בלאט 1 פון 55

טעקס ריטורן אינפארמאציע

געשריבן: דאנערשטאג יאנואר 24, 2019 9:13 pm
דורך Max Refund
[align=center]אנגעהויבן פון דינסטאג פר' משפטים January 29 למספ' קענט איר שוין פיילן אייער 2018 טעקס ריטורן, און בעזהשי"ת באקומען אייער לאנג ערווארטעטע ריפאנד.[/align]

[align=center]אין די קומענדיגע תגובות וועלן איך פרובירן אויסצושמועסן און קלאר מאכן אסאך פרטים ארום טעקס ריטורן, וואס איז די ריפאנד מען באקומט צוריק, און וויפיל מען קען מאכן א.א.וו.

איך וועל פראבירן יעדן טאג צו אפדעיטן דעם ווינקל
(ביטע נישט פארציען לענגערע שמועסן אויף דעם אשכול, צו קענען האלטן די זאך אויף די רעלסן)
פאר סיי וועלעכע פראגעס ארום די נושא, קענט איר זיך פארבינדן מיט מיר.[/align]

בולעטין #1 חילוק צווישן W-2 און 1099

געשריבן: דאנערשטאג יאנואר 24, 2019 9:19 pm
דורך Max Refund
עס איז דא פארשידענע מהלכים וויאזוי מענטשן פארדינען געלט, יעדע מין אינקאם איז אנדערש געטעקסט.
מיר וועלן יעצט בעיקר רעדן פון Earned Income וואס דאס איז די פארצייטישע וועג פון פארדינען געלט, דהיינו מען ארבעט און מען באקומט באצאלט.

Earned Income איז בעיקר איינגעטיילט אין צוויי חלקים.
W-2 - איינער וואס באקומט באצאלט א וועידזש לויט די שעה/וואך וכדו'.
1099 - א פרייוועט קאנטראקטער וואס באקומט באצאלט פער דזשאב. צום ביישפיל: אן עלעקטערישאן, אדער איינער וואס ארבעט אויף קאמישן וכדו'.

די עיקר חילוק אין טעקס צווישן די צוויי איז פעיראל טעקס, וואס דאס איז א 15.3% טעקס (וואס אנדערש ווי אינקאם טעקס - ווערט דאס נישט אפעקטירט פון קיין דידאקשנס).
ביי א W-2 ארבייטער צאלט די בעה"ב האלב פון די פעיראל טעקס פון זיין טאש, און די אנדערע האלב נעמט ער אראפ יעדע וואך פון די ארבייטערס טשעק,
און ביי א 1099 ארבייטער, צאלט די ארבייטער סוף יאר די גאנצע 15.3% פון זיין טאש.

געשריבן: דאנערשטאג יאנואר 24, 2019 9:36 pm
דורך מצב כללי
זייער אינפארמאטיוו

א גרויסן יישר כח

געשריבן: דאנערשטאג יאנואר 24, 2019 11:16 pm
דורך ישוב הדעת
מצב כלללי האט געשריבן:זייער אינפארמאטיוו

א גרויסן יישר כח

געשריבן: פרייטאג יאנואר 25, 2019 10:58 am
דורך דניאל אויערבאך
טאקע זייער אינפארמאטיוו (כאטש איך האב שוין געוויסט די זאכען)
וואס איך קען באשטיין צו הערן איז אויב דאס יאר גייט זיין אנדערע סכומים לכבוד דעם פרעזידענטס טעקס רעפארם בילל (כהאב געהערט אז עס גייט זיין א שינוי לטובה)
אויך וויל איך וויסן וואס איז די חילוק (אויב עס איז דא) פאר א קינד אונטער די 18 יאר אדער עלטער
א ריזיגע דאנק פאר אלעס!!!

