנעט. דער אייבישטער האט אונז מזכה געווען מיט א מורא'דיגן שפע פון טובה בגשמיות, אין פארעם פון דעם אינטערנעט, און מיר טארן נישט זיין קיין כפויי טובה. יא מיר דארפן וויסן וויאזוי נישט אריין צו פאלן אין דעם פיתוי וואס אט די טובה שטעלט אונז פאר - אקוראט ווי די אשה - אבער מיר דארפן וויסן צו שעצן די חסדים פונעם אייבירשטן.

איך וויל פרעגן א שאלה די אלע דעמאגאגן: פן ווי זענט איר אזוי זיכער אז דער יצר הרע שטייט אונטער סטיוו דזשאבס, און סערגעי וויזויהייסטערנאר? לויט ווי מיר ליינען כסדר אויף די צעטלעך, איז דער יצר הרע דער אינווענטאר פון אלע נייע און אלטע טעכנאלאגיע, מיטן איינעם ציל מכשיל צו זיין די קליינע הייפעלע אידן. מסתמא איז די באהויפטונג געבויט אויף דעם כלל אז בראשית בשביל ישראל שנקראו ראשית, און אלעס וואס געשעט אויף דער וועלט איז וועגן אונז. אלזא, איך האב נייעס פאר אייך: אלע נייע כלים זענען טאקע געמאכט פאר אונז, כדי מיר זאלן דאס יא נוצן! עס איז א פראיעקט פונעם יצר טוב כדי מיר זאלן קענען גרינגערהייט לערנען, טון מצוות און מעשים טובים. יא! דער אייפאד איז באשאפן געווארן כדי אידן וואס פארן אויפן וועג פון און צו די ארבעט / קאנטרי, זאלן קענען האבן א גרויסן אויסוואל פון תורה שיעורים צו הערן! און סקייפ איז ערפינדן געווארן כדי די קינדער פון די חב"ד שלוחים איבער דער גארער וועלט זאלן קענען לערנען תורה געהעריג פונקט ווי קינדערלעך אין זייער עלטער וואס וואוינען אין וויליאמסבורג, בארא פארק, ירושלים און בני ברק.

און איך האב נאך ערגערע נייעס פאר די אויבנדערמאנטע מענטשן. לויטן רמב"ם אז אין בין עולם הזה לימות המשיח אלא שיעבוד מלכיות בלבד, מיינט נישט אז ווען משיח וועט קומען וועט איר גליקליך ווערן און די וועלט וועט צוריקגיין צו די מיטלאלטער צייטן. דעטס נאט גאננע העפען! די טעכנאלאגיע איז הער טו סטעי, ווייניגסטנס ווילאנג די וועלט שטייט. יא, אזוי ווי איר הערט. גרייט אייך צו. ** איך פיל סארי פאר די מענטשן, אבער זיי האבן פארשפעטיגט די באן. סאיז פארפאלן, חוץ אין מיטלאלטער איז די וועלט תמיד געגאנגען פאראויס. דאס איז מסתמא א תיקון פאר אייער נשמה די יסורים וואס איר האט פון די פארגעשריטענע וועלט.

אז מיר האבן שוין דעם יסוד, האלטן מיר שוין ביי עפעס. יעצט, דארפן זיך צוזאם נעמען די רבנים, און זען הכצעקתה, צי איז טאקע דא גענוג א בארעכטיגטע סיבה נישט צו אקצעפטירן איינע פון די כלים וואס דער בורא האט אונז געשאנקען. עס איז בהחלט מעגליך, אז טאמער זעט מען איין אויף א חפץ אז עס איז הפסידו מרובה משכרו, וועט מען מוזן זאגן "לא הן ולא שכרן". מיר קליינע מענטשעלעך קענען נישט שטיין קעגן דעם גרויסן פיתוי וואס די ספעציפישע כלי איז פאר אונז, מילא מוזן מיר זיך דערפון לע"ע מתנזר זיין, און ווען משיח וועט קומען וועלן מיר דאס דאן נוצן בהיתר - פאר די גשמיותדיגע צרכים -אן מורא האבן פארן יצר הרע וואס וועט שוין דאן ליגן א געשאכטענער.

