בלאט 1 פון 1

IRS tax forms

געשריבן: דאנארשטאג פאברואר 05, 2009 2:37 pm
דורך שוועמל
This is shvemel form the kretchme, internet.

I need some help with tax forms which I don't know exactly what they are for.

First, what is a W-9 form, and what is the purpose of it?

געשריבן: דאנארשטאג פאברואר 05, 2009 4:01 pm
דורך לחיים ולברכה
כ'ווייס נישט פונקטליך, אבער בערך אזוי.

1) איינער וואס וויל האבן דיין אינפארמאציע, ווי: נאמען, אדרעס, סאשעל אדער EIN, בעט פון דיר א W-9 וואס ער האלט אין זיינע רעקארדס. דער 'איינער' איז למשל א ביזנעס וואס וויל האבן אלע אינפארמאציע פאר זיי טוען ביזנעס מיט דיר, כדי צו קענען רעפארטן ווען נויטיג צום איי. אר. עס.

2) ס'איז פארהאן אמאל וואס א מוכר דארף קאלעקטן טעקס פון א קונה, למשל אינטרעסט. אויב אבער איז דער קונה עקזעמפט פון צאלן טעקס, דארף ער אויפווייזן פאר'ן מוכר מיט א W-9 אז ער איז טאקע עקזעמפט, אדער אז ער גייט דאס צאלן ווען ער גייט פיילן טעקס ריטערן.

אין אנדערע ווערטער, דאס איז נישט א פארם וואס מ'שיקט צום איי. אר. עס., ס'איז נאר אזוי ווי א דעקלעראציע.

געשריבן: דאנארשטאג פאברואר 05, 2009 4:06 pm
דורך וויכטיג מאכער
חיים ברוך, יעס! פיין געענטפערט!

געשריבן: דאנארשטאג פאברואר 05, 2009 4:11 pm
דורך שוועמל
יישר כוח ברוך.
איך האב באקומען פון א קאמפאני וואס איך דיל מיט, די קאמפאני איז א פלארידע קאמפאני.
איך טו שוין לאנג ביזנעס מיט זיי, און פולע מאל טוען זיי שיקן די באשטעלונגען צו פלארידע אדרעסן.

איך גלייב אז זיי ווילן עס האבן כדי אויפצו ווייזן אז יענע באשטעלונגען זענען עקזעמפט פון טעקס. דערפאר האבן זיי געשיקט פאר מיר א W-9 אז וויבאלד איך האב דאס באשטעלט און איך בין דאך עקזעמפט, ממילא איז מען פטור פטור פטור.

די שאלה איז צי ס'יז טאקע אזוי, אז א ניו יורק ביזנעס איז עקזעמפט פון טעקס אין פלארידע ווען דער שיפמענט גייט קיין פלארידע.

געשריבן: דאנארשטאג פאברואר 05, 2009 4:18 pm
דורך וויכטיג מאכער
שוועמל, כ'בין נישט אזוי באקאנט אין די טעקס לאו'ס, אבער אזוי פיל ווייסעך, ווען איינער פארקויפט עפעס אויף איבעי, בעט מען נישט געווענדליך קיין טעקס, אבער אויב דער קויפער איז אין די זעלבע סטעיט, דארף מען יא בעטן, סאו איי געס אז ס'איז עפעס אזוי...

געשריבן: דאנארשטאג פאברואר 05, 2009 5:41 pm
דורך איך_הער
עטליסט דערווייל, די חברה ווילן איינפירן אז מ'זאל יא דארפן, יוי גייט דאס זיין שווער.

געשריבן: דאנארשטאג פאברואר 05, 2009 9:48 pm
דורך שוועמל
די טעקס אישוס האט גארנישט מיט איבעי.
עס איז א קלארע געזעץ צו בעטן סעילס טעקס פון יעדע 'ענד יוזער', ד"ה פונעם לעצטן קונה, דערפאר דארף א ריטעילער נישט צאלן קיין סעילס טעקס פארן האלסעילער וויבאלד ער האט א 'ריסעיל סערטיפיקעט' וואס ערלויבט אים צו קאלעקטן טעקס פון די לעטע קונה.

מיין שאלה איז צי א ענד יוזער פונעם זעלבן סטעיט, פלארידע, וואס קויפט עס דורך מיר, צי איך ברויך צאלן דערויף סעילס טעקס וויבאלד מיין סערטיפיקאט איז נאר גילטיג אין ניו יארק און נישט אין פלארידע.

איבעי האט קיינמאל נישט געהאט קיין געזעצן איבער די טעקס אישוס, און אפילו קונים פונעם זעלבן סטעיט פלעגן נישט צאלן קיין טעקס (חוץ אויב דער סעללער האט קלאר סעלעקטעד אין די סעטטינגס אז ער וויל רעכענען טעקס). די סיבה איז אפשר געווען וויבאלד איבעי איז בדרך כלל א יארד סעיל וואו מען פארקויפט גענוצטע זאכן, און די געזעץ איז אז איינמאל מען האט שוין געצאלט טעקס אויף א אייטעם ברויך מען נישט נאכאמאל צאלן. (עס איז נישט ממש אזוי גלאט, עס האט אסך כללים ופרטים).