געשריבן: פרייטאג יאנואר 25, 2019 11:17 am
דורך ברוינע באנאנע
שכ״ח! WE WANT MORE !
;l;p- ;l;p- ;l;p- ;l;p-

געשריבן: פרייטאג יאנואר 25, 2019 11:38 am
דורך ר' יום טוב
שכוח.
אבער איך פארשטיי נישט, איר רעדט פון די פעדעראל טעקס וואס שטייט אויפן פעיראל סטאב? איז דאס נישט קיין אינקאם טעקס? וואס דען איז אינקאם טעקס? און וואס ווערט יא אפעקטירט פון דידאקשענס?

געשריבן: זונטאג יאנואר 27, 2019 10:02 am
דורך Borough Park
סוי סך הכל וויפיל מאך איך צריק מיט 1 קינד?

געשריבן: זונטאג יאנואר 27, 2019 10:32 am
דורך קיקיון
ר' יום טוב האט געשריבן:שכוח.
אבער איך פארשטיי נישט, איר רעדט פון די פעדעראל טעקס וואס שטייט אויפן פעיראל סטאב? איז דאס נישט קיין אינקאם טעקס? וואס דען איז אינקאם טעקס? און וואס ווערט יא אפעקטירט פון דידאקשענס?

ער רעדט פון סאשעל סעקיוריטי און מעדעקעיר וואס יעדער דארף צאלען
סאשעל סעקיוריטי האט א גבול
מעדיקעיר האט נישט
אינקאם טעקס ווענדט זיך אין EXEMPTIONS--- DEPENDENTS(נפשות אין משפחה)
DEDUCTIONS.JPG
DEDUCTIONS.JPG (154.5 KiB) געזען 9647 מאל


אין DEDUCTIONS (צדקה צרכי רפואה וכ,)
A.JPG
A.JPG (111.04 KiB) געזען 9647 מאל

געשריבן: זונטאג יאנואר 27, 2019 11:10 am
דורך זינגער
קענט איר ביטע שרייבן וועלעכע עקספענסעס מ'קען אראפ רעכענען און מען דארף נישט צאלן קיין טעקס.

למשל אבאמא קעיר, דעי קעיר

געשריבן: זונטאג יאנואר 27, 2019 11:15 am
דורך קיקיון
סאררי
וועסט מוזען ווארטען אויף ר' מעקס

געשריבן: זונטאג יאנואר 27, 2019 11:19 am
דורך HelpMe
ביי turbo קען מען שוין יעצט פיילן

בולעטין #2 וואס נעמט די בעה"ב אראפ פון אייער טשעק (חלק א)

געשריבן: זונטאג יאנואר 27, 2019 2:22 pm
דורך Max Refund
איידער מיר גייען ווייטער
מיר וועלן בעזר השם שפעטער צוקומען צו די טשענדזשעס וואס טראמפ'ס טעקס קאט האט גורם געווען, ווער אין וויפיל מען פארדינט א.א.וו. 'סיט בעק ענד ענדזשוי דע רייד'
פאר סיי וועלכע פראגע איר ווילט וויסן, אדער איר ווילט איך זאל אויסשמועסן, ביטע קאנטאקט מיר פריוואט.

מיר וועלן יעצט פראבירן צו קלאר מאכן וואס די בעה"ב נעמט אראפ פון אייער טשעקל יעדע וואך, אין צו באקומט מען דאס אמאל צוריק:
עס איז בעיקר איינגעטיילט אין 2 חלקים
1. אינקאם טעקס (פעדעראל, סטעיט, אין לאקעל)
2. פעיראל טעקס (סאשעל סעקיוריטי, מעדיקעיר)

קודם אביסל היסטאריע פון אינקאם טעקס:
אינקאם טעקס האט נישט אייביג עקזיסטירט אין אמעריקע,
נאך מער (בעליוו איט אר נאט), עס איז נישט געווען לעגאל לויט די קאנסטיטושען פאר די רעגירונג צו פאדערן אינקאם טעקס!

ביז יארע 1861 אינמיטן ברען פון די ציווילע קריג, ווען דער דעמאלסדיגער אמעריקאנער פרעזידענט לינקאלן האט איינגעפירט א פלאכע 3% טעקס פאר ווער עס פארדינט מער ווי $800, צו פינאנצירן די גרויסע הוצאות פון די קריג.