יעצט דארף מען נעמען יעדע זאך עקסטער. און לדעתי איז די הויפט זאך, דער כלל, אז א זאך וואס איז נייטראל, מען קען דאס נוצן פאר ביידע לאיסור והיתר, זענען מיר נישט דעם אויבערשטנס אפוטרופסים דערויף. מיר האבן באקומען אונזערע אברים פונעם אייבירשטן אויך אויף צו טון גוטע זאכן דערמיט, ווי מען רעכנט אויס אין תפילת זכה. יעצט דאס אז מיר אביוזן דאס ליידער, מיינט נישט חלילה אז מיר טארן שוין נישט האבן די קאנוויניענס דערפון. נאר וואס דען? עולם כמנהגו נוהג, ושוטים שקלקלו עתידין ליתן את הדין. די זעלבע מיט אלע נייע ערפינדונגען. איך וואלט געראטן פאר די עסקנים צו קוקן אויף די זאכן ווי זיי זענען אלט צוויי הונדערט יאר שוין, און מיר זענען אלע צוגעוואוינט דערצו, און יעצט לאמיר זען וואס מען קען / דארף טון. (איך רעד נישט א מען זאל עס אנקוקן ווי עס האט שוין די באשטעטיגונג פון אבותינו ורבותינו, ניין, עס איז א נייע שאלה, אבער די טעכנאלאגיע איז לאמיר זאגן א אלטע).

דאס מיינט אז טעקסט מעסעדזשעס און אימעיל, איבעי און בענק, גאווערמענט און געשעפטן וועבסייטס, זענען א לכתחילה שבלכתחילה. דאס איז א ספעציעלע מתנה פון הימל פאר אונז. איי דער בחור וואס איז א מנ... שיקט נישט קיין שיינע טעקסט מעסעדזעס, איז עס נישט דיין דאגה. עס איז ביי מיר ברור אז ווען די טעלעפאן קומט ווען היינט ארויס, וואלט מען עס גאנץ מעגליך גע'אסרט. וואס הייסט, עס איז דאך א געהעריגע כלי משחית ספעשל דיזיינד דורכן יצר הרע! דו ווייסט וויפיל לשון הרע מענטשן וועלן רעדן א דאנק דעם? (און סתם פאר אינטערעסאנטקייט, עלטערע אידן דערציילן אז עס זענען געווען וואס האבן טאקע אזוי געשריגן קעגן דעם טעלעפאן). נאר וואס דען, וויבאלד עס איז פשוט א וועג פון קאמוניקאציע, איי וואסערע דעטע דער און יענער וועט דורך דעם קאמוניקירן? עס איז נישט דיין אחריות. עולם כמנהגו נוהג, ושוטים שקלקלו עתידים ליתן את הדין.

שלא להכביד על הקורא וועליך מיר דא שטעלן, אבער הרבה נשאר בקולמוסי, ועוד חזן לעמוד... (קרעדיט: צום זאך).

** דיסקלעימער: אזוי ווי די קומענדיגע ווערטער מיינע האבן גורם געווען א גרויסע ויכוח, און פארפארן די נושא אויף זייטיגע רעלסן, און איינער האט אפילו פארשטאנען אז דאס - אז די טעכנאלאגיע גייט לדעתי זיין אויך בימות המשיח - איז די סיבה פארוואס איך האלט אז "יעצט" איז טעכנאלאגיע א פאזיטיווע זאך, האב איך עס ארויס גענומען פונעם טעקסט. אבער כדי נישט אפצוהרגנען דעם אשכול מען זאל וויסן על מה נטושה המערכה, לייג איך עס דא אונטן צו.

ווען משיח וועט קומען, גייט מען בדרך הטבע פארשפרייטן די חידושי תורה פון כ"ק מרן אדמו"ר נמחק מחמת הערת החבירים שיחיו שאין לזלזל במושגים קדושים אף לא לשם משל בעלמא שליט"א (די ווערטער קלונגען גראדע גאנץ קענטליך...) אין אימעיל!!! יא עס וועט אנקומען צו אזאנע אדרעסן ווי @gmail.com (אין יענע צייטן וועט גוגל האבן דרך ארץ פאר כבוד התורה און לאזן אריין לייגן שטרעכעלעך אין די אימעיל אדרעסן...) אדער צו @shmira meileh.com ... יא, דאס איז וואס גייט געשען!

א אוידענץ אריין צו גיין צו כנ"ל, וועט מען נאר קענען בוקן אנליין, אויף כנ"ל.קאם. איך פארשטיי אז מאנכע וועלן מיר ארפרייסן, און טענה'ן אז מען איז מגשם חלילה, אבער איך קען אייך נישט העלפן. דאס גייט געשען לויטן רמב"ם. עס גייט זיין עולם כמנהגו נוהג, און די אלע ערפינדונגען פון היינט גייען נישט נעלם ווערן.

