א בריוו צו מיינס א באקאנטן וואס האט פארשיקט זיין בחור

געשמאקע ארטיקלן און בילדער וכדו'

די אחראים: אחראי, געלעגער

מי יודע
שר ששת אלפים
תגובות: 6430
זיך איינגעשריבען אום: מאנטאג אוגוסט 31, 2009 4:35 pm

תגובהדורך מי יודע » מאנטאג נובעמבער 18, 2019 1:03 pm

שטארקע ווערטער ;l;p-
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.

מי יודע
שר ששת אלפים
תגובות: 6430
זיך איינגעשריבען אום: מאנטאג אוגוסט 31, 2009 4:35 pm

תגובהדורך מי יודע » מאנטאג נובעמבער 18, 2019 1:07 pm

איישישאק האט געשריבן:ווען איך בין געגאנגען לערנן אין א"י, האט זיך ביי מיר אנטדעקט פארשידענע זאכען וואס למעשה האב איך נישט געזען אין אמעריקא. איך בין געווען שלש סעודות ביי הרב צבי מאיר זילבערבערג, פאר א דוגמא. אזא שלשידעס עגזיסטירט אין אמעריקא? איך האב עס נישט געטראפען. מיינט דעס אז אמעריקא איז אפגעפרעגט און אז איך ווייס בעסער ווי יעדעם? ניין, זיכער נישט. מיינט דעס איז איך גיי וואוינען אין א"י און ווערען זיינס א חסיד און אפלאזען מיין קהלה דאהי? ניין, אויך נישט. אבער עס איז א מושג וואס איז כדאי צו זען אפילו ווען מ'לעבט נישט דערמיט. איך האב געטראפען תלמידי חכמים וואס איך וואלט נישט געטראפען דאהי. איך האב געשבת'ד אין בני ברק און געזען יונגעלייט וואס ווען זיי שמועסן מיט חברים ביי קידוש שבת אינדערפרי, איז עס וועגן א שווערער רמב"ם אין הל' טוען ונטען אדער טומאת אוכלים. איך האב געזען משפחות וואס לעבן אויף זייער ווייניג, און זיי זענען צופרידען מער ווי די גרעסטע בעלי תאווה.
איך מוז דאס אלס אויפגעבן ווייל דער קהלה דארף בחורים?

און איך וועל ענק זאגען מער. די ציבור איז זייער גרויס היינט און יעדער האט זיין געברויכען. די סיסטעם וועט נישט צוזאם פאלן ווייל א חלק פון די קהלה שיקט אין דער פרעמד. עס איז דא גענוג פאר יעדעם, און טאמער דער עולם וויל שוין נישט שיקען אין די קהל ישיבה, זאלען זיי זיך צושטעלן צום מארק און פארקויפען וואס דער עולם וויל. אונזער תורה זאגט אונז אז א ישיבה האט נישט קיין רעכט אפצושטעלן א צווייטע זאל עפענען א ישיבה, קנאת סופרים תרבה חכמה. זיי נישט קלוגער ווי די תורה, און האלט נישט 'אידישקייט' דורך טון פארקערט פון די תורה.

ס'איז מיר אויסגעקומען א צייט צוריק צו זיין פאר אביסל א לענגערע זמן אין ארץ ישראל, און איך פארשטיי וואס דו רעדסט, אבער עם כל זה דארף מען וויסן אז מיט אלע גדולים וצדיקים האט דער יצר הרע נישט פארגעסן פון א"י, ווי באקאנט די מעשה פון ר' יעקב שמשון פון שפיטיווקא מיטן יצר הרע און זיין שליח, ווי הייליג דאס פלאץ איז און ווי מער צדיקים דארט זענען דא, זה לעומת זה איז דארט דא דאס פארקערטע, אן אריינגיין אין ציונות, פראבלעמען וואס זענען פראבלעמען פון מתן תורה אן, מיט א באנוס אז אלעס איז אויף די היימישע אידישע שפראך, און א בחור וואס קומט אהין אליין דארף זיין גאר שטארק אויסגעבויט בוחר צו זיין בטוב, א בחור וואס איז נישט געבויט איז עס א סכנה פאר אים, ר' צבי מאיר איז זייער געשמאק, אבער ס'איז דא נאך זאכן וואס דער יצה"ר שטעלט אהער מיט א געשמאק
איך האב געהערט פון א חשובן משפיע וואס האט גארנישט מיט סאטמאר, און ער אליין האט געלערנט אלס בחור אין ארץ ישראל אוועק פונדערהיים, האט ער געזאגט ביי א דרשה וועגן חינוך, א טאטע דארף וויסן אוועקשיקן א בחור פונדערהיים איז א אפציע, אבער די לעצטע אפציע, כל זמן ס'איז דא א אנדערע אפציע זאל מען דאס נישט נוצן
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.

איישישאק
שר חמישים
תגובות: 51
זיך איינגעשריבען אום: דינסטאג אוגוסט 13, 2019 6:27 pm

תגובהדורך איישישאק » מאנטאג נובעמבער 18, 2019 1:29 pm

אביונה האט געשריבן:
איישישאק האט געשריבן:ווען איך בין געגאנגען לערנן אין א"י, האט זיך ביי מיר אנטדעקט פארשידענע זאכען וואס למעשה האב איך נישט געזען אין אמעריקא. איך בין געווען שלש סעודות ביי הרב צבי מאיר זילבערבערג, פאר א דוגמא. אזא שלשידעס עגזיסטירט אין אמעריקא? איך האב עס נישט געטראפען. מיינט דעס אז אמעריקא איז אפגעפרעגט און אז איך ווייס בעסער ווי יעדעם? ניין, זיכער נישט. מיינט דעס איז איך גיי וואוינען אין א"י און ווערען זיינס א חסיד און אפלאזען מיין קהלה דאהי? ניין, אויך נישט. אבער עס איז א מושג וואס איז כדאי צו זען אפילו ווען מ'לעבט נישט דערמיט. איך האב געטראפען תלמידי חכמים וואס איך וואלט נישט געטראפען דאהי. איך האב געשבת'ד אין בני ברק און געזען יונגעלייט וואס ווען זיי שמועסן מיט חברים ביי קידוש שבת אינדערפרי, איז עס וועגן א שווערער רמב"ם אין הל' טוען ונטען אדער טומאת אוכלים. איך האב געזען משפחות וואס לעבן אויף זייער ווייניג, און זיי זענען צופרידען מער ווי די גרעסטע בעלי תאווה.
איך מוז דאס אלס אויפגעבן ווייל דער קהלה דארף בחורים?.

מורא'דיג געוואלדיג
צו זעהן ר' צבי מאיר, און בני ברק'ער תורה יונגעלייט, קענסטו מיט א 'וויזיטע' אויך, זיך אנקוקן מיט א געזעלשאפט וואס מ'זעהט נישט דא...

[כאטשע אז איר ווילט קענט איר עס זוכן און זעהן דא אויך, נאר סי' נאטורליך אז אויף די היגע ת"ח קוקט מען מיט אן אנדערן בליק....]

דאס קענסטו סתם אזוי אים גיבן אויף עטליכע וואכן, [בעסער אז איר פארט מיט]

שיקן 'לערנען' קען זיין א תכלית לאקאל מער ווי אין די פרעמד


איך בין נישט גענוג גוט א שרייבער צו קענען ארויס ברענגן די אבסורד אין דיין מהלך אז מ'קען גיין באזוכען. איך האב געברענגט משלים, נישט די גאנצע זאך. א בחור וואס זוכט רוחניות, ער שטרעבט אויף צו ווערן אן עובד ה', גייט טרעפן א סאך מער אין א"י ווי אין אמעריקא. ער דארף נישט ווערן קיין א"י'דיגע דאס צו זען און צו האבען נוצן דערפון, אבער טרעפן וועט ער דארט. פארוואס? איז עס ווייל דא איז ער נאר צוגעוואוינט צו פארגרעבטקייט, און באמת זענען פארהאנען דא די זעלבע זאכען? קען זיין, אבער למעשה (אזוי ווי איך האב געשריבען פון אנהייב) טרעפט ער עס דארט. א טעאריע אז דא איז עס אויך פארהאנען העלפט נישט אויף למעשה.

ולא עוד אלא, דאהי קען מען טרעפן תלמידי חכמים. אבער ווייז מיר איין בית המדרש אין ווסמב"ג אדער בארא פארק ווי דער שיחת חולין ביים קידוש צו ביים אנטון די מאנטעל איז אויף א שווערע רמב"ם. נישט אז מ'קען טרעפן, נאר זאג מיר די נאמען פון איין אזא ביהמ"ד. יא, אין ברוקלין איז אפשר דא איינס. ווי? אויף 82טע גאס. און אפילו דארט בין איך נישט זיכער. אין א"י איז עס פלאטץ, ווי מ'האט געזאגט אויבען, מהרריה תחוב יראת שמים. די פשטות וואס איז געפאדערט אין ביהמ"ד איז אסאך העכער ווי דא. פון א פשוט'ער יונגערמאן ווערט ערווארטעט מער תורה און א העכערע דאווענען. דא קען מען טרעפן אזוינס, דארט איז עס א פשטות.

