ב"ה
ווי שוין געשריבן אנהייב אשכול דעם פלאן, וועלן מיר מעלדן די ווייטערדיגע אנטוויקלונגען.
די אויפטוה פון די דאזיגע פלאן איז צו אראפנעמען די שווערע "עול" החתונות וואס פאלט ארויף אויף די עלטערן וואס דארפן חתונה מאכן 10 קינדער בליעה"ר, און זיי האבן נישט פון ווי דאס צו דעקן, און מען ווערט די שטאט'ס רחמנות, מפאלט אריין אין שווערע חובות, מען האט נישט קיין מנוחת הנפש, אין די גליקליכע יארן ווען מען מאכט חתונה די קינדער. און אפי' געהעריגע בעלי פרנסה האבן נישט די מעגליכקייט יעדע צווייטע יאר צו אויסצאלן א גאנצע חתונה.
די קיצור פון די פלאן איז, אז אשטאץ איינער זאל חתונה מאכן 10 קינדער, וועט יעדער חתונה מאכן "נאר איין" קינד ד.מ. "זיך אליין".
עס איז פול גרינגער צו באצאלן "איין חתונה" אין די אינגע יארן, ווען מען האט נאכנישט אזא גרויסע בודזשעט פון פירן א גרויסע ווערטשאפט מיט א גרויסע משפחה, (ווי עס קאסט דעמאלטס א חודש, ארום צען טויזנט דאלער).
כדי דאס זאל קענען אויסגעפירט ווערן בע"ה וועלן מיר אין קורצן פארשטעלן די נייע חתונה פלאן
1) די חתן – כלה וועלן צוהעלפן זייערע עלטערן כדי "זיך אליין" צו חתונה מאכן.
2) די חתונה פעקעדזש (מנוחת הנפש/חתונה מאלל) מיט די חתונה נאכט, וועלן חתן– כלה באצאלן.
3) עס וועט זיין צוגעשטעלט א "צדקת נישואין גמ"ח" ווי מוועט אויסבארגן די געלט, פאר חתן – כלה.
4) די פעימענטס וועלן זיין ארום 300$ א חודש אויף א לענגערע טערמין. (מעגליך אפשר אפי' קלענערע פעימענטס אויך).
5) די צוויי עלטערן פון חתן – כלה וועלן זיין די ערשטע 2 ערבים, און נאך 2 ערבים העכער 30 יאר אלט, און נאך 2 ערבים.
6) מען וועט אונטערשרייבן א צעטל אז די גמ"ח וועט קענען נעמען פון די וועיטשעס אדער פון די כולל געלט אויב עס ווערט נישט באצאלט די גמ"ח פעימענט אפאר חדשים.
7) מען וועט קענען ארויסנעמען די הלוואה און איינלייגן העד-טשעקס, אדער וועט מען קענען באצאלן מיט אויטאמאטישע קרעדיט קארד פעימענטס.
8) ווען מען האט איבעריגע געלט נאך די חתונה וועט מען קענען פאראויס אויסצאלן די הלוואה.
9) ווען חתן – כלה וועט בע"ה חתונה מאכן 20 יאר ארום זייערע אייגענע קינדער וועלן זיי זיך שפארן די חתונה פעקעדזש מיט די חתונה נאכט פון מערערע קינדער, ווי די קינדער וועלן עס אויך אליין באצאלן. (ד.מ. אז זיי גייען שפארן פון זייער "לעבן בודזשעט" ארום 300,000.00$).
ווער עס האט סיי וועלעכע קאמאנטארן אדער פארשלאגן זאל עס ביטע מעלדן פאר די עסקנים כדי מיר זאלן קענען ענדיגן די פערטיגע "נייע חתונה פלאן" און עס זאל ווי שנעלער אריינגיין אין קראפט, און אזוי פארלייכטערן אלע מחותנים בעת שמחתם.
די ארגאניזאציע וויל הערן פונעם ציבור פארשלאגן און עצות אדער איידיעס איבער די דאזיגע פלאן.
ביטע שיקן צו
[email protected]
פון ווי זאל זיין טאטע יא האבן דע געלט ?! און נישט נאר איינמאל ! 