מיר וועלן אלע דאן האבן די נייסטע סמארטפאונס, און צופרי ביי די הכנות (דעמאלט וועט עס מסתמא דויערן סאך לענגער, וועלנדיג מחמיר זיין אויף גוף נקי כאלישע בעל כנפים) וועלן מיר לכאורה ווייטער ארויף קומען אויף אייוועלט, און אפילו מעגליך דיסקוסירן פרעזידענט אבאמא'ס ווידערוויילונג פארמעסט. פארשטייט זיך איבערן טאג ועלן מיר דאס נישט דארפן. עס ועט דאך זיין א ומלאה הארץ דעה את ה' כמים לים מכסים, מילא וועלן מיר אלע זיצן איבער די e-books און לערנען פלייסיג נאך און נאך. אבער אין דעם פארמאט. ניין טייערע רעדנערס, מיר גייען לכאורה נישט לערנען אין פארמעט ספרים וען משיח גייט קומען.

[מי יודע]

מי חכם
גאנץ פיין געזאגט, דער געדאנק פון אדם הראשון האט מיר שטארק געפאלן, אויף אנדערע זאכן האב איך עטליכע הערות, אבער עוד חז"ן לעמו"ד (ווי דו שרייבסט דארט), איך לאז עס פאר אנדערע.

[שטארק זיך]

מי חכם:

ס׳איז דא א רעכטע לעין,
אויך איז דא א לינקע לעין,

אבער נישט דאס ווילעך, נאר אט וואס:

ס׳איז אויך דא א מיטעל לעין.
....
דאס איז אויסער דער פאקט אז טעכנאלאגיע, למרות וואס זי האט פיהל געלייסטעט פאר די וועלט ״בגשמיות״, האט זי מער שאדן אנגעווערטשאפט, טאקע בגשמיות. דעם גאנצן מענטל העלטה אינדאסטרי איז איר צו פארדאנקן.

ויצא סרחו בהספידו!

[יהיה כן]

איך נעם נישט קיין שטעלונג אין דעם נושא
(דער געדאנק פון אדה״ר איז גאנץ פיין, עכ״פ כ׳נאך נישט געהערט דאס)
נאר איין הערה, אזוי ווי מען האט פאר צוויי הונדערט יאר זיך נישט פארגעשטעלט די וועלט פון היינט, על אחת כמה וכמה וכמה די זמן פון ביאת המשיח קען מען נישט און מען טאר נישט מגשם זיין אויף אזוי ווייט
דאן וועט זיין ומלאה הארץ דעה את ה׳ כמים לים מכסים
די גאנצע בריאה וועט שרייען ידיעת הבורא
תורת מלך המשיח וועט צישפרייט ווערן דורך השגת אלקות, אזוי דער אריה״ק און דער לוצאטו וכו׳ איז געפנט געווארן פאר זיי שערי החכמה און האבן משיג געווען וואס זיי האבן משיג געווען אזוי וועט זיין לעתיד כל אחד לפום דרגא דיליה (פארשטייסט נישט, איך פארשטיי עס אויך נישט, לכה״פ אזוי ווייט אזוי ווי מיין עלטער זיידע האט נישט פארשטאנען קיין בלוטוט און וויי פיי...., אבער אזוי שטייט אין די ספה״ק), שטעל נישט צו קיין טעכנאלאגיע ווייל מיר קיין השגה נישט דערין....
וואס איז היינט א באקוועמליכקייט וועט לעתיד נישט זיין, פשוט ווייל דעם מענטש׳ןס שאיפות וועלן זיין גאר גאר עפעס אנדערש, און שטרעבן פאר העכערס און טיפער׳ס אין השגת אלקות (וואס קען ווי פארשטענדליך נישט ערגרייכט ווערן דורך קיין שום ערדישע טעכנאלאגיע כמובן...
די וועלכע וועלן פילן א געשמאק אין דעם באקוועמליכקייט פון טעכנאלאגיע וועלן זיין אראפ געקוקט מען וועט לאכן פון זיי אין וואס זייער קאפ ליגט, א סך מער ווי מען לאכט היינט פון א קינד וואס פרייד זיך צו א לאלי און א באלאן...

די גאנצע טעכנאלאגיע איז דאך אזוי וואו די גאנצע גשמיותדיגע וועלט, א השתלשלות פון עולמי עולמות, בבחינת צמצום וירידה כמבואר בספה״ק ובפרט בספרי תורת הבעש״ט, און לעתיד וועט דאך אלעס זיין בהתגלות אן קיין לבושים וצמצומים, סאו וואס פארשטיי מיר אונז.....שש
איי דער רמב״ם, לאז דעם רמב״ם פאר קלוגערע פון דיר שכבר דשו בו, וגם היו שחלקו עליו
ודי למבין
ועוד, בזמן המשיח וועט דער יצר, יא דער יצרא דעריות, וואס אונזער וועלט איז טויט געשלאגן דערמיט על כל צעד ושעל, וועט בטל ווערן, עס וועט זיין א בירור בתכלית, ממילא וועט אויטאמאטיש אוועק פאלן אלע איסורים וחרמות שמתות וארורים, וואס די טעכנאגלאגיע איז געבענטשט דערמיט....