יצה"ר? אוודאי! עס איז דארט פארהאנען אויך. און דער שוואוילטאג בחור וועט דארט טרעפן א געשמאקערער שוואוילטאג, רח"ל. אפילו אן עבירות בפועל ממש. און דאס איז פון די ריזיקעס וואס מ'דארף נעמן אין אכט. אבער די אלע וואס שרייבען קעגן לערנן אין א"י נעמן בכלל נישט אין באטראכט די מעלות דערפון.

בקיצור, שיקען א בחור אן עובד ה' קיין ארץ ישראל וועט אים עפענען נייעהאריזאנטן אין עבודת ה', און א וויזיט וועט דאס נישט טון.
When the eagles are silent, the parrots begin to jabber

קעדילעק
שר מאה
תגובות: 110
זיך איינגעשריבען אום: דאנארשטאג אוגוסט 30, 2018 3:31 pm

תגובהדורך קעדילעק » מאנטאג נובעמבער 18, 2019 3:51 pm

מחנך האט געשריבן:ר' יום טוב, איר האט געעפנט א גאר מסובך'דיגער פעסל, גארנישט אזוי פשוט, מ'קען זיך טענה'ן צו ביידע עקסטריעם'ס, און אלע זענען דא גערעכט.

א. ווי איך פארשטיי רעדט מען פון אויסלאנד, על פי רוב וועט עס מיינען ארץ ישראל, ווייל דארט זענען דא אסאך ישיבות פון אלע סארטן, און דארט איז די מערסטע אין סטייל צו שיקן, אבער דאך איז דא כמה ישיבות ווי א טייל שיקן נישט אין א"י.

ב. איך האב נישט באמערקט אין זיין בריוו אז ער זאל פרעסן א ווארט אז די קהילה גייט פארלירן חסידים וכוד', דעריבער וועל איך רעדן ווען דעם עצם ענין אלץ א כלליות.

איך האב שוין געהאט ביי מיר בחורים מיט מעיזשער אישאס נאכ'ן צוריק קומען פון אויסלאנד לערנען, און אויך בחורים מיט אישאס וואס איז בעשאפען געווארען דא לאקעלי, אלע האבן מעלות מיט חסרונות, מ'קען נישט דן זיין אויף די כלל, יעדע בחור איז א פרי פאר זיך און א גאנצע מסכתא פאר זיך, וואס ס'קען זיין א הצלה פאר איינעם קען זיין א חורבן פאר א צווייטן, וכן להיפוך. והמציאות תעיד על זה.

אני הקטן האב אויך געלערענט אין די פרעמד, טאקע יא אין ארץ ישראל, סיי ביי א ישיבה וואס איז פארבינדן מיט מיין קהילה, וואס דארט איז דא אביסל מער פחד ביים בחור, ווייל ווי נישט ווי האב איך געוואוסט אז מיין טאטע איז גוט מיט'ן מנהל און איז גאר א גוטע חבר מיט איינע פון די משגיחים, און שפעטער ביי א מער לומד'ישע ישיבה פאר מבוגרים, ווי כ'אב מיך שוין מער געפילט ווי א פרייער פייגעלע, אבער איך בין געווען שוין דעמאלץ היפש אראפגעשטעלט, און שוין געווען מיט א ציל, און ב"ה איך קען זאגען אז מיין טאטע האט נישט געמאכט קיין מיסטעיק מיט שיקען.

ס'זענען פארהאנדען שטובען וואס זענען נישט סטעיבעל, מוז נישט זיין אינגאנצען א צוטראסקעטע שטוב אז מ'זאל מוזען פארשיקען די בחור, אמאל האט די טאטע אדער מאמע ערענסטע עי בי סי אישאס, אדער מער פון דעם, און ס'איז א סכנה צו לאזען די בחור אינדערהיים, אמאל האט ער זיך דא אנגעטשעפעט מיט שלעכטע חברים אדער ענדליך צו דעם, אמאל האט דער בחור שוין אזוי געפלאפט דא, און איז מיואש, אז זיין איינצייגסטע עכטע טשענס צו נאכאמאל געבוירען ווערען איז אויב ער פארט ווייט אוועק און טרייט צו מאכען א ריסעט.

אבער מיט דעם קומט מיט שווערע תנאים, א טאטע אין די היינטיגע צייטען וואס שיקט אוועק א בחור אינדערווייטענס נעמט א געפרליכע ריסק! ס'איז נישט צען יאר צוריק, און זעכער נישט 20 יאר צוריק, ס'איז א שרעקעדיגע וועלט, מיט די היינטיגע טעקנאלעזשי קען א בחור ח"ו פארפאלען ווערען אין געציילטע טעג, ה"י.

דא קומט די חילוק, ווען די עלטערען באמערקען און זעהען רויטע פלעגס ווי צב"ש, ווען א בחור קומט אהיים שפעט, זיין דאווענען שבת איז נישט ווי ס'פלעגט זיין, זיין זמירות און בענטשען האט זיך דראסטיש געטוישט, זיינע ווייטעל סיינס הייבן אן צו פאלען און די אלארעם ביי די עלטערען טוט זיך אינסטינקטיוו צעפייפען, און בע"ה ווען אזא פראבלעם איז פריש קען מען עס רוב מאל כאפען און פיקסען, און אסאך מאל וועלען די קינדער אליין בעטען די עלטערען צו העלפען ווייל זיי זענען אין א פראבלעם, מה שאין כן ווען מ'איז אין די פרעמד, אויך האט די קינד א געוויסע פחד אדער עמאושינעל עטעטשמענט צו די עלטערען ווען מ'איז נאענט, וואס אין די פרעמד פילט מען זיך באפרייט דערפון, דאס איז די פאקט.

פון מיין כיתה וואס זענען געפארען צו א"י איז איינער צוריקגעקומען נאך איין יאר א חילוני אינגאנצען, ער האט נאך געהאט שיריים פון די לבוש, אבער ער איז געווען קאליע אינגאנצען, ער האט זיך צוגעכאפט מו שלעכטע חברים אויף די גאסען, ער איז היינט א פרייער אטעיאיסט, און האט גארנישט מיט זיין משפחה, אן אנדערער - א קינד פון א רייכע שטוב - איז געגאנגען צו א גאר גדול'ישע ישיבה, אבער ער פלעגט אוועקפארען אויף שבתים [לייען: וויקענד"ס], ווייל אגאנצע וואך איז געווען דארטען שטרענג, שבת פלעגט מען קענען גיין צו קרובים וכו', אינמיטען יאר האט מען אים ארויסגעווארפען פון ישיבה ווייל מ'האט אים געכאפט אז ער איז געווען אויף שבת ערגעץ אויף א שרעקליכע פלאץ, ער האט זיך געוואלגערט ביז סוף זמן אין "רחובות", זיך געטראפען מיט גאסען יונגען, און די עלטערען האבען געמיינט אז ער איז צוריק מסודר אין א מסגרת, און אהיים געקומען איז ער א קאליקע אינגאנצען, ער האט יא זיך געהאלטען אויסערליך מיט לבוש און מיט התנהגות, ער האט חתונה געהאט [א שוואכע שידוך], און ער איז ביז היינט א קאליקע, זיינע עלטערען האבען נאך ביז היינט צער פון אים און פון זיין משפחה.

פון די אנדערע זייט זענען געוועזען בחורים פון מיין כיתה וואס זענען געווארען דארטען גרויסע עובדים און בעלי השגה, איך געדענק איין בחור וואס איז געווארען א מתמיד עצום, ממש נישט גערעדט קיין דברים בטלים, ער איז נאך היינט א חשוב'ע יונגערמאן, אא"וו, אויך זענען געווען אזאנע וואס זענען נישט קאליע געווארען, אבער בהחלט נישט געשטיגען, רוב צייט געווען ביזי צו אויסטשעקען די אלע עקען פון לאנד און די שטאט לאורכה ולרחבה, נישט צופיל געלערענט און נישט קאליע געווארען אויך נישט, עבדא בהפקירא ניחא להו, ווען א בחור האט פרייהייט נוצט ער עס אויס, אויב ער קען, אויסער אויב ער איז א גאר ערענסטער און אוועקגעשטעלטע בחור.

ביפאר ווען איינער וויל שיקען זיין בחור דארף ער טון אסאך ריסערטש אויף זיין קינד, אויף די ישיבה ווי ער שיקט אים, און היינט איז א מוז צו האבען אין ישיבה איינער וואס האלט א אויג אויף די בחור, פשוט צו זיכער מאכען אז ער פאלט נישט אריין א גרוב. די גאסען זענען פול מיט גריבער, אנגעהויבען פון די עירפארט און די עירפלעין זענען פיל מיט אלע מיני בחורים און גאסען יונגען, ארץ ישראל איז פול מיט שבב'ניקעס, אסאך מיט גאר היימישע אויסזעהן, מ'דארף זיך גוט פארגרייטען ביפאר מ'שיקט.

