טעבלעט האט געשריבן:לרבות השואלים וועגן ביליגע טעבלעט פלענס.
דערווייל, די ביליגסטע וואס מיר האבן געטראפן איז א ווערייזאן פלען. די ווערייזאן סטאר אויף העיווערד סטריט ביי לי עוועניו (צווישן לי און מארסי) פארקויפט עס.
10GB 4G
$20 (ס'איז נארמאלערהייט $30, אבער ער זאגט אז ער קען עס יעצט אראפמאכן צו $20. ווערייזאן האט יעצט א שטיקל פראומאושן.
10 GB דארף געווענליך זיין גענוג. און אויב נישט קען מען עניטיים אפגרעידן צו $35 צו אנלימיטעד 4G.
--ס'איז א צוויי יאר פלאן.
איך וויל זיך באדאנקן פארן פותח האשכול. כ'האב נעכטן געקויפט די טעבלע''ט ביי די ווערייזען סטאר הנ"ל. כ'פלעג צאלן דאפלט ביי ספרינט, און אויך געמוזט מיט זיי האבן א פאון ליין.
ס'א נחת. א קארגע צוואנציגער דאס. ( כ'נוץ עס כמעט נאר אין אפיס מיט ווייפיי סא 10 GB פון 4G ארבעט גוט פאר מיר.)
און גראדע האט מיר דער געשעפטסמאן געזאגט, קען מען עס האבן אויך אן א צוויי יאר קאנטרעקט. ס'דא צוויי פלענ"ס.
כ'האב שוין א טעבלעט א יאר צוויי. לבקשת אשתי לאז איך עס אין אפיס. (די רבנים האבן אויך געבעטן אבער ווייסטאך, זי איז סאך שטארקער פון זיי אלע)
כ'האב ב"ה אויך א פאלעסי אז ס'גייט אויך נישט מיט צום דאווענען.
די מעלה פון א טעבלעט וואס איז נישט דיין טעלעפאון - איז פשוט.
ברוחניות ובגשמיות,
פארן שיעור, נאכן שיעור, ביים שיעור, פארן דאווענען, נאכן דאווענען, ביים דאווענען. אין מקוה אפילו זעה איך מענטשן אזוי בפישוט ידים ורגלים ווישן די אפדעיטס און די מעסעדשעס און כאפן נישט אז זיי שטייען שוין אזוי 10 מינוט... און בכלליות, ס'ווערט א מוח וואס איז אנעוועילעבל צו טראכטן און פאוקעסן. מ'קוקט און מ'קוקט וואו מ'גייט און שטייט.
--------
נאך וועגן די טעבלעט וואס כ'האב מיר נעכטן געקויפט דארט:
די טעבלע''ט איז די נייסטע מאדעל, ס'נישט צו גרויס. (ס'פיט אין מיין ביזעם טאש פונעם רעקל ווען כ'מוז עס מיטראגן ערגעץ).
וע"ז באתי אז ער זאגט אז די $20 פראומאושן
עקספייערט דעם סוף חודש. סא, פארוועם ס'רעלעווענט, כאפ אריין.
ב.ד.וו. כ'זאג נישט אז א טעבלעט איז א לכתחילה. ניין, ס'איז א בדיעבד גדול און נאר פאר איינעם וואס דארף עס טאקע, אבער א סמארטפון איז לכאורה א בדיעבד שבדיעבד גדול. און אז דו נוצט עס אינדערהיים פאר טאלק און טעקסט געוואינט עס איין די קינדער אז די כלים זענען האוזהאול"ד כלים און איז א געשמאקע אומשעדליכע געצייג. כ'מיין ווי סכנה'דיג קען עס זיין אז טאטי לייגט עס נישט אראפ פאר א רגע...
און ווען ער ווערט 15 יאר איז ער שוין לדעתו אויך א טאטע וואס קען וואטשען וואס ער קוקט. (ח"ו).
ווארסעס א טעבלעט וואס מ'פרובירט צו האלטן אין אפיס און מ'נוצט עס נישט טעגליך פאר טאלק און טעקסט.
סא, שכוח נאכאמאל.
