בלאט 1 פון 11

וואו קען מען זיך אריבער כאפען פאר וויקענד

געשריבן: מאנטאג אוקטובער 19, 2009 9:12 pm
דורך חיים-שלמה
איך זיך א האטעל ווי מ'געט צי עסן דארף האבן א מקוה / מנין אויף שבת לכתחלה אין די ברוקלין עריע בדיעבד וואלט איך געפארן ביז צוויי שעה.
אונאיינוועגס אפרוען מיינע זעקל ביינער

געשריבן: מאנטאג אוקטובער 19, 2009 9:56 pm
דורך גראדער
איך מיין אויב איינער האט אן איידיע פון א אזא פלאץ וועט ער מחי' זיין אסאך אידן דא, איך האב שוין כמה פעמים געזוכט און נישט געטראפן, איינמאל בין איך געווען אין רילעקס אין, און כ'האב שטארק הנאה געהאט, איך ווייס אבער נישט צו ער האט מנין יעדע וואך אום ווינטער.

געשריבן: מאנטאג אוקטובער 19, 2009 10:10 pm
דורך lebediger berel
וואס איז שלעכט מיט סאלאמאן סוויטס אין לעיקוואוד ?

געשריבן: מאנטאג אוקטובער 19, 2009 10:18 pm
דורך גראדער
כ'האב געהערט פון אזעלכע וואס זענען געווען דארט אז זיי זענען געווען צופרידן.

געשריבן: מאנטאג אוקטובער 19, 2009 10:52 pm
דורך lebediger berel
עס דארף אויך זיין אזא פלאץ אין סיגעיט, איך בין נישט קלאר מיט עסן, אבער אויב האסטו א קאר קענסטו פארן ערב שבת קודש אין בארא פארק זיך איינקויפן דעם שבת, און ארויף לייגן אויפן האט פלעיט, (דאס שטעלן זיי זיכער צו) און זיך מחי' זיין במשך דעם שבת.
דאס זעלבע קען מען טון אין מאנסי, איינהארן האט א שטיקל האטעל אין וויזניץ.
מיין ברודער זז"ג האט שוין געטון ביידע סיגעיט און מאנסי, אז דו ווילסט קען איך אים פרעגן פאר דיינעט וועגן.

געשריבן: דינסטאג אוקטובער 20, 2009 12:00 am
דורך שוועמל
אין בעללע הארבער איז דא א שיינע האטעל מיט א שול. מפי השמועה.

בלויז א האלבע שעה, און ס'יז הערליך דארט ביים וואסער.

געשריבן: דינסטאג אוקטובער 20, 2009 7:31 am
דורך lebediger berel
oceanvillaresorts.com
דאס איז זייער וועבסייט, ס'שטייט גארנישט וועגן עסן (השגחה) און ס'שטייט גארנישט וועגן מקוה.
אויב דו ווילסט קענסטו אויך פרובירן דעם מאטעל העכער קרן ויואל משה האלל, כ'ווייס אז איינער דערליווערט אהין עסן צום טיר.
דיין גרעסטע פראבלעם איז א מקוה פאר שבת צופרי, די ראלי אדווערטייזט אז ער איז אפען א גאנץ יאר. 845.434.7000
קענסט אויך פראבירן אברהם טאבאק אין וואודרידזש כ'האב געהערט פון איינעם וואס איז געווען אויסער געווענליך צופרידן
845.434.0102
כ'האב אויך געזען אדווערטייזט איינעם אין קאמיוניטי אדווייזער דא האסטו די וועבסייט. כ'האב קיינמאל נישט געהערט דערפון אבער כ'לייג עס דא אריין פרעג זיך אליין נאך.

האספיטאליטי סוויטס עט לאה

געשריבן: דינסטאג אוקטובער 20, 2009 7:56 am
דורך lebediger berel
צוויי אידן וואס פארדינגען צימערן אדער מאטעל אין מאנסי
845.425.8280
845.425.9678
קענסט זיי פרעגן וועגן עסן

געשריבן: דינסטאג אוקטובער 20, 2009 8:06 am
דורך lebediger berel
כ'האב אויך פארשאפט די נומערן פון סיגעיט און קרית יואל
סיגעיט 718.946.2934
קרית יואל מאטעל.
845.783.5800
לויט מיין אינפארמאציע איז דא א קעיטערער קויפמאן וואס דעליווערט אהין עסן מ'דארף זיך נאכפרעגן. ס'איז אבער א קלייניקייט אראפצוגיין פרייטאג אין שאפינג סענטער אריבער די גאס און האבן כל טוב וטוב.

געשריבן: דינסטאג אוקטובער 20, 2009 11:38 am
דורך שמערי בערי
איך בין געווען א שבת אין בעלל הארבאר און שטארק הנאה געהאט, ס'איז נישט ווייט ו=פונעם וואסער, א געשמאק צו כאפן א שפאציר דארט, ער האט עפ"י רוב א מנין, מקוואת זענען דא דארט עטליכע, ממש אין די געגנט קאסט געלט, אבער אביסל ווייטער איז דא די מקוה וואס רביה"ק מ'סאטמאר האט גענוצט, דארט איז בחנם. איך האב שפאצירט שבת אינדערפרי צו די מקוה גייענדיג די גאנצע וועג לענגאויס דעם ביטש, מיט א פארטאגס לופטל און די וואסער שטראמען איז דאס געווען ממש א געשמאק.