אין אלע וועגן וויאזוי די עלטערען טוען זאלען אלע זעהן אסאך נחת פון אלע קינדער, דא און אין אויסלאנד.


גענאגלט!

יעדע פאל איז א פרשה פאר זיך, פון רוב תגובות קומט ארויס אז עס זענען דא וואס האבן מצליח געווען, עס זענען דא וואס נישט, נאר גאר פארקערט, אויב אזוי איז די ריזיקע גאר הויך, אין בעסטן פאל א היי ריסק אקציע..

אין מאמענט אפאר יאר צוריק האט א געוועזענער ארץ ישראל'דיגער תלמיד אראפגעלייגט אין לעבעדיגע פארבן די תקופה וואס ער האט געלחערנט אין א"י מיט נאך אמעריקאנער חברים, געקויפט מיטאג דא און נאכטמאל דארט, און געהאט א קביעות'דיגע קעכערטע וואס האט זיי צוגעשטעלט שבתים, געסווייפט קרעדיט קארדס וכהנה, קוקט נישט אויס ווי זיי האבן דארט זיך געלערנט פון די בני ברק'ער אדער ירושלימ'ער עובדים..

אויב מ'רעדט פון א"י, קומט צו פאר א סאטמארער איד נאך אפאר סעיפים.

דברים אלו
שר האלף
תגובות: 1047
זיך איינגעשריבען אום: פרייטאג אוקטובער 16, 2015 2:30 pm

תגובהדורך דברים אלו » מאנטאג נובעמבער 18, 2019 4:55 pm

קעדילעק מיש נישט קיין יוצרות ביטע די מאמענט ארטיקל איז געווען בחורים פון פלעטבוש עכט מאדערנע בחורים פון רייכע שטיבער וואס האבן געטראסקעט און לערנען א גאנצן טאג און מיר און די עלטערן האבן זיי געגבן א קארטל צו קויפן עסן ווען אימער זייענדיג און די פרעמד און די בעל הבתטע פון זייער דירה האט זיי געאפערט אז זי וויל זיי צושטעלן היימישע עסן צ ו האבן א חלק און זייער תורה

קעדילעק
שר מאה
תגובות: 110
זיך איינגעשריבען אום: דאנארשטאג אוגוסט 30, 2018 3:31 pm

תגובהדורך קעדילעק » מאנטאג נובעמבער 18, 2019 5:29 pm

יעצט פיר אויס, מה שאין כן חסידישע בחורים קומען אלע צוריק כאניאקעס פון דארטן.. וואס?

אוועטאר
ניס קראכער
שר שלשת אלפים
תגובות: 3655
זיך איינגעשריבען אום: דינסטאג יולי 26, 2016 5:36 pm

קטן שנתקדש שלא לדעת אביו-(א)

תגובהדורך ניס קראכער » מאנטאג נובעמבער 18, 2019 5:40 pm

ביי מיר האט עס פאסירט-לך לך

לכבוד די חשוב'ע מערכת פון "ביי מיר האט דאס פאסירט".
איך שרייב דא א בריוו מיט גרויס ווייטאג, שפירנדיג פאר וויכטיג צו מקדים זיין אז עס איז ביי נישט קיין ספק אז דער בריוו איז נישט קיין געווענליכער בריוו, עס איז שטארק קאנטראווערסיאל, און מעגליך אז די רעדאקציע וועט קווענקלען צי מ'זאל דאס אריינלייגן צי נישט.
די סיבה פארוואס איך נעם זיך די מיה צו שרייבן דעם בריוו איז ווייל דער קאלום "ביי מיר האט דאס פאסירט", האט במשך די יארן באוויזן שוין עטליכע מאל צו בארירן טעמעס וואס אנדערע האבן נישט געוואלט רעדן, ארויסברענגען ווייטאגליכע נקודות וואס מערערע מענטשן במסתרים תבכה נפשם, אבער זיי האבן נישט פאַר וועמען און וואו ארויסצוגעבן זייער ווייטאג און זייער געשריי, און איינמאל עס איז דא ארויסגעברענגט געווארן געשריבן זאכליך, בטוב טעם ודעת, מיט זהירות בכבוד הבריות, אבער פון די צווייטע זייט האט דאס געפאדערט דעם צדק ויושר, האט דאס אויפגעטון, און אין געוויסע פעלער קען מען זאגן אז דאס האט אריינגעברענגט א טויש אינעם געדאנקענס גאנג פון מענטשן.
דעריבער קלער איך אז אויך די נושא, וואס אין די לעצטע וואכן האב איך געהערט דעם ווייטאג זייער שטארק, אידן קרעכצן, קלאגן, טרויערן, און זיי דערשטיקן זיך אין זייער פיין און שמערץ, זיי שפירן זיך פארשעמט צוקלאפט און דערשלאגן, דער וויי געשריי דארף ארויסקומען בשער בת רבים. מיר שטייען יעצט ביים התחלת הזמן אינעם עולם הישיבות, די פארגאנגענע וואך האבן טויזנטער בחורים אנגעהויבן זייערע לימודים אין די ישיבות, אלע מיט גוטע שאיפות, גוטע מטרות, אחד המרבה ואחד הממעיט ובלבד שיכוונו לבם לשמים, יעדער וויל שטייגן בסולם העולה בת קל, איש איש כפי דרגתו והבנתו. עס איז זייער שמערצליך דער גורל פון הונדערטער בחורים וואס זענען דערווייל נישט מסודר אין קיין ישיבות, עס איז א שווערע ווייטאגליכע נושא, וואס פאדערט בעיקר א שטארקע כח פון עסקנות, אבער מיר וועלן דא גיין קודם צום שורש פונעם חורבן.

איך בין א סאטמארער אינגערמאן, א תלמיד פון די סאטמארע ישיבה, אויך מיין טאטע שליט"א האט געלערנט אין סאטמאר, און מיין זיידע ע"ה האט נאך אויך פארברענגט זיינע ערשטע ימי הבחרות אויפן פערטן שטאק פון סאטמארער ביהמ"ד אויף בעדפארד עוו. און ביי אונז אין שטוב איז שוין עטליכע דורות די לופט 'סאטמאר', 'ויואל משה'.

צי איר גלייבט מיר יא צי איר גלייבט מיר נישט, איך האב ב"ה חתונה געמאכט צוויי זון, כהיום הזה זענען זיי וואוילע סאטמארערע אינגעלייט, איינער אין כולל, און איינער על המחי' ועל הכלכלה. מיין דריטער זון, א בחור'ל פון בן שמונה עשר וחצי איז כהיום א תלמיד פון "ישיבת מיר" אין ירושלים... אט די ישיבה וואס מ'האט מבטל תורה געווען פאראיאר צוויי מאל צו שיקן די בחורים צו בחירות, און נישט לאַנג צוריק האט מען דארט געברענגט די ראשי ממשלת השמד צווישן די לומדים צו העלפן דעם התורה... כ'שטעל זיך פאר אז איר וועט זיך וואונדערן וואס זוכט אזא בחור, ווי מיין זון אין מירער ישיבה?! א ישיבה וואס נעמט געלט פון די מדינה, א ישיבה וואו מ'לערנט ָפאר אויף די טמא'נע שפראך, א ישיבה וואס די השקפה דארט, די חברותא ארום, אלעס איז עפעס פארקערט פון וואס איך האב געלערנט ביי מיר אין שטוב?!

איך רעד שוין נישט ווי על משכבי בלילות קלאפט מיר דאס הארץ, איך ווייס דען נישט ווי אזוי די בית ישראל געגנט זעט אויס ביי די נעכט?! איך ווייס דען נישט וויפיל בעלי אכסניות זענען פטור געווארן פון בחורים אינמיטן די נעכט צוליב דאס ארגסטע ר"ל?! איך בין עפעס א שה תמים, איך האלט דען נישט מיט וואס עס דערציילן די געוועזענע בחורים וואס זענען געפארן בעבר זיך 'משלים' זיין אין ירושלים, און זיי זענען אהיימגעקומען קאליקע אינגאַנצן?!.
די קשיא האלט מען מיך פאר איבעראל, מיינע חברים קוקן מיך אן מאדנע, איבעראל פרעגט מען אונטערן רוקן 'הזאת נעמי?!', און קיינער ווייסט נישט ווי דער מציאות רייסט מיך ביים הארצן, ווען איך ווייס אז דער חינוך פון 18 יאר ביי מיר אין שטוב גייט א גאנג, און מיין זון וועט אהיימקומען מיט נייע השגות און נייע באגריפן, נייע אויפפאסונגען, און איך ציטער אויב איך דארף זיך רישן אז איך וועל נאך דארפן מיט אים פירן וויכוחים ווען ער וועט דרייען מיטן לומד'ישן פינגער מיט א ביטול און שפאס אויף כל הקודש לנו. ער וועט זיין קליינעם ברודערל נעמען אויפן קרייץ פארהער איבער זאכן וואס ביי אונז איז געווען קודש קדשים, און איך וועל נישט מעגן בכלל אריינרעדן, ווייל וועלכער טאטע האלט דען פאר א גרויסן בחור וואס פרעגט נאר תמימות'דיגע קשיות פון איינעם פון די ארבעה בנים?! (מעגליך אז צווישן מיינע שורות שרייט ווייטאג, יא יא, איך שרייב מיט אזויפיל צער און כ'מוז זיך אפשטעלן יעדע פינף מינוט זיך צו קענען בארוהיגן).