בערך צען יאר שפעטער, אין יאר 1872 , האט די געריכט מבטל געווען די טעקס וויבאלד עס איז נישט געווען אויסגעהאלטן לויט די קאנסטיטושען, ביז אין יאר 1913 ווען קאנגרעס האט צוגעלייגט די זעכצנטע אמענדמענט צו די קאנסטיטושען וואס ערלויבט די פעדעראלע רעגירונג צו פאדערן אינקאם טעקס.

ביי די צווייטע וועלט מלחמה האט זיך די אמעריקאנע טעקס סיסטעם דראמאטיש געטוישט צו קענען פינאנצירן די קריג.
מען האט דעמאלס געמאכט א פרעצעדענטלאזע 94% טעקס אויף רייכע פארדינער,
די IRS איז דאן געגרינדעט געווארן,
ווי אויך (אין צו דעם האב איך געוואלט צוקומען) איז דעמאלס געווארן איינגעפירט איינצוצאלן טעקס במשך די יאר, אנשטאט באצאלן אלעס סוף יאר.

צוריק צו אינזער אראפגעביסענעם טשעקל
די ערשטע זאך וואס ווערט אראפגערעכנט פונעם טשעק פון א W ארבייטער איז די Income Tax Withholding וואס דער בעה"ב נעמט אראפ יעדע וואך פון די ארבייטערס טשעקס, דאס איז א סכום וואס איז געשאצט אז די ארבייטער וועט דארפן צאלן סוף יאר אלס פעדערעל, סטעיט, אין לאקעל אינקאם טעקס, לויט די אינפארמאציע וואס די ארבעטער האט אריינגעשריבן אין די W-4 (וויפיל קינדער איר האט וכדומה).
אויב נאך די חשבונות פון דעדאקשנס און קרעדיטס (וואס מיר וועלן שפעטער אויסשמועסן) קומט אויס אז די בעה"ב האט אראפגענומען מער פון וויפיל איר דארפט צאלן, וועט איר דאס צוריק באקומען סוף יאר ביים פיילן אייער טעקס ריטורן.

אינעם נעקסטן תגובה וועלן מיר בעזר השם רעדן וועגן פעיראל טעקס (סאשעל סעקיוריטי, מעדיקעיר).

געשריבן: זונטאג יאנואר 27, 2019 2:55 pm
דורך זינגער
זייער שיין, יישר כח!

בולעטין #3 וואס נעמט די בעה"ב אראפ פון אייער טשעק (חלק ב)

געשריבן: מאנטאג יאנואר 28, 2019 6:52 pm
דורך Max Refund
יעצט העמיר אויסשמועסן די צווייטע זאך וואס ווערט אראפגעציפט פון אייער טשעק: פעיראל טעקס (סאשעל סעקיוריטי, מעדיקעיר)

קודם אביסל היסטאריע:
סאשעל סעקיוריטי איז א פראגרעם איינגעפירט דורך פרעזידענט רוזוועלט.

Franklin D. Roosevelt די 32'סטע פרעזידענט פון די פאראייניגטע שטאטן, האט איבערגעלאזט די טיעפסטע פינגער אפדרוקן אויף אמעריקע מער ווי סיי ווער פון זיינע פארגייער,
ער איז געווען די איינציגסטע פרעזידענט צו סערווירן 4 טערמינען, (נאך זיין טויט האט קאנגרעס צוגעלייגט צו די קאנסטיטאשן טערם לימיטס פאר פרעזידענטן)
ער איז געווען פרעזידענט דורכאויס די שווערסטע צייטן אין אמעריקאנע היסטאריע, (גרעיט דעפרעשן, צווייטע וועלט קריג)

