בלאט 1 פון 5

פארוואס דארף דזשעי נעט שלאפן? (איבערגעשריבן)

געשריבן: מאנטאג יאנואר 04, 2010 12:17 pm
דורך יוסלמאן
שלום וברכה,

נישט ווייל כ'וואלט ח"ו געוואלט האבן פאר איין מינוט אומריינע אינטערנעט, אבער געוואלד, וויפיל איז דער שיעור, שוין די צענטע מאל היינט און אפשר מער ווי כ'ווער פארפרארען ניצענדיג דזשעי נעט, איז דאס נארמאל?

שוין א צוויי וואכן וואס כ'האב נישט געהאט קיין דזשעי נעט, ניצענדיג בלויז א פייער וואלל אבער נישט קיין פילטער, היינט האמיר צוריקגעלייגט דזשעי נעט און מפטירן כדאתמול, שרייבענדיג די תגובה (זעהט אויס זיי האבן דערשפירט...) האט מיר דזשעי נעט אינטערגעשטעלט א פיסל אז ס'געגאנגען קראכן און דא האלט מען שוין ביים איבער שרייבן, פארשטייט זיך אין ווארד נישט ווידעראום צו זיין שטאטס חוזק!

כ'האלט אז ליידער האלטן זיך אסאך אידן צוריק פון האבן א פילטער וועגן ס'שטאטירט זיי געפערליך אראפ, כ'בין זיי מיט דעם דן לכף זכות אז זיי קענען זיך נישט עפארדען צו פארלירן א שעה א טאג זיך עסענדיג איבער א געקראכטער אינטערנעט. ותוצאתיה מי ישורנה.

כ'וויל ח"ו נישט קריטיקירן די הייליגע ארבייט, יא הייליגע, פון האלטן אידישע מוחות ריין, די פאר וואכן וואס מ'האמיר נישט געהאט קיין פילטער, נישט אז ס'איז געווען ח"ו אומריינע זאכן רח"ל, אבער ווען מ'גייט אריין אינעם באנק'ס וועבסייט דארף מען נישט זעהן די חזרת במלואה וואס קומט שפעטער ארויף אין געדאנק פונקט ווען מ'האלט ביי והאר עינינו, מהדרין דזשעי נעט (דארף אויך א שטיקעל תיקון, אבער איז עפעס געוואלדיג) פארשווארצט זיי ס'פנים אז ס'וויל זיך נישט קוקן דערויף, אבער ווען מ'שטעלט עפעס צו וואס איז נישט אכטציג פראצענט גוט, האבן מענטשן א וועג ארויס, מ'וויל נישט פארשטאטערן די ביזנעס וועגן דעם, מ'דארף נישט אפשר, נאר זיכער יא האבן ס'בעסטע פילטער ס'שייך, פרנסה קומט נישט פון אינטערנעט, דער זן ומפרנס לכל האט פון דיר נישט פארגעסן, אבער דער נסיון איז ליידער גרויס.

----

ס'איז טאקע מיין פערזענליכע התעוררות, אפשר נאר איך בין אזוי, אבער אפשר נעמט זיך איינער פאר צו לייגן דזשעי נעט אז אין דעם זכות זאל דער אינגערמאן וואס האט נעבעך נישט געקענט גיין צו א קינדס חתונה ווערן געזונט און שטארק און נאך האבן נחת פון בנים ובני ובני בנים?!


ווי ס'פרעגט דער קליינער יוסלמאן

--

ואגב, יעצט ביים אריינשרייבן האט ער מיר אויך אפגעפלאצט, לייג אריין נאכאמאל דעם נאמען אינעם פעסווארד און ווארט אפאר מינוט ביז וועסט עס דארפן אריינלייגן נאכאמאל, ס'נישט קיין לצנות!

געשריבן: מאנטאג יאנואר 04, 2010 1:06 pm
דורך משיח
א גוטע זאך קומט אן שווער...

אמת'דיג גערעדט ביסטו גערעכט, דאס מיט די אנדערע פראבלעמען זייערע האלטן זיכער צוריק אסאך אידן פון כשר'ן דען טריפה'נעם נעץ.

געשריבן: מאנטאג יאנואר 04, 2010 1:08 pm
דורך קאמענטאטאר
זענען דען אנדערע ווי ישיבה און פילטער נעט בעסער?