איר ווייסט פארוואס ער איז געפארן? ווייל זיין מגיד שיעור ביי וועמען ער האט געלערנט פאראיאר האט אים מסביר געווען אז פאר א בחור אזא בעל כשרון ווי ער איז א 'בזבוז' צו גיין לערנען אין א סאטמארע ישיבה, "דיין מח וועט דארט ראסטיג ווערן", איז געווען זיין 'פערלדיג' לשון וואס מיין בחור האט מיר איבערגעזאגט, "אויב וועסטו פארן קיין מיר, הערן א שיעור ביי רבי אשר, וועסטו וואקסן א כלי". איך וויל איבערזאגן נאכאמאל מיטן גאנצן הסבר... זיין מגיד שיעור, אן איינגעשטעלטער אין א היימישע ישיבה, וואס באקומט שכירות וואס עלטערן באצאלן איהם, עלטערן געבן אוועק זייער ביסן פון מויל אז ער זאל באקומען דאס געהאלט און מרביץ תורה זיין אין די ישיבה, זיי ווילן אז ער זאל פאלגן די הוראות פון אונזערע רבי'ס זלה"ה, ויבדלחט"א כ"ק רבינו שליט"א וואס ווארענט און איז מעורר כסדר איבער דעם עון נורא פון אוועקשיקן בחורים קיין ארץ ישראל, און די ביטערע תוצאות וואס מ'זעהט דערפון.,
און דער איז 'מועל בתפקידו', נעמט די שעות וואס ער איז געדינגען דורך די עלטערן, דעם קשר וואס ער האט געמאכט מיטן בחור בשליחות פון די עלטערן, ער איז בוגד ומעיל בשליחותו, און מיט עזות העצט ער א בחור קעגן זיינע עלטערנ'ס רצון, אז ער זאל מורד זיין און וועלן פארן קיין ארץ ישראל, און גיי שלאג זיך מיט א גרויסן בחור...

פארגאנגענעם שב"ק ביי שלש סעודות זיצט נעבן מיר א חבר, ער פרעגט מיך גראד אין פינטל "ווער האט געהעצט דיין בחור?", ס'איז מיר געווען א שאק צו הערן די פראגע, ווייל איך האב ביז יעצט געהאלטן מיין ווייטאג אין מיר, און צו קיינעם נישט גערעדט, אבער יענער אינגערמאן האט געעפענט זיין הארץ און זיין מויל, און מיר דערציילט א צאל שאקירענדע מעשיות פון היימישע בחורים, וואס די עלטערן האבן אפגעארבעט ביז די 18-17 יאר, און פון דאן און ווייטער טועהן אונזערע שכירים מיט אונזער געלט היפך רצונינו. ווי שרייבט דער גאון ישראל דער בריסקער רב ז"ל "התורה אינה קנין הרמים!", און איך שריי אויס בשם נאך עלטערן "צאצאינו אינה קנין הרמי"ם", מיר שרייען אויס לתיקוני שדרתיך ולא לעוותי'! כ'וויל נישט אויפברענגען אויפן צונג, ניטאמאל אויפן זכרון, אבער ווען מיט 40-35 יאר צוריק איז געווען א מעשה אין וויליאמסבורג ווען א מגיד שיעור האט געשלעפט בחורים אוועק פון טאטנס שויס צו בארות נשברות, האט מען דאס דראסטיש אפגעשטעלט, און כהיום הזה איז דער חורבן עמנו בבית ואין פוצה פה ומצפצף.

אין די עטליכע טעג האב איך שוין גערעדט פערזענליך צו 8 עלטערן וואס האבן 'פארלוירן' די קינדער אין די לעצטע 3-2 יאר (ביי דריי פון די זענען די קינדער אנטלאפן -– בהדרכת הרמי"ם -– צו א פרעמדע ישיבה אין בארא פארק, איך וויל נישט אריינגיין דא אין פרטים), דערציילט מיר איינער פון זיי אז ער האט קאנפראנטירט דעם מגיד שיעור, ער האט אויפגעהויבן צו אים א טעלעפאן און געפרעגט "מיט וואס פארא רעכט רעדסטו צו מיין בחור זאכן אויסער די גמרא שלא בידיעתי?". דער מגיד שיעור איז נישט געווארן רויט אדער בלאס, נאר ער האט אזא קנייטש געגעבן מיטן שטערן (מסתמא איז דאס נוסח מיר, אדער מוסר'ניק פון נאווארדאק...) "על פי הלכה קען א טאטע נישט אריינרעדן פאר א קינד וואו ער זאל גיין לערנען, ביי עבודת ה' איז נישטא קיין ענין פון כיבוד אב ואם", און ער האט נאך מצטט געווען מראי מקומות.

כ'האב אין יענע טעג באגעגענט הגאון הגדול בעל וישב משה שליט"א און מיט ווייטאג דערצייל איך אים די מעשה, און איך פרעג אים אלס דיין, אלס מורה הוראה בישראל, אויב עס איז אמת אזא הלכה אז א טאטע האט נישט צו איינטיילן א זון וועלכע מהלך ער זאל גיין בעניני עבודת ה'? זאגט ער מיר שארף "מילא, א אינגערמאן, א ערוואקסענער מענטש, איינער וואס ווייסט שוין פון זיין לעבן צו זאגן, אבער א יונגער בחור'ל?, איינער וואס איז נאך אין די יונגע חינוך יארן, א שוואך ביימעלע, און א מגיד שיעור נוצט אויס זיין השפעה אויפן בחור נגד רצון אביו, דער איז א מ...". (כ'שרייב נישט ארויס, ווייל דער דיין שליט"א האט דאס מסתמא נישט געזאגט אויף צו דרוקן ברבים). דא איז נישט די רעדע פון א בחור אדער יונגערמאן וואס ס'ציט אים א געוויסער דרך אין עבדות ה' וכדו', וואס איז גאר א באזונדערע טעמע. איך רעד דא פון מגי"ש וואס גייען אקטיוו צורעדן יונגע בחור'לעך, תינוקות של בית רבן, יונגע ביימעלעך וואס האבן נאכנישט אנטוויקלט זייערע אייגענע ווארצלען, און מ'שטופט זיי ארויסצוטרעטן קעגן די הוראות פון זייערע אייגענע רבי'ס און קעגן דעם רצון פון זייערע אייגענע עלטערן! נישט נאר איז עס א חוצפה און עזות פונעם מגי"ש צו העצן א בחור קעגן זיין טאטן, דערצו אין עפעס וואס יעדער אמת'ער סאטמארער חסיד זעט דערין א פגיעה אין יסודות הדת, און נאכמער, איז דאס אויך די הוראה פון רבותינו הקדושים זי"ע,

אבער דער מגי"ש וואגט זיך נאך עס צו טון בשעת ער איז געדינגען ביים טאטן טאקע דירעקט צו טון דאס פארקערטע! צו שטיין על המשמר און מחנך זיין דעם בחור בדרכי התורה והמסורה לויט ווי מיר האבן מקבל געווען פון אונזערע רבי'ס. דאס איז שוין אויסער די שרעקליכע עוולה, ווי דערמאנט, פון נעמען א יונגן בחור און אים ווארפן אין לייבן גרוב ממש, אים צורעדן צו גיין ערגעץ וואו ער וועט זיין ממש הפקר, ארומגענומען פון אלע זייטן מיט פסול'ע השקפות און געדאנקען בעניני אמונות ודיעות, און סתם אזוי אן קיין שום אויפזיכט און אחריות וואס איז א ריכטיגע סכנה, ברוחניות און אפילו בגשמיות.