ער איז געווארן עלעקטעט די ערשטע מאל אין 1932 ווען די אמעריקאנע עקאנאמיע איז געווען טיעף פארזינקען אינעם גרעיט דעפרעשן,
גראד נאכן איבערנעמען די לייצעס האט ער אנגעהויבן פראבירן מיט גאר אגרעסיווע מיטלען צוריק צו שטעלן די עקאנאמיע אויף די רעלסן.
אינטערן פאן פון זיין New Deal מעסעדזש האט ער דורכגעפירט א כוואליע געזעצן רעגולאציעס אין פראגראמען.
ער האט פארארדנט צו פארמאכן די בענק פאר א שטיק צייט ביז מען האט איינגעפירט FDIC רולס,
ער איינגעפירט סטאק מארקעט רעגולעישנס,

איינע פון די הויפט לעגיסלאטיווע דורכברוכן וואס רוזוועלט האט באוויזן דורך צו פירן איז געווען Social Security

אין יענע תקופה פלעגן רוב אמעריקאנער לעבן פעיטשעק צו פעיטשעק, אן קיין חשבון פון א ריטייערמענט פלאן, וואס האט ווי פארשטענדליך געהאט שווערע קאנסעקווענצן.

רוזוועלט'ס פלאן איז געווען אז מען זאל אראפנעמען א פראצענט פון יעדע ארבעטער'ס טשעק אין מיט דעם באצאלן פאר די ריטייערטע לויט וויפיל זיי האבן איינגעצאלט במשך'ן לעבן.

טראץ די שטארקע קעגנערשאפט פון קאנסערוואטיוון וואס האבן געשריגן אז עס איז ריין סאציאליזם, האט עס רוזוועלט באוויזן דורך צושטיפן אין יאר 1935 שאפענדיג דערמיט די גרעסטע סאשעל וועלפעיר סיסטעם אין אמעריקע.

נאך פארשידענע טוישונגען דורכאויס די יארן, וועט היינט יעדע בעה"ב אראפנעמען 6.2% פונעם ארבעטער'ס טשעק פאר Social Security אין צולייגן נאך 6.2% פון זיין טאש, אינאיינעם מיט 1.45% פונעם ארבעטער'ס טשעק פאר מעדיקעיר אין צולייגן נאך 1.45% פון זיין טאש. דאס ווערט אנגערופן Payroll Tax.

די געלטער באקומט מען נישט צוריק ביים פיילן די טעקס ריטורן (אנדערש ווי אינקאם טעקס וואס מען באקומט יא צוריק געוואנדן אין דעדאקשנס אין קרעדיטס)

די בעה"ב פיילט די אלע געלטער (פעיראל טעקס און אינקאם טעקס וויטהאלדינג) יעדע 3 חדשים, און סוף יאר פיילט ער א W-2 וואס דארט שטייט א סך הכל וויפיל ער האט באצאלט פארן ארבייטער און וויפיל ער האט אראפגענומען פאר טעקס, און ער געבט א קאפי פון דעם פארן ארבייטער. סוף יאר פיילט די ארבייטער דעם W-2 מיט זיין טעקס ריטורן.

געשריבן: מאנטאג יאנואר 28, 2019 7:46 pm
דורך קיקיון
Max Refund האט געשריבן:.........................
די בעה"ב פיילט די אלע געלטער (פעיראל טעקס און אינקאם טעקס וויטהאלדינג) יעדע 3 חדשים *** ,
און סוף יאר פיילט ער א W-2 וואס דארט שטייט א סך הכל וויפיל ער האט באצאלט פארן ארבייטער און וויפיל ער האט אראפגענומען פאר טעקס, און ער געבט א קאפי פון דעם פארן ארבייטער. סוף יאר פיילט די ארבייטער דעם W-2 מיט זיין טעקס ריטורן.

למען הפינקטליכקייט
***
און צאלט פאר די IRS וועכנטליך, חודשליך אדער יעדען יארפערטעל
לויט די גרויסקייט פון דעם סכום

בולעטין #4 דעדאקשענס און קרעדיטס

געשריבן: דינסטאג יאנואר 29, 2019 2:51 pm
דורך Max Refund
כדי צו פארשטיין די קומענדיג תגובות, איז וויכטיג צו וויסן די חילוק צווישן דעדאקשנס און קרעדיטס:

דעדאקשנס - איז א חלק פון אינקאם וואס מען דארף נישט צאלן קיין אינקאם טעקס אויף דעם.