געשריבן: מאנטאג יאנואר 04, 2010 1:11 pm
דורך פריילאך
אלץ א JNET באנוצער, שוין גאר לאנג נישט געהאט קיין פראבלעם.

אפשר האט עס מיט דיין קאמפיוטער, נעטווארק וכדו'?

געשריבן: מאנטאג יאנואר 04, 2010 1:12 pm
דורך נאטורליך
גם אני בתוכם
איך האב נישט קיין jnet ווייל זייער ספיד איז שרעקליך שטייט
א שאד אז זיי טוען נישט עפעס דערוועגען

געשריבן: מאנטאג יאנואר 04, 2010 1:16 pm
דורך קאמענטאטאר
נאטורליך האט געשריבן:גם אני בתוכם
איך האב נישט קיין jnet ווייל זייער ספיד איז שרעקליך שטייט
א שאד אז זיי טוען נישט עפעס דערוועגען


אלס והייתם נקיים שרייב ארויס אז אנשטאט Jnet האסטו עפעס אנדערש, נישט אז איינער זאל חלילה חושד זיין, אדער עס נוצן אלס א פוילע אויסרייד פאר חלילה נוצן אומגעפילטערטע אינטערנעט.

געשריבן: מאנטאג יאנואר 04, 2010 1:30 pm
דורך יוסלמאן
פריילאך האט געשריבן:אפשר האט עס מיט דיין קאמפיוטער, נעטווארק וכדו'?


פארדעם האמיר צוויי וואכן נישט געהאט דזשעי נעט, צו זעהן ווי דער פראבלעם ליגט, ולדאבינו הרב האט דער בחור פיין געארבייט ביז היינט ווען מ'האט צוריק געלייגט דזשעי נעט.

---

וועגן ישיבה און פילטער ווייס איך נישט, כ'האב נאכנישט גערעדט צו איינעם וואס האט דאס.

געשריבן: מאנטאג יאנואר 04, 2010 1:31 pm
דורך משיח
דזעי נעט איז זיכער בעסער ווי די אנדערע מיט פארשידענע סיפיסטיקאציעס און אפציעס. (שנעלקייט ווייס איך נישט)

געשריבן: מאנטאג יאנואר 04, 2010 1:44 pm
דורך הערשי קניהויז
איך נוץ פילטערנעט עס ארבעט א מחיה, איך בון זייער צופרידן.

געשריבן: מאנטאג יאנואר 04, 2010 2:27 pm
דורך אינגערמאן
איך האב אויך JNET און איך קען נאר קאנפירמען וואס יוסלמאן האט געשריבן.... נישט איינמאל האט זיך געמאכט אז ווארטנדיג אויף א וויכטיגע אימעיל וכדו' איז ער געגאנגען שלאפן. און דאן...(כ'וויל בעסער נישט שרייבן ווייטער)

אבער איך מיין אז זיי האבן א שטיקל סיסטעם יעדע צוויי וואכן גייען זיי שלאפן פאר אפאר שעה... נישט אזוי?

געשריבן: מאנטאג יאנואר 04, 2010 4:10 pm
דורך איך_הער
אבי נישט יעדן טאג פאר אכט שעה.

געשריבן: דינסטאג יאנואר 05, 2010 11:35 am
דורך צייטליך
די חילוק פון JNET ביז די אנדערע פילטער'ס ווי "ישיבה נעט" און אנדערע איז אז JNET איז א אייגענער נעטווארק און די ניצט זייער ליין. אנדערש ווי ביי די אנדערע וואס לייגן עס בלויז ארויף אויף אייער קאמפיוטער אבער די ליין ניצט מען ווייטער ווערייזאן אדער פראנטיער.

JNET קען גיין שלאפן און גיין דאון, ביי אלע אנדערע איז נישט שייך אזא זאך. זיי האבן גארנישט מיטן ליין.

איך האב JNET און איך האב גראדע נישט קיינע פראבלעמען. (כ'האב די שנעלסטע ספיד און טייערסטע ליין)

געשריבן: דינסטאג יאנואר 05, 2010 9:52 pm
דורך סאכדעס
כ'מיין אז עס ווענד זיך אין די עריע. אין ווילי אינעם טשולנט טאפ, (זוך עס אויף...) איז עס זייער שטייט. פרוביר אויב נאך 5 אזייגער איז עס נישט בעסער.