איך וויל דא מיט מיין ווייטאגליכן בריוו מעורר זיין דעם דעת הקהל, רבותי, הייבט אן צו שרייבן בריוון, לאזט הערן אייער שטימע, אלע טאטעס וואס בלוטיגן אז זייערע בינונים בחורים האבן נישט קיין ישיבות זאלט איר וויסן אז שולדיג זענען אט די בוגדים, די וואס גייען אונטער דעם רוקן פון א טאטן, און ברענגען אונטער דעם עולם הישיבות מיט זייערע פעולות. זיי דארפן געברענגט ווערן צו פאראנטווארטליכקייט פאר זייערע מעשים, און אוודאי זיי נישט געבן א מקום מקלט זיי צו פיטערן מיט אונזער געלט! פארשטייט זיך אז אויסנאם פעלער זענען אלעמאל פארהאן, אבער דאס איז זיכער אז א מגי"ש האט נישט קיין שום רעכט צו באשליסן אזא האקעלע זאך און דן זיין דיני נפשות אויף די אייגענע האנט, אפילו אין א זעלטענע פאל וואו ס'קען זיין נויטיג פאר סיי וועלכע סיבה אוועקצושיקן א בחור.

החותם בצער ובדמע בשם עשרות הורים כואבים
קריך ארויף הויעך, ווייל נאר אזוי וועסטו אנקומען! אז די וועסט קריכן שטייטלעך אין פארזיכטיג. וועסטו נישט אראפ פאלן אין זיך בכלל נישט צוקלאפן!...

איישישאק
שר חמישים
תגובות: 51
זיך איינגעשריבען אום: דינסטאג אוגוסט 13, 2019 6:27 pm

תגובהדורך איישישאק » מאנטאג נובעמבער 18, 2019 6:00 pm

דור השופט את שופטיו, וואס דער טאטע וואס זיצט א גאנצע טאג אויפ'ן קאמפיוטער, טיילט איין דער מגיש שיעור דער תלמיד חכם וואס צו טון און וואס צו זאגען. אז א תורה אוטאריטעט איז אן איינגעשטעלטע וואס מוז זיך בייגען פאר די אילי ההון, איז ביטערער ווי שיקען א בחור אין א ישיבה ווי געוויסע בחורים גיין ארויס צו בחירות איין מאל יעדער שטיק צייט. יא, די ביטול תורה שטערט אים פלוצלונג!!! איך וויל נישט רעדן דערפו, וכל מבין ומשכיל יבין מיד פארוואס אין די היינטיגע טאג איז די בטול תורה טענה זינלאז.
When the eagles are silent, the parrots begin to jabber

אוועטאר
ניס קראכער
שר שלשת אלפים
תגובות: 3655
זיך איינגעשריבען אום: דינסטאג יולי 26, 2016 5:36 pm

קטן שנתקדש שלא לדעת אביו-(ב)