עס איז דא פארשידענע דידאקשנס אבער די עיקר דעדאקשן וואס יעדער באקומט איז די סטענדערט דידאקשן, וואס דאס איז:
פעדערעל: פאר א חתונה געהאטע פארפאלק די ערשטע $24,000, אין $12,000 פאר איינער וואס פיילט סינגל, וואס אויף דעם דארף מען נישט צאלן קיין פעדערעל אינקאם טעקס.
סטעיט: פאר א חתונה געהאטע פארפאלק די ערשטע $16,050, אין $8,000 פאר איינער וואס פיילט סינגל, וואס אויף דעם דארף מען נישט צאלן קיין סטעיט אינקאם טעקס.

וואס דאס מיינט אויב האט איר איינגעצאלט טעקס במשך'ן יאר וועט איר דאס צוריק באקומען.

(באמת איז דא א אויסוואל וואס יעדע שטייערצאלער קען זיך אויסוועלן וועלכע דעדאקשען ער וויל רעכענען, אדער די סטענדערט דידאקשן וואס דאס איז א פלאכע סכום וואס טוישט זיך נישט מיט געוויסע עספענסעס. אדער די אייטעמייזד דידאקשען וואס דאס איז א רייע אויסגאבן וואס מען קען אראפרעכענען פון די אינקאם - אויף וואס מען דארף צאלן טעקס, אבער מיט טראמפ'ס טעקס קאט וואס ער האט 1. געדאפלט די סטענדערט דידאקשען 2. אראפגענומען א רייע אויסגאבן וואס מען קען רעכענען מיטן אייטעמייזד דידאקשען איז ערוואטעט אז 92% אמעריקאנער וועלן אויסוועלן די יאר סטענדערט דידאקשן).

קרעדיטס - איז א סכום געלט וואס די רעגירונג רעכנט כאילו איר האט עס געצאלט, און עס ליגט ביי די רעגירונג אויף אייער אקאונט אלס קרעדיט.

עס איז דא צוויי מיני קרעדיטס:

ריפאנדעבל קרעדיטס - מיינט אז אויב איר זענט נישט שולדיג קיין טעקס וועט איר צוריק באקומען די געלט (צום ביישפיל: אויב איר האט א $3,000 ריפאנדעבל קרעדיט און איר זענט שולדיג $1,000 , באקומט איר צוריק די איבריגע $2,000).

נאן-ריפאנדעבל קרעדיטס - איז א קרעדיט וואס איר קענט נאר נוצן אויב איר זענט שולדיג געלט, אבער איר באקומט עס נישט צוריק אין פאל איר זענט נישט שולדיג קיין טעקס (צום ביישפיל, אויב איר זענט שולדיג $2,000 טעקס און איר האט א $3,000 נאן-ריפאנדעבל קרעדיט, דארפט איר נישט צאלן די $2,000 אבער איר באקומט נישט צוריק די איבריגע $1,000).

עס איז דא פארשידענע קרעדיטס אין דידאקשנס, פון די פעדערעל סטעיט אין לאקעל גאווערמענטס, מיר וועלן אין די קומענדיגע תגובות אויסשמועסן א חלק פון די קרעדיטס.

בולעטין #5 קאלעדזש קרעדיט

געשריבן: מיטוואך יאנואר 30, 2019 8:30 pm
דורך Max Refund
אויב איר אדער איינער פון אייער האויזהאלד איז געווען א סטודענט, מינימום א האלב יאר, אין ישיבה כולל אדער קאלעדזש,
און איר אדער אייערע עלטערן האבן געצאלט שכר לימוד אדער געהאט אנדערע קאלעדזש עקספענסעס ווי ספרים סופלייס וכדו',
קענט איר באקומען א קרעדיט פון די גאווערמענט, געוואנדן וויפיל איר האט געצאלט.

די קרעדיט האט צוויי חלקים, א ריפאנדעבל חלק און א נישט ריפאנדעבל חלק.