איז וואס אונז נוגע דארף דן זיין אויף די תקופה פון עיקבתא דמשיחא.....

[מי חכם]

יהיה, ביסט הייליג גערעכט. אוודאי האבן מיר נישט קיין מושג וויאזוי די זאכן וועלן ארבעטן, אוודאי וועט יעדער איד אליינס משיג זיין השגות וואס יחזקאל הנביא האט נישט, און די זאכן איז מען זעלבסטפארשטענדליך נישט משיג מיט קיין גשמיותדיגע כלים. איך האב עס גענוצט בלויז פאר א משל ארויס צו ברענגען דעם ענין.

אבער דער רמב"ם לדעתי איז נישט קיין סתירה, ער איז אוודאי נישט חולק אויף קיין השגות אלקות וואס די נביאים זענען פיל דערמיט, ער רעדט לכאורה נאר פונעם גשמיותדיגן ציור פון זאכן.
----
דו ביסט צופרידן אז עס וועט אוועקפאלן דער יצר הרע שטערט דיר נישט די טעכנאלאגיע, וואס איז אבער מיט די וואס אפילו אנעם יצה"ר שטערט זיי דער מושג פון פארגעשריטנקייט? פאר זיי האב איך נישט קיין תקנה.

[יהיה כן]

איך האב ציגעלייגט דריי שורות

ווידער צום עצם נושא נעם איך נישט קיין שטעלונג כמו שכתבתי לעיל

מ׳דארף נאר אכטונג געבן וואס מ׳שרייבט

[farshlufen]

מי חכם, גוט איידיעס, אבער א חכם ווייסט וואו איין און וואו אויס, ווי איין און ווי אויס און ווען איין און ווען אויס.

וכבר קדמנו הרב יהי' כן.

[leiby]

שכוח פאר אלע שרייבערס, זייער א גערעכטע און וויכטיגע נושא, אויב פארשטיי איך גוט מי חכם איז זיין פוינט אז די מלחמה דארף נישט זיין מיט טעכנעלאגיע, נאר מיט די פראבלעמען וואס ס'ברענגט מיט.

[דער תהילים איד]

געלעגער, הערליך און גוט געזאגט.

מי חכם, כהאף באלד צו האבן צייט ארויסצוברענגען פארוואס דו זאגסט נישט ריכטיג.


--------


מענין לענין (בדרך הלצה), אפשר קומט אהער וואס איך ליין פונקט יעצט...

הרב פינטו אמר על העסקנים: "יהיה לנו טוב יותר בלעדיהם"

בבוקר שאחרי שידור הראיון המסעיר עם האדמו"ר רבי יאשיהו פינטו, מנתחים פרשנים את דבריו יוצאי הדופן ומסבירים למה התכוון. בראיון למרדכי לביא ברדיו "קול ברמה" דיברו אבי בלום ויהודה אבידן על יחסו של הרב למדינה. בלום חשף: "הרב אמר לי על העסקנים החרדים - יהיה טוב בלעדיהם" (ארץ)

http://www.kikarhashabat.co.il/%D7%94%D ... D7%A7.html

[אנאליזירער]

איך פארשטיי נישט פארוואס דער עולם רייסט באהאלטנערהייט אראפ מי חכם? פונקט אזוי ווי קיינער טראכט נישט אז מ'גייט זיך צוריק אנטון די בארוועסע שוך און אלטע קליידער, וועט מען זיך באנוצן מיט די היינטיגע טעכנאלאגיע און ווי לייבי האט שוין מסביר געווען מיינט ער בלויז ארויסצוברענגען אז די מערכה דארף זיין מיט די תוצאה און נישט מיטן פאקט.