בעצם שטעלט ער נישט צו קיין עסן, דעריבער שטייט נישט קיין השגחה אין זיין וועב זייטל, נאר מען קען דורך אים באשטעלן דעם גאנצן שבת - ער נעמט עס פון א געוויסן רעסטוראנט, מיט א הכשר, ס'ליגט מיר אין זכרון אז ס'איז א גוטע הכשר אבער כ'געדענק נישט ווייל איך האב דאס למעשה נישט גענומען ביי אים. (איך מיין אז ער געט אלעס פארפאקט אין די רעסאראנט פעקלעך, אזוי אז ס'דארף נישט זיין א חשש, אבער בעסער פרעג אים איבער).

געשריבן: דינסטאג אוקטובער 20, 2009 11:41 am
דורך שוועמל
וואס איז די וועבסייט?

געשריבן: דינסטאג אוקטובער 20, 2009 11:57 am
דורך חיים-שלמה
א גרויסען יישר כח פאר אלע טייערע יודען

מיר געפעלט גראדע סאלאמאן סוויטס אין לעיקוואוד ס'איז די ווייניגסטע היימיש...
מיין שאלה איז נאר צי די עסן האט א יודישן טעם. און שיעור פארגעסן א נאמבער ביטע גראדער צי בערל

געשריבן: דינסטאג אוקטובער 20, 2009 11:59 am
דורך lebediger berel

געשריבן: דינסטאג אוקטובער 20, 2009 12:03 pm
דורך lebediger berel

געשריבן: דינסטאג אוקטובער 20, 2009 12:06 pm
דורך lebediger berel
חיים שלמה דארפסט פארשטיין אז די אינפארמאציע איז שוין שפעטער א נחלת הכלל פארן גאנצן עולם דעריבער דארף מען אנגיין מיטן שמועס.
שמערי, וואו דאווענט מען ווען ס'איז נישט דא קיין מנין, איז דא דארט נאנט שולען ?

געשריבן: דינסטאג אוקטובער 20, 2009 12:17 pm
דורך lebediger berel
קודם חיים שלמה וועסטו זיין סורפרייזט ווי היימיש לעיקוואוד איז, דו וועסט ווארשיינליך טרעפן דארט אויף שבת דיין חבר פון פיטעם וואס דו האסט אים נישט געוואלט טרעפן ווייל ער איז א נודניק.
אבער אויב דו קענסט זיך ערלויבן א געפעפערטע פרייז איז סאלאמאן לכאורה דער בעסטער אויסוואל, שפאצירסט רואיג צו א ביהמ"ד מקוה, כשר וישר, פון יעדע סארט קרייז און נוסח קענסטו דארט טרעפן, מען סערווירט דיך די סעודה דארפסט ניטאמאל אפרוימען.
אלץ טעם אין עסן, גלייב איך אז דו דארפסט נישט מורא האבן, די לעיקוואדער האבן א גוטן טעיסט.
די צווייטע ברירה איז לכאורה בעלהארבאר, אבער אויב דו באקומסט דעם עסן שוין פון ערגעץ אנדערש און דו דארפסט אליין גרייטן און רוימען איז די שאלה צו זאלסט נישט ענדערש נעמען פון א פלאץ ווי דו קענסט זיך אויס און דו ווייסט וואס דו באקומסט (וואוינסט אין בארא פארק גיי צו שיק, וואוינסט אין וומ"ס גיי צו גרינפעלד, זאג זיי מיטוואך אז דו דארפסט א פול שבת מעניו, פיקסט עס אויף פרייטאג צופרי רעדי צו גיין און נעם צוויי היימישע חלות ביי תפארת אדער ביי שטערן און ביזט אל סעט.
איך וואלט דיך נאך אלץ געראטן זאלסט זיך אינטערעסירן ביי טאבאק, ווייל דארט האב איך געהערט זייער זייער גוטע אינפארמעישאן, אבער כ'בין נישט דארט געווען אליין.

געשריבן: דינסטאג אוקטובער 20, 2009 12:30 pm
דורך חיים-שלמה
גערעכט בערל

איך האב יעצט אראפ געלייגט מיט סאלאמאן סוויטס. זיי זענען שוין געבאקט פאר די נעקסטע אנדערהאלבען חודש. סא דער נעקסטער וואס וויל אהין גיין זאל מאכן זיכער ער ריפט באצייטענס

און בעלהארבער בין איך גראדע געווען לעצטן ווינעטער ס'איז זייער געשמאק זויבער און דיזיינט אפ טו דעיט. באט איך איך זיך ערגעץ ווי איך בין נאך נישט געווען

א נאמבער פון טאבאק

געשריבן: דינסטאג אוקטובער 20, 2009 12:41 pm
דורך lebediger berel
845.434.0102
שוין געשטאנען אויבן אויך.
כ'מיין אז די מאנסיע נאמבערס וואס כ'האב געגעבן אויבן איז אויך גאנץ אינטערעסאנט. אין מאנסי קען מען זיך אריין כאפן אין איינס פון די הונדערטער בתי מדרשים וואו מ'קען דיך נישט און דו קענסט זיי נישט און האבן מנוחה אגאנץ שבת.