קען זיין איבעי האט איינגעזען אז מען פארקויפט שוין היינט גאר אסך נייע זאכן וואס מוזן באצאלט ווערן מיט טעקס דערויף, ווילן מאכן דאס פאר א עמטליכע זאך.

איך הער
פון וואנעט נעמסטו אז איבעי גייט בעטן טעקס?

געשריבן: דאנארשטאג פאברואר 05, 2009 10:50 pm
דורך לחיים ולברכה
ווי ווייט איך געדענק;
ווען דער קונה וואוינט אין אן אנדערע סטעיט ווי דער מוכר, דארף דער מוכר נישט קאלעקטן סעילס טעקס.

געשריבן: פרייטאג פאברואר 06, 2009 2:03 am
דורך שטרויזאק
לפי ידיעתי פליז קאררעקט מי איף איי עם ראנג:

די קאנסטיטושען האט צוגעטיילט די רעכט פון רעגולירן אינטערסטעיט קאממערס (האנדעל) פאר די פעדעראלע רעגירונג, ובכן קען א סטעיט רעגירונג נישט קאסירן סעילס טעקס ווען די סחורה ווערט געליפערט אוט אף סטעיט ווייל דעמאלטס איז עס אן אינטערסטעיט טרענזעקשאן.

דערפאר איז דא א "יוז טעקס" (עס גייט געווענדליך צוזאמען אין עס איז געווענדליך די זעלבע רעיט – Sales and use tax) וואס די רעגירונג קען קאסירן טעקס פון דעם קונה אויף עניטינג וואס ער נוצט אין די סטעיט אפילו מען האט עס געקויפט אוט אף סטעיט. חוץ ווען מען האט שוין גצאלט דערפאר.
שטייצעך אז עס איז זייער שווער פראקטיש צו איינקאסירן, ווייל זיי קאנען נישט נאכגיין יעדע קליינע מקח וואס ווערט געמאכט. אבער עס איז דא פארשידענע פעלער ווען די רעגירונג קען עס קאסירן צב"ש ווען מען קויפט א קאר וואס מען דארף רעגיסטרירן, אדער א גרויסע מקח וואס די רעגירונג דערוויסט זיך דערפון וכד'.

טאמער דער קונה איז נישט דער ענד יוזער מוז ער נישט באצאלן אפילו ער איז פון אן אנדערע סטעיט. מאנכע סטעיט פארלאנגען אבער מען זאל האבן א סערטיפיקעט פון זיי אדער א בלענקעט סערטיפיקעט, מאנכע פארלאנגען מען זאל ערקלערן ווער דו ביסט און אז דו פארקויפסט ווייטער די סחורה (9-W), און מאנכע זענען צעפרידן מיטן ארגינעלן סערטיפיקעט. אבער ווי געזאגט איז דאס נאר ווען די סחורה ווערט געליפערט באותו סטעיט.

איבעי קען לכאורה נישט קאסירן סעילס טעקס ווייל טעקניקעלי איז איבעי נישט קיין מוכר, זיי זענען נאר מתווך צויישן דעם קונה און דעם מוכר.

אינטערנעט סעללערס דארפן דערווייל נישט קאלעקטן סעילס טעקס ווייל דער סופרים קארט האט גע'פסק'עט אין 1992 אז מעיל ארדער קאמפעניס דארפן נאר קאסירן טעקס דארט וואו זיי זענען פלאצירט, אפילו זיי טוען ביזנעס בארבע כנפות ה US, כל זמן זיי האבן נישט עפעס אן אנוועזענהייט אין די סטעיט צב"ש אן אפיס, אגענטן, וועירהאוז וכד'

אסאך סטעיטס ארבעטן יעצט ביינאזאם אויף א סיסטעם (SSUTA) צו סימפליפייען און מאדיפייען די טעקס געזעצן, צו פארגרינגערן קאסירן טעקס פון איין סטעיט צעמאנדערן. דערווייל ארבעטן זיי מיט די ריטעילערס בתורת נדבה (זיי געבן פארשידענע איסענטיווס, א ביליגערן רעיט וכד') אבער זייער ציל איז איבער צודרייען דעם פסק פון דעם סופרים קארט הנ"ל
.משיח זאל אודאי פריער קןמען.

געשריבן: פרייטאג פאברואר 06, 2009 2:53 am
דורך שוועמל
לחיים
האסט נישט געליינט מיין פראגע.
דער קונה וואוינט טאקע אין אנדערן סטעיט ווי מיר, אבער נישט 'איך' האב געשיקט דעם ארדער, נאר מיין ווענדאר וואס וואוינט אין די זעלבע סטעיט ווי דער קונה. (דראפ-שיפ)
דער ווענדאר טענה'ט אז מיין ריסעיל סערטיפיקאט איז וועליד נאר פאר ניו יארק, אויב איך שיפ קיין פלארידע דארף איך יא צאלן. איך טענה אז דער קונה האט געקויפט פון מיר, און דער ווענדאר איז נאר געווען דער שיפפינג מידיום.