[בוידעם]

מי חכם, זהעט אויס צו זיין היבשער חכם מיט שכל ותבונה, אבל על כגון דא נאמר "אל תהיו חכם הרבה", די אלע יעודים וואס ווארט אונז אפ בזמן ביאת המשיח איז למעלה מהשגתינו, און דאכט זיך די רבמ"ם (באגלייבט ?) שרייבט אויף דעם זמן, פונקט מען קען נישט מסביר זיין פאר א בלינדער די חילוק פון קאלירען, אזוי קען מיר נישט משיג זיין די התגלות אלהית בעת הגאולה. בר מן דין, די אלע כלים זענען אודאי די ארבעט פונעם יצר הרע, (כאטש עס האט אויך גוטע חלקים ווי די האסט ערווענט) און סאיז מסתבר ווען השי"ת וועט שחט'ו דעם יצה"ר וועט מיט דעם פארשפארט ווערן זיין גאנצע ביזנעס.

[אנאליזירער]

אפשר האט ער עס ארויסגעברענגט אויפן שטארקן עקסטריעם, אבער ער זאגט א שטארקע נקודה. עס איז נישט קיין שום ענין אראפצורייסן די פארשריט פון טעכנאלאגיע. עס איז נישט קיין שום מעלה אז א מענטש גליסט נאך די פערד און וואגן עפאכע. די אידן וואס רייסן אראפ די טעכנאלאגיע בלויז ווייל זיי ווילן צייגן אז זיי זענען פון א דור פריער, זאלן זיי קודם ארויסשליידערן דעם עיר קאנדישאן, אן וואס זיי קענען נישט לעבן פאר איין היציגן טאג...

[שטארק זיך]

אויב איז פאראן אין מיינע ווערטער פריער, וועלעכעס עס איז, א משמעות פון ארונטעררייסן ר׳ מי חכם׳ן. וויל איך אים דא ברבים איבער בעטן.

יא, איך מחולק מיט עטליכע פון זיינע באהויפטונגן, אבער פון דא ביז ארונטעררייסן איז פאלג-מיר-א-גאנג.

...
כלל:
ביי ערליכע אידן האט מען זיך באצויגן מיט פארזיכטיגקייט צו יעדער נייער זאך. צו איז דאס געווען דער דרוק, אדער דער טייטש חומש, געקנעפלטע בגדים... א.א.וו. אמת פילע נייע זאכן האבן זיך שפעטער איינגעגעבן. אבער דאס מאכט חלילה נישט אוועק דאס וואס אונזערע עלטערן האבן זיך געשראקן פאר יעדע נייע זאך.

דעריבער אז דער מציאות העולם טוישט זיך, און בהכרח מוזן מיר צוקומען דערצו, מיינט אוודאי נישט אז מיר דארפן באגריסן די שעדליכע טענאלאגיע מיט א ברוך הבא.
...
אנאליזירער,
די נקודה האבן ממש אלע, בכללם אני הקטן ארויסגעברענגט. מ׳איז טאקע נאר מחולק אויף דעם איבעריגן ברייטקייט, דהיינו דער ניגון, מיט וואס ער האט דאס ארויסגעברענגט.

[מי חכם]

ווי האסטו געטראפן אז מען איז געווען פארזיכטיג צום דרוק? די אנדערע זאכן זענען מער משמעות'דיגע שינויים. אין חינוך און אין לבוש.

איך זע אז רוב עולם איז נישט איינשטימיג וועגן די דוגמאות פון ימות המשיח. איך האב דאס טאקע פארראכטן. עס איז געווען א פליטת הקולמוס.

--------

בוידעם; איך שרייב אפ א א גאנצע תגובה אז לדעתי קומט עס נישט פון יצה"ר, קען זיין איך בין זיך טועה, קען זיין עס איז ווילד, אנדערש וי די צעטלעך שרייען מפורש אויף די ווענט פאר לאנגע יארן, אבער ביטע זיי דיך כאטש מתייחס צו וואס כאב געשריבן, נישט געב עס א זאג איבער נאכאמאל.

[פאטאקי08]

מי חכם דארפסט גארנישט נישט אויסמעקן בוידעם רעדט שטותים והבלים

[שטארק זיך]

מי חכם דארפסט גארנישט נישט אויסמעקן בוידעם רעדט שטותים והבלים

קפסיק ותני?
אפשר ביזטו מסביר פארוואס דו האלטס אזוי... און אז דו ביזט מחולק דארפסטו אים אזוי ארונטערייסן?

פילייכט האט איינער זיך אריינגעבראכן ביי פאטאקי׳ן אין קאמפיין הויפטקווארטיר, און באנוצט זיין ניק...

[יהיה כן]

ביי די וועי איר האט אפשר עפעס א מקור אז לעתיד גייט מען לערנען אין e readers פשר גייט מען לעתיד לבוא צוריק לערנען תורה שבעל פה אזוי ווי אין מיטל אלטער צייטן אויף אויסנווייניג אן קיינע ספרים סיי פאפיר סיי דזישיטל?