תגובהדורך ניס קראכער » מאנטאג נובעמבער 18, 2019 6:06 pm

ביי מיר האט פאסירט - וירא

לכבוד די חשוב'ע מערכת פון "ביי מיר האט דאס פאסירט".
איך מוז אייך זאגן אז איך בין באמת שטארק איבערראשט און איבערגענומען פון די קוראזש וואס 'דער בלאט' צייגט, מיט דעם וואס עס ווערט געגעבן א געלעגנהייט פאר'ן ציבור צו לאזן הערן זייער מיינונג איבער די שפאלטנס פון די צייטונג, טראצדעם וואס דאס איז אמאל נישט ממש אויסגעהאלטן לויט אלע כללי ה...
עס איז געווען פארגאנגענעם דאנערשטאג נאכט, נאכן שיעור, כ'בין אהיים געקומען און שנעל דורכגעבלעטערט דעם 'אוצר' אפטיילונג, און דער קעפל 'קטן שנתקדש שלא לדעת אביו' האט מיך שטארק געצויגן, עס האט אויסגעזען אינטערעסאנט, און גלויבט מיר בנאמנות, אן פארוואס, אן פארווען כ'האב זיך געטראפן וויינען... וויינען מיט טרערן, ווייל איינער האט אפגעשריבן מיין פערזענליכע מעשה וואס איך בין אריבערגעגאנגען מיט מיין דעמאלטסדיגער בחור, היינט א אינגערמאן, שוין א טאטע ב"ה, מיט עטליכע יאר צוריק.
איך קען אסאך רעדן, איך קען אסאך זאגן, אבער דאס ערשטע א 'יישר כח' בשמי, ובשם נאך אסאך פארווייטאגטע און פארוויינטע עלטערן.
במשך דעם שבת האב איך געדאוונט אין עטליכע בתי מדרשים, און איך בין צוגעגאנגען צו א קידוש אין נאך א ביהמ"ד, איך בין געווען שאקירט צו זעהן ווי ווייט דאס איז געווען 'די' טעמע, און ווי כמעט צו וועמען איך האב גערעדט איז מען געווען אזוי איינשטימיג.
(למען הפונקטליכקייט: ווי יעדע זאך איז דא אויך געווען מיינונגס פארשידנהייטן איבער פרטים, יעדער קוקט אן אנדערש די נושא פון ארץ ישראל, און בעצם די היינטיגע עולם הישיבות, אבער אינעם ס"ה פונעם ארטיקל, אז א באצאלטער מגיד שיעור אין א היימישע ישיבה רעדט איבער א בחור, א מתמיד וירא שמים, און ער שטעלט אים אויס א מהלך נגד דעם רצון און ציל פון זיין טאטן וואס האט אים געשיקט אין די זעלבע ישיבה צו באקומען א חינוך עפ"י דרכי ומסורת אבותיו, דאס איז א עון פלילי שאין לו שום הצדקה בעולם).
כ'וויל דא ארויסברענגען א שטיקל נקודה.
ב"ה איך האב א גרויסע משפחה, און כ'האב שוין חתונה געמאכט עטליכע בחורים, ס'איז מיר נישט געגאנגען לייכט מיט אלע קינדער, עס איז געווען היבש צער גידול בנים ביז מ'האט זיי געזען ביי די חופה בשטומ"צ, אבער ווען עס קומט יסורים און עגמ"נ בידי שמים איז איין זאך, דארט ווייסט מען אז מ'דארף וויינען צום אויבערשטן, בעטן ביים תהלימ'ל, און געבן צדקה און טון וואס מ'דארף צו זוכה זיין צו אידיש נחת, און אז די קינדער זאלן גיין אויפן דרך הישר.
אבער, דאס קומט נישט צו צום פאקט, ווען איך בין אנגעקומען צו דעם מצב אז מיין בחור, דער מצוין, דער מתמיד, מיין נחת'ל, דעם וואס כ'האב יעדן טאג געגעבן שבח והודאה פאר השי"ת אז איך האב זוכה געווען צו א מתנת חינם, האט דאס ערשטע מאל אין לעבן גערעדט צו מיר שלא בדרך ארץ, און מיר מודיע געווען אז ער וועט דעם קומענדיגן זמן גיין לערנען אין ישיבה פלוני, און ווען איך האב געעפענט צוויי אויגן מיט וואונדער 'וואס פאלט דיר ביי?!', האט ער מיר געזאגט א לשון מיט א מאמר חז"ל וואס ער האט פון עמיצן נאכגעזאגט, האט דאס מיר דורכגעשטאכן מיין הארץ ווי א מעסער.
אין א געוויסן זין איז אזוי, ווען דיין געלונגענער זון שטעכט דיך אריין, איז דאס טיפער און ווייטאגליכער ווי די צער גידול בנים פון די אנדערע קינדער מיט וועמען מ'מוטשעט זיך מחמת פראבלעמען.
הערשט אביסל שפעטער האט ער מיר פונקטליך געזאגט פון וועמען ער זאגט נאך, און וועלכער מגיד שיעור האט אים מסית געווען.
און איך וויל טאקע זאגן פאר דעם מגיד שיעור (איך בין זיכער אז איינער פון די אנדערע פארוייטאגטע טאטעס וועמען איך האב באגעגנט דעם שבת וועלן זיכער מאכן אז ער זעט דעם בריוו מיינעם):
"חשוב'ער מגיד שיעור! דער הייליגער דברי חיים האט געזאגט, מלאכים און שרפים ציטערן פון מיר, אבער איך ציטער פון א טרער פון א צובראכענע אלמנה!", און דאס האט ער געזאגט בשעת ווען די אלמנה האט נישט באצאלט קיין רענט, און זי איז זיכער נישט געווען גערעכט הלכה'דיג.
"חשוב'ער מגיד שיעור! איר זענט מער דעת תורה פון מיר, מער תלמיד חכם פון מיר, עפר אני תחת כפות רגליך, אבער א צובראכענער פארוויינטער טאטע וואס האט געוויינט על משכבו בלילות, דאס בין איך! איר האט גענוצט מיין געלט קעגן מיר – א שטארקע שאלה אין חושן משפט – איר האט מיך מצער געווען עד דכדוכה של נפש, און דאס בלייבט אויף אייער געוויסן! די וועלט זאגט 'ווי לאנג מ'האט קינדער אין די וויגעלעך האלט מען זיך דאס מויל!"...
דאס איז מיין מעסעדזש וואס איך האב דא צו זאגן מיטן בלוט פון מיין הארץ.
ב) אגב, אז די נושא, וואס מ'רעדט אזויפיל איז דאס אז א 'מצוין' דארף גיין דוקא אין א ישיבה למצוינים', דערציילט מיר א ידיד מיט וועמען איך האב געווייטאגט איבער די נושא, אז ווען מיט יארן צוריק האט זיך אנגעהויבן דער מצב מיט די "ישיבות למצויינים", האט מען גערעדט איבער די נושא ביי די ראשי ישיבה אין סאטמאר, איז דערביי געווען הגה"צ חו"פ רבי מענדל פריעדמאן זצ"ל, וואס כידוע האט מרן רביה"ק זי"ע געזאגט שטארקע אויסדרוקן איבער זיין הבנה אין די ענינים, אז דאס ענין פון ישיבות למוצינים איז מופרך מעיקרא, האט ער געזאגט אזוי:
"דער טבע פון א בוים איז אז דער בוים האט א דיקער האלץ, באדעקט מיט א שיכט שאלעכטס[קארע], פון דעם קומט ארויס צווייגן, און פון די צווייגן קומט ארויס פירות, די אלע זאכן אינאיינעם טוען פארמירן דעם בוים.
"אויב וועט עמיצער וועלן האבן א שיינעם בוים אן קיין שאלעכטס, און ער וועט אפשיילן די קארע פונעם בוים, וועט ער זען ווי ביז געציילטע טעג וועט דער בוים ארויסגעבן פון זיך א נייער שאלעכטס, פונעם בוים אליין וועט ווערן שאלעכטס, ווייל דאס איז דער טבע הבריאה.
"גענוי אזוי איז א ישיבה, א ישיבה איז א בוים, עס האט שיינע פירות, עס האט ענפים, עס האט עצים, און עס האט נאטורליך א קליפה, עס איז נישטא קיין מציאות צו באפרייען דעם בוים פון די קליפה, אויב וועט מען מאכן א ישיבה למצוינים וועט בהכרח פאסירן אז פון די מצוינים אליין וועט ארויסקומען א פרישע קליפה, עס וועט זיך צוביסלעך באווייזן א שאלעכטס".
ליידער, טראכט אריין אביסל, דאס איז א טיף ווארט, א טיף ווארט וואס ליגט דערין אסאך אמת.
אויב זאל מען אריינגיין און צונעמען צוביסלעך די "ישיבות למצוינים" וועט מען זען קלאר, אז זיי האבן טאקע געקליבן מצויניים, אבער סוכ"ס האבן זיי פאבריצירט אייגענע שאלעכטס, אויך אין די בעסטע ישיבות למצוינים זענען דא עידית בינונית וזיבורית, און להוי ידוע אז קיינער איז נישט פארזיכערט אויב זיין מצוין וועט בלייבן א מצוין, אדער וועט ער ווערן די פרישע 'שאלעכטס'...
עס איז היבש ידוע ביים ציבור, די 'ישיבות למצוינים' וואלטן געצאלט אלע געלטער אז מ'זאל נישט ארויסקומען ברבים צו רעדן און דערציילן וואס פארא פרייז זיי האבן שוין געקאסט פאר כלל ישראל'.
אבער דאס איז שוין מענין לענין באותו ענין. איך קום צוריק נאכאמאל: טייערער מגיד שיעור, ווען איר זענט משתדל ביי א בחור צו ווערן א מחוצף פאר זיין טאטן, ווייסט איר אז אייער קשר מיט דעם בחור ענדיגט זיך דא, מעגליך איר שפירט אז איר האט גאר געטון א מצוה מיטן 'ראטעווען' נאך א בחור פון די 'אלטמאדישע סאטמארע' דרך הלימוד, די אמאליגע פארצייטישע אונגארישע לעבענס-שטייגער, און דער בחור קען נאך חס ושלום אויסוואקסן א טיפיקל סאטמארער איד מיט א טיפע קראך אינעם שטאפן הוט וואס וועט צוויי מאל א וואך פארן מיטן 'מענער ביקור חולים באס' טראגן עסן פאר קראנקע אין שפיטעלער, אדער שרייען 'פוי' ביי א פראטעסט אויף די 42'סטע גאס אין מאנהעטן.
דערווייל וועט איר העלפן ברענגען פאר כלל ישראל נאך א שפיץ-קאפ, נאך א דריידל לשם ולתפארת, אבער וויסן זאלט איר, אלעס פון דא און ווייטער בלייבט אויפן טאטן, עס איז זיין זון, זיינע קינדער זענען מיינע אייניקלעך, אויב די שטוב ווערט נישט געפירט ע"ד רביה"ק זי"ע, בלייבט דאס מיין 'לאך' אויף די דורות, בשעת ווען דער מגיד שיעור וועט מקיים זיין דעם 'ושכבת וערבה שנתיך'.
איר האט זיך נישט מיט וואס צו בארואיגן, איר האט זיך נישט מיט וואס צו מחזק זיין, יעדער מגיד שיעור וואס רעדט עניני הדרכה והשקפה צו א בחור, וויסנדיג אז דאס איז נגד רצון הוריו, טוט אן עולה גדולה, עס איז גזילה עפ"י הלכה, און א שרעקליכער עזות און חוצפה.
און נאכמער, קוקנדיג לויט'ן עבר שטעלט זיך ארויס ליידער אז יענע האבן באצאלט מיט זייער אייגן אידיש נחת.
הזהרו בגחלתן!
ג) די דריטע ווייטאגליכע נקודה וואס כ'ווייס נישט אויב עס איז ערלויבט ארויסצוברענגען אויפ'ן פאפיר איז די 'טענה: "לאו עכברא גנב אלא חורא גנב".
איך פרעג א שאלה, פארוואס ווען איך האב אלס בחור געלערנט אין סאטמאר, האט מיין טאטע געוואוסט אז ער שיקט מיך צו ראשי ישיבה ומגידי שיעור וואס זענען מיט אים אויף איין בלעטל.
כי רוכלא נתי וניזל? מיינע גרויסע רבי'ס: פריימאנער רב זצ"ל, הגה"צ רבי משה יאזעפאוויטש זצ"ל, הרה"צ מפאלטישאן שליט"א, ועוד הרבה. מיינע משגיחים הרה"ג ר' מאיר אברהם ליבערמאן שליט"א. מיינע ערוואקסענע קינדער האבן געלערנט שוין אין די שפעטערדיגע יארן ביי הרה"ג ר' אלימלך (הגדול) לאנדא ז"ל, הרה"ג ר' מרדכי דוד קאהן ז"ל, הרה"ג ר' יונה פילאפף ז"ל, ויבדלחט"א הרה"ג ר' אלימלך יודא (הצעיר) לאנדא שליט"א, הרה"ג ר' אהרן קאהן שליט"א, הרה"ג ר' חיים הילל היללער שליט"א, הרה"ג ר' מאיר אליעזר פריעדמאן שליט"א, הרה"ג ר' יעקב נחמן שטויבער שליט"א, ועוד ועוד.
איך פרעג א שאלה, וואס פעלט פאר די אידן, סאטמארע תלמידי חכמים, וואס האבן עשרות בשנים מעמיד געווען תלמידים הגונים, פארוואס דארפן מיר כהיום הזה זוכן פון איבעראל אידן וואס האבן נאך קיין הקפות אין סאטמאר נישט געזען, און קיין שובבי"ם תורה נישט געהערט?!
טייערע חברי הנהלה, ענינו ביום קראינו?! מיר פרעגן א שאלה, וואס הונדערטער אידן פרעגן! אונזער ישיבה גיט יערליך ארויס הונדערטער טייערע חתנים וואס ווערן אינגעלייט, פון תשי"א עד היום הזה, וואו זענען זיי?! פארוואס זעען מיר נישט אונזערע אייגענע תלמידי חכמים אנפולן די בענקלעך פון די מגידי שיעור?!
סאטמאר האט במשך די יארן ארויסגעגעבן הערליכע פירות זרע ברך ה'. וועלט בארימטע תלמידי חכמים און גאונים וועלכע באשיינען דעם אויבנאן אין עולם התורה, ווי אויך הונדערטער הונדערטער תלמידי חכמים מופלגים מלא וגדוש בתורה ויראת שמים, קען מען דען נישט צווישן זיי טרעפן גענוג און נאך פאסיגע רמי"ם ומגידי שיעור מחנך צו זיין אונזערע צוקונפטיגע דורות?!
פארוואס האט מען דוקא אין די לעצטע יארן אנגעהויבן צו נעמען נייע מגידי שיעור, שלא ממחנינו?! מיר פארלירן אונזערע קינדער פון אונזערע הענט, און מ'וויינט.
מאידך גיסא, פרעגן מיר א שאלה, האבן די פרעמדע מגידי שיעור פארבעסערט דעם חינוך?! אויסער שניידן דעם כמות הלימוד, און זיכער מאכן אז מ'לערנט גאר ווייניג, 4-5 בלאט א יאר, וויפיל מער אין ידיעת התורה, יראת שמים, השקפה, און געבויעטקייט זענען די בחורים פון די לעצטע יארן קעגן די בחורים פון פריער?!
כ'זע מ'גיבט רשות הדיבור אויף הונדערטער פארשטיקטע שאלות, דאן נוץ איך אויס די פלאטפארמע און איך שריי אויס מיין ווייטאג.
איך ווייס נישט ווער עס דארף געבן תשובות אויף די שאלה, אבער קודם לאמיר שרייען, לאמיר ארויסגעבן ווייטאג ברבים.
אויב די שורות וועלן געדרוקט ווערן זאג איך "יישר כח".
(_)
קריך ארויף הויעך, ווייל נאר אזוי וועסטו אנקומען! אז די וועסט קריכן שטייטלעך אין פארזיכטיג. וועסטו נישט אראפ פאלן אין זיך בכלל נישט צוקלאפן!...