שטרויזאק,
יישר כח פאר דיין נוצליכע אינפא. נישט געוויסט וואס יוז טעקס מיינט.

איבעי, אודאי דארפן זיי אליינס נישט קאסירן די טעקס, זיי שטעלן בלויז אהער דעם מיטל צו פאקויפן א אייטעם. לויט איך_הער וועלן זיי אנהייבן צווינגען די מוכרים צו קאלעקטן טעקס פאר ארדערס געשיקט צו די זעלבע סטעיט.

געשריבן: פרייטאג פאברואר 06, 2009 3:26 am
דורך שטרויזאק
א גוטע קשיא עס האבן שוין דן געווען דערין גדולים וטובים, עיי' בגוגל ועוד. יעדע סטעיט האט זיך אירע משוגעתן וויאזוי זי קוקט דאס אן.

געשריבן: פרייטאג פאברואר 06, 2009 3:34 am
דורך שוועמל
אגב, די אינטערסטעיט טעקס פון וואס דו רעדסט האט עפעס צו טון מיט NEXUX ?

געשריבן: פרייטאג פאברואר 06, 2009 3:39 am
דורך שטרויזאק
יא, Nexus מיינט די אנוועזענהייט וואס איך האב פריער געשריבן

איך האט געשריבן:אינטערנעט סעללערס דארפן דערווייל נישט קאלעקטן סעילס טעקס ווייל דער סופרים קארט האט גע'פסק'עט אין 1992 אז מעיל ארדער קאמפעניס דארפן נאר קאסירן טעקס דארט וואו זיי זענען פלאצירט, אפילו זיי טוען ביזנעס בארבע כנפות ה US, כל זמן זיי האבן נישט עפעס אן אנוועזענהייט אין די סטעיט צב"ש אן אפיס, אגענטן, וועירהאוז וכד'

געשריבן: פרייטאג פאברואר 06, 2009 4:46 pm
דורך איך_הער
איך האנישט גערעדט פון דעם אז איבעי גייט צווינגען, די געזעץ געבער ווילן ארויס קומען מיט אזא געזעץ צו צווינגען אלע אינטערנעט פארקויפער, צו קאלעקטן טעקס.

געשריבן: מוצ"ש פאברואר 07, 2009 8:40 pm
דורך לחיים ולברכה
שוועמל האט געשריבן:לחיים
האסט נישט געליינט מיין פראגע.
דער קונה וואוינט טאקע אין אנדערן סטעיט ווי מיר, אבער נישט 'איך' האב געשיקט דעם ארדער, נאר מיין ווענדאר וואס וואוינט אין די זעלבע סטעיט ווי דער קונה. (דראפ-שיפ)
דער ווענדאר טענה'ט אז מיין ריסעיל סערטיפיקאט איז וועליד נאר פאר ניו יארק, אויב איך שיפ קיין פלארידע דארף איך יא צאלן. איך טענה אז דער קונה האט געקויפט פון מיר, און דער ווענדאר איז נאר געווען דער שיפפינג מידיום.

לדעתי; דו דארפסט זיכער נישט באצאלן, ווייל דו ביזט נישט דער ענד יוזער. והא ראי', זיי האבן דאס נישט געשיקט צו דיר. מיין שאלה איז נאר צו דו דארפסט קאלעקטן פון דיין קאסטומער און אפשיקן דאס געלט אויף פלארידע. איך האב אמאל געהאט אן ענליכע מעשה מיט אויסלאנד, און דער מוכר האט מיר געבעטן א סטעיטמענט אז ס'איז געווארן עקספארטעד צום יו. עס., און כ'האב נישט געדארפט באצאלן קיין סעילס טעקס.

אגב איז אינטערסאנט צו באמערקן. ווען אן אויסלענדער קויפט עפעס אין אייראפע און צאלט דערפאר סעילס טעקס, קען ער אין עירפארט צוריקבאקומען די סעילס טעקס, אויב ער נעמט מיט דער אייטעם קיין אויסלאנד.

געשריבן: זונטאג פאברואר 08, 2009 6:38 pm
דורך וויכטיג מאכער
שוועמל, איך האב נישט געמיינט דוקה איבעי, כאנאר געוואלט ברענגען א ראי' פון דארט, ווייל דארט ווייסעך אז אויט אוו סטעיט צאלט מען נישט קיין טעקס.

איי פארוואס איבעי? ווייל איך האב נאכנישט פארקויפט קיין אייטעם אויט אוו סטעיט, נאר דורך איבעי.... באט ס'האט גארנישט מיט זיי, ווי אנדערע ברענגען ארויס!

געשריבן: דינסטאג פאברואר 17, 2009 11:35 am
דורך שוועמל
נעקסט,
וואס איז פארם ST-121, און ווען ווערט עס גענוצט?