געשריבן: דינסטאג יאנואר 05, 2010 11:16 pm
דורך חושים בן דן
איך ניץ אןיך דשעי נעט און אסאך מאל איז עס ביטער שטאט, איך מיין אבער אז ס'האט צוטוהן מיט די ראוטער וואס איך ניץ, ס'קען זיין??

געשריבן: מיטוואך יאנואר 06, 2010 6:56 am
דורך קאמענטאטאר
חושים, יא, ס'קען זייער מעגליך זיין, א "אוט דעטעד" מאדעם קען פאראורזאכן אסאך קאפוויי.

געשריבן: מיטוואך יאנואר 06, 2010 7:07 am
דורך ווינקל
יעך ניץ א פראגראם וואס רופט זיך covenant eyes דאס טייטש "שותפות'דיגע אויגן". עס האט אויך א פילטער און ס'ארבעט זייער פיין ב"ה.
סאיז שטארק געאיינגענט פאר די וואס האבן לעפטאפס און ברויכן נאר דא און דארט אמאל זיך אריינכאפן אינעם נעץ.... קענמען דאס אינסטאלירן אויף וויפיל קאמפיוטערס מ'וויל אנע עקסטערע טשארדזש! (און שטייצעך ס'ארבעט אויף סיי וואסערע אופן מ'כאפט א קאנעקשאן ווייל סאיז אן אינסטאלירטער פראגראם).

כ'ביניש קיין העקער... אבער כ'האב גערעדט מיט אפאר שארפע מוחות... זיי זאגן אז סאיז כמעט אוממעגליך דאס אויסצושפילן!

די פרייז איז נישט מער ווי א פאר פרוטות.

פארוואזשע זאג איך עס דא? פאר די דאזיגע וואס פארנעמען נישט דזשעי-נעט (כנ"ל) זאלן זיך נישט דרייען ווי קלעצער, און ביז דערווייל זיכן עפעס אנדערש....

געשריבן: מיטוואך יאנואר 06, 2010 7:10 am
דורך אלד וויליאמסבורג
איך האב עקסטשעינדש און קאשערנעט און עס פלעגט קיינמאל נישט האבן די ספיד וואס עס האט געדארפט זיין, די ארבייטער דארט האבן געהאט פארשידענע תירוצים פארוואס מען קען גארנישט טיען דערוועגן, און איין מאל ביי א ביזנעס מיטינג האב איך אנגעטראפען איינע פון די פירערס פון די קאמפעני און איך האב אים פארגעהאלטן היתכן, און נאך בו ביום איז מיין ספיד געשפרינגן 3 מאל אזויפיל ווי ס'איז געווען בעפאר.

געשריבן: מיטוואך יאנואר 06, 2010 8:55 am
דורך ווינקל
פונקט היינט באקום איך א בריוועלע פון איש.קאם איבער א פראמאשן אויף דעם פראגראם וואס כ'האב דערמאנט ביניך דאס מעתיק כלשונו.

[Special 2 week free trial to all Aish.com readers. See below for details]
Dear Friends,With the encouragement and endorsement of many leading Rabbis and community leaders we are happy to introduce a very important new program to the Aish community. The initiative hopes to assist and encourage individuals using the internet to do so in a safe and responsible manner. As Jews, it is imperative that we use every available means by which to protect ourselves and our families from the dangers found on the internet.

The program is called

"WebChaver" and is based on the well known

Covenant Eyes accountability system. Webchaver allows you to designate a "chaver", for example a close friend or spouse, who will receive a weekly email with a summarized list of the sites you visit on the internet. All websites are rated for inappropriate content and only "high scoring" sites will appear on the list thereby protecting user privacy. The program has already been successfully implemented in various homes, communities and educational institutions, to the overwhelming benefit of all involved.

Webchaver is an important tool for any family that wishes to continue to take advantage of the tremendous power of the internet while keeping family members safe from all the danger that it holds. Likewise Webchaver provides an individual the opportunity to use the internet with integrity and accountabilty. In addition webchaver offers customizable monitoring solutions for organizations, schools and offices. Details of WebChaver, as well as pricing and sign-up, can be found at

http://www.webchaver.org. To receive the

two weeks free trial period use coupon "aishpromo2010" during signup.