אביונה
שר חמישים ומאתים
תגובות: 468
זיך איינגעשריבען אום: מיטוואך יולי 17, 2019 1:39 pm

תגובהדורך אביונה » מאנטאג נובעמבער 18, 2019 6:07 pm

איישישאק האט געשריבן:דור השופט את שופטיו, וואס דער טאטע וואס זיצט א גאנצע טאג אויפ'ן קאמפיוטער, טיילט איין דער מגיש שיעור דער תלמיד חכם וואס צו טון און וואס צו זאגען. אז א תורה אוטאריטעט איז אן איינגעשטעלטע וואס מוז זיך בייגען פאר די אילי ההון, איז ביטערער ווי שיקען א בחור אין א ישיבה ווי געוויסע בחורים גיין ארויס צו בחירות איין מאל יעדער שטיק צייט. יא, די ביטול תורה שטערט אים פלוצלונג!!! איך וויל נישט רעדן דערפו, וכל מבין ומשכיל יבין מיד פארוואס אין די היינטיגע טאג איז די בטול תורה טענה זינלאז.

איר גלייבט נאך די בעלויניס?
ווער ס'פארט קיין ארץ ישראל לערנען 'אין מיר', ממש רייסט זיך איבער בלימוד התורה?.... :P :P
ממש, די אמעריקאנע 'פארגרעבקייט' פליהט פון אים ארויס...
פארקויפט לאקשן פאר א צווייטן..
לעצט פאראכטן דורך אביונה אום מאנטאג נובעמבער 18, 2019 6:11 pm, פאראכטן געווארן 2 מאל סך הכל.
כי לא יחדל אביון מקרב הארץ

גיט
שר חמישים ומאתים
תגובות: 274
זיך איינגעשריבען אום: מיטוואך דעצמבער 27, 2017 9:34 pm

תגובהדורך גיט » מאנטאג נובעמבער 18, 2019 6:08 pm

איישישאק האט געשריבן:דור השופט את שופטיו, וואס דער טאטע וואס זיצט א גאנצע טאג אויפ'ן קאמפיוטער, טיילט איין דער מגיש שיעור דער תלמיד חכם וואס צו טון און וואס צו זאגען. אז א תורה אוטאריטעט איז אן איינגעשטעלטע וואס מוז זיך בייגען פאר די אילי ההון, איז ביטערער ווי שיקען א בחור אין א ישיבה ווי געוויסע בחורים גיין ארויס צו בחירות איין מאל יעדער שטיק צייט. יא, די ביטול תורה שטערט אים פלוצלונג!!! איך וויל נישט רעדן דערפו, וכל מבין ומשכיל יבין מיד פארוואס אין די היינטיגע טאג איז די בטול תורה טענה זינלאז.


נעם ארויס די חלק צו אוועקשיקן איז יא א גוטע זאך אדער נישט, קומט נישט דא אריין,

האט דען א טאטע נישט קיין שום רעכט וויאזוי ער וויל זיין בחור זאל ווערן אויפגעצויגען?

אוועטאר
פעיק נוז
שר חמשת אלפים
תגובות: 5434
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » מאנטאג נובעמבער 18, 2019 6:12 pm

איישישאק האט געשריבן:דור השופט את שופטיו, וואס דער טאטע וואס זיצט א גאנצע טאג אויפ'ן קאמפיוטער, טיילט איין דער מגיש שיעור דער תלמיד חכם וואס צו טון און וואס צו זאגען. אז א תורה אוטאריטעט איז אן איינגעשטעלטע וואס מוז זיך בייגען פאר די אילי ההון, איז ביטערער ווי שיקען א בחור אין א ישיבה ווי געוויסע בחורים גיין ארויס צו בחירות איין מאל יעדער שטיק צייט. יא, די ביטול תורה שטערט אים פלוצלונג!!! איך וויל נישט רעדן דערפו, וכל מבין ומשכיל יבין מיד פארוואס אין די היינטיגע טאג איז די בטול תורה טענה זינלאז.

מאך נישט אוועק דעם טאט'נס רעכט צו מחנך זיין זיין קינד לויט וויאזוי ער פארשטייט. דער אויבערשטער האט אים געגעבן דעם קינד אז ער זאל אים מחנך זיין לויט זיין יכולת. און א טאטע וואס ארבעט צו ברענגען פרנסה אין שטוב ווערט נישט זיין התחייבות און זיין זכות מחנך צו זיין זיין קינד לויט זיין יכולת און לויט זיין פארשטאנד קלענער.

אבער פון די אנדערע זייט, א קינד נישט דעם טאט'נס אייגנטום, יא פונקט ווי ער שרייבט: "צאצאינו אינם קנין הרמי"ם", די זעלבע איז כלפי עלטערן, די קינדער זענען נישט די עלטערנ'ס אייגנטום, א טאטע דארף זיין אפן צו זען אביעקטיוו וואס עס איז גוט פאר'ן קינד, וואס גייט אים ברענגען מער מצליח צו זיין, וואס גייט אים ברענגען נענטער צו השי"ת.


און וועגן א מגי"ש וואס רעדט צו א בחור צו פארן אויף א"י, איז זייער שווער צו זאגן, וואס איז געווען די רילעישן-שיפ צווישן דעם בחור און זיין מגי"ש? אויב איז דער מגי"ש סתם א העצער וואס ווייל ער איז פארקויפט פאר א"י גייט ער ארום פעדלען זיין מיינונג פאר אינגע בחורים, איז עס א געוואלדיגע עוולה. אויב אבער האט דער מגי"ש ארויס דעם בחור און ער קען אים גוט און ער ווייסט אז עס וועט באמת גוט זיין אויב ער גייט אהין, מעג א מענטש צורעדן א צווייטן צו טון א גוטע זאך, אפי' דער טאטע האלט אנדערש.
לעצט פאראכטן דורך פעיק נוז אום מאנטאג נובעמבער 18, 2019 6:18 pm, מאל פאראכטן געווארן 1 סך הכל.

אוועטאר
פעיק נוז
שר חמשת אלפים
תגובות: 5434
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » מאנטאג נובעמבער 18, 2019 6:16 pm

בנוגע פארן קיין א"י איז זייער שווער צו זאגן מען מוז עכט ארויסהאבן דעם בחור צו קענען מחליט זיין. אבער בנוגע אוועקשיקן א בחור פונדערהיים דהיינו שיקן לערנען אין א אנדערע שטאט אדער סתם אין א נייטראלע ישיבה וואלט איך געזאגט כמעט באופן כללי אז עס איז זייער א גוטע זאך.

אוועטאר
פעיק נוז
שר חמשת אלפים
תגובות: 5434
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » מאנטאג נובעמבער 18, 2019 6:20 pm

איך בין סתם נייגעריג, איינער האלט דא באמת אז דא אין אמעריקע אין די היימישע ישיבות איז דא ווייניגער פארדארבנקייטן ווי אין די ארץ ישראל'דיגע ישיבות?! איך האף אז איך רעד דא מיט אמעריקאנער אייוואוינער.

אביונה
שר חמישים ומאתים
תגובות: 468
זיך איינגעשריבען אום: מיטוואך יולי 17, 2019 1:39 pm

תגובהדורך אביונה » מאנטאג נובעמבער 18, 2019 6:45 pm

פעיק נוז האט געשריבן:איך בין סתם נייגעריג, איינער האלט דא באמת אז דא אין אמעריקע אין די היימישע ישיבות איז דא ווייניגער פארדארבנקייטן ווי אין די ארץ ישראל'דיגע ישיבות?! איך האף אז איך רעד דא מיט אמעריקאנער אייוואוינער.

מען האט שון פריער גערעדט דערפון
די פאינט איז אז ווען דער בחור איז 'דא', קען מען האלטן א אויג אויף אים..
כי לא יחדל אביון מקרב הארץ

אוועטאר
פעיק נוז
שר חמשת אלפים
תגובות: 5434
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » מאנטאג נובעמבער 18, 2019 6:58 pm

רעד דיך ווייטער איין אז דו קענסט האלטן א אויג אויף דיין בחור. ס'גוט...

