אויסלערנען פאר א קינד צו שלינגען א ווייטעמין אדער פיל

[גרינגער]

א 12 יעריג קינד וואס קען בשום אופן נישט שלינגען, ווייסט איינער מעטאדען, עצות, ועוד ווי אזוי מען קען דאס אויסלערנען.
ביטע מיטיילען.

[מומחה יוחס]

ג"א מצטרף להנ''ל, איינער פין מיינער קינדער מיטשעט זיך מיט דעם

[נו גוט נו שוין]

מיט א לעפל יאגורט גייט עס גוט אדער א געשמאקער קאמפאט
מ'דארף בכלל נישט פילן אז עפעס ליגט דארט

און צוביסלאך קען מען שוין אויך מיט וואסער בעז"ה
אזוי האב יאך זיך אויסגעלערנט ביי די. איבער צוואנציג....

[שאינו יודע]

איך האב מיר אויסגעלערנט פאר מיין חתונה בלית ברירה. עס קומט מער ווייניגער פון שרעק עס איז נישטא וואס צו ׳לערנען׳

[דממה דקה]

1) טרינקען קודם צו נאס מאכן די מויל עס זאל זיך גרינגער גליטשען.
2) לייגן די פיל אויפן שפיץ צינג אויבן, די טיפער די פיל איז אין מויל מאכט נאר שווערער.
3) טרינקן מיט א שטרוי קען העלפן.

[Kosher Travel]

די טריק איז אז מען לייגט די ווייטאמין אין מיטן פונעם מויל. דאן זאגט מען פארן קינד, אז פארגעס עפעס ליגט דארט. טראכט אז עס איז גארנישט דא. נעם די גלאז וואסער און געב א גרויסע טרינק. אבער א גרויסע. נישט אז די וואסער זאל זיך שאקלען פון איין באק צום צווייטען. בדוק ומנוסה.

[גרויסע ביזנעס]

וואס טוט מען מיט א 18 חדשים בעבי וואס וויל גארנישט אין מויל נעמען חוץ באטיס?

[אור]

א 12 יעריג קינד וואס קען בשום אופן נישט שלינגען, ווייסט איינער מעטאדען, עצות, ועוד ווי אזוי מען קען דאס אויסלערנען.
ביטע מיטיילען.

לייג די פיל אין מויל, פיל אן ס'מויל מיט וואסער און בייג אראפ דאס קאפ
וועט די פיל ארויפשווימען די וואסער און אריינגליטשן אין סיסטעם
בדוק כמנוסה

[חלה]

לאמיר ענק זאגן ווי אזוי איך האב מיך געלערנט שלינגען, שוין זייענדיג א גרויס אינגל צו גאר א בחור, איך האב גענומען א פעקל מינד קענדיס (פיקשער עטעשט) און זיך געלערנט אויף דעם און נאך אפאר טעג האב איך שוין געקענט גוט שלינגען.

[פוילער]

א 12 יעריג קינד וואס קען בשום אופן נישט שלינגען, ווייסט איינער מעטאדען, עצות, ועוד ווי אזוי מען קען דאס אויסלערנען.
ביטע מיטיילען.

לייג די פיל אין מויל, פיל אן ס'מויל מיט וואסער און בייג אראפ דאס קאפ
וועט די פיל ארויפשווימען די וואסער און אריינגליטשן אין סיסטעם
בדוק כמנוסה

איך קען מעיד זיין אז די מעטאד העלפט, בדוק ומנוסה.

[פעטער שמואל]

צ''ק
מיט א לעפל עפל סאוס. בדוק ומנוסה.
שטעקט אריין דעם פילעכל אין לעפל עפל סאוס אין דאס קינד וועט עס אראפשלינגען אהן שפירן אז עס דא עפעס דערין.

[גרינגער]

א גרויסן שכח יעדער פאר די עצות מען וועט אויספראבירן און קומען אפגעבן דעם שכח