די ריפאנדעבל חלק: איז 40% פון די ערשטע $2,000 וואס איר האט געספענד. און 10% פון די נעקסטע $2,000 , ווי אויך געבט די סטעיט צוריק די ערשטע $200 פון אייערע קאלעדזש אויסגאבן.
צום ביישפיל: אויב האט איר געצאלט $1,000 וועט איר צוריקבאקומען $600 , $400 פון די פעדעראלע רעגירונג און $200 פון די סטעיט די מאקסימום וואס איר קענט צוריק באקומען איז $1,200 פאר $4,000 עקספענסעס. אויב האט איר געספענט $200 וועט איר צוריקבאקומען $280 (מער פון וויפיל איר האט געצאלט...)

די נישט ריפאנדעבל חלק (וואס איר קענט נאר נוצן אראפצורעכענען געלט וואס איר זענט שולדיג, אדער צוריקבאקומען פון וואס איר האט איינגעצאלט): איז 100% פון די ערשטע $2,000 וואס איר האט געספענד, און 25% פון די נעקסטע $2,000 , די מאקסימום קרעדיט איז $2,500 פאר $4,000 עקספענסעס.

געווענטליך וועט די ישיבה / קאלעדזש אייך געבן א פארום 1098T און א רעסיט, וואס דארט שטייט וויפיל זיי האבן באקומען פונעם סטודענט, אבער אפילו אויב מען האט נישט באקומען א 1098T קען מען אויך באקומען די קרעדיט אויב האט איר א רעסיט אדער אנדערע באווייז אז איר האט געצאלט, אזוי אויך פאר אלע אנדערע קאלעדזש עקספענסעס דארפט איר לעגאל האבן רעסיטס אז איר האט געצאלט.

אין די קומענדיגע תגובה וועלן מיר בעזר השם רעדן פון קינדער קרעדיטס.
אויב האט איר סיי וועלכע פראגע, אדער אויב איר ווילט איך זאל עפעס אויסשמועסן לאזט מיר וויסן.

צו פיילן אייער פערסאנעל אדער ביזנעס טעקס ריטורן, מעקסימום ריטורען פאר א גאר ביליגע פרייז, שיקט א אימעיל צו [email protected]

געשריבן: מיטוואך יאנואר 30, 2019 9:24 pm
דורך עולם האמת
א גרויסען שכח!!
זייער אינפארמאטיוו און אינטערעסאנט!

געשריבן: מיטוואך יאנואר 30, 2019 10:32 pm
דורך צו געזונט
איצטערט אזא פראגע. די נידעריגע פארדינער וואס קריגען ארום 15 אלפים רעטוירן, פון ווי קומט דאס געלט? זיי האבען ניטאמאל איינגעצאלט האלב פון דעם, אריינגערעכנט אלע שטייערן

געשריבן: דאנערשטאג יאנואר 31, 2019 3:00 pm
דורך Max Refund
צו געזונט האט געשריבן:איצטערט אזא פראגע. די נידעריגע פארדינער וואס קריגען ארום 15 אלפים רעטוירן, פון ווי קומט דאס געלט? זיי האבען ניטאמאל איינגעצאלט האלב פון דעם, אריינגערעכנט אלע שטייערן



אי"ה אין די קומענדיגע פאר תגובות וועל איך דאס ברייט מסביר זיין
'סטעי טאאנד'

געשריבן: דאנערשטאג יאנואר 31, 2019 3:10 pm
דורך קיקיון
צו געזונט האט געשריבן:איצטערט אזא פראגע. די נידעריגע פארדינער וואס קריגען ארום 15 אלפים רעטוירן, REFUND פון ווי קומט דאס געלט? זיי האבען ניטאמאל איינגעצאלט האלב פון דעם, אריינגערעכנט אלע שטייערן


א טעות וואס איז שגור ביים עולם

דאס געלט וואס מען באקומט צוריק פון די ממשלה יר"ה איז א REFUND
א RETURN איז דער פארמולאר וואס מען שיקט אריין פאר די באהערדע
ווי מען גיט זיי די פרטים מי ומי, די הכנסות, די שטייערען וואס מען האט באצאלט וכ' וכ'

TAX RETURN

a form on which a taxpayer makes an annual statement of income and personal circumstances, used by the tax authorities to assess liability for tax.