אוועטאר
פישל
שר חמש מאות
תגובות: 801
זיך איינגעשריבען אום: מאנטאג ינואר 25, 2010 11:53 am

תגובהדורך פישל » מאנטאג נובעמבער 18, 2019 7:04 pm

פעיק נוז האט געשריבן:רעד דיך ווייטער איין אז דו קענסט האלטן א אויג אויף דיין בחור. ס'גוט...

דו האלטסט אז א בחור אין א ישיבה דאהי לאקאל, איז די זעלבע הפקר ווי א בחור וואס געפונט זיך אויף דער פריי 6000 מייל ווייט פון זיין טאטע, מאמע, געשוויסטער, קרובים וכו'?
דער ענטפער טוישט זיך, אבער די פראגע בלייבט די זעלבע, וויפיל אזייגער איז?

חסדי אבות
שר חמש מאות
תגובות: 633
זיך איינגעשריבען אום: מאנטאג יולי 15, 2013 1:49 pm

תגובהדורך חסדי אבות » מאנטאג נובעמבער 18, 2019 7:07 pm

פעיק נוז האט געשריבן:איך בין סתם נייגעריג, איינער האלט דא באמת אז דא אין אמעריקע אין די היימישע ישיבות איז דא ווייניגער פארדארבנקייטן ווי אין די ארץ ישראל'דיגע ישיבות?! איך האף אז איך רעד דא מיט אמעריקאנער אייוואוינער.


יא, יא און יא!

איך בין געווען דער וואס האט געשטיצט פריער און זיך אנגענומען מער צו די זייט פון יא שיקן בחורים קיין ארץ-ישראל (פארשטייט זיך יעדע פאל איז אנדערש), און איך זאג נאכאלס פון עקספיריענס און ידיעה ברורה, אז אין אמעריקע איז דא ווייניגער פארדארבנקייטן וכו'... ווי גרויס דער ברייטקייט איז, אלס ברייטער וכו'...

עכ"ז איז פארהאן א מקום פאר א בחור אין ארץ-ישראל, אויב מעסט מען פונקטליך און מען ווייסט פונקטליך וואס מען טוט.

צמצום ברענגט נישט קיין קדושה!

נ.ב. איך האב געלערנט אין ביידע, סיי דא און סיי דארט. אזוי, אז איך ווייס וואס איך רעד. איך האב אויך מיטגעהאלטן פון אנדערע וואס זענען געבליבן און געפארן וכו'.

אוועטאר
פעיק נוז
שר חמשת אלפים
תגובות: 5434
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » מאנטאג נובעמבער 18, 2019 7:14 pm

חסדי אבות האט געשריבן:
פעיק נוז האט געשריבן:איך בין סתם נייגעריג, איינער האלט דא באמת אז דא אין אמעריקע אין די היימישע ישיבות איז דא ווייניגער פארדארבנקייטן ווי אין די ארץ ישראל'דיגע ישיבות?! איך האף אז איך רעד דא מיט אמעריקאנער אייוואוינער.


יא, יא און יא!

איך בין געווען דער וואס האט געשטיצט פריער און זיך אנגענומען מער צו די זייט פון יא שיקן בחורים קיין ארץ-ישראל (פארשטייט זיך יעדע פאל איז אנדערש), און איך זאג נאכאלס פון עקספיריענס און ידיעה ברורה, אז אין אמעריקע איז דא ווייניגער פארדארבנקייטן וכו'... ווי גרויס דער ברייטקייט איז, אלס ברייטער וכו'...

דיסעגרי.

חסדי אבות
שר חמש מאות
תגובות: 633
זיך איינגעשריבען אום: מאנטאג יולי 15, 2013 1:49 pm

תגובהדורך חסדי אבות » מאנטאג נובעמבער 18, 2019 7:15 pm

האסט געלערנט אין ביידע, אז דו רעדסט מיט אזא זיכערקייט?

אוועטאר
פעיק נוז
שר חמשת אלפים
תגובות: 5434
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » מאנטאג נובעמבער 18, 2019 7:29 pm

יא.

ab frid
שר העשר
תגובות: 46
זיך איינגעשריבען אום: זונטאג יולי 14, 2019 3:16 pm

תגובהדורך ab frid » מאנטאג נובעמבער 18, 2019 7:42 pm

נישט יעדער וואס איז אויף א פלאץ ווייסט טאקע וואס עס גייט פאר אין דעם פלאץ...

אוועטאר
פעיק נוז
שר חמשת אלפים
תגובות: 5434
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » מאנטאג נובעמבער 18, 2019 7:47 pm

יא, און וועגן דעם זאג איך אז דער עולם נער'ט זיך דא איבער די השחתות וואס טוט זיך דאהי.

איישישאק
שר חמישים
תגובות: 51
זיך איינגעשריבען אום: דינסטאג אוגוסט 13, 2019 6:27 pm

תגובהדורך איישישאק » מאנטאג נובעמבער 18, 2019 8:26 pm

איך בין עכט שאקירט צו ליינען די ווערטער פון דער בלאט. איך ליין עס קיינמאל נישט, עס איז ביי מיר אין שטוב אפשר איין מאל אריין געקומען. איך האב אבער געמיינט אז צייטונגען האבען גדרים ביי זיך, מ'מעג שרייבען השקפה, און אפילו אפרייסן די קעגנער (נישט פערזענליך, נאר זייער מיינונג). אבער דאס שרייבן אפן קעגן א ישיבה, א מקום תורה, א תיבה אין דער מבול, א משכן אין ירושלים, א ישיבה וואס מימיהם של אבותינו לא פסקה ישיבה מפיהם, איז א נייעם שלעכטס. ווילסט אויסרעדן דברים הצריכים תיקון? פיין. אבער אזוי צו בארעדן מענטשן, זאגאר אריין גיין ביי זיי פערזענליך אין קישקעס אז זייער קינדער האבען אויך געליטען (דו עז פנים דו טאטע, דו האסט דאך פוטער אויפ'ן קאפ. אפשר איז דיין זון געגאנגען אזוי, ווייל דו רעדסט אזוי אויף מגידי שיעור?! האסט געטראכט דערפון?), איז א פשע בל יכופר.

ווי זענען די אלע מחנכים וואס שרייען אז די עלטערן און די מלמדים מוזן זיין אויף די זעלבע פעידזש? פלוצלונג מעג מען בארעדן מחנכים בפני קהל ועדה? ווען זיי זענען נישט איינגעשטעלט אין קהל זענען זיי פלוצלונג נישט קיין מחנכים? אונזער קינדער זענען עפעס הפקר אז זיי דארפען ליינען אזעלכע רייד?
When the eagles are silent, the parrots begin to jabber

אוועטאר
מצב כללי
שר שלשת אלפים
תגובות: 3628
זיך איינגעשריבען אום: זונטאג אוגוסט 18, 2013 7:09 pm

תגובהדורך מצב כללי » מאנטאג נובעמבער 18, 2019 9:16 pm

איישישאק האט געשריבן:איך בין עכט שאקירט צו ליינען די ווערטער פון דער בלאט. איך ליין עס קיינמאל נישט, עס איז ביי מיר אין שטוב אפשר איין מאל אריין געקומען. איך האב אבער געמיינט אז צייטונגען האבען גדרים ביי זיך, מ'מעג שרייבען השקפה, און אפילו אפרייסן די קעגנער (נישט פערזענליך, נאר זייער מיינונג). אבער דאס שרייבן אפן קעגן א ישיבה, א מקום תורה, א תיבה אין דער מבול, א משכן אין ירושלים, א ישיבה וואס מימיהם של אבותינו לא פסקה ישיבה מפיהם, איז א נייעם שלעכטס. ווילסט אויסרעדן דברים הצריכים תיקון? פיין. אבער אזוי צו בארעדן מענטשן, זאגאר אריין גיין ביי זיי פערזענליך אין קישקעס אז זייער קינדער האבען אויך געליטען (דו עז פנים דו טאטע, דו האסט דאך פוטער אויפ'ן קאפ. אפשר איז דיין זון געגאנגען אזוי, ווייל דו רעדסט אזוי אויף מגידי שיעור?! האסט געטראכט דערפון?), איז א פשע בל יכופר.

ווי זענען די אלע מחנכים וואס שרייען אז די עלטערן און די מלמדים מוזן זיין אויף די זעלבע פעידזש? פלוצלונג מעג מען בארעדן מחנכים בפני קהל ועדה? ווען זיי זענען נישט איינגעשטעלט אין קהל זענען זיי פלוצלונג נישט קיין מחנכים? אונזער קינדער זענען עפעס הפקר אז זיי דארפען ליינען אזעלכע רייד?


איך זעה נישט וואס איז ראנג מיט די ארטיקעל אין בלאט

אפשר ביזטו בעסער מסביר


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: האאאטשו און 21 געסט