*WebChaver is a non-profit organization.


עכ"ל

געשריבן: דאנערשטאג פעברואר 04, 2010 12:25 pm
דורך מי יודע
איך בין לעצטענס געוואר געווארן וועגן א קאמפאני וואס הייסט "פילטער נעט" איך הער אז ס'האט נישט דעם פראבלעם ווי "דזשעי נעט", ווייל דאס בלאקט אפ דעם גאנצן הארד דרייוו, און דו קענסט מיט סיי וועלכע קאנעקשאן דו האסט, נישט אנקומען אין ערגעץ
אויב איינער ווייסט אויב דאס האט אויך עפעס א חסרון, אל ימנע טוב מבעליו
(איך רעד נישט פון א חסרון ווי אויסשפילן דעם סיסטעם, ווייל דאס קענסטו ביי דזשעי נעט אויך, און ווען מען זוכט שטארק שמוץ קען מען דאס דארט אויך טרעפן, איך רעד פון די רעגולער בלאקעדזש)

געשריבן: פרייטאג פעברואר 05, 2010 2:59 am
דורך גיי_ווייס
איך האב פילטער נעט אין ב"ה קיין מאל נישט געהאט א פראפלעם הען בגשמית און הען ברוחניות

געשריבן: פרייטאג פעברואר 05, 2010 8:10 am
דורך אינגערמאן
אגב דזשעי נעט איז נאכאמאל איינגעשלאפן די וואך ערגעץ אינמיטן וואך.

אבער אזויפיל יא אזא איינער וואס וויל האבן א ווייט ליסט א שטייגער ווי ישיבה נעט שטעלט צו, איז א שאד צו צאלן די 60 דולר וואס זיי בעטן פאר א חודש, מ'קען עס אנשטעלן אויפ'ן קאמפיוטער אליינס. דהיינו די בעטסט א חבר אז ער זאל אזוי ווי ווערן די אדמיניסטרעטאר פונעם קאמפיוטער (ער טוישט צו א פעסווארד וואס די זאלסט נישט קענען), און די באקומסט נאר א געסט אקאונט קען ער דיר אנשטעלן פונקטליך אין וועלכע סייטס זאלסט אריינגיין.

געשריבן: פרייטאג פעברואר 05, 2010 8:54 am
דורך ראמני 08
מי יודע האט געשריבן:איך בין לעצטענס געוואר געווארן וועגן א קאמפאני וואס הייסט "פילטער נעט" איך הער אז ס'האט נישט דעם פראבלעם ווי "דזשעי נעט", ווייל דאס בלאקט אפ דעם גאנצן הארד דרייוו, און דו קענסט מיט סיי וועלכע קאנעקשאן דו האסט, נישט אנקומען אין ערגעץ
אויב איינער ווייסט אויב דאס האט אויך עפעס א חסרון, אל ימנע טוב מבעליו
(איך רעד נישט פון א חסרון ווי אויסשפילן דעם סיסטעם, ווייל דאס קענסטו ביי דזשעי נעט אויך, און ווען מען זוכט שטארק שמוץ קען מען דאס דארט אויך טרעפן, איך רעד פון די רעגולער בלאקעדזש)


סאיז איין קאמפאני

געשריבן: פרייטאג פעברואר 05, 2010 9:25 am
דורך הערשי קניהויז
וואס איז איין קאמפאני?

געשריבן: פרייטאג פעברואר 05, 2010 9:28 am
דורך צווענגל
איך האב אויך פילטערנעט און איך בין זייער צופרידן

ס'האט א מוראדיגע מעלה אז אפילו א סייט וואס איז אפגעשלאסן און די דארפסט עס יעצט אויף די מינוט געסטו א טשעט מיט זיי לייף און ביז געציילטע סקונדעס איז עס אפען

משא''כ דזשעי נעט דארף מען ווארטן זייער לאנג ביז מ'שיקט א אימעיל און ביז זיי עפענען עס

געשריבן: פרייטאג פעברואר 05, 2010 10:23 am
דורך קרעמער
ווי געשריבן אין די טעכנאלאגיע פארומס האב איך אמאל גענוצט פילטערנעט, אבער עס האט זיך נישט פארשטאנען מיט גוגעל-קראום.