געשריבן: דאנערשטאג יאנואר 31, 2019 3:19 pm
דורך ברוינע באנאנע
א גרויסען שכ״ח הרב Max Refund איך וויל וויסן וואס טי איך אויף אויב גיי פיילן מיינע טעקסעס ביי דיר וו״ס ביי טורבא טעקס ?

בולעטין #6 פארוואס נישט טורבא

געשריבן: דאנערשטאג יאנואר 31, 2019 3:37 pm
דורך Max Refund
ברוינע באנאנע האט געשריבן:א גרויסען שכ״ח הרב Max Refund איך וויל וויסן וואס טי איך אויף אויב גיי פיילן מיינע טעקסעס ביי דיר וו״ס ביי טורבא טעקס ?


זייער גוט געפרעגט, אויבן אויף זענט איר גערעכט.

אבער נעמט און באטראכט די פאלגענדע פרטים.

1. ביי מיר זענט איר פארזיכערט איר פארזעהט נישט קיין קרעדיטס
(עס קומען צו מיר כסדר מענטשן וואס האבן פאריאר געפיילט אויף טורבא און האבן פארזעהן פארשידענע קרעדיטס)

2. טיים איז מאני

3. פאר מענטשן מיט 1099 אדער פארשידענע אנדערע פארמס אדער קרעדיטס ווי אויך פאר פארגאנגענע יארן, קענט איר זיך טרעפן נאכן ספענדן א שעה אויף טורבא אריינצולייגן די אינפא אז זיי טשארדזשען יא א שיינע מטבע, והדברים ידועים.

4. פאר סיי וועלכע פראגע במשך'ן יאר האט איר וועם צו פרעגן\דורכרעדן אומזינסט.

5. מיר הענדלען אייער פראבלעימען אין קעיס פון א אודיט.

6. אין אלעס פאר א נישטיגע 50 60 דאלער.

פרעג איך אייך, לוינט נישט דעם געשעפט? :smile: :smile: :wink:

געשריבן: דאנערשטאג יאנואר 31, 2019 4:29 pm
דורך ברוינע באנאנע
Max Refund האט געשריבן:
ברוינע באנאנע האט געשריבן:א גרויסען שכ״ח הרב Max Refund איך וויל וויסן וואס טי איך אויף אויב גיי פיילן מיינע טעקסעס ביי דיר וו״ס ביי טורבא טעקס ?


זייער גוט געפרעגט, אויבן אויף זענט איר גערעכט. אבער נעמט און באטראכט די פאלגענדע פרטים.

1. ביי מיר זענט איר פארזיכערט איר פארזעהט נישט קיין קרעדיטס
(עס קומען צו מיר כסדר מענטשן וואס האבן פאריאר געפיילט אויף טורבא און האבן פארזעהן פארשידענע קרעדיטס)


3. טיים איז מאני

4. פאר מענטשן מיט 1099 אדער פארשידענע אנדערע פארמס אדער קרעדיטס ווי אויך פאר פארגאנגענע יארן, קענט איר זיך טרעפן נאכן ספענדן א שעה אויף טורבא אריינצולייגן די אינפא אז זיי טשארדזשען יא א שיינע מטבע, והדברים ידועים.

5. פאר סיי וועלכע פראגע במשך'ן יאר האט איר וועם צו פרעגן\דורכרעדן אומזינסט.

6. מיר הענדלען אייער פראבלעימען אין קעיס פון א אודיט.

7. אין אלעס פאר א נישטיגע 50 60 דאלער.

פרעג איך אייך, לוינט נישט דעם געשעפט? :smile: :smile: :wink:


איינער ווי מיר וואס איך ארבעט אויף א פלעינע W2 נישט קיין שום אנדערע אינקאם קען עס אויך אויסמאכן וויפיל איך באקום ציריק ?