געשריבן: דינסטאג אוקטובער 20, 2009 2:26 pm
דורך קרעמער
איך בין נתפעל פון דעם לעבעדיגן בערל'ס טעטיגקייט אהערצושטעלן אן עונג שבת פאר א פרעמדן איד, ממך ילמדו וכן יעשו!

געשריבן: דינסטאג אוקטובער 20, 2009 3:34 pm
דורך lebediger berel
ווער זאגט ער איז א פרעמדער ? אפשר איז ער מיין שכן/חבר/קרוב,
כ'האב באמת נישט קיין אהנונג ווער ער איז מער ווי דעם אז ער גייט מיט מיר אין איין קרעטשמע.
ובכלל
נישט פאר דעם איז די קרעטשמע געמאכט געווארן ?.
דער בד"ה אשכול זאל שוין בקרוב אונטערגיין במהרה

געשריבן: דינסטאג אוקטובער 20, 2009 5:02 pm
דורך שמערי בערי
lebediger berel האט געשריבן:שמערי, וואו דאווענט מען ווען ס'איז נישט דא קיין מנין, איז דא דארט נאנט שולען ?

נעקסט דאר איז די דארמיטארי פון ישיבה אויף פאר-ראקעוועי, אמאל רופט ער אהין בחורים צו מנין, און אויב ס'גייט נישט קען מען דאווענען פון א גאס אוועק ביז צוואנציג גאסן אוועק... ס'איז דא עטליכע שולן און -דאכצעכמיר צוויי - ישיבות אין די געגנט.

איך האב דאן אויך געהאט די ערשטע אין מיין מיינונג סאלאמאן סוויטס, אבער היות זיי נוצט מען אפטער פאר שמחות זענען זיי שטארק בוקט.

בערל איז 100% גערעכט מיט די חלק פון מיטברענגען עסן. וכן עשינו בע"ה.

אפשר איז א געדאנק "אושען פלעיס האטעל" אין דיעל ניו דשערסי (נישט א אידישע האטעל בכלל), בערך 20 מינוט אוועק פון שולן. (מ'האט שוין אמאל ארום גערעדט דערפון צווישן די קרעטשמע שפאלטענעס געדענק איך).

געשריבן: דינסטאג אוקטובער 20, 2009 10:39 pm
דורך קרעמער
lebediger berel האט געשריבן:ווער זאגט ער איז א פרעמדער ? אפשר איז ער מיין שכן/חבר/קרוב,
כ'האב באמת נישט קיין אהנונג ווער ער איז מער ווי דעם אז ער גייט מיט מיר אין איין קרעטשמע.
ובכלל
נישט פאר דעם איז די קרעטשמע געמאכט געווארן.
דער בד"ה אשכול זאל שוין בקרוב אונטערגיין במהרה

האסט לכאורה פארפעלט א וויכטיגע פראגע צייכן צום ענדע פונעם שורה...

געשריבן: מיטוואך אוקטובער 21, 2009 5:27 pm
דורך צייטליך
"אושען פלעיס האטעל" איז מיסתמא דאס בעסטער אויסוואל אויף אינמיטן די וואך אויב זיכסטו אוועקצוגיין פאר א נאכט אדער צוויי. אבער פאר שבת איז דאס גלייב איך א שטיקל פראבלעם.

לעבעדיגער בערל, יישר כח פאר אלע אינפארמאציע ביז אהער.

געשריבן: דאנארשטאג אוקטובער 22, 2009 2:07 pm
דורך lebediger berel
קרעמער האט געשריבן:האסט לכאורה פארפעלט א וויכטיגע פראגע צייכן צום ענדע פונעם שורה...


אמת, שוין פאראכטן,
כ'האב עס געשריבן אונטערן איינדרוק ווייל כ'האב פונקט געליינט דעמאלט די בד"ה אשכול, און ס'האט מיך אביסל צושוידערט.
דערנאך האב איך באקומען א טעלעפאן קאל איבער א פיצל קינד וואס איז ל"ע ה"י דיאגאניזירט געווארן מיט ... רח"ל
דערנאך האב איך באמערקט דיין הערה, האב איך מיך אביסל צולאזט.
ויה"ר מ'זאל זיך נאר קענען העלפן אויף גוטע זאכן, וה' יאמר לצרותינו די

געשריבן: דאנארשטאג אוקטובער 22, 2009 2:08 pm
דורך lebediger berel
איך וואלט אויך אנגעטראגן צו מאכן א טרעוול-וואקאציע אפטיילונג אזוי ווי ס'איז דא פאר